مختمره في عائلة مودرن كاملة جميع الفصول بقلم رحمة محمد

شهاب :النهارده بنت عمكوا هتوصل من الشرقيه عايزكم تعملوها كويس البنت دي جدكوا قبل ما يموت كتب كل حاجه هو بيملوكها باسمها يعني لو فكرتوا بس تزعلوها كلنا كدا هنبقي في الشارع لأن كل العز إلى انتوا فيه ده ملكها هي

أدهم :ما تقولي اتجوزها بالمره اهي تبقى كملت يعني وبكدا تضمن الورث ميروحش برا

شهاب :لا انا مضمنكش انت ولا اخوك كمان وبعدين انا مقدرش افرض حاجه على البنت ده اولا وثانيا البنت يتيمه وبنت اخويا وانت عندك اخوات بنات اي ترضى يتعمل فيهم كدا

آدم :وادي فقره المواعظ بدأت

شهاب :ولد احترم نفسك اي فقره المواعظ دي انت بتكلم ابوك

آدم :سوري يا كوتش والله ما اقصد بس انت عارف اننا فيك من الحاجات دي كلها يعني

أدهم :انا خارج عندي شغل ولازم يخلص عن اذنكوا

شهاب :أدهم انا مخلصتش كلامي

أدهم :حضرتك عارف ان الموضوع ده اخر همي إلى حضرتك شايفه صح اعمله وبعدين انا مش بدخل في اخواتي البنات هدخل فيها هي

أدم:طبعا انا مليش دعوه بالكلام ده هي حلوه ولا لا

شهاب :انا قايم قبل ما انفجر

/////////////////////////////////////////////////////////////

استوب أدهم شهاب منير دكتور نسا شاطر جدا سنه ٣٠ طويل وعيونه عسلي ورياضي بس حاد الطباع في حاله جدا في بيت لأن والده دايما رافض انه يفرض سيطره على إخواته البنات لأن هو وامهم شايفين ان دي اسمها رجعيه

آدم ٢٥ سنه أمور اوي زي أدهم واحلى كمان لأن عيونه زرق وده مخليه دايما محط إعجاب من البنات بيحب يتعامل معاهم جدا وبيعرف بمعنى أصح 🤣، ولسه مش عارف يتخرج من هندسه حتى الآن

وكمان في مليكه ٢١ وملك ١٨ هنتعرف عليهم قدام

///////////////////////////////////////////

ليلي :السلام عليكم ورحمة الله وبركاته

الكل :وعليكم السلام ورحمة الله وبركاته

شهاب :اعرفكوا ليلي بنت عمكم

مليكه :نوواي بنت عمي بتلبس الخيمه دي

ملك :انا صحابي لو شافوها مش بعيد يصوروها ويعملوها استيكر اصلا

شهاب :اخرسوا انتوا الاتنين ليلي تبقى بنت عمكم ولازم تحترموها وإلا محدش يلومني على العواقب انتوا فاهمين، انا اسف يا بنتي

ليلي :ولا يهمك انا يما سمعت زي كلامهم واكتر متخافش

آدم :يعني انا بنت عمي مختمره هههههه عشنا وشوفنا

ملك :دي هتبقى مسخره عارف هيسموها اي، مختمره في عائلة مودرن