رواية حب من طرف واحد الفصل الاول
#حب_من_طرف_واحد
Part1
كنت ماشي على الكورنيش وشوفت بنت قاعده ومنهاره من العياط وكل الناس بتبص عليها قربت منها وقعدت جمبها ومديت ايدي بالمنديل البنت اخدت المنديل من غير م تبص عليا وقامت ولسه هتمشي اغمى عليها شلتها بسرعه وروحت المستشفى وبعد شويه فاقت
البنت:انا فين
سليم بابتسامه:انتي في المستشفى اغمى عليكي وجبت هنا
البنت بصت عليه بعيونها الرمادي:شكرا تعبتك معايا
سليم سرح في عيونها:تعبك راحه الدكتور كتبلك على خروج الحمدلله بقيتي كويسه
البنت قامت براحه:شكرا مره تانيه
سليم بمرح:هتقعدي تشكريني كتير يلا يا بنتي عشان اوصلك
البنت بابتسامه:معلش انا همشي لوحدي
سليم:مينفعش والله يلا
البنت مشيت مع سليم ووصلها لحد البنت
سليم بابتسامه:الف سلامه عليكي
البنت بابتسامه:الله يسلمك وطلعت بيتها
سليم:يخربيتك جمالك اي ده هو في كده ومشي
(تاني يوم)
سليم صحي بدري زي كل يوم وراح قعد عند البحر بس اتفاجأ بالبنت قاعده عند البحر وكانت بتعيط بردو
سليم بابتسامه:صباح القمر هو انا كل م اشوفك القيكي بتعيطي
البنت مسحت دموعها:صباح النور
سليم:انتي اسمك اي
البنت:اسمي رحمه
سليم:وانا سليم
رحمه بهزت دماغها بابتسامه
سليم مد إيده:ممكن نبقى صحاب
رحمه مدت ايدها:ممكن
سليم:احكيلي عنك مالك حاسس ان جواكي كلام كتير مكتوم
رحمه بابتسامه وجع:وبعد م احكي هلاقي حل لمشاكلي مثلا مهما حكيت اللي جوايا مش هيخلص
سليم:بس على الاقل ممكن ترتاحي شويه
رحمه بصت في الساعه:معلش اتاخرت على شغلي هنتقابل مره تانيه ان شاء الله
سليم هز دماغه بمعنى تمام ومشيت سليم قام وطلع على الشركه بتاعته
عمر (صاحب سليم): اي ده سليم جاي بدري اول مره تحصل
سليم:انا اعرف الناس بتقول صباح الخير الاول
عمر بصوت انوثي:صباح الخير يا بيبي
سليم بقرف:غور من وشي يا عمر
عمر بضحك هو وخارج:هجيلك تاني
سليم قعد سرحان في رحمه قلبي بيدق ليه لما بشوفها
عمر دخل وسليم مش حاسس بي
عمر:حبيتها
سليم فاق:هي مين
عمر:اللي بتفكر فيها
سليم:انتي عرفت ازاي اني بفكر فيها
عمر:انت اخويا يا بني مش صحبي بس عارف كل حاجه عنك قلبك دق لما شوفتها صح
سليم:ايوه بيدق جامد اووي هي حاجه مختلفه كده عن باقي البنات شدتني من اول نظره
عمر بابتسامه:هو ده الحب يا صحبي بس خد وقت كده مع نفسك شويه وقرب منها وبعدين اعترفلها متتسرعش
سليم بابتسامه:بجد انا بشكر ربنا انك في حياتي
********************
في بيت رحمه
رحمه رجعت بيتها وقعدت جمب مامتها
رحمه:عامله اي يا ست الكل
مامتها:بخير يا حبيبتي يلا عشان تاكلي.
رحمه:ماشي يا قمر ودخلت اوضتها
بعد شويه رحمه اكلت ونزلت قعدت على البحر
سليم كان بيتمشي علي البحر ورحمه شافته وقربت منه
رحمه بابتسامه:سليم عامل اي
سليم قلبه دق جامد لما سمع صوتها:بخير يا رحمه انتي عامله اي
رحمه:الحمدلله تعالي نقعد
سليم ورحمه قعدوا:ها يا ستي احكيلي عنك
رحمه:لسه مصمم بردو
سليم في الوقت ده فونه رن
سليم:اتكلم في الفون
سليم بصدمه:ايييييييه
