رواية الجني العاشق الفصل الثالث بقلم منه طارق
الجن العاشق ❤️🔥
البارت التالت
وفجاة لقيت النور اشتغل
انا فتحت عينى وبص حوليا ملقتش غير بابا وماما
واحمد جمبي بيفوقنى
قومت وقفت بخضة وبقولهم فى حد كان هنا واى الى حصل انا جيت ع السرير ازاى
احمد...اهدى ي اش اهدى احنا سمعنا صوتك وانتى بتقولى حد يلحقنى جينا لقنكى نايمة ع السرير وبتصوتى كنا بنفوقك
هو اى الى حصل
انا مش عارفة اقولهم اى خايفة مش يصدقو بس هقول
الى حصل وانا جاية انام ل .لقيت البلكونة وبابص ع البلكونة لقيتها مفتوحة وانا كنت قفلها
ماما ..مالك ي اش فى اى مالها البلكونة
...ا ااصل ..ي ماما لقيت هوا شديد والستارة كانت بطير روحت قفلتها
بابا .. احنا فى الصيف وكمان مكنش فى هوا البلكونة مفتوحة طول اليوم
اش ..ازاى بس الهوا كان شديد وانا قفلت البلكونة وروحت انام وفجاة لقيت ولسة بكمل كلامى جرس الباب رن
بابا مين الى هيكون جاى دلوقتى
كلنا روحنا عشان نشوف مين الى هيجي س 12بليل لقينا واحد بيقول
-انا اسف ع الازعاج
ياسين ...لا ولا يهمك خير فى حاجة
انا جاركم الى تحت
ياسين ..اها اهلا وسهلا
-اهلا بيك
-انا لقيت دة واقع عندى فى البلكونة
ياسين...شكرا ليك جدا
وبابص للراجل دة وبسمع صوته زي م اكون اعرفه حاسة ان سمعت الصوت دة
بعد م مشي وانا واقفة فى مكانى مش عارفة اى اليحصل دة واى الى وقع الفوطة بتاعتى عندو انا مش نشرت حاجة وجت ليه ازاى
-اش اش
هااا ي ماما فى حاجة
ماما ...يلا عشان ننام الوقت اتاخر تصبحي ع خير ي حبيبتى واستغطى كويس
حاضر ي ماما وانتى من اهله ....ودخلت اوضتى وانا عاملة افكر اى اليحصل دة انا مكنتش بحلم لاء انا كنت لسة صاحية وكنت رايحة افتح النور ومين الراجل الى تحت دة جه امتى اصلا الشقة دى كانت فاضية
والفوطة دى جتله ازاى انا مش نشرتها دى كانت ع الكرسي هنا وبابص ع الكرسي ملقتش حاجة عليها
مسكت راسي من الصداع والاحداث بتعدى اقدمى عينى كلها بسرعة جدا قومت اخد حاجة لصداع ومنوم
تانى يوم
صحيت ع صوت تلفونى
الو مين
-مين اى انا مازن
اها معلش اصل نايمة
-ولا يهمك
عاوز حاجة
-لا كنت بطمن عليكى اصل لما كنا بنتكلم امبارح لقيتك قفلتى الخط حاولت اتصل عليكى لقيت الفون مفصول قولت ممكن فصل شحن قوليلى بقا كنتى بتقولى انتى كمان اى
ثانية واحدة بس
مازن ...اى
تلفون مين الى فصل
مازن ..تلفونك
لا انا تلفونى مش فصل امبارح كنا بنتكلم تلفونك انت الى فصل فضلت اتصل عليك مدينى غير متاح
مازن ...والله لا انتى الى كان مفصول ولما قلقت اتصلت ع احمد اخوكى قولته شوفها كده
دخل يشوفك لقكى نايمة
انا مكنتش مصدقة الى بيقوله بقوله ازاى يعنى لا اكيد فى حاجة غلط مستحيل يكون بجد
مازن ...هو اى انا مش فاهم حاجة
سلام ي مازن دلوقتى هبقا اكلمك بعدين
قفلت معه وروحت لاحمد ي احمد
احمد ..نعم
هو امبارح مازن اتصل عليك
احمد ..ايوة اتصل عليا عشان اشوفك انتى نايمة ولا اى عشان كان بيكلمك وتلفونك فصل
دخلت عليكى لقيتك نايمة وتلفونك ع الشاحن
سمعت الى قالو احمد سيبتو ودخلت اوضتى بحاول اربط الاحداث ببعضها
افتكرت الحلم الى حلمته قبل كده كان فى شخص بيقولى انتى بتعتى انا بس كان عيونه زى عيون الشخص الى كان ف اوضتى امبارح
لا مستحيل يكون صح 😳 ممكن يطلع دة الجن العاشق
لالا مستحيل دى ممكن تكون اوهام
طيب والفون الى اتحط ع الشاحن والخط الى اتقفل ممكن يكون هو الى عمل كده
ميكنش انا حطيت الفون ع الشاحن ونسيت
طيب افرض انا حطيتو ع الشاحن مازن تلفونه هو الى كان مفصول مش انا انا الى كنت بتصل عليه
وعاملة اكلم نفسي ف الاوضة ورايحة جاية فيها لا اكيد الاوضة دى فيها حاجة هشغل قران فتحت تلفونى وجبت القران وشغلتو وطلعت من الاوضة روحت المطبخ اشرب مياة رجعت لقيت .......
