رواية شقيقتي للبيع الفصل التاسع 9بقلم محمد مالك
#رواية شقيقتي للبيع
#البارت_التاسع
للكاتب المصري محمد مالك
جميع الحقوق محفوظة
رؤوف يسافر الي فرنسا لاجراء بعض الفحوصات الطبية ليتأكد هل يعاني من مشاكل فعلا تمنعه من الانجاب ام لا وهو الان امام الطبيب الفرنسي يقرأ له نتيجة التحاليل ويبدوا انه حزين جدا ويجلس بجوار رؤوف سكرتير اعماله فوزي
رؤوف .. بيقول ايه الدكتور يا فوزي .. شكله كده ميطمنش !!
فوزي .. للأسف يا رؤوف بيه هو فعلا بيقول كلام يضايق ويزعل
رؤوف .. بيقول ايه .. اخلص !!
فوزي .. بيقول ان سيادتك عندك ضمور مولود بيه ومستحيل انك تخلف ابدا
رؤوف .. ايه !! انت متأكد من الكلام ده .. انت بتعرف فرنساوي كويس ولا اجيب مترجم يترجملي صح
فوزي ..ما سيادتك عارف اني بعرف ٣ لغات ومنهم الفرنساوي .. صدقني يا باشا ده اللي قاله الدكتور بالظبط
رؤوف .. يعني ايه ؟! اومال العيال ولاد حنان دول يبقوا ولاد مين ؟! ولاد مين يا فوزي.. ولا د مين ؟!
فوزي .. اهدي سعتك عشان صحتك
رؤوف .. اهدي ايه انت مجنون ؟!!.. بيقولك مبخلفش وعمري ما هاخلف .. يلا بينا ننزل مصر بسرعة
فوزي .. يلا يا باشا
ونذهب الي ناهد حيث ذهب اليها عماد اخو رؤوف ويبدوا انه حزين علي فراق زوجته واولاد
ناهد مندهشة .. عماد !!
عماد .. ازيك يا ناهد ؟
ناهد .. انا كويسة .. اتفضل
عماد يدخل وينظر في كل مكان في الشقة
عماد .. يااااه شقتك زي ما هي ما اتغيرتش !!
ناهد .. وايه اللي هيغيرها يا حسرة .. اهي شقة منحوسة طول عمرها زي صاحبتها !! اه فكرتني اقولك البقية في حياتك
عماد .. انتي عرفتي ؟!
ناهد .. ايوه عرفت .. ربنا يرحمهم ويصبرك
عماد .. انتي عرفتي انهم اتقتلوا في قصر رؤوف ؟!
ناهد .. ايوه عرفت .. نصيب بقي .. ربنا يرحمهم
عماد .. مش عارف ليه عندي احساس كبير ان قتلهم ده مجاش بالصدفة ابدا
ناهد ترتبك .. يعني ايه ؟!
عماد .. مش عارف حاسس ان فيه حاجة غلط في الموضوع
ناهد .. ولا غلط ولا حاجة انت عشان بس مش مصدق اللي حصل
عماد .. فعلا مش مصدق اللي حصل
ناهد .. بقولك ايه انسي كده وفرفش .. كلنا هنموت .. مقتولين بقي .. محروقين .. المهم كلنا هنموت في الاخر .. والانسان مبيعش غير مرة واحدة ياخويا .. عشان كده عاوزاك تنسي ولا حابب انسيك بطريقتي ؟! بصراحة انت واحشني اوي .. بقولك ايه .. لسه بتشرب وسكي ولا تحب اجيبلك شمانيا ؟
حنان تنتظر في احدي الكوفي شوب حيث هو العنوان الذي ارسلة اليها هذا الشخص المجهول لكي يخبرها بالحقيقة علي حسب قولة وفجأة تأتي سيدة وتدعي سماح
سماح .. انتي حنان ؟!
حنان .. ايوة انا .. انتي مين ؟
سماح .. انا سماح
حنان .. بس انا معرفكيش !!
سماح .. عارفة .. بس انا اعرفك كويس اوي .. المهم انتي بقي عاوزة تعرفي الحقيقة .. مش صح كده ؟
حنان .. حقيقة ايه ؟!
سماح .. حقيقة ولادك اللي هما طلعوا مش ولاد رؤوف
حنان .. هو انتي تبع الشخص اللي كلمني في التليفون ؟!
سماح .. ايوة بالظبط كده .. وجاية هنا عشان اريحك وتبطلي بقي لف وتعب ع الفاضي لأنك مش هتعرفي توصلي للحقيقة لو انا مقولتلكيش ايه هي
حنان .. وايه هي بقي الحقيقة وعايزة اعرف انتي واللي باعتك تعرفوني منين ؟!!
سماح .. اوك ..
ثم تفتح الشنطة وتخرج ظرف به مجموعة من الصور وتضعه امام حنان
حنان .. ايه ده ؟!
