رواية يالطيف يالطيف الفصل الثاني
يالطيف يالطيف✨♥️
البارت التانى🌼✨
فتحت الباب ولقيت واحد واقف وف ايده بوكس كبير ملفوف بأبيض وأحمر وبيقولى اتفضلى استغربت ..
نعم ودا ايه بقا ..
معرفش بافندم دا اوردر جاى لحضرتك مش دى شقه سوما
اه
طيب بعد اذنك يافندم اتفضلى الحاجه علشان همشى
تمام اتفضل .
.
هديه جايبلى هديه بتاع ايه ومين دا أصلا مكملتش الكلام والفون رن
الو
دى احسن الو سمعتها ف حياتى
نعم انت هتهزر مين
انا اللى دايب ف عنيكى وحابب تفاصيلك وطالب من وردتى انها تفتح علشان دبلت
لا دا انت فاضى بقا هتقول عايز ايه ولا اقفل
لا تقفلى ايه طيب افتحى الهديه كدا
وانا افتحها بتاع ايه وتبعتلى هديه ليه أصلا وبصفتك أيه
بصفتى جوزك
نعم جوز مين انت هتستعبط ولا ايه
اه اسمى جود خليكى فاكره كده اسم جوزك ف المستقبل ان شاء الله وف قرب وقت
لا دا انت شكلك شارب بقا
قفلت التليفون ف وشه بس الفضول هيق*تلنى وأعرف مين فضلت واقفه باصه للبوكس وبفكر يطلع مين دا
انتى واقفه متنحاله كدا ليه. ومين جابه اصلا
معرفش يامريم ومش عارفه ف ايه
طيب افتحيه كدا واهو نشوف
ماشى
قربت عليه وفتحته ومديت أيدى خرج ف أيدى سلسله ع شكل ورده وف نص الورده زرار بدوس ع الزرار لقيت فروعها كلها اتفتحت وظهر فيها صوره ليا وانا بضحك وصوره وانا باصه لحد ومكشره وصوره وانا ماسكه فستانى الاحمر وبضحك بفرحه وف صوره وانا معيطه ..
كملت تدوير ف البوكس وانا مصدومه الصور دى كلها كانت امتا وجابها ازاى ومين دا اللى قريب منى بالطريقه دى ويعرف يصورنى كدا ..
خرجت برواز كبير ف صوره ليا مرسومه ومكتوب عليها .."كونى لى ورده وأكن لكى مراعيها ومدللها يامدللتى "
بقيت واقفه ولا حوله ولا قوه ومش عارفه انطق اقول ايه مين اللى بيعمل دا كله ومنين بيقولى جوزك
ياسيدى ياسيدى دا مين العاشق الولهان دا .
مريم مش ناقصه انا هنجنن ايه دا كله وعارفنى منين دا يامريم بيقولى جوزك المستقبلى جوزى ايه وبيحبنى الحب دا كله امتا وازاى .
شكله واقع يابنتى مش بيحبك بس وبعدين الحاجه تحفه زوقه جامد ومحتفظ بصورك ازاى
لا انا لازم اوقفه عند حده انا ست متجوزه وهو باين عليه مش ف واعيه ..
بس
ما بسش مش هنتكلم ف اسطوانه كل يوم عارفه ان عماد مات بس انا هفضل ع ذكراه ومش هتجوز ولا راجل هيدخل حياتى بعده انا نازله الشغل سلام .
روحت الشغل وكالعاده اه انا شغاله شركه برمجه كمبيوتر وانا مهندسه كمبيوتر ..
منك لله يابتاع جوزك انت اهو بسببك اتاخرت ع الشغل نص ساعه وانا مكملتش فيه اسبوع هطرد من قبلها كده .
اليوم خلص زى اي يوم وروحت البيت بليل دخلت غيرت هدومى ولبست واستنيت مريم تنام .مش هقول نسيت اللى حصل الصبح انا طول اليوم بفكر يطلع مين دا وبتاع ايه ..
يوو بقا انا هوجع دماغى ليه انا هقوم
اتسحبت زى كل يوم وخرجت الساعه زى العاده بعد ١٢ركبت تاكسى من اول الشارع وروحت المكان المعتاد
دخلت وفضلت فيه لحد ما حسيت انى ارتاحت وانا خارجه افتكرت لما قالى انه بيراقبنى وبيفضل معايه لحد ما اروح وسرحت تانى
.
ما حستش غير بحد بيشد ايدى وبيقول
الحلوه ماشيه لوحدها ليه دلوقتى .
انت عبيط اوعى ايدك كده
رد التانى يوعا ايده ايه بس دا انتى جايه معانا ياحلوه
انا لسانى مربوط ومش عارفه اتصرف وخطر ع بالى ع طول اسمه وناديت ب أعلى صوتى ياجود مكملتش الكلمه ولقيت حد جى من بعيد وبيمد ماحستش بحاجه بعد كده غير وانا واقفه وواحد طويل عريض واقف وباين عليه بيزعقلى اه والله شكله بيزعقلى ايه دا وف ناس مرميه ف الارض هو ايه اللى حصل ؟
ع فكره عارف انى حلو بس مش لدرجه انك تفقدى النطق وعينك تثبت كل الفتره دى عليا
ها
ها ايه يخربيتك تعالى ومسك ايدى
هو عبيط دا ولا ايه يمسك أيدى بتاع ايه
اوعا يااض ايدك دي
يااض ف واحده جميله حده تقول ياض .
اوعا كده شكرا لخدماتك لحد كده انا ماشيه واتفضل امشى بقا
امشى انتى مابتحرميش انا هوصلك سامعه ويلا قدامى
بس
ولا حرف يلا ولا عايزه حد يطلع عليكى تانى ..
مشيت معاه وركبت العربيه ومشى .
وحدووو ياسوما
بصيتلو بقرف وسكت
هو انتى مش مسلمه ولا ايه يابت
بت ف عينك ..
هقصهولك قريب
هو ايه دا .
لسانك اللى عايز قط*عه امسكى اشربى العصير دا يروق اعصابك
متشكرين
بقولك خدى مش باخد رايك وكمل بزعيق امسكى
اتنطرت من ع الكرسى واتخضيت من عصبيته ياماما هو انا خوفت ليا
اخدت وشربته
تانى يوم
اه اه يادماغى هو انا فين
ياصباخ الخير ياسومتى كل دا نوم اهلا بيكى ف بيت جوزك مش قولتلك هعملها واهو عملتها مبروووك ياعروستى
جوزك وعروستى نعممممم
بدل ماتدور وتبحث علي الروايات خليها علي تليفونك وحمل تطبيقنا
