رواية زوجتي كوابس الفصل الحادي عشر 11 بقلم مي علي
زوجتي كوابس
الفصل الحادي عشر
الكاتبة مي علي
تفاعل عالي بقي
وسامحوني ع التأخير
حسام راح يقابل الراجل
زي ما بعتله
ودخل الجنينه
وقعد
وطلب منه يفهمه الموضوع
وبعد تنهيد كتير بدأ يحكي وقال ...
كنا شغالين احنا الاتنين ف شركه جد كوابس
والد امها
وكنت أنا سكرتيره الخاص ومراد كان الكلب اللي ف ديله ليل نهار
بيروح معاه كل مكان
انا بظبط علاقاته ف المكتب
ومراد بره معاه
المهم عمران بيه ابو والده كوابس كان عنده ثروه بالملايين وكلها هتروح لبنته الوحيده
نظرا لأنه كان ناوي يكتبلها كل حاجه بيع وشرا
عشان محدش من عيلته يقاسمها
لانه مكنش بيحبهم وعارف أنهم هيبهدلوها
والكلام ده عرفه مراد لما سمع عمران بيتكلم مع المحامي بتاعه ف الموضوع ده
ومن هنا جتله الفكره
اللي هيتجوز البنت دي هو اللي هيبقي معاه كل حاجه
وهيتمتع بكل الثروه
وده كان طبع مراد
نظرا لأن انا وهو كنا نعرف بعض كويس
وبدأ يجمع معلومات عنها
ويحاول يحرب عليها
كانت تخينه شويه ومحتاجه اهتمام
وحب وكل شئ
فبدأ يعمل ده
وانا كنت ملاحظ ده
بالذات لما كانت بتيجي الشركه
لكنها كانت كارفاه وعينها مش عليه نهائي
وف الوقت اللي هي كانت بتكرفه كانت بتيجي تقعد معايا وتتكلم
معايا
وده خلاه يموت
طبعا انا مكنتش اعرف ده او ليه السبب ف الأول
ولا كانت تفرق معايا اصلا
وف الفتره دي كان الأول بيتعامل بوحشيه
وبعدين الوضع اتبدل
وبدأ يقنعني بكلام كده وأنها عينها عليا
وتخيل لو دي بصتلك وانت حبيتها وبصتلها واتجوزتها
وكل الثروه جتلك وعرفني الحكاية بتاعت المحامي
انا منكرش أن دي كانت فرصه حلوه كتفكير
بس انا افتكرته بيهزر ومكنش ف دماغي الموضوع ده كله
لكن مع الوقت هي كانت بتبين وانا ابتديت الاحظ كلامه لا وأصدق كمان
وهو بقي بيضغط وبيزن ويملي دماغي بالكلام
منكرش اني حبيتها
بس كلامه لياا عن الفلوس والثوره عماني
حتي مكنتش وقتها مستوعب هو هيستفيد اي
لحد ما يوم قررت اني اروح اتقدم لها فعلا
وكانت خطوه مش محسوبه
هو شجعني عليها
وقالي ادخل من الباب كحسن نيه
واترفضت
ومش بطريقه عاديه لا
اترميت بره وبقيت بتطاول علي أسيادي وباكل دماغ البنت
وكلام كتير كده
الموضوع تعبني اوي
وبعد يومين قولت مش مشكله هروح اشوف الدنيا ف الشغل الأمن رفض يدخلني
وعرفت اني اترفدت
مكنتش اعرف وقتها ليه كل ده
بس انا عارف دلوقتي ده ليه
هو اللي ملي دماغ الراجل وفهمه اني بحوم حوالين بنته لا وكمان كان بيسجلي كلام ف الأول لما كنت بتكلم عن فلوسها
انا عرفت الكلام ده منه هو بعدين
وهحكيلك أمتي بالظبط
المهم مبقتش عارف اعمل اي وقتها
واستنجدت بيه
وهو عمل محموق وازاي يعمل كده
وسخني علي الراجل
ازاي اسكت وكرامتي وكل الكلام ده
ف الدم غلي ف عروقي
وطلبت منه ينصحني قالي يبقي لازم تاخد حقك
وتكسر مناخيره اللي ف السما
قولت ازاي
وضحلي الفكره وللاسف الضحيه فيها كانت ماجده
وانا وقتها كنت معمي
قالي لازم تلوي دراعه وتكسر مناخيره واجر رجلها
لحد ما تسلم
بعدها مش هيبقي ليه حجه هو اللي هيجري ورايا عشان اتجوزها
وفعلا عملت ده وبقيت انفذ كلامه بالحرف الواحد
وقعدت شهور بحاول اثبتلها حبي واني شاريها
