 |
رواية طيف الفيروز الفصل الثاني |
♥ البارات التاني من الاسكريبت♥
- دخلت الاوضه وكانت المفاجأه .. جميله اوي كل حاجه فيها باللون الموف الحيطان والشباك والدولاب والسرير والسجاد واجمل حاجه سقف الاوضه تبصله كأنك شايف السما بالليل وهيا مزينه بالنجوم . فرحت اووووي عشان دا اكتر لون بحبه
- جبت هدومي وقربت عشان افتح الدولاب واحطهم بس حسيت بنفس الرعشه اللي حسيت بيها اتجاهلت الاحساس دا وبدأت ارتب هدومي وحاجتي .. بس الغريبه كل ما المس حاجه ف الاوضه بالرعشه لكن نسمة الهوا اختفت .. خلصت ترتيب كل حاجه ودخلت اخدت شور وصليت ونمت عشان شغلي
*************صباح تاني يوم***********
- صحيت دخلت الحمام وطلعت لبست وفطرت وسيبت كل حاجه لما ارجع ارتبها عشان اتأخرت ونزلت
- وصلت المستشفي وبدأت يومي كان متعب نوعا ما بس ع قلبي عسل عسل . خلصت شغل وروحت
- بفتح الباب حسيت بنفس الرعشه دخلت اتفاجأت ان فيه اكل ع السفره وكل حاجه مترتبه تلقائي خوفت وبكلم نفسي . كده فيه حاجه مش طبيعيه معقول يكون عفاريت لالالا ممكن عم محمد بعت حد ينضف ويعملي اكل
- فضلت سرحانه بس فوقت ع ريحة الاكل اللي لوهله نستني كل حاجه حتي نفسي وبصراحه كنت جعانه
- جريت قعدت ع السفره وبدأت اكل بأستمتاع بس كنت بحس بالرعشه ونسمة الهوا قريبه مني
- عجبك الاكل يا فيروز؟
- سمعت صوت حد قدامي بس بسرعه عقلي قالي بيتهيألك وكملت اكل
- بس الصوت اتكرر تاني وقتها حسيت لساني وقف وان كياني كله واقف . رفعت وشي لقيت
- شاب بيطلع منه ضوء ازرق ومبتسم
- فيروز .. اعااااا عفريت الحقووونااااااي قومت بسرعه اجري ف الشقه زي المجنونه وبصرخ بصوت عالي
- وقفت مره واحده بصيت عليه لقيته لسه قاعد مكانه بنفس الابتسامه السمجه دي بس الضوء الازرق اختفي
- فيروز بتوتر وخوف ممزوج بمرح سيكا .. انت مين يا عسل ودخلت شقتي ازاي ؟
- هو .. انا عفريت !!
يتبع
حطوا اسم للاسكريبت يا حلووين ♥
♥ دمتم بحفظ الله♥❤️البارات الرابع❤️
- مراد / يبقي الحل أنهم لازم يفترقوا والطيف دا يتحظر تماما من دخول عالم البشر للابد وبيكون دا عقابه
- والبشري لو ف..ض.ح سر أن في أطياف بيت.. قت.. ل علطول عشان كده بيحفظوا السر وينسوه مع الوقت
-فيروز / اممم وحضرتك بتعمل ايه ف شقتي . وياتري في أطياف موجوده هنا غيرك؟؟
- مراد / مفيش أطياف هنا غيري لأن ممنوع اي طيف يدخل عالم البشر الفتره دي بسبب شويه ظروف خاصه بعالمنا
-. بس مسموح ليهم حاليا يراقبوا عالم البشر من بعيد إنما يدخلوه لا
- فيروز 🤨🤨 اشمعنا انت يعني
- مراد بمرح / انا اخترقت القوانين وبما اني ابن الملك لو اكتشفوا عقابي هيكون بسيط
- فيروز / ههههه كوسه يعني .. حتي العفاريت فيه كوسه
- مراد 😠😡 انا مش عفريت قولتلك
فيروز / خلاص أعم انت مش عفريت بس برضو عايزه اعرف بتهبب ايه ف شقتي؟؟
- مراد / مهو كان لازم اختار مكان استخبي فيه بعيد عن حراس الملك اللي بيدورا ع اي حد بيخالف القوانين .
-. والشقه دي كانت المكان المناسب
فيروز / بدأت الف حواليه وانا بسأله
- والرعشه الغريبه ونمسة الهوا ليه كنت بحس بيهم؟؟
- مراد /. الرعشه اللي حسيتي بيها عند الباب حسيتي بيها لأن ف مكان سري عند الباب بيوصل لعالم الأطياف
والرعشه اللي كانت ف الاوضه بسبب اني انا اللي مجهز الاوضه دي بنفسي من عفش والوان .. وانا ملمستش غير الباب والاوضه والأكل ف عشان كده حسيتي بالرعشه .. بس فيه حاجه غريبه
- فيروز باستغراب /. حاجه اي دي
- مراد / محدش بيحس برعشه الأطياف غير شخص شاف الخوف بعينه
- فيروز / ..........
- مراد / عجبك الاكل 😉
- فيروز /. اطلع بره
مراد / نعم 🤨😒
- فيروز / هو ايه اللي نعم اطلع بره دي شقتي
- مراد / مش هينفع امشي دلوقتي حراس الملك اكيد حوالين المكان
- فيروز ربعت ايديا ورديت ببرود / مش مشكلتي
- مراد / وقف قصادها وعيونه قلبت بني
- مش هض.. رك صدقيني انا بس هفضل هنا شوية لحد ما دورية الحراس تخلص
- فيروز / سكت شويه وبصلته والغريبه اني مش خايفه بالعكس حاسه ب ونس وامان .. مش عارفه اي حول المشاعر اللي انا فيه ده 😂😂 مشيت لحد باب الاوضه
- ورجعت بصلته وهيا رافعه صوبعها ف وشه بتحذير
- لو عملت حركه كده ولا كده هما ركعتين قيام ليل وايه الكرسي يج.. بوك الأرض؛ امين! امين ودخلت الاوضه وقفلت الباب
- بصيت ف الاوضه اللي قال إنه مجهزها وبدأت المس كل حاجه فيها وانا حاسه بالرعشه .. وبعدين صليت ونمت وانا حاسه ان كل دا حلم أو انا بتخيل .. ايهما أقرب
- صحيت ع صوت عالي قومت بسرعه فتحت الباب
- يا فتاح يا عاليم يا رزاق يا كريم اي الاغاني دي ع الصبح لقيته واقف وبيعمل حركات غريبه ع اغاني مهرجانات روحت عنده وسالت بهدوء
- استاذ عفريت انت بتعمل اي؟ لمؤاخذه ف السؤال يعني لقيته فجأه بصلي وعيونه اتحولت اخضر وكشر وقالي ..
يتبع
اهو بارات طويل عايزه تفاااااااعل اكتر بقا
❤️ دمتم بحفظ الله❤️
