رواية عشقت ضابط جيش (متكمله جميع الفصول)
يااااالهوى ..
يخرب بيت جمال عنيك
- نعم ...
- نعم ايه بس هو انت ابوك .. قصدى امك كانت بتتوحم على ايه علشان تجيب العيون دى
- ( بضحكه رجوليه جميله )
- لا دا كدا كتير .. وكمان الضحكه .
( كل هذا الحوار فى اقل من نص دقيقه ).
وفجأه
- يالهوى ايه اللى انا بقوله دا .. وتجرى من امامه .
- هو (بضحك) يأنسه طب اسمك طيب .
وتختفى عنه فى وسط الناس .
- وتجرى هى لتدخل احدى خيم الاطفال وتجلس وهى تضع يدها على قلبها .
وتتذكر عيونه وهى تهمس لنفسها ( ايه كتله الرجوله دى .. استغفر الله العظيم ايه اللى انا بقوله دا ) واثناء حديثها مع نفسها .. تدخل عليها صديقة عمرها تنادى عليها
(ريم .. يارررريم )
STOOOOOP
👈 ريم حسين الزيادى .. الابنه الوحيده على ولدين للواء حسين الزيادى ( ودا هنتعرف عليه فى الاحداث ) ريم خريجه ( تربيه قسم طفوله ) مع انها كانت جايبه مجموع يدخله كليه طب بس هى فضلت تتعامل مع الاطفال ودايما تقول عليهم ملايكه ( تعالى شوفى ولادى ياختى ... ما علينا) ودايما تقول انا موهوبه فى التعامل مع الاطفال .
وبعد التخرج فتحت حضانه هى وصديقتها منى .
وهما دلوقتى فى عيد ميلاد سليم ابن اخوها عماد او ( عمده ) كما تناديه .
- عماد ضابط برتبه مقدم فى الجيش فى سيناء ( ربنا يحميها ويحمى مصر كلها ) لسه منقول سيناء من ٤ شهور ... وهى المنظمه للحفل .
BAAAAAK
منى / فيه ايه يا هبله انتى قاعده كده ليه .
ريم / الحقينى يامنى .. انا اتحمرشت بواحد .
منى بخضه وضحك / قولى عملتى ايه ياسبب تخلفى العقلى
ريم / مانتى لو كنتى مكانى وشوفتى عيونه ولا ضحكته ولا طوله ولا عرضه .. كنتى هتعملى زيى واكتر ... مش بعيد كنتى جبتى المأذون .
منى بلطمه خفيفه على خدها / قولى يا سبب نكبتى فى الحياه .
( وتقص ريم على منى ما حدث عندما رأت المدعو بفارس احلامها )
منى / الطم .. اصوت .. اشد فى شعرى واطلع اجرى والعيال تجرى ورايا ويقولوا الهبله اهه العبيطه اهه .
ريم بضحكه عبيطه / تصدقى هيبقى شكلك احلى .
منى بغيظ / بت انتى اتكتمى وخلينا نشوف المصيبه اللى انتى عملتيها دى .
وبالخارج ريهام زوجه عماد اخو ريم تبحث عنها ٠
منى / اخلصى نتكلم فى الموضوع بعدين
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
