رواية عشق الغادر الفصل السادس بقلم روان مسلم
#عشق_أل_غادر
بسم الله الرحمن الرحيم
بارت ٦
دخل سليم وهو ينظر للأطباء الذين أخذوا يتحركوا منهم من يجري ليدخل غرفة العنايه الفائقه
سليم:في ايه .....حصل ايه
ولكن لا اجابه دخل سليم مسرعا الي غرفة العنايه لقد وجد ما صدمه ......انها عشق تقف علي السرير انها حيه نعم حيه لم تمت مثلما قال الغبي قاسم سوف أقطع رأسه لكن عند خروجي انها تقف ويدها تنزف بسبب سحبها من المحاليل بعنف وتصرخ بشده ولا يستطيع الأطباء السيطره عليها رغم شكل جسدها المنهك المتعب وتلك الكدمات والعلامات في كل جسدها ومع كل هذا انها في قمة غضبها وكأنها لاتشعر بكل هذا
عشق وهي تصرخ بدموع وألم:كلكوا مقرفين انتوا البشر مقرفين مش بتحبوا حد ولا بطبلوا اذيه في حد......انتو اقذر المخلوقات ليه سيبتوني اعيش ليه رجعتوني انا كنت هاموت واخلص من العذاب ده مين قال اننا نعيش ده اهم حاجه مين قال انتم مجانين......مجانين
هب سليم إليها و أخذ يضمها ويحاول أن يجعلها تهدأ
ولكنها تقاومه بعنف وتضربه ليبتعد عنها لكنه يضمها لصدره بإحكام وما هي إلا دقائق واستسلمت بين يديه وبدأت تبكي بصوت عالي وبدأ جسدها ينتفض بين يديه ويرتعش بشده ثم دفعت سليم فجأه بعيد عنها
عشق=ابعد ابعد عني انا معملتش حاجه الله يخليك سيبني اروح لسليم وهو هايحميني
وفجأه بدأت تضع يدها علي اذنها وتصرخ
عشق=لا ....لا .....الحزام ....لا ..... سليم......ساعدني ......انت ......فين مش وعدتني تحمني بس انت طلعت كداب زي بابا هو كمان وعدني وسابني ومشي
وسط كل هذا بدء سليم ينظر لها في كسرة وحزن كيف وصلت لهذا الحال انها مدمره لعنك الله يا أبي انت و الميراث اللعين وكل شئ انها طفلتي منهاره لا تصمت عينيها لم تجف من ظرف الدموع انها تعرضت للاذي بسببك وبسبب كل من حولها لماذ كانت الدنيا بتلك القسوه معاها
امسكها سليم واحتضنها مرة اخري وبدأت هي تستسلم وتدفن راسها في صدره
سليم =شششششش......خلاص سليم هنا ومش هايسيبك ابدا ومش هايخلي حد يأذيكي تاني انا اسف انا السبب بس ابوس ايدك اهدي حالتك دي بتقتلني من جوايا
جاء أحد الأطباء وحقنها بالمهدء وحملها سليم ليضعها في غرفة اخري لأن تلك الغرفه مدمره بالكامل
وهنا دخلت الطبيبه وبدأت بمعالجة الجروح وذلك النزيف من يدها وخرجت جلس سليم بجانبها وامسك يدها
سليم بحزن=كده كنتي عايزه تسيبني كده يا عشق بقا يرضيكي تسيبي سليم يا قلب سليم بعد ما علقتيه بيكي وكمان مين يطلع عيني ويخليني اغار واكون هاتجنن تعرفي نفسي مش اقتل اللي عمل فيكي كده بس نفسي احرقوا عايش علشان يحس ولو شويه من الألم اللي عيشك فيه بس متخفيش محدش هايقربلك يا قلبي خلاص انا هاحميكي بين ضلوعي وهاقفل عليكي
ترك سليم يدها و وضعها بجانبها برفق ثم قبل جبينها وهو يهمس هاترجعي علشاني احسن من الاول وانا مش هاسيبك إلا وانتي مدام سليم غادر يا عشق غادر وخرج من الغرفه
############################
ليجد قاسم يقف وهو يبتسم
امسك سليم رقبة قاسم
سليم=بقا انا تعمل فيا كده وتقولي ماتت ده انت موتني بالبطئ يا بلوة الليل انت ده انا هاعلم عليك
قاسم =الله وانا مالي يا لمبي انا اترعبت انا كمان وهما قالولي كده انا معرفش ايه اللي حصل واللهي
