رواية حنين الفهد الفصل الثامن بقلم جني محمد
احمد : بس انت مش ابني
الكل بصدمه : ايييه
احمد : ايوه مش ابني
فهد : أز....ازاي
احمد : ما تحكي يا دريه هانم شايفك ساكته يعني
دريه : احكي ايه ولا ايه
احمد : خلاص احكي انا
من حوالي 25 سنه انا اتعرفت علي دريه وعلي يوسف
وكنا احنا الثلاثه بنتاجر في المخدرات واتجوزت دريه و خلفنا حنين بس بعد ما خلفنا حنين قررت اتوب وخصوصا أن فريده ظهرت في حياتي ولما دريه عرفت اني قررت اتوب خدت بنتي وهربت ومعرفتش ليها طريق بعد كده
ورحت اصلي في الجامع قولت يمكن ربنا يغفر لي
وخلصت ولقيت ولد صغير بيعيط جامد قدام الجامع
اخدته واتجوزت انا وفريده وقررت اني هشتغل شغلانه حلال وفضلت ادور علي اهلك سنين واكتشفت أن ابوك وامك ماتوا في حادثه وان عمك هو اللي سابك قدام الجامع بس بعد الحادثه بفتره عمك بيته اتحرق مات عمك فيه هو ومراته وعياله واكتشفت كمان انك ابن رجل أعمال مشهور وكان اسمه رعد السيوفي وان كل أملاكه بعد موته بقت بإسمك بس عمك تسبب في إفلاس الشركه قبل موته وباع كل املاك ابوك بعد موته ما عدا بيته وده لسه موجود لحد انهارده
وعدت سنين كتير وبقي عندي الشركه والأملاك دي كلها واللي انت زودتها بشغلك واجتهادك وكتبت نصفها بإسمك والنصف الثاني بإسم حنين بعد ما عرفت واتأكد أنها بنتي بعد ما حسام اللي دريه اتجوزته جاني قبل ما يموت وقالي أنها تبقي بنتي بعد ماريه حكت له كل حاجه .
حنين وفهد واقفين مصدومين
فهد اللي واقف مش عارف هيعمل ايه ومش مصدق الكلام اللي بيسمعه
وحنين اللي مبقتش عارفه هي فعلا حنين الالفي الغنيه بنت اكبر رجل اعمال ولا حنين اللي من اسره متوسطه ؟
وقاطع تفكيرهم صوت احمد
احمد : اظن كده عرفتوا كل حاجه
حنين : لا عايزه اعرف منك انتي ليه هربتي واخدتيني معاكي يا دريه هانم
دريه : كان لازم اهرب لما احمد قرر يتوب انا قلت اكيد مش هتلاقي ناكل عشان كده اتفقت انا ويوسف اني هاخدك ونهرب وبعد فتره اتعرفت علي حسام واتجوزنا وكنت مفهماه أن انتي مش بنتي وانا متبنياكي بس سمعني قبل ما يموت وانا بكلم يوسف وبقوله انك بنتي وتفاصيل كتير سمعها
وطبعا مسابنيش غير لما عرف كل حاجه وحكيت ليوسف وقررنا أننا نقتل حسام عشان لو حد عرف انا ويوسف هنروح في داهيه ودبرنا الحادثه اللي مات فيها بس محدش فينا كان يعرف أن احمد عارف وانا لما كنت عايزه حنين تتجوز فهد عملت كده عشان اقتلك انت وفهد وتخليها تورث وناخد انا ويوسف الفلوس ونسافر وانا كمان اللي دبرت الحادثه اللي حصلت ليك انت وحنين يا فهد
حنين : طب وانا مفكرتيش فيا ؟
دريه بشر : ولا تهميني كنت بعد ما اخد الفلوس هسيبك مرميه في الشارع واخلص منك ومن قرفك
حنين ببكاء : حرام عليكي انا عملت لك ايه لكل ده
فهد : بااااس......خلاص كفايه وكده كل حاجه خلصت يا دريه هانم
دريه : يعني ايه ؟
وقاطعم دخول الشرطه
الشرطي ( فؤاد ) : يعني انتي مطلوب القبض عليكي بتهمه قتل حسام الدمنهوري ومحاولة قتل فهد الالفي وزوجته
دريه : يعني ايه كل حاجه ضاعت من ايدي
فهد : ايوه واديكي دلوقتي هتحصدي نتيجة اعمالك
الشرطي : هاتوها
وذهبت الشرطه ومعها دريه لتحصد ما زرعته من شر
(وبكده نكون خلصنا من الحربايه عقبال الباقي 😂)
يتبع........
