رواية اوتار القلب الفصل السادس 6 بقلم ريناد احمد
*البارت السادس*
زين : تحب اقولك اخر جمله انت قولتهالي؟
زياد بحزن : عارفها .. قولتها غصب عني
زين : انا هقولهالك بقا .. انا مش عايز اعرفك تاني يا زياد انت .. واختك
اروى بصدمة : ايه !
زياد : لا يا زين انا موافق انك تبعد عني بس اروى لا .. اروى حبتك واتعلقت بيك
اروى واقفه مذهولة من كلامهم وكادت أن تنفجر من البكاء ولكنها تمسكت ووقالت بقوة مصطنعة : يلا يا زياد .. يلا بينا من هنا .. ووجهت كلامها لزين : اتفضل يا مستر زين دي فلوس الدرس اللي مكنتش بتاخدها مني .. حقك وخدته ارجوك مش عايزه اشوف وشك تاني ..
زين ببرود مصطنع : مش واخد حاجة اعتبري انك مكنتيش عندي .. اتفضلوا
اروى حطت الفلوس على المكتب : يلا يا زياد
زياد : استنيني تحت وخدي مفتاح العربيه اهو اقعدي فيها
اروى نزلت بالفعل
زياد : ايه اللي انت بتعمله ده يا زين .. اللي بتعمله ده مينفعش .. هي وثقت فيك وحبتك وانت تجرحها بسببي .. اعتبرني مش اخوها .. اروى دي عندي بالدنيا يا زين .. هي ملهاش حد غيري انا واختها وحالتها النفسيه وحشه ع طول .. فكر تاني يا زين .. سلام
زين لنفسه بحزن : ايه اللي هببته ده يا زين
- انت مش بتاع الكلام ده يا زين انك توعد وتخلف
- مشكلتك مع اخوها مش معاها
- حرام عليك اللي عملته فيها
زين لنفسه : انا كلامي صح ومتأكد من كده كويس .. اللي يحصل يحصل بقا مش هرجعلها ...
زياد نزل ورأى اروى تبكي بحرقة
اروى عندما رأت زياد مسحت دموعها وقالت بقوة مزيفه : اتأخرت ليه
زياد بحزن : شوفتك على فكره
اروى انفجرت من البكاء مره اخرى : انا ليه بقع في ناس بتجرحني كده
زياد بحزن : ....
فجأه اروى اغمى عليها من البكاء
زياد : اروى .. اروىىىى
زين سمع صوته لأنهم مازالوا في السياره أمام الدرس
زين رآهم من الشباك ووجد زياد يحاول أن يفوّق اروى
زين ركض ونزل لهم بزجاجة مياه
زين بخوف : اروى .. اروى .. فوقي
زياد نظر لزين بحزن : ....
زين فتح زجاجة المياه وسكب مياه على وجهها
اروى فاقت ونظرت لزين بحزن وبعدها نظرت لزياد : احنا لسه واقفين هنا ! ما تمشي يا زياد يلا
زين : اتفضلوا
اروى لن تنظر له حتى وزياد قاد السيارة
زياد : عندك دروس ؟
اروى أشارت بالايجابية
زياد : فين
اروى وصفت له الطريق
زياد اوصلها : اروى امسحي دموعك ومتبينيش انك ضعيفة
اروى ابتسمت ولكن عينيها مليئة بالحزن : طول مانت معايا عمري ما هكون ضعيفة يا زوز
زياد بحزن : حبيبتي ربنا يخليكي ليا
اروى عانقته ونزلت من السياره
اروى مع هدى وريم ومريم في درس الانجليزي قبل ما الحصة تبدأ
ريم : مالك يا اروى
مريم : مش على بعضك ليه
هدى بمزح : مستر زين متخانق معاكي ولا ايه
اروى كانت شاردة وتتذكر ما حدث
مريم وريم وهدى في نفس واحد : اروىىىىى
اروى : ايه في ايه
مريم : مالك يا بنتي في ايه زين مزعلك ؟
اروى : سيبنا بعض
هدى وريم ومريم : ايييييه !
