رواية ملاك في رداء الشيطان الجزء الثاني الفصل الثاني 2 بقلم ايزيس
البارت التاني
#ملاك_في_رداء_الشيطان٢
#بقلم_إيزيس
في فيلا مارد المالكي
كانت أنجل خارجة وفي إيدها اتنين قهوة لمارد وعزيز بصت علي باب الفيلا لقيت رغد وحالتها صعبة جدا شعرها منكوش وعينيها حمرا والكحل سايح علي وشها
رغد اول ما شافت أنجل جريت عليها ووقعت صينية القهوة من ايديها وقالت وهي بتتر"عش ..... انجل اسلام اسلام ومارد وقبل ما تكمل كلامها وقعت بين ايدين انجل وفقدت الوعي
أنجل برقت عينيها بصت لرغد بصدمة و صرخت ....رغدددد ،
حضنتها ونزلوا ع الأرض بالراحة ومارد جري عليهم بلهفة في نفس الوقت موبايله رن كان اسلام مارد رد عليه بسرعة وقبل ما يقول حاجة اسلام اتكلم بصوت فيه نبرة خو*ف وقال
_ مارد رغد هربت مني
بس قبل ما يوضح كلامه كان مارد مطمنه وبيقوله
_ رغد عندنا تعالي بسرعة عشان افهم ايه اللي بيحصل وليه هي بالحالة دي
اسلام رمي الفون بسرعة ولف العربية وطلع علي بيت مارد
في نفس الوقت مارد شال رغد ونيمها ع الكنبة وأنجل جريت علي فوق تجيب برفيوم عشان تفوقها
الكل اتجمع ومارد رش من البرفيوم علي ايده وقربها من أنف رغد لحد ما فاقت بصت لمارد وبرقت وبعدين لفت وشها علي كل الموجودين
أنجل اتكلمت بسرعة وقالت
_ رغد انتي كويسة ؟؟
رغد رجعت شعرها المنكوش لورا بتوتر وقامت بسرعة وقالت
_ أنا انا لازم امشي
مارد مسك دراعها وقال بصرامة
_ اقعدي اسلام جاي دلوقتي
رغد زعقت وقالت
_ أنا قلت هامشي سيبني ، سيب ايدي ، أنتوا..
"وقبل ما تكمل كلامها جري اسلام بلهفة عليها وحضنها "
وقال : اخص عليكي كنت هامو*ت م القلق عليكي ع العموم لينا بيت يلمنا
رغد ضربته بإيديها في ضهره وكانت بتحاول تفك نفسها منه وقالت : أنا مش هارجع معاك
اسلام قرب علي ودنها وهمس
_ رغد لو ماجتيش معايا ولادك مش هتشوفيهم تاني
برقت هي وصرخت
_ هتق*تلهم
الكل برق لما رغد قالت كده وهو ضغط علي أسنانه واتصنع الابتسامة وقال : بطلي هزار بقي يا حبيبتي
قاطعه مارد وقال : ممكن افهم ايه اللي بيحصل انتو اتخانقتوا
اسلام بص لرغد بنظرة مرعبة معناها اتكتمي خالص وما تنطقيش وقال لمارد : خنا*قة بسيطة بس انت عارف رغد دلوعة اد إيه ، هابقي افهمك بعدين
"مسك إيد رغد وقال "
_ يلا يا حبيبتي نمشي
أنجل شدت إيد رغد وقالت : مالكش حق يا إسلام مدام متخانقين يبقي رغد لازم تبات عندنا إنهاردة روح بقي تولي مسؤلية أولادك
اسلام بيحاول يتمالك أعصابه بص لرغد وقال
_ هي عارفة كويس اني لا أنا ولا الاولاد نقدر نعيش من غيرها ولا ايه يا رغد " قال كلمته الأخيرة بنوع من التهد*يد "
بصت له وهزت راسها في نفس اللحظة خطين دموع نزلوا من عينيها أنجل كانت مستغربة من تصرفات رغد هي معروفة بأنها مرحة وتحب الهزار حتي لما بتتخانق مع إسلام بتكون خنقاتهم لذيذة وفيها دعابة الا المرة دي ، حتي مارد كان شاكك أنه فيه حاجة مخبينها عليه
اسلام مسك إيد رغد وابتسم واخدها وخرجوا أما انجل فضلت باصة لطيفهم لحد ما اختفوا وهي مستغربة
جميلة بصت لمارد وقالت : روح ورا صاحبك وحاول تهدي الموقف بينهم عشان الاولاد ما يخا*فوش ، أنا حاسة انهم هيتخانقوا تاني لما يروحوا
مارد هز راسه وقال
_ تمام
انجل قالت : أنا هاجي معاك
مارد رد بسرعة : لا خليكي انتي عشان الاولاد من امبارح ماقعدوش معاكي
هزت أنجل راسها وقالت : اوك بس ابقي طمني علي رغد انا قلقانة من حالتها دي اول مرة اشوفها كده
هز مارد راسه يعني حاضر واخد مفاتيح عربيته وفونه وخرج بسرعة
***************
في بيت اسلام
رغد قاعدة ع الكنبة وشها للأرض وبتفرك في إيديها وبتعيط من غير صوت وهو واقف ساند ضهره ع الباب ومربع إيديه وبيبص لها بعتاب فضل دقيقة باصص لها وبعدين اتأفف ورجع شعره لورا وقرب ناحيتها وقال
