اسكربت عاشقه النقاب كامل بقلم هند
اسكربت
مريم أنتي مش عاوزة تبقي صحبتي تاني؟طب ليه أنا عملتلك حاجة وحشة ؟
-بصراحة ياهند كدا انا مش حابة أمشي مع واحدة بتلبس بناطيل الناس ممكن تقول عني كلام وحش ازاي واحدة منتقبة بتمشي مع واحدة بتلبس بناطيل
أجابت بصدمة والدموع تلمع في عينيها
-بس أنا بلبس واسع معقول أنتي بتفكري كدا وبعدين الهداية من عند ربنا مش يمكن بكرا ربنا يهديني أنتي مش فاكرة إني أول واحدة شجعتك على الإلتزام وكنت معاكي بس أنا في حاجات بتمنعني أنا مش عاوزة ألبس كدا غير لما أكون لابسه اللبس دا عن حب لابساه عن اقتناع
أجابت الأخرى ببرود تام لا يليق بفتاة منتقبة طلبا للستر ورضا الله فمن ينتقب يعلم تماماً إن الله قادر على تبديل حال الإنسان وأن من ينتقب يحاول جاهداً أن يتبع أوامر الرسول والتي منها المعاملة الحسنة والكلمة الطيبة فهي هنا عملت بقول أفتؤمنون ببعض الكتاب وتكفرون ببعض
-طب ياستي لما تقتنعي نبقى نرجع صحاب بقى
--ماشي يامريم وأنا مايشرفنيش إنه يبقى عندي صحبة بتفكر زيك كدا للاسف أنتي لبستي نقاب الوجه قبل نقاب القلب
--يعني اي ؟
--يعني ياصحبتي نسيتي إن النقاب دا خطوة بس للتقرب من الله وأنتي افتكرتي إن الخطوة دي هي الأخيرة
- أنتي غيرانة مني عشان حافظة القرآن وملتزمة وأنتي لا
ضحكت بحزن ثم أجابتها
-واي الفرق لما تكوني دكتورة ومش بتعالجي حد؟
--أنتي بتهزري
--مين قال إني بهزر أنتي حافظة المصحف بس مش بتعملي بيه يبقى اي فائدة إنك حفظاه ؟
--هند أنا ماشية اللي عندي قولته
عادت هند إلى منزلها وهي حزينة بسبب ما قالته صديقتها فهي برغم إنها لا ترتدي النقاب أو الخمار ولكنها تجاهد لتغير من نفسها وكانت واثقة إنها في يوماً ستصل إلى المرحلة التي ستقول فعلتها عندما جاهدت نفسي لأترك ما احب لأجل ما يحب الله ولكن صديقتها هزت ثقتها في نفسها عندما قالت لها ذلك وأثناء حزنها سمعت صوت الآذان فقامت لتتوضأ وتصلي فرضها أنهت صلاتها ودموعها لم تجف
-يارب يارب أنا بحاول يارب انا اه مش كاملة بس عاوزة ألبس الحاجة دي عن اقتناع يارب أنا لسة مش منتظمة في صلاتي يارب بقع وبقوم يارب بس بحاول ازاي مش منتظمة والبس الخمار يارب أنا كدا هبقى بنفاقك يارب يارب أنا مش عارفة الصح من الغلط وجهني للصواب يارب اللهم دبر لي أمري فإني لا أحسن التدبير
أنهت صلاتها ثم تفحصت الفيس لدقائق ولم تعلم أن الله استجاب لدعائها فهل ستستجيب لتلك الإشارات أم لا
قلبت بملل حتى أتتها دعوة للأنضمام لمجموعة دينيه فدخلت تلك المجموعة كما أعتادت أن تقبل الانضمام لأي طلب
كانت ستخرج لولا ذلك المنشور الذي استوقفها
مفيش حاجه اسمها انا مش قادره ابطل الذنب
مفيش حاجه اسمها انا مش قادره اصلي
مفيش حاجه اسمها انا مش قادره ابقي ملتزمه
مفيش حاجه اسمها انا مش هلبس اللبس الشرعي غير لما ابقي مقتنعه بي
مفيش حاجه اسمها انا لسه صغيره علي اللبس الشرعي لما ابقي اكبر ابقي افكر اللبسو
مفيش حاجه اسمها انا مش قادره ابطل اسمع اغاني
مفيش حاجه اسمها بكره هبقي اصلي.. بكره هبقي احفظ قرآن... بكره هبقي ملتزمه...بكره هلبس الزي الشرعي... بكره هبطل اسمع اغاني... بكره...... الخ
انتي ضامنه تعيشي لبكره؟... ضامنه اصلا تعيشي كمان ثانيه؟
لما ملك الموت يجي يقبض روحك هتقوليلو ايه؟.. استنى ياملك الموت انا مصلتش ولا ركعه هروح اصلي واجي... استنى هروح اللبس الزي الشرعي استني ابطل اسمع اغاني وبعدين اقبض روحي!!
