رواية زواج بالخطأ الفصل الثاني
شكرا على التفاعل القمر ❤️ البارت الثانى
مصطفى ببرود : دى ريتال خطيبتى
رهف : حصلنا القرف وبصدمه نننننعم خطيبتك!!!!؟؟
مصطفى : أيوه خطيبتى وبنحب بعض من قبل ماشوفك أصلا
رهف مسكت نفسها واتكلمت ببرود : اها مبروك بس تصدق انكم شبهه بعض فعلا وياريت بقا تكون زياره خفيفه عشان ارتاح فى بيتى
وسابتهم ودخلت
مصطفى اتغاظ من رد فعلها
ريتال بغضب : انت ازاى تسيبها تكلمنى بالأسلوب ده
مصطفى : انا ليا صرفه تانى معاها
ريتال بدلع : طب ايه احنا هنفضل واقفين كده كتير
مصطفى بضيق : ريتال معلش تعالى أوصلك ويوم تانى هنيجي نقعد براحتنا
ريتال بضجر : انت خوفت منها ولا ايه
مصطفى بغضب : ريتااال في ايه اظبطى كده يلا قدامى
ريتال بغيظ : تمام
أخدها وخرجوا ورهف كانت فى أوضتها
رهف بغيظ : بقا يجيب بنت المبقعه دي هنا عشان يعنى يعرفنى بيها يكش تو"لع انت وهى يابعيد
فى الوقت ده تلفونها رن برقم والدها بصتله بضيق وردت
رهف : ألو
محمد (والدها) : ايه يارهف عامله ايه
رهف بضيق : تمام الحمد لله
محمد : لسه برضوا زعلانه منى
رهف بسخريه : وهتفرق معاك كتير مش نفذت ال انت عايزه
محمد : يابنتى افهميني انا
رهف بجمود : ياريت متتكلمش فى الموضوع ده تانى خلاص انا رضيت بنصيبى وخلاص هقفل مع حضرتك عشان هاحضر الغدا
قفلت معاه ودموعها نزلت بحزن على حالها
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
فى المساء
مصطفى : يارهف فين الكتاب ال كان هنا
رهف بتفكير : اممم ايوه خدته كنت بقرأ فيه هخلصه النهارده واجيبهولك
مصطفى فضل متنح ليها كانت لابسه بيچامه رقيقه جدا ومسيبه شعرها وماسكه المچ بتاع النسكافيه وبتتفرج على التلفزيون
مصطفى بتوتر : احم ماتيجي نقعد فى البلكونه شويه
رهف بصتله برفعة حاجب : ايه غير حالك مش كنت مش عايز تشوف وشى
مصطفى بتوتر : ع على فكره انا مقولتش كده انتى ال قررتى كده وبعدين احنا عايشين فى بيت واحد فيها ايه لما نقعد مع بعض يعنى
رهف : ماشى يلا
وقامت ولسه هتدخل مصطفى مسك أيدها وقال بعصبيه : انتى هتدخلى كده
رهف : كده ال هو ازاى
مصطفى بغضب : بشعرك وبالهدوم دي ايه متجوزه سوسن ادخلى البسي إسدال
رهف بصتله بخبث وقالت : بتغير
مصطفى بتوتر حاول يداريه : ولا غيره ولا زفت دى مسألة كرامه
رهف : اممم تمام
دخلت أوضتها وهو دخل البلكونه ينتظرها وبعد وقت خرجت وكانت معاها قهوه و
لابسه الاسدال قعدت قدامه بهدوء وبصت على الشارع مصطفى كان مركز على ملامحها الهاديه الحزينه بس قاطعه من تركيزه صوتها وهى بتقول بوجع مكتوم : بتحبها ؟؟
مصطفى باستغراب : هى مين ؟؟
رهف بسخريه : خطيبتك
مصطفى : ايوه
رهف : ووافقت تتجوزنى ليه
مصطفى : انتى عارفه أن كله جه غلط أصلا بسبب والدى ووالدك بسبب الشراكه ال بينهم
رهف : فعلا كله جه غلط هنتطلق امتى
مصطفى بصدمه حاول يداريها : نتطلق !!؟ احنا لسه متجوزين امبارح يعنى لسه مش هنفكر في الموضوع ده دلوقتى
رهف : بس انا عايزه أعرف عشان احدد هعمل ايه فى حياتى بعد لما أخد لقب مطلقه
مصطفى قام وقف بعصبيه : يوووه قولتلك مش دلوقتى ايه النكد ده انا داخل انام
دخل وهى بصتله بخبث ودخلت هى كمان أوضتها ونامت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ريتال بغضب : بقولك بقااا يتجاهلنى من وقت ماتجوز ست زفته دى
تالا : خلاص يابنتى فكك انتي مش بتحبيه أصلا
ريتال : أبدا مش هسيبه ليها أبدااا
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
رهف كانت بتتكلم فى التلفون وبتضحك ومصطفى سمعها وقرب أكتر عشان يركز
رهف بضحك : والله وحشتنى يابنى ووحشنى كلامك جدا هتنزل مصر امتى
مصطفى دخل وكان باين على وشه الغضب
مصطفى بعصبيه : رهفففف بتكلمى مين ؟؟؟