جاسر =سليم مش وقت هزار خش أسأل الدكتور عن حالتها وهو هايفهمك وهنا كان قاسم ينظر خلف جاسر وفتح فمه وهو مذهول نعم انها اسيل ترتدي فستان ابيض طويل وشعرها منسدل علي كتفها
قاسم=ايه اللي انتي منيلاه ده يا هانم
اسيل=ايه ده فستان انت اللي جايبوا وكمان طويل
قاسم خلع الجاكيت والبسه لاسيل لأن الفستان كان عاري الكتف
قاسم =حسابي معاكي بعدين
جاسر=احم احم نحن هنا يا عم قاسم بس مش تعرفنا
قاسم=لا مابتتعرفش يا خفيف وكمان ابعد كده معلش علشان النفس وهي تعبانه اصلا
جاسر=ايه ده هو الحنين بيغار
قاسم=الحنين اللي مش عاجبك اتجوز وانت قاعد اتكسف علي دمك انت والشحط التاني
############################
جاسر ضحك وتحرك سليم الي الطبيب وقاسم اخذ اسيل وذهب ليحضر بعض الطعام .....دخل سليم للطبيب المتابع للحاله
الدكتور=حضرتك سليم غادر ابن عم المريضه
سليم =وخطيبها وهاكون جوزها تقدر تكمل دلوقتي انتو قلتوا ماتت وخلتونا في حاله صعبه علشان الغباء
الدكتور =من فضلك تضبط اعصابك وبلاش قلة ادب
سليم=انا صاحب المخروبه دي ومستعد اهدها علي دماغكوا لو جرلها حاجه
ارتعب الطبيب من طريقة كلام سليم الذي كان في منتهي الغضب والعصبيه
الدكتور=حضرتك انا هاحكيلك اللي حصل
Flash Back
الطبيب=احنا هانعمل إنعاش للقلب بفولت اعلي بسرعه
وبدء الطبيب وتنفست هي لتعود الحياه اليها
الطبيب=اتصلي بجاسر باشا عرفيه ان الحاله مش مستقره نهائي لأن اللي حصل ده مش هاتفضل عليه هي رافضه الحياه
الممرضة =مستر جاسر دلوقتي الحاله مش مستقره أفضل تكونوا هنا حال حدوث أي تطورات
جاسر=جايين
احد الممرضات جاءت تجري
الممرضه=ألحق يا دكتور المريضه بتاعت العنايه بتموت وضرقات القلب بتقل بشكل مخيف
الطبيب=اتصلي ب قاسم علشان دي اخر محاوله واحتمال تموت
الممرضه =حاضر
اتصلت ب قاسم لتخبره
الممرضه =مستر قاسم احنا بنعمل آخر محاوله لإنعاش القلب واحتمال كبير يكون في حالة وفاة
فاده كلامها صوت الاجهزه التي أعلنت موت المريضه لقد توقف القلب الذي يرفض الحياه
وما ان سمع قاسم هذا حتي وقع علي الارض من شدة الصدمه انها كالملاك فلماذا تتعرض لكل هذا ان هذه الدنيا اذتها بما يكفي والان هي ترحل معلنه تحررها من هذه الحياه الكاذبة الملامح التي تعرضت فيها لأبشع انواع التعذيب الجسدي والنفسي.......مع انها ليست مذنبه ومع إغلاق قاسم للهاتف
يسمع الجميع شهقه تدل علي العوده كامن اختنق تحت الماء واخيرا تنفس نعم انها أجهزة القلب تعمل وترسم ضربات منتظمة انها تفتح عيونها بضعف ثم تغلقها مره اخري ومن بعدها ب ١٠ دقائق
قامت لتنزع الاجهزه عنها بكل عنف وتصرخ في الأطباء والممرضات بشكل هيستيري لم يقدر أحد علي إيقافها انها غاضبه فكانت تريد الرحيل بسلام عن هذا العالم الموحش لكنهم ارغموها علي العوده
Back
سليم =طيب وحالتها انا عايز اعرف كل حاجه عن الحاله الطبيه
الدكتور=بصراحه الموضوع صعب من كل الجهات بمعني ان من ناحيه في القلب واللي هي مولوده بعيب خلقي فيه وهنا اقدر اقول انها كانت منتظمة علي علاج محدد لكن قطعتوا من فتره كبيره وده خلاها توصل لحالات الاغماء وعدم القدره علي التنفس اللي بتحصلها ومن ناحيه تانيه التعنيف اللي اتعرضتلوا واللي الصراحه معرفش ازاي بني ادم يقدر يعمل كده جسمها كلوا كدمات خدوش ومن الناحيه النفسيه دي بقا الصراحه احنا لازم ننقلها لمستشفي نفسي لفتره لأنها مدمره واكيد مش محتاج اشرح كمية الصدمات اللي اتعرضتلها زي التهجم عليها موت ولدها ...خطفها.....ضربها بالطريقه دي