بستغرب جداااا لما الاقي بنات حاطه في الاستوري اغاني ولبسها كلو بناطيل..وتقوم كاتبه انا نفسي ملك الموت يقبض روحي..ثانيه انتي مستعده تموتي وتقابلي ربنا بالحال الي انتي في ده؟...مستعده تقفي قدام ربنا؟...مستعده ليوم السؤال؟
قومي امسحي كللل الاغاني الي علي فونك وبدليها ب قرآن متسمعيش اغاني تاني ولو الشيطان وسوسلك استعيذي بالله من الشيطان الرچيم وافتكري ان الي بتسمع اغاني يوم الحساب بيتصب في ودنها حديد ونحاس مذاب بنار جهنم
كل ماتحسي انك خلاص هترجعي تسمعي روحي اسمعي قرآن بدل الاغاني
قومي غيري لبسك كلوو بدل بناطيل هاتي دريسات وچيب واخمره.. وكل ما الشيطان يوسوسلك ويقولك ان شكلك باللبس الشرعي وحش استعيذي وافتكري ان البنات المتشبهات بالرجال لن يدخلون الجنه...انتي قد دقيقه في النار؟
لو صحابك اتريقوا علي لبسك غيري صحابك ومتغيريش لبسك.وخليكي فاكره انك هتتحسبي لوحدك صحابك مش هينفعوكي يوم الحساب.. دوري علي الصحاب الي تشجعك مش الي تتريق عليكي وتخليكي تقلع
مستنيه ايه قومي وتوبي حتي لو عاملتي ذنوب كتييير...توبي من قلبك وربنا ان شاء الله هيتقبل منك...ربنا مش بيخيب امل حد ربنا قادر انو يغير حالك لحال احسن.. بس انتي روحيلو وتوبي قبل فوات الاوان.. متقوليش بكره الموت قريب مننا اويي ومش بيفرق بين كبير او صغير متقوليش بكره توبي دلوقتي قومي ارمي اللبس القصير والبسي اللبس الشرعي متستنيش لبكرا قومي خدي الخطوة متخليش الشيطان يمنعك
-مانتي تشعر أن كل كلمة موجهة نحوها حتى عزمت في قرارة نفسها القرار وسرعان ما أتاها التردد وحدثت نفسها
--خلاص بقى هلبسه السنة الجاية اكون دخلت الجامعة عشان ممكن ارجع في كلامي واخلع بعد ما البسه انا السنة دي هحاول اظبط لبسي فساتين والسنة الجاية خمار بقى
-أنهت حديثها ثم غطت في نوم عميق
في اليوم التالي كانت ذاهبة لدرسها وأثناء ركوبها في الميكروباص حدثت نفسها أن تستغفر الله في هذا اللحظة وبالفعل ظلت تستغفر حتى فاقت على إنحراف العربية الشديد استوعبت بعد وقت ليس بقليل أن حادث كان على وشك الحوادث بل ثواني فقد فصلتها عن الوقت
لم يأتي ببالها إلا إنها كانت ستموت دون أن تغير من نفسها
كانت ستموت وما زالت لم ترتدي اللبس الشرعي
فعادت إلى المنزل وفي قرارة نفسها إنها لن تنزل غدا إلا باللباس الشرعي
-باااااااباااااا
--نعم
--انا عاوزة ألبس الخمار
--طيب بكرا
--انهاردة
--بكرا
-وعندما لم تنجح بكت بشدة
--خلاص يلا ننزل نشتري اللي أنتي عاوزاه
--عاااا بحبك
--يابكاشة
ارتدت هند الخمار ثم انتظمت في الصلاة وتهذبت اخلاقها أكثر وتفوقت في دراستها وعلمت أن من ترك شيئاً لله عوضها خيرا منه وإن ارتداء اللبس الشرعي فرض وإنه من يهذب باقي أخلاقنا ويقلل عن الذنوب فكم من فتاة لا ترتدي اللباس الشرعي خرجت في الشارع فنظر لها شاب فأخذت ذنبه وذنبها فالخمار والنقاب لا يكبرنا في السن ولكن يجعلنا أميرات في وسط مجتمع قلت فيه الأميرات فنكون أميرات على مملكتنا الخاصة
تمت بحمد الله