اروى : عادي في ايه
هدى : كل الحزن اللي في عينيكي ده عادي !
اروى لم تستطع حبس دموعها وانفجرت من البكاء : انا مش عارفه ازاي قدر يجرحني بالطريقه دي
ريم : احكي وفضفضي يا اروى احكي
اروى حكت لهم ما حدث
اروى : انا كل اللي فهمته من خناقتهم أنهم اتخانقوا بسبب بنت كان بيحبها زياد مفهمتش غير كده .. المهم انا مالي بالموضوع .. علقني بيه وغدر بيا وسابني .. اكيد مكنش بيحبني دي كانت لعبه وتسلية واهو زهق من التسليه خلاص
هدى عانقتها بحنان : اهدي يا اروى .. كل حاجه هتتحل
اروى ببكاء : كل حاجه انتهت مش هتتحل .. انا اللي غبيه وصدقته واتعلقت بيه
ريم : متقوليش كده .. انت اكيد مكنتيش هتعرفي تتحكمي في مشاعرك
مريم : هو اللي غدار مش انت اللي غبيه
هدى : المستر دخل اهدوا وبعدها هدى مسكت يد اروى بقوة وكأنها تطمئنها
وانتهت الحصة على خير
هدى : انا هوصلها روحوا انتوا
اروى : لا انا هروح لوحدي
هدى : انا رخمه ومش هسيبك كده
اروى ابتسمت : شكرا يا هدى .. بجد شكرا
هدى بابتسامه : بس يا هبله يلا بينا
واوصلتها لبيتها
هدى : كلميني بليل هه يلا باي يا روري
اروى : باي يا دودو
اروى صعدت لبيتها وهي تفكر في موقف زين وزياد وشارده
لينا : روري .. تعالي شوفي انا عملت ايه
اروى ذاهبة لغرفتها وهي مازالت تفكر
لينا : اروى
اروى : ...
لينا بقلق : اروى في ايه .. يا اروىىىىى
اروى : نعم
لينا : مالك
اروى تحاول حبس دموعها : كويسه يا ليلو كويسه
لينا بحزن : كويسه وكل الدموع دي في عيونك ؟ .. مالك يا حبيبتي
اروى ركضت عليها وعانقتها بشدة وانفجرت من البكاء : انا زعلانه اوي يا لينا .. مقهوره اوي من اللي بيحصلي
لينا : ايه اللي حصل احكيلي
اروى حكت لها ما حدث وهي تبكي
لينا : هتتحل يا اروى .. هتتحل يا حبيبتي متقلقيش
اروى : مش عارفه اعمل ايه يا لينا
لينا : روحي انت ارتاحي دلوقتي الاول
اروى أشارت بالايجابية
ودخلت غرفتها وأغلقت الباب بالمفتاح واخذت تبكي بحرقة
اروى ببكاء : انا عملت ايه عشان احب واحد زي ده .. انا عملت اييييه
وفتحت تليفونها وعملت لزين بلوك على الواتساب ....
