رواية احببتها رغم انتقامي لها الفصل الثالث والعشرون بقلم آلاء عوض
فييين التفاعل انا لا اراي 😂
روايه احببتها رغم انتقامي لها♥️
الجزء التالت وعشرون
الأسبوع عدي بسرعه والنهارده الكل بيجهز للفرح
كانت مديحه هي اللي بتلبس ملك وأحمد طبعا سيف جاب ليهم هدوم جديده
كان أحمد لابس بدله وملك لابسه فستان فرح قصير كانو الاتنين قمرات
كانت نور لابسه فستان بيج طويل وفيه لولي ابيض وطرحه بيج وعليها تاج وشوذ ابيض وكانت عامله ميكب خفيفه ذادها جمال كانت حوريه في الجمال
كان سيف لابس بدله بيج وعليه قميص ابيض وشوذ ابيض وساعه بيضه
كانو الاتنين لابسين نفس الألوان وكانو قمرات
كانت ساره لابسه فستان زهري طويل وواسع وفيه لولي ابيض وعليها طرحه بيضه وشوذ ابيض وكانت عامله ميكب خفيفه ذادها جمال
ومراد لابس بدله كحلي وقميص ابيض وشوذ ابيض
كده الكل جاهز
مراد اخد معاه ساره وملك وأحمد في العربيه في اتجاهم للقاعه
وسيف اخد نور ومديحه وسعاد في في العربيه في اتجاهم للقاعه
✨✨✨✨✨✨✨✨✨✨
بعد نص ساعه كان الكل في القاعه كانت قاعه فخمه ألوانها جميله الديكور بتاعها جميل
كان الكل بيرقص في كل مكان وملك وأحمد اخوات ساره كانو مولعين الدنيا رقص وساره فرحت شويه وطلعت من مود الاكتئاب ومراد كان واقف جنب ساره علطول سعات يرقصو شويه وسعاد يتكلمو شويه ومديحه كانت قاعده جنب سعاد بيهزرو
سيف ونور طلعو باركو العروسين
سيف / مبروك يا دكتور احمد
أحمد / الله يبارك فيك يا سيف
نور / مبروك يا احمد مبروك يا عروسه
أحمد / الله يبارك فيكي
حان وقت رقصه السلو
سيف / يلاا
نور / يلا اي
سيف / اكيد يلا نرقص
سيف احد نور من ايدها وطلعو على الاستيتج
َرقصو اسلو على اغنيه( حياتي ودنيتي جنبك)
كان سيف قريب خالص من نور ونور كانت مجرحه جدا
نور / فاكر لما غنتلي الاغنيه دي
سيف / فاكر طبعا لما كنت في باريس
نور / كان احلى اسبوع والله
سيف بإعجاب / نور انت حلوه اوي
نور بكسوف / شكرا
كانت طول ما الاغنيه شغاله كان سيف بيغني معاها كأنه بيقول لنور ولما كانو بيرقصو كان سيف بياخدها في حضنه
كانت نور مستمتعه جدا معاه
بعد ما خلص رقص نزلو تاني
كانت نور سرحانه وحزينه وسيف كأنه قراء أفكارها
سيف / اوعدك اني اعملك احلى فرح في الدنيا كلها انا عارف انك زعلانه عشان ظروف جوازنا بس اوعدك يا نور اني اعوضك عن كل اللي فات
نور حضنت سيف بقوه كأنها بتداري دموعها اللي خانتها ونزلت لما افتكرت يوم كتب كتابهم
بعد الرقص والغنى وكل حاجه كل واحد روح على بيته مراد وصل ساره وروح على بيته
والكل اتحهه لاوضته
✨✨✨✨✨✨✨✨✨✨
في فيلا مراد
كان داخل مراد الفيلا وكان بيغني ومبسوط ومزاجه عالي
رهف بمرح / وربنا مش قولت الصناره غمزت مسمعتش كلامي
مراد / الله يخربيتك يا رهف انت بتطلعيلي منين منك لله هديتي اللحظه الرومانسيه اللي كانت جوايا
رهف / معلش معلش بس قولي هي حلوه طويله قصيره رف...
