رواية حنين الفهد الفصل الخامس بقلم جني محمد
اليوم التالي
عند والدة حنين
والدة حنين : انت عايز مني ايه تاني
مجهول : انتي ازاي تجوزي حنين لفهد الالفي ثم أكمل بسخريه يا دريه هانم
دريه : وانت مالك اجوزها لفهد الالفي ولا غيره يهمك في ايه
مجهول : اه مالي انتي عارفه انتي كده عملتي ايه
دريه : طبعا انا مفيش حاجه اعملها غير لما احسبها في دماغي مره واتنين وثلاثه
مجهول : خلي بالك انتي كده بتقربي النار من البنزين و في الاخر مش هنطول حاجه بسببك
دريه : متخافش يا حبيبي بكره انا وانت ناخد كل حاجه
المجهول : انا مش عارف دماغك دي هتودينا لفين
دريه : لكل خير
عند حنين وفهد
استيقظ فهد وتفاجأ بعدم وجود حنين بالغرفه
فهد : هتكون رحت فين دي ؟!
ثم ذهب ليرتدي ملابسه و نزل الي الأسفل ليسمع صوت غناء قادم من المطبخ
ليذهب الي المطبخ ليجد حنين تحضر الافطار وهي تغني وهي مندمجه لدرجة أنها لم تلاحظ وجوده
حنين : عارف انت الحظ بعينه كان وشك حلو عليا كل اللي الناس شايفينه ميجيش 1% من اللي انا لسه مقولتوش
انا لو يبقي معايا بيترج القلب ويتهز انا لو تاخد عيني يا نور عيني عيني ما تتعز
لتلتفت حنين لتتفاجأ بوجود فهد يقف خلفها
حنين : عااااااا
فهد : في ايه يخرب بيتك
حنين : انت هنا من امتي
فهد : من ساعة ما كان قلبك بيترج ويتهز
حنين وهي تحاول كبت ضحكتها : احممم انت سمعت
فهد بضحك : اه يختي سمعت بس بصراحه عجبني
حنين :هو ايه ده ؟
فهد : صوتك
حنين : امم شكرا 😊
فهد : ألا قوليلي هو مين بقي اللي انتي بتغنيله الاغنيه دي
حنين في محاولة مضايقته : واحد كده
فهد بغضب خفيف أخفاه : هو انتي تعرفي حد !
حنين وقد لاحظت أنه تضايق : اه طبعا اعرف
فهد : طيب اعملي الفطار وهاتيه ع السفره بسرعه
حنين :تمام
وذهب فهد بينما ظلت حنين تضحك حين تتذكر شكله وهو متضايق من حديثها
عند فهد
فهد : هو انا اتضايقت ليه معقول اكون .....لا لا لا انا لسه عارفها من يومين لا لا استحاله
(نعم إنه بداية الحب يا ساده ♥️)
عند حنين جهزت الافطار وجلست هي وفهد يتناولون الطعام
فهد : الحمد لله انا هروح الشركه
حنين : طب وهتتأخر ؟
فهد : ليه خايفه تقعدي لوحدك ؟
حنين : لا يا حبيبي انا مش بحب اقعد لوحدي بس مش بخاف ع العموم انا غلطانه اني سألت
فهد : 😂😂 خلاص معلش ع العموم انا مش هتأخر ع الساعه 5 كده هكون هنا
حنين : تمام
فهد : تمام اه صح اوعي تدخلي المطبخ وانا مش هنا انا لحقتك مره بس مش هلحقك كل مره
حنين : طيب طيب 🙄
فهد : تمام باي
حنين : باي
وذهب فهد (بعد ساعتين )
كانت تجلس حنين في غرفتها وسمعت صوت اتصال علي الهاتف الارضي للمنزل
/:الو
حنين :الو مين
:/انا ابو فهد يا بنتي
حنين : ااااه ازيك يا عمو عامل ايه
احمد : الحمد لله يا بنتي وانتي عامله ايه
حنين : الحمد لله كده يا عمو تمشي وتسيبني مع عم هولاكو ده لوحدي
احمد بضحك : ليه كده بس يا بنتي
حنين : يا عمو ده انا بحس أنه بيبقي عايز يقتلني كده
احمد : ليه يا بنتي بيعملك ايه
حنين : بيقفلي كده ع الواحده
احمد : ما هو يابنتي انتي كنتي هتولعي في البيت وانتي قاعده فيه لوحدك
حنين : ايه ده انت عرفت 🤭
احمد بضحك : اه ده حتي كل ما يشوفني يقعد يقولي انت مجوزني عيله صغيره 😂😂
حنين : شفت انا حاسه أنه هيزلني بالموضوع ده طول عمري 😂😂
احمد : لا يا بنتي خلاص انا هكلمه وهقوله يعاملك حلو وميذلكيش بحاجه تاني
حنين : شكرا يا عمو انا مش عارفه ازاي انت ابو عم شكشك ده
:/انا عم شكشك
حنين بصدمه : ايه ده !
احمد : في ايه يا بنتي
حنين : لا يا عمو تقريبا ابنك بيخوفني حتي وهو مش في البيت
احمد بضحك : هههه..... طيب هقفل انا بقي سلام
حنين : سلام
حنين لفت فجأه : حاسه اني سمعت صوت هولا....عااااااااا
فهد : في ايه هو انتي كل ما تشوفيني تصوتي
حنين : انت هنا من امتي
فهد : من بدري من ساعة هولاكو وعم شكشك
حنين تحاول كتم ضحكتها : احمم .. مين اللي قال عليك كده بس
فهد : بقي انا هولاكو
حنين : مين اللي قال كده ده انت قطه مغمضه
فهد : بقي انا عم شكشك
حنين : قطع لسان اللي يشبهك بيه.....ايه اللي ع الشباك ده
فهد : ايه ورجع ينظر إلي حنين وجدها اختفت من أمامه وظل يضحك علي تلك الطفله التي تزوجها
عند أحمد والد فهد كان يجلس في مكتبه ومعه المحامي
احمد : انا عايز اكتب نص املاكي لحنين
المحامي : حضرتك متأكد انها هي
احمد : ايوه انا خلاص اتأكد انها هي
المحامي : تمام
عند فهد وحنين
حنين : فهد
فهد : نعم
حنين : ممكن ننزل نتمشي شويه
فهد : تمام يلا البسي
حنين : فوريره
ارتدا كلا من فهد وحنين ملابسهم واتجهوا الي السياره
كانت حنين ستجلس بالخلف ولكن قاطعها فهد
فهد : انا مش سواق الهانم حضرتك اركبي قدام يلا
حنين : طيب
وجلست حنين بالكرسي الامامي بجانب فهد
عند والدة حنين (دريه )
دريه : انت متأكد أن نص الاملاك بقت بإسمها
مجهول : ايوه متأكد
دريه : تمام اقفل انت دلوقتي
مجهول : تمام
أغلقت دريه الهاتف واتصلت بشخص مجهول اخر
(المجهولين كتروا انا عارفه 😂)
الشخص : الو ....تحبي أنفذ امتي
دريه : دلوقتي
الشخص : بس رقبتهم فيها كتير
دريه : اسمع خبرهم واديك اللي انت عايزه
الشخص : ساعه واسمعك احلي خبر
دريه بخبث : تمام
عند فهد وحنين
حنين : ما تشغل اغاني يا عم انت
فهد : طيب استني ونظر فهد الي الأسفل ليخرج شرائط الاغاني من الدرج وفجأه
حنين : حاااااااسب
يتبع......
لمتابعة باقي الرواية زوروا قناتنا على التليجرام من هنا