وهي كانت بتحبني اوي
وانا رسمت الحب وعملت كل حاجه عشانها
وبدأت هي تقدم تنازلات
بدايتها أنها بدأت تكدب عشان تقابلني
وكنا بنتقابل بره
حبه بحبه بقيت أقرب منها
حبه بحبه بقينا بنتقابل ف مكان
هو اللي جابهولي نتقابل فيه
المشكله ان كنت غبي اوي لدرجه اني مدتش خوانه
كل كلامه بس كان اني لما اوصل
منسهوش ف قرشين
وانا وافقت علي حاجه اصلا مملكهاش
من هنا لهنا
الموضوع تطور اوي
لحد ما الفاس وقعت في الراس
ولقيت ماجده بتفاجئني أنها حامل
اتجننت ومبقتش عارف اعمل اي
الموضوع فلت مني اوي ولقيتني غلطت جامد
ومبقناش عارفين نعمل اي
قولتلها تنزله ساعتها نصحني أنه لا
وخليها تثبته
وتهرب معايا ونلوي دراع الراجل
طب لو موتها قالي لا بنته الوحيده وهيخاف علي اسمه وسمعته
وبقت هي مضغوطه وليل نهار بتعيط وانا بحاول أثبتها اني هتصرف
ودخلت ف شهرين حمل
وانا مش عارف اتحرك
لحد ما فيوم لقيته جايلي
ووشه مخطوف وبيقولي أنه مراد بيه عرف وأنه كان هيموتها وأنها ف المستشفي
قولتله عرفت منين قالي مجاش وروحت اسال البواب حكالي اللي حصل ف استنتجت
جيت اقولك
قولتله يا نهار اسود هنعمل اي دلوقتي
قالي أثبت متخفش انا هنا هعمل نفسي اني عارف الموضوع وهحاول أهديه واحاول اقنعه يستر عليها
طبعا كل ده كان كدب وعرفت بعد كده
ان هو بعتله فيديوهات لينا سوا ف المكان اللي كنا فيه مع بعض
والأكبر من كده أنه بعتهالو باسمي ومعاه جواب
علي لساني بهدده فيه وبعرفه حقيقه بنته وابقي قابلني وكلام كده
- يا نهار اسود
كمل كمل
- بس قالي اختفي وخليه هو اللي يلف وراك ويترجاك ويبوس جزمتك تتجوزها
اوعي تظهر لحد ما اضمن أنه مش هيقتلك لأن وارد دلوقتي ده يحصل
واداني فلوس وخلاني ابعد
عن البيت واي مكان اعرفه
وانا زي الاهبل صدقت وقولت الأمور ماشيه تمام
وهو طمني
سمعت الراجل وبتاع
الكلب بعد كده بقي يبعتله كلام تهديد وحاجات كده
واختفيت وهو كمان اختفي
ولما طول اوي ومبقاش بيرد
رجعت وكانت أسوأ حاجه ف حياتي لقيته متجوزها
- نعم !!
- اه متجوزها
- ازاي
- لعب عليه لعبه
بالتهديدات دي
والراجل كان بيدور عليا فعلا عشان اصلح غلطتي
بس البيه فهمه أنه عرف وان انا هربت وعملت كده عشان اكسر مناخيره
والي خلي الراجل يطمنله لما قاله هجبلك الفيديوهات اللي معاه لبنتك ونديله قرشين ويمشي
وفعلا سلمله الفيديوهات
ساعتها عرض عليه هو يستر عليها كجدعنه منه
ف الراجل وثق فيه من كذا موقف عمله
وجوزهاله
ولما رجعت بدأت افوق واكتشف الحوار ده
بعد ما كان الكلام وصل لبتنا لما الراجل دور عليا
وعيلتي شبه استعرو مني وقاطعوني
امي واخواتي البنات
واضطردت
دورت عليه ساعتها عشان انتقم منه
وحاولت اقابل الراجل وافهمه كل حاجه
لكن الوقت كان فات
ومراد كان سيطر علي الراجل
ووثق فيه جدا
ومعرفتش اوصل لابوها
لحد ما مراد جالي وعرض عليا يديني فلوس يسكتني بيها
وأنه عمل كل ده عشانها
وأنه كل حاجه باسمها حتي لو كنت اتجوزتها مكنتش هطول حاجه
وأنها مسأله وقت وكل الثروه دي هتبقي ليه
ساعتها معرفتش ازاي حقيقي
ومكنتش واثق فيه
لكن كل الادله كانت ضدي ومحدش هيصدقني وسكتني بالفلوس
وكل فتره يديني قرشين
منا بقيت مشرد بقي
ومليش متوه