قاطعها مراد / بس بس وانت مالك بشكلها
رهف / مش هتكون مرات اخويا لازم اعرف إذا كانت حلوه ولا لاء
مراد / استريحي يا ستي هي قمر اوي
رهف بسخريه / يا واد يا رومانسي
مراد / غوري يا رهف على اوضتك
رهف / خلاص خلاص سكت اهو بس انت مستني اي اخطبها
مراد / خايف بابا ميوافقش
رهف / وبابا مش هيوافق ليه
مراد / عشان هي مش من نفس مستوانا وملهاش حد في الدنيا انا معنديش مانع بس خايف ابوكي يرفض
رهف / انت لو متمسك بيها وبتحبها أقف قدام اي حد وميهمكش حد اتوكل على الله يا مراد ونتضيغاش من ايدك
دخل مراد اوضته وفكر في كلام اخته واخد القرار خلاص
✨✨✨✨✨✨✨✨✨✨✨✨
في فيلا الدمنهوري تحديدا في غرفه سيف
نور / الفرح كان جميل خالص مش كده يا سيف
سيف / انت اللي كنتي جميله خالص يا نور
نور / احمم شكرا يا سيف
سيف بمرح / هو انا كل ما اقولك حاجه تقولي شكرا وبعدين اصلا شكرا مش بتتقال كده
نور بعدم فهم / امال بتتقال ازاي
سيف / كده
قرب سيف من نور وقبلها قبله كلها شغف واشتياق وهي بدلته نفس الشعور وذابو في بحور عشقهم
احببتها رغم انتقامي لها ♥️
بقلمي الاء عوض
روايه احببتها رغم انتقامي لها ♥️
الجزء الرابع والعشرون
صحيت نور ملقتش سيف جنبها استغربت جدا وقامت اخدت شاور ولبست هدوم واسعه والحجاب لأن مراد سعات بيجي البيت ونزلت لقت ملك وأحمد عاملين انقلابات في البيت
نور / بسسسسس
الكل سكت
نور / في أي بتتخنقو ليه
ملك بدموع / أحمد ضربني عشان عايز ياخد الريموت
نور / بتضربها ليه يا احمد واصلا ما فيه تلفزيون في اوضه ساره واحد يتفرج هنا وواحده تتفرج فوق
أحمد / لاء ما هو الكرتون هنا احلى من فوق يا نور
نور / خلاص اتفرجو على كرتون واحد
ملك / لاااء أحمد بيتفرج على كرتون وحش انا عايزه اتفرج على روبانزل
أحمد بزعيق / لاء انا هتفرج على توم وجيري
نور/ بسسسسس التلفزيون هيتقفل خالص مش هيتفتح غير لما ترسو على كرتون واحد موافقين
ملك وأحمد / موافقين
حضرت نور الفطار مع كريمه والكل اتجمع على السفره
سعاد / امال سيف فين يا نور
نور / والله مش عارفه يا طنط ممكن وراه شغل
سعاد / ممكن
ساره بخبث/ احممم احممم
نور / في أي يا ساره
ساره بخبث / لاء لاء مفيش
فضلو طول النهار وسيف برا محدش يعرف عنه حاجه نور قلقت عليه خالص وهي قاعده على السرير نامت
سيف / اصحى اي نور اصحى يا عروسه في عروسه تنام لحد الوقتي
فتحت نور عنيها بصدمه
نور بصدمه / عروسه
سيف / ايوه طبعا عروسه واحسن عروسه
قامت نور من على السرير
نور / عروسه ازاي يا سيف
سيف / بصي كده
كانت سيف معاه دعوه فرحهم
نور قرأت الدعوه ومكنتش مصدقه نفسها
نور بفرحه / بجد يا سيف بجد بعد اسبوع فرحنا
سيف / بجد يا روح قلب سيف
نور حضنته جامد
نور / شكرا يا سيف
سيف / بردو شكرا 😂😂
نزلو الأتنين وعرفو البيت كله
ساره بضحك / عماله افهمك من اول اليوم بس انت اللي غبيه
نور / انت كنت عارفه
سيف / كان لازم حد يكون عارف في البيت