سماح .. مش عاوزة تعرفي الحقيقة ؟! افتحي الظرف وانتي هتعرفي كل حاجة
حنان مندهشة وبالفعل تفتح الظرف لتجد مجموعة من الصور تجمعها ب عماد اخو رؤوف وبعضها صور جريئة احضان وقبلات .. حنان في قمة الدهشة
حنان .. ايه الصور دي ؟!!
سماح .. ايه مش عارفة مين اللي في الصور معاكي ولا مستغربة ؟!
حنان .. ده عماد اخو رؤوف !!
سماح .. برافو .. هو ده بقي يا ستي ابو ولادك
حنان .. ايه !! مين ده اللي ابو ولادي ؟!
سماح .. عماد اخو رؤوف ..يبقي ابو ولادك يا حنان
حنان .. ايه اللي انتي بتقوليه ده ؟! انتي جاية تشتغليني يا ست انتي وجايبالي معاكي شوية صور مفبركة .. انتي مين اصلا ومين اللي باعتك وعايزين مني ايه ؟!!.. انا هاطلب البوليس
سماح .. اهدي علي نفسك شوية .. انا جاية هنا عشان اساعدك .. ومن غيري عمرك ما هتوصلي لحاجة .. لو شفتي حتي حلمة ودنك .. خدي نفس عميق كده واسترخي شوية
حنان ترمي بالصور في وجهها
حنان بغضب شديد .. امشي غوري من قدامي لأطلبلك البوليس دلوقتي حالا .. يالا
سماح .. حاضر .. زي ما تحبي بس قبل ما امشي عاوزاكي تبقي تفتحي الفلاشة دي هتلاقي عليها حاجة مهمة بالنسبة لك ..بس ابقي امسكي نفسك شوية لأن اللي عليها صعب عليكي اوي .. سلام
حنان تنظر الي الفلاشة متردده في اخذها ولكن بعد تفكير تقرر اخذها ثم تتنهد وتذهب حنان الي صديقتها
شيماء حزينة بائسة الذهول يحيط بها من كل مكان
حنان .. انا هاتجنن يا شيماء .. انا مش عارفة ايه اللي بيحصل ده انا مش قادرة استوعب كل اللي بيحصلي ده ؟! انا هموت مش قادرة استحمل بجد
شيماء .. اهدي يا حبيبتي .. الف بعد الشر عليكي .. بقولك ايه قومي خديلك شاور ودقايق والعشا هيكون جاهز
حنان .. لا مش عاوزة اكل خالص
شيماء .. وده ينفع برضه ؟! قومي بس خدي شاور الاول ونشوف حكاية الاكل دي بعدين
حنان .. طيب اتفرج ع الفلاشة دي اشوف فيها ايه ؟!
شيماء .. يا ستي الفلاشة مش هتطير .. قومي يلا اسمعي الكلام
حنان .. حاضر
وتذهب حنان لتأخذ شاور وشيماء يأخذها الفضول خوفا علي صديقتها التي اصبحت في حالة يرثي لها فتقوم بتشغيل الفلاشة فتفاجأ بشى صادم
شيماء .. يا لهوي .. ايه ده ؟!!
وفجاة تدخل حنان الغرفة فتقول .
حنان .. شيماء فين الشاور جيل .. ايه ده هو انتي شغلتي الفلاشة ؟!
شيماء مرتبكة تغلق اللاب توب بسرعة .. لا اناا مشغلتهاش لسة .. الشاور جيل اهوه
حنان .. شيماء انتي شغلتي الفلاشة .. وريني فيها ايه
شيماء .. صدقيني حاولت .. بس الفلاشة مش شغالة .. بقولك ايه الست دي شكلها نصابة وبتشتغلك
حنان .. شيماء .. وريني الفلاشة لو سمحتي وبلاش تعصبيني من فضلك
شيماء .. الفلاشة مش شغالة يا حنان
حنان .. انتي كدابة .. هاتي الفلاشة بقولك
شيماء .. ادي الفلاشة يا ستي .. وريني بقي هتاخديها ازاي
شيماء تبتلع الفلاشة وحنان تشاهد الموقف في ذهول وفجاة شيماء تشعر بالاختناق وتسعل بشدة ويبدا وجهها يتحول الي اللون الازرق بسبب نقص الاكسجين
حنان .. مالك يا شيماء ؟!
شيماء تسقط علي الارض مغمي عليها ؟؟؟؟؟!!!
وتتصل حنان بالاسعاف ويتم اصطحاب شيماء الي المستشفي وينجح الاطباء في انقاذها
حنان .. طمني يا دكتور شيماء كويسة ؟!
الطبيب .. كويسة الحمد لله .. وادي يا ستي الفلاشة اللي كانت هتقتلها !! حد في الدنيا يبلع فلاشة .. انتوا مجانين ؟!!