وتعبت وبقيت بسكر واشرب لحد ما اتعمي وانام من كتر دماغي مموتاني
مش عارف اخرتها اي
ولا هنروح علي فين
لحد ما انصدمت بخبر وفاة ماجده
وهي بتولد ف الشهر السابع
الحوار مدخلش دماغي
وقتها رحتله وحسيت أنه هو اللي ورا الموضوع بس مكنش في دليل
طلبت اشوف بنتي رفض
واداني فلوس وقالي هيسفرني بعيد عن هنا
بس انا رفضت
حاولت اعمل حاجه معرفتش
فقولتله هات الفلوس
ومشيت وكان مسكتني كل الوقت ده
لكن بدأت اكبر وافوق ودماغي تفوق
وحظه وقعوا تحت ايدي ودورت وراه كتير كتير اوي
وكنت براقب تحركاته مع كوابس
وكنت لسه بظهرله كل شويه بس المره دي بقيت بهدده باني هقولها
وكالعادة سكتني بالفلوس
بس المره دي اخدت الفلوس عشان اعرف اعمل حاجه اتبعه بيها
واحط ناس تراقبه وتجبلي حاجات ليه من قلب مكتبه
وقدرت فعلا اعمل ده
ومن ضمن البلاوي اللي عرفتها
علاقتها بالدكتور المؤذي دكتور العيله
اللي كان سبب في تخليص الجنين
بس موت الام بفعل فاعل
واللي هو نفسه اللي كاتب ادويه لكوابس تخليها مريضه وهتموت
وتعملها حاله الاغمي اللي بتنشط الخلايا عندها
واللي مراد عاوز يعمله فيها عشان يخلص منها
- ازاي وليه مش اخد كل حاجه
- لا اللي عرفته أن جد كوابس قبل ميموت كان شاف تصرفات كتير من مراد بالذات بعد موت بنته
لما سلمه كل حاجه بالنيابه عنه
ولما مراد اتجوز وخلف
وهو كان رافض ده أنه يجيب واحده تعامل بنت بنته وحش
لكن مراد كان بيستهين بيه
بس الراجل كان واعي لاخر لحظه ونيم مراد
ونقل كل حاجه لبنت بنته بعيد عن وصاية مراد وعياله ومراته
ووصي المحامي يشرف علي كل حاجه باعتبار كوابس هي اللي ليها كل ده
ويسلم الوصايه لناس تانيه تقف جمب كوابس وتتابعها
وطبعا كل حاجه هتروحله لما كوابس تموت
وهي كده كده لو فضلت علي الوضع ده هتموت
بس قبل متموت
يكسب رضاها ويوريها أنه بابا الحنين اللي بيعمل كل حاجه لأسعادها
وجابك انت يغطي علي عمايله بيك ف سبيل اسعادها
وعشان محدش يخش يتحكم
عمل فيك الحوار ده كله
انا حاولت اوصلك وقتها وكنت براقبك
لكنك اتدبست وانا قولت كويس اوي
علي ما اقدر اجمع نفسي وارجع من تاني
بس المره دي ناوي اوديه ف داهيه
وبجمع الادله اللي تثبت كل كلامي ده
اخر ايامي حاسس اني هقابل وجه رب كريم
أذنبت ف حق نفسي وحق الست اللي وثقت فيا
وبنتي اللي براقبها من بعيد
وكلنا لعبه ف ايد كلب يعمل كل شيء عشان يوصل
وللأسف طلع اذكي مننا كلنا
- وانا اي يخليني اصدقك
- مقدمكش حل تاني
انا عاوز الحق بنتي
حاول تمنعها تاخد الادويه دي
لو مش مصدقني حلل اي حبوب من اللي بتاخدها
هتلاقيها بتدمر الهرمونات والخلايا
وبتأثر ع الأعصاب ومع الوقت كوابس هتموت
وهتدمر
- انا مش قادر استوعب ازاي قدر يعمل ده
- قدر للاسف قدر
وللأسف انا اتخاذلت وكان لازم اموته
واحد فينا لازم يقتل التاني من زمان
- وهو فعلا عاوز ده
ويستخدمني أنا
- انا مش عارف اقولك اي
- متقولش حاجه
انا عندي فكره
انا معاك نجيب حقكو كلكو وحقي
جنب الادله اللي انت هتجبها
أنا عندي فكره
هتجيب رجله ف ستين داهيه
- فكره اي
- اسمع ....
تفتكرو اي الخطه اللي ممكن تلحقهم فكرو كده وروني الابداع والتفاعل بقي ورأيكم
الكاتبه مي علي
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