كل ده عباره عن ضغط نفسي عالي عليها
سليم بحزن=بس انا مقدرش احطها في مستشفي نفسي واسيبها لوحدها تاني ثم انها مش هاتتقبل الفكره
الدكتور =هو الصراحه انا كلمت دكتور نفسي علشان يتابع الحاله هنا وهو مستني يقبلك وحكيتلوا عن معظم تقارير الحاله
سليم=طب هو فين انا عايز اتكلم معاه
############################
في نفس الوقت ذهب قاسم الي مطعم المستشفي ومع اسيل وجعلها تجلس وطلب بعض الطعام لها وعاد ليجلس معاها
قاسم=ممكن تقوليلي ازاي جيتي من البيت لوحدك
اسيل= جدو منير بعت السواق معايا وكنت عايزه اطمن علي عشق وعليك
قاسم=ولبسك ده ينفع يتخرج بيه
اسيل=مالوا لبسي
قاسم بصوت عالي وغضب شديد=مالو انا هاقولك مالوا عريان من كل داهيه واللي رايح واللي جاي بيتفرج علي الهانم بتاعتي وهي ماشيه عريانه
اسيل =مش عريانه وكمان انت انسان عندك انفسام لأنك انت اللي جايبوا علي فكره ثم اني مش محجبه ودي طريقة لبسي ومش تنسي كمان اني اصلا مش مسلمه
Stoop
اسيل والدتها اجنبيه مسيحيه وهي بتتبع ديانة ولدتها علي عكس ادم اللي بتبيع ديانة ولدوا واسيل مش من النوع اللي مش بتحب حد يتكلم في موضوع الدين معاها
Back
قاسم=اسيل انا متكلمتش في موضوع الدين دلوقتي انا بتكلم انك البسي لكن اللي يغطي جسمك وانتي دلوقتي مراتي وعلي ذمتي ومش ينفع تمشي كده
اسيل =طيب معاك في كل ده لكن انا مش قصدت انا لبست بسرعه لما عرفت ان عشق كويسه وطلعت من العنايه
قاسم وقد هدئ تماما من نوبة غضبه =طيب الجاكيت مش تقلعيه واللي اسموا جاسر ده لو كلمك مترديش
اسيل =حاضر .......ممكن طلب
قاسم =اتفضلي
اسيل =عايزه اروح الكنيسه ادعي واصلي لعشق
قاسم =حاضر نطمن علي عشق ونروح
اسيل=شكرا ....شكرا ....يا احلي قاسم في الدنيا كلها
وقامت كالأطفال واحتضنته
ومن هنا احتضنها قاسم وقربها لقلبه ودفن رأسها في صدره أنه لا يريد تركها ابدا ورفع قاسم وجهها له وقبل جبينها.....احمرت خجلا وابتعدت عنه بسرعه
اسيل=قاسم سيبني
قاسم =انا سيبتك علي فكره
############################
وقف جاسر امام غرفة عشق وهو يتأملها من زجاج الغرفه انها جميله جدا لم يري مثلها من قبل وتلك البراءه التي تظهرها كطفله نائمه كيف تكون تلك الفتاه من أل غادر المعروفين بأنهم رجال ذو جبروت ونفوذ ولا يوجد بينهم ملائكة كهذه لكن كل ما هي فيه بسببهم فهي لاتشبه أحد منهم وهذا ما عرضها لكل هذا الاذي النفسي والجسدي ومع أن العائله يوجد بها فتاه اخري وهي اميره إلا أنها ليست اقل خطوره من الرجال فهي تجيد إطلاق النار وفنون القتال والدفاع عن النفس ولكن تلك الملاك التي تنام هنا يجب أن تخرج من دائرة هذه العائله لكي تنجو
كل تلك الافكار تدور دا خل جاسر الذي قرر ان يفعل ما بوسعه لكسب قلبها وإخراجها من هذه العائله
جاسر في نفسه=سوف تبدأ لعبة العشق يا عشق
############################
كان سليم ينتظر حضور الطبيب النفسي والذي عندما دخل تفاجئ سليم
سليم =اسر
اسر=سمسم ايه ده انت هنا بتعمل ايه وفين العيل الندل اللي اسموا قاسم
سليم =سمسم ايه يلا ما تظبط بدل ما اظبطك كده