____________________________
لا اله الا الله ♥️
جاء الليل وزين مازال يفكر بما فعله
زين لنفسه : يا ترى انا غلطت ولا انا كده صح .. انا مبقتش عارف اعمل حاجه ليه
مازن "صديق زين" : مالك يا زين مش على بعضك ليه
زين : هحكيلك وتقولي حل
وحكى له ما حدث
مازن : انت غلطان جدا على فكره .. ايه اللي انت هببته ده يا زين
زين بحزن : اهو ده اللي حصل يا مازن مش عارف اعمل ايه
مازن : ادخل كلمها على الواتساب دلوقتي واعتذرلها وهتروح تتقدملها ده اللي لازم تعمله ده لو بتحبها بجد
زين : حاضر
فتح الواتس وبعت لها
- اروى ، انا اسف انا عارف اني غلطت بس غصب عني .. اتمنى تسامحيني .. انا عايزك تتديني ميعاد وهاجي اتقدملك ومش هسيبك تاني ابدا
وأرسل الرساله ولكن اكتشف انها عملت له بلوك على الواتساب
زين : مازن ، هات موبايلك كده
مازن أعطاه موبايله
زين تأكد انها عملت له بلوك لأن صورتها ظهرت على تليفون مازن
زين : عملتلي بلوك واتساب يا مازن
مازن : جرب تتصل فون
زين اتصل عليها ووجد انها عملت له بلوك لمكالماته
زين : عملالي بلوك بردو
مازن : انا بجد مش عارف انت عملت فيها كده ليه .. ذنبها ايه أن زياد اخوها هي ملهاش ذنب
زين بغضب : غلطت يا مااازن غلطت وندمان بس مش هعرف اوصلها تاني كده .. انا هتصل بيها من عندك
وبالفعل اتصل بيها
____________________________
لا حول ولا قوة الا بالله ♥️
اروى لا تتوقف عن البكاء وحبست نفسها في غرفتها
وفجأة ووجدت رقم غريب يتصل بها
ف تركته اول وثاني مرة ف توقفت من البكاء وردت ثالث مره
اروى : اا الو
زين بحزن من نبرة صوتها : ....
اروى : الووو
زين : انا اسف .. سامحيني انا بحبك
اروى بصدمة : زين !!
زين : اه زين حبيبك سا....
اروى أغلقت المكالمة بسرعة
اروى : بعد كل ده جاي يتأسف وكمان من رقم غريب
وعملت للرقم بلوك
____________________________
استغفر الله الذي لا اله الا هو الحي القيوم و اتوب اليه ♥️
زين : قفلت يا مازن قفلت
مازن : اتصل تاني
زين اتصل ووجد انها عملت بلوك لرقم مازن
زين : عملت بلوك هنا كمان
مازن بحزن : طب ابقى كلمها بكرة برقمي التاني وكمان تكون هديت شوية
زين : تمام انا ماشي دلوقتي سلام
____________________________
سبحان الله♥️
باليوم التالي
اروى استيقظت وذهبت لدروسها وهي في قمة حزنها من الذي حدث
هدى : عملتي ايه
اروى : كلمني امبارح من رقم غريب وقفلت في وشه
ريم : ليه بس .. كنتي اسمعيه
اروى : مش طايقاه ومش طايقه كلمه منه
مريم : المفروض تديله فرصة
اروى : مش هيحصل ...
وبعد انتهاء الدرس وجدت رقم غريب يتصل
اروى : السلام عليكم
زين : وعليكم السلام .. ممكن تسمعيني !
اروى : لا
زين : لا يا اروى هتسمعيني .. وغصب عنك
اروى : مانا ممكن اقفل عادي
زين : لو عملتيها هعمل حاجات مش هتعجبك يا اروى خدي بالك
اروى : مش انت قولت مش عايز تعرفني .. بتكلمني ليه ولا انت مش قد كلمتك !
زين : بصي عشان عصبيتي وحشه ف متعصبنيش لكن ع العموم في كلمه تانيه انا قولتها وهبقى قدها استني عليا
واغلق المكالمة ...