وتمسك حنان بالفلاشة وكأنها وجدت كنزا ثم تذهب لتطمئن علي صديقتها
[٢٩/١ ١:٣١ م] مدونة مالك الزعيم: وتعود حنان الي منزل صديقتها وتقوم بتشغيل الفلاشة علي جهاز اللاب توب لتري مشاهد صادمة بعدها تتوجه الي اختها وهي في قمة الحزن والاسي والحسرة
حنان منهاره بشدة اقدامها لا تستطيع حمل جسدها الهزيل .. الدموع غزيرة في عينها الذابلتان تطرق باب شقة اختها ناهد طرقات ضعيفة وتفتح ناهد الباب لتجد اختها امامها فتندهش وتشعر بالخوف
حنان بصوت ضعيف حزين .. ازيك يا ناهد ؟! ازيك يا بنت امي وابويا ؟! ازيك يا اختي الوحيدة ؟! ازيك ياللي المفروض انك اقرب الناس ليا ؟!
ناهد .. عايزة ايه مني يا حنان ؟!
حنان .. انا عمري ما عوزت منك حاجة .. غير ان قلبك يصفالي وتحبيني زي ما بحبك !!
ناهد بسخرية .. احبك ؟!! ههههه .. للأسف انا مكرهتش حد في الدنيا ادك
حنان .. ليه ؟! نفسي اعرف ليه بتكرهيني الكره ده كله ؟! انا عملتك ايه عشان تكرهيني بالطريقة البشعة دي ؟! ايه الذنب اللي انا عملته يا ناهد ؟!
ناهد .. ذنبك انك اختي .. وده اعظم ذنب !!
حنان .. مكنتش اتوقع ابدا انك انتي تكوني سبب كل المصايب اللي حصلت في حياتي !!
ناهد بغل شديد.. ايوه انا اللي عملت ده كله .. كل المصايب اللي حصلتك في حياتك انا اللي وراها .. مش عاوزة تعرفي الحقيقة ؟؟ انا هاقلك الحقيقة مش عشان ترتاحي !! لا عشان تتعبي اكتر واكتر يا حنان
حنان بحزن واسي .. قولي
ناهد .. ايوه ولادك دول مش ولاد رؤوف .. عارفة ولاد مين ولاد اخوه عماد .. جوزك اصلا مبيخلفش يا قطة .. عقيم يا عيني .. وانا اللي خليت عماد ينام معاكي اكتر من مرة لما كنتي بتجيلي هنا الشقة زمان .. كنت بخدرك بنفسي وبعد كده كان بيعمل معاكي كل اللي هو عاوزه وكنت بصوركم كمان بنفسي .. وبعدين انتي زعلانه ليه؟!! ده انا خدمتك خدمة عمرك مش احسن ما كنتي تفضلي طول عمرك من غير ولاد !! اهو لقيتي بدال العيل اتنين بيقولولك يا ماما .. من الحرام بقي من الحلال اهو بقي عندك عيال وخلاص
حنان بغضب شديد .. يا سافلة يا بنت الكلب
ثم تضربها بالقلم علي وجهها بقوة
ناهد.. انتي بتضربيني بالقلم ؟!!
حنان .. ده انا هاقتلك يا حقيرة .. قولي انطقي عملتي فيا ايه كمان ؟!!
ناهد .. عملت كل حاجة وحشة ممكن تتخيليها وممكن متخطرش علي بالك اصلا !! هاقولك عملت ايه كمان .....
وتقص ناهد ما فعلته بأختها وكأنها تتباهي وتفتخر بذلك بينما حنان تستمع اليها وهي لا تصدق ابدا ما تقوله ناهد
حنان .. انا عمري ما شفت اخت تعمل في اختها اللي انتي عملتية فيا .. وصلت بيكي السفالة انك تسلميني لأخو جوزي عشان ينهش في لحمي قدام عنيكي وكمان ...!! انا مش قادرة اصدق .. مش قادرة .. انا دلوقتي الناس كلها بقت عارفة تفاصيل كل حته في جسمي بسببك .. منك لله .. منك لله يا بنت امي وابويا .. ربنا ينتقم منك
ناهد بسخرية ..ههههههه .. يااااه اخيرا شوفتك مذلولة ومكسورة قدام عنيا !! .. انا فرحانه اوي .. اووووي
حنان مندهشة تمسح دموعها بيدها وتقول ..عندك حق انا انتهيت فعلا !! وانتي كمان انتهيتي يا ناهد
حنان تخرج مسدس من حقيبتها وتضعه بين رجلي ناهد ثم تطلق النار وهي تبتسم في وجهها وتقول .. للأسف يا ناهد هو ده اعظم ذنب في حياتك مش انا !!!
ثم تتركها وتنصرف وناهد مرعوبة تشاهد منظر نزيف الدماء من اسفل ؟؟؟؟؟؟؟!!!!!!!