اسر =خلاص ياسيمو في ايه
Stop
اسر هو صديق قاسم وكان زميله في جامعة فرنسا وكان له بسليم صداقه كبيره بعد أن عرفهم قاسم علي بعضهم البعض عندما كان سليم في فرنسا ينفذ أحد صفقات الشركه
Back
أسر =بس انت بتعمل ايه هنا وكمان هو فين خطيب الحاله اللي انا هاتبعها
سليم=انا الحاله هي عشق علي منير غادر بنت عمي
أسر =بس انا عمري ما سمعت ان عندك عن كده بس علي العموم انا لازم تكون صريح معاك من التقارير اللي معايا لازم تكون حريص جدا في التعامل معاها وخصوصا انها مش هاتكون واعيه بدرجه كبيره لتعاملتها الفتره دي وممكن تنسي حاجات كتير وكمان ممكن مش تتكلم
سليم=لا لا بتتكلم ما هي زعقت وصرخت
أسر =للأسف ان ده حاجه وبعد ما تفوق حاجه تانيه خالص وخصوصا انك مش ممكن تتوقع الحالة اللي هاتكون فيها لما تفوق لأنها ممكن تكون ساكته وهاديه جدا وممكن تكون ثايره زي ما كانت الموضوع فعلا مش مستقر
سليم =ممكن اخدها البيت
أسر =هو انا ممكن اقترح انك تاخدها في حالة واحده انك انت بس اللي تتعامل معاها بمعني هي مش هديت إلا معاك يبقي هايكون في سهوله انك تسيطر عليها وخلي بالك هاحاول تأذي نفسها كتير اتوقع اي حاجه
############################
خرج سليم متجه الي غرفة عشق ليجد جاسر يقف هناك وجاء قاسم ومعه اسيل أيضا
سليم =روحوا طمنوا الكل وانا هافضل هنا
قاسم=نطمن علي عشق الاول
سليم=انا قلت تمشوا وانا هافضل ومش هاكرر كلامي يا قاسم
قاسم =حاضر اهدي ياعم انا كنت عايز اطمن علي اختي
جاسر=سليم انا هافضل معاك
سليم بغضب=انا قلت ايه انا هافضل لوحدي وانتوا تمشوا كلكوا
رحلوا دون نقاش فهم يعلمون جيدا غضب سليم
وعصبيتعه التي لا تنتهي
##########################
دخل سليم ليجدها مازلت نائمه وجلس بجانبها يتأملها وهو يقول انا اعرف ان الحياة كانت قاسيه معكي لكن ليس بعد الآن
بدأت تفتح عينيها بضعف شديد واخذت تنظر هنا وهناك
سليم=حمدالله على السلامه يا عشق
لكن لا رد
سليم =عشق أنتي سمعاني
لا رد
سليم =انا عارف ان اللي حصل مش سهل ولكن عايزك تتأكدي أنو مش هايتكرر
لا رد
سليم=طب بصي ليا أنتي باصه علي الارض ليه
كانت تنظر بستسلام الي الارض دون أن تنتبه لما يقول أو حتي ماذا يفعل
خرج سليم لينادي أسر إنها لا تنطق أو تنظر إليه حتي
دخل أسر الي الغرفه
أسر =عشق أنتي سمعاني وانا عارف ومتأكد انك مش صغيفه علشان تستسلمي أو حتي تتأثري تفتكري يعني لو كل واحده انضربت مره وحصلها كده كان زمان البنات خلصوا
لا رد
سليم وقد جلس وامسك يدها =عشق علشان خاطري مش تسكتي كده حالتك دي بتقتلني انا مليش غيرك ومش بحب ولا هاحب غيرك عشق انا بحبك اوي
عشق نظرت إليه ثم أمسكت يده وبدأت تبكي ثم قامت وضمته إليها انها المره الاولي التي تفعلها عشق انه مذهول ولكنها بدأت تتكلم وسط الدموع والبكاء
عشق=اوعدني مش تسبني زيهم ولا تجرحني زيهم اوعدني
سليم =مقدرش اني اعمل كده اصلا انتي روحي بس انتي بتحبنيني ياعشق
عشق=انا .....انا
سليم =شششش مش عايز اعرف اهم حاجه انك كويسه ولما تحسي نفسك جاهزه تقولي اي حاجه انا موجود
شددت من احتضانه وكأنها تقول اشكرك انك تفهمني اشكرك انك بجانبي اشكرك لاني لم أجد غيرك لكي أبكي بين يديه
أسر =احم ......احم.......احممممممم........