نور / ايوه صح كنت فين طول النهار
سيف / كنت بجهز القاعه وبطلع الدعوات وبحجز فستان عروستنا
نور بفرحه / بجد عايزه اشوفه عايزه اشوفه
سيف / لاء خليه مفجاءه يوم الفرح
نور / اشطا
مديحه / بس ازاي يا نور هتعملي فرح وانت اتجوزتي اصلا
بصت نور لسيف بتوتر
سيف / عشان يا ماما كنا عملنا كتب كتاب بس الوقتي الفرح الكبير
مديحه / مبروك يا حبايبي
✨✨✨✨✨✨✨✨✨✨
بعد اسبوع
الأسبوع عدي هوااا كانت نور فرحانه اوي ان سيف هيعلن جوازهم
ساره / مبروك يا عروسه
نور / الله يبارك فيكي عقبالك يا قلبي
ساره / انت قمر خالص والفستان عليكي قمر
نور / حبيبتي انت اللي قمر والموقف عليكي يجنن
(كانت نور لابسه فستان ابيض طويييل خالص وفيه الماظ كتير ولابسه حجاب ابيض جميل ملفوف بطريقه جميله وكان عليها تاج أنيق جدا كانت ملاك وقمر خالص)
( كانت ساره لابسه فستان موف ضيق شويه تفصيلته جميله وعليها طرحه فضي جميله جدا وشوذ فضي كانت قمر هي كمان تلفت الأنظار)
طبعا ملك وأحمد العرسان الصغار كانت ملك لابسه فستان ابيض قصير وأحمد لابس بدله سوده
أحمد / اي رايك يا سيف
سيف / قمر يا حبيبي
أحمد بطفوليه / يارب أكبر وابقا عريس يارب أكبر
مراد بضحك / انت ليك مستقبل باهر يا احمد والله
أحمد بغمزه / ياعم مش لازم أمن على مستقبلي
مراد بضحك / تأمن مستقبلك اي يا عم بس
(كان سيف لابس بدله سوده وقميص ابيض وجذمه سوده كان قمر يا جدعان 😂😂)
(كان مراد لابس بدله رمادي وقميص ابيص وجذمه بيضه كان حاجه كده أمريكاني 😂😂)
✨✨✨✨✨✨✨✨✨✨✨
بعدها بنص ساعه كان الكل متجمع مستني نور تنزل
كانت نور جهزت خالص ونزلت على السلم وكان وراها سعاد ومديحه وساره ومني مرات أحمد ورهف اخت مراد والكل كان ببزغرد والفرحه والابتسامه على وشهم
سيف انبهر بنور كانت ملاك فعلا الفستان والحجاب منورين وشها
سيف بانبهار / اي القمر ده
نور بكسوف / شكرا
قاطع للحظه دي صوت الدكتور أحمد
أحمد / مبروك يا سيف
سيف/ الله يبارك فيك يا احمد
أحمد / مبروك يا نور
وهمس جنب ودنها
أحمد / احسن قرار اخدتيه
ابتسمت نور / الله يبارك فيك يا احمد
مني / مبروك يا حبيبتي
نور حصنتها / الله يبارك فيكي يا منى
أحمد / يلا يا جماعه هنتاخر
الكل / يلا
مراد بانهيار / اي القمر ده يا ساره مكنتش اعرف ان الموف حلو عليكي اوي كده
ساره / بكسوف شكرا وانت كمان حلو و..
قاطع للحظه الرومانسيه دخول رهف عليهم
رهف / احممم لكون جيت في وقت مش مناسب
ساره / لا يا حبيبتي انت تنوري في أي وقت
ومراد لعن رهف ميت مره بسبب غباءها
وبعدين الكل اتجهه القاعه
كان أحمد ومني في عربيه وسيف ونور في عربيه ومراد وساره ومديحه وسعاد في عربيه وابو مراد وأم مراد ورهف في عربيه
وهوباااااا لاء كفايه عليكو كده انتظروني البارت اللي جاي😂😂
احببتها رغم انتقامي لها ♥️
بقلمي الاء عوض
لمتابعة باقي الرواية زوروا قناتنا على التليجرام من هنا