اروى بعدم فهم : هيعمل ايه ده
____________________________
لا اله الا انت سبحانك اني كنت من الظالمين ♥️
بعد اسبوع
زياد : اروى ، متقدملك عريس
اروى : انا ف 3 ث يا زياد
زياد : خطوبه بس حتى .. متخافيش ده حد انا واثق فيه .. وكمان عشان تنسي التاني
اروى بحزن : موافقه خليه ييجي وهشوف هيبقى في قبول ولا لا
زياد بفرحة : تمام
بعد يومين
لينا : يلا اجهزي يا حبي
اروى : حاضر
وجهزت ولبست فستان بيبي بلو وحطت ميكب هادي جدا وكانت زي القمر
اروى : ايه رأيكوا
زياد ولينا بانبهار : وااااو
اروى ضحكت على ريأكشنهم
زياد : زي القمر يا حبيبتي
لينا : جميله واكملت بضحك : طالعة لأختك هه
اروى بضحك : طبعا
قاطعهم رن الجرس
لينا : يلا تعالي ع الاوضه عقبال ما زياد يتكلم معاهم
ودخلوا الاوضه
فادي وعائلته : السلام عليكم
زياد : وعليكم السلام .. اتفضلوا .. عامل ايه يا فادي
فادي : الحمدلله ليك وحشه انت عامل ايه
زياد : الحمدلله
حاتم "والد فادي" : احنا يشرفنا نناسبك يا زياد
واتكلموا واتفقوا على أوامر الزواج
رانيا "والدة فادي" : عايزين نشوف العروسه بقا
زياد : اه لحظه اناديلها
ونادى لاروى بالفعل وخرجت من الغرفة
فادي وعائلته باندهاش : بسم الله ما شاء الله زي القمر
رانيا : نسيب العرسان لوحدهم بقا
والكل ذهب لغرفه قريبه منهم وتبقى اروى وفادي
فادي : ازيك يا اروى
اروى : الحمدلله
فادي : عايزه تسألي على اي حاجة ؟
اروى : انت قريب من ربنا اهم حاجه ؟
فادي : اه الحمدلله
اروى : ده سؤالي بس .. انت عايز تسأل على حاجة ؟
فادي : في حد في حياتك ؟
اروى فرت من عينيها دمعة لكن مسحتها بسرعه : لا .. مفيش
فادي بفرحة : الحمدلله
بعد عدة دقائق زياد وعائلة فادي خرجوا من الغرفه
رانيا : خلصتوا ؟
فادي واروى أشاروا بالايجابيه
زياد : ايه رأيك يا اروى
اروى نظرت لزياد بحزن : ....
زياد فهم نظرتها : طب هيوصلكوا الرد بعد قرار اروى سيبوها تفكر
حاتم : تمام يا ابني .. نستأذن احنا
ومشوا بالفعل
زياد : ابلغهم بالرفض ؟
اروى : مش عارفه
زياد : حاسه ان في قبول ما بينك وبينه حتى لو بسيط ؟
اروى أشارت بالايجابية
لينا بفرحة : هبقى اخت العروسه
اروى ابتسمت : ...
زياد : لو من نصيبك كده كده هتتجوزيه
اروى : عارفه
زياد : ربنا يقدملك اللي فيه الخير يا حبيبتي
اروى ابتسمت ودخلت غرفتها
وتحدثت مع هدى وريم ومريم
وفرحوا لها أنها وجدت قبول بينهما
باليوم التالي
زياد أبلغ فاي وعائلته بالموافقة وحددوا ميعاد الخطوبة بعد يومين
زياد بفرحة : الخطوبه بعد يومين
اروى بصدمة : يومين !!!
زياد : اه في ايه
اروى : ايه السرعه دي .. ليه السرعة اصلا
زياد : هما اللي عايزين كده
اروى : تمام
بعد مرور يومين
لينا وهدى وريم ومريم كانوا بجانب اروى طوال الوقت حتى جهزت وكانت جميلة جدا
اروى : ليه الخطوبة في قاعة كنتوا خلوها ف البيت يا جماعه
لينا : اخوكي اللي عايز كده
زياد : خلصتوا !
لينا : اه يا زياد
زياد انبهر بجمالهم جميعا
زياد : يلا بينا ؟
الكل : يلا
وركبوا السيارة ووصلوا للقاعة
وفادي وعائلته وصلوا في نفس الوقت وعزموا ناس بسيطة من العائلتين
والكل كان سعيد الا اروى كانت تفكر طوال الوقت ب زين
وفجأة شخص مسك المايك وقال : الخطوبة دي عمرها ما هتكمل ......
يتبع ....
#اوتار_القلب
#يتبع
#بقلمي
#بقلم_ريناد_احمد
#البارت_السادس
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