سليم =امشي من هنا يلا
أسر =دي اخرتها امشي .......و يلا اما اروح اشوف قسومه قلبي فين
سليم=اتخفي واقفل الباب وراك
وأغلق أسر الباب وخرج وهنا قام قاسم من جانب عشق
سليم =هاتخرجي بليل خلاص كده كفايه مستشفيات
عشق بفرح =بجد انا بكره المستشفيات
سليم=عارف يا قلب سليم
خجلت عشق وحملت الوساده ورمتها عليه
عشق=قليل الادب
سليم=هو انا عملت حاجه دايما ظلماني كده
واقترب من أذنها وهمس
سليم =بس لما تبقي مدام سليم هاعمل
وتركها وذهب
###########################
في فيلا أل غادر
منير=احمد متعرفش محمد فين مختفي بقالوا يومين
أحمد =لا ومش عايز اعرف
منير=ليه يا ابني كده ده اخوك
احمد=متقولش زفت انا مليش خوات غير علي الله يرحموا
منير =في ايه يا احمد
احمد=انا واثق أنو السبب في موضوع الهجوم علي القصر وخطف عشق ده خلاص اتجنن
منير =وايه خلاك تفكر كده
أحمد =طلب مني اشترك معاه تخيل أنو كمان عايز يخليك تنقل الثروه تاني بس بإسم
منير=سليم
احمد=لا بأسموا هو من امتي بيطيق سليم مش ده ابن اللي قتلها وكمان كان عايز يقتلوا
منير=بس يا احمد مش تفتح علي القديم
احمد =القديم ده هايتفتح لانو متقفلش وسليم لو عرف هايخلص القديم والجديد صدقني
############################ اخذ سليم كل تصريحات الخروج وغيرها من الادويه ومواعيدها من الاطباء
رن الهاتف الخاص بسليم
سليم =ايوا
قاسم=لازم تيجي المخزن حالا علشان نشوف هانعمل ايه
سليم=جاي بس هاروح عشق الأول
قاسم =وانا مستنيك
ذهب سليم لغرفة عشق
سليم =يلا علشان هاروح القمر البيت
عشق =مش كان بليل
سليم =لا دلوقتي يلا
نظرت عشق لملابس المستشفي التي عليها وكيف ستخرج بها
سليم فهم وخرج ليجلب فستان ازرق فاتح والذي جلبه لها لتخرج به ونادي احدي الممرضات لتساعدها
بعد دقائق خرجت الممرضه وكانت عشق تجلس علي السرير وترتدي فستانها الذي يجعلها فائقة الجمال ولكنها لم تقف
تذكر سليم جرح قدمها وذهب و وضع يده تحت ركباتيها والاخري تحت رقبتها وحملها برفق شديد لكي لا يضغط علي آلامها وجروحها
عشق=سيبني انا هامشي ممكن تنزلني
سليم=لأ
عشق =نزلني وإلا
سليم =وإلا ايه هاتعملي ايه
قبل سليم خدها ليجعلها تفتح عينيها بصدمه من ثم احمر وجهها معلن عن حضور خجلها الذي يقتله ثم خفضت رأسها وهو اكمل الي السياره وفتح الباب و وضعها بالكرسي الذي يقع بجانب السائق ثم وضع حزام الامان(ايوا اهم حاجه السلامه علشان مش نأذي الابطال )
ثم عاد ركب علي مقعده وبدء القياده
عشق=سليم هدي السرعه
سليم =حاضر يا قلب سليم
عشق=بطل بقا ايه ده
سليم=و لو مبطلتش
عشق=واللهي اعضك
سليم =وانا عايز اتعض
نظرت عشق من زجاج النافذه وهي تضحك خجلا من أفعال سليم التي لم تتوقع أن يكون بهذا اللطف
سليم = اجيبلك ايس كريم يا ملكتي
عشق=ايوا.....ايوا.......انا بحبوا اوي ....
سليم =يبقي يجي لاحلي بنت في الدنيا
عشق=يعيش سليم .....يعيش سليم
#########################
نهاية البارت ٦ ولكن انها عائلة غادر يا ساده وما خفي كان اعظم ان كل شخص يخطط بجانب ما فجاسر يخطط للحصول علي تلك العشق
ومحمد علي الثروه
لمتابعة باقي الرواية زوروا قناتنا على التليجرام من هنا