_ إنتي بتدي الموضوع أكبر من حجمه ، مش مهم كنت إيه في الماضي المهم انا دلوقتي ايه ، احلفلك اني اتغيرت وبعدت عن السكة دي خالص ، يمكن اندفعت ومشيت غلط بس توبت وربنا غفور رحيم
بصت له وعينيها مليانة دموع وقالت
_ تفتكر لو سامحتك هاقدر انسي واعيش معاك طبيعي ، اسلام انا بقيت بخا*ف منك عارف يعني ايه واحدة تخا*ف من جوزها اللي هو المفروض مصدر الأمان ليها ولولادهم
الكلمة دي جرحت اسلام جدا كانت زي خن*جر ط*عنه ف قلبه هو مالهوش غير اسرته الصغيرة دي مراته وأولاده الاتنين هما عيلته لأنه وحيد وأهله ماتوا كلهم ، اسلام عيلته دي هي أغلي حاجة عنده في الحياة هما ومارد
فضل باصص لها والدموع اتجمعت في عينيه ومسك إيدها وباسها وقال بصوت مخنوق
_ سامحيني يا رغد
دخل مارد وأنصدم من شكل اسلام والدموع اللي في عينيه واتأكد أن الموضوع اكبر من مجرد خناقة بسيطة
وقبل ما مارد يتكلم لقي رغد وقفت وقريت ناحيته وبصت له بكره شديد وقالت
_ اهلا بجناب الما*فيا اهلا بخراب البيوت ، الشيطا*ن شرف يا جدعان
مارد بص لرغد بعدم فهم وبعدها بص لاسلام وعقد حواجبه كأنه بيسأله ايه الحكاية
اسلام وقف ومسك رغد من درعها وضغط عليه وقال بغ*ضب : رغد اخر*سي
بص لمارد وقاله : تعالي نتكلم برا
رغد بتعيط بصوت عالي قالت : وليه تتكلموا برا اللعب بقي ع المكشوف يا مارد باشا ، وانا من زمان بسأل نفسي فيه حد طبيعي يسمي نفسه مارد بس عرفت الإجابة يا أستاذ ما*فيا
مارد وقف مكانه يستوعب الصدمة وإسلام جري علي رغد وقال بتهد*يد: قلت اخر*سي
مارد مسح علي شعره وغمض عينيه وقال بصوت واطي: اللي ما وريتك يا ابن الكل"ب كان يقصد شخص معين في دماغه
مشي ناحية رغد بخطوات ارعبتها شال ايد اسلام من دراعها وسند ايده ع الحيطة اللي كانت وراها وقرب من وشها و قال بنبرة تهد*يد لكن صوته واطي : مين اللي قالك الكلام دا ؟
رغد بتحدي _ أنا عرفت لوحدي
اسلام رد بسرعة وقال
_ شافت الفيديو اللي بعتناه لماركو بعد ما كان هيق*تل أنجل واحنا قت*لنا رجالته
مارد بص لرغد وقال بكل هدوء : كل اللي إنتي شوفتيه دا ماضي وانتهي ، تشغلي مخك وتنبشي في الموضوع هتتعبي نفسك ع الفاضي ، ولو بس فكرتي تلمحي لأنجل بأي حاجة من اللي عرفتيه تبقي كتبتي نها*يتك بإيدك فاهمة
" رغد ما رديتش "
زعق بصوت خلاها اترعشت منه وكرر : فاهمة
هزت راسها بخوف وبصت لاسلام وقالت : فاهمة
مارد خرج م الأوضة عشان ما يفقدش أعصابه اكتر من كده وإسلام وراه
مارد : أنا اسف لاني زعقت لمراتك بس كان لازم تخا*ف ، انا مش عارف القيها منين ولا منين
اسلام بص له وقال : لسة الوا*طي دا بيحوم حواليك
مارد هز راسه يعني ايوا وسرح شوية افتكر
Flash Back
*مارد كان قاعد في مكتبه جاله اتصال علي فونه رقم برايفت
_ الو ، مين
_نسيت صوتي ولا ايه
مارد ببرود : مش يمكن مش عايز افتكره ، اخلص إيه فكرك بيا تاني ، أنا مش كنت نهيت الموضوع دا معاك قبل كده
_ عايز سلا*حي اللي دفعت حقه وانت رافض اني أخده خبيبي
_ أنا قولتلك اني قفلت مصنع السلا*ح ومستعد ادفعلك كل دولار دفعته في السلا*ح دا انت اللي رافض مش أنا .
_ مارد السلا*ح دا يهمني جدا وعلي فكرة أنا ممكن اتفاوض معاك بطرق كتير تانية غير الكلام مش تخليني استخدم عن*ف مارد انا ضد عن*ف ، سلم لي علي الليدي " أنجل "
مارد اتعصب واعتصر الموبايل في إيده وضغط علي أسنانه في حين المتصل بمجرد ما حس إنه نجح إنه يستفز المارد قفل المكالمة بسرعة
Back
اسلام هز مارد وقال : هو في حاجة حصلت انت مخبيها عليا
مارد حكي لاسلام اللي حصل كله
اسلام ضرب جبهته من اليأس ومسح وشه وقال : أنا شكلي هاروح للزفت ماركو دا واخ*لص عليه بإيدي
سمع صوت من وراه
_ ق*تل ، ق*تل تاني طب يا اسلام طلقني يا مجر*م
اسلام بص لمارد ومارد بص له بتكشيرة وضيق وقاله : اتصرف
اسلام حضن رغد من وسطها بإيديه الاتنين فضهرها بقي مقابل صدره وطلع بيها فوق وهي بتصر*خ وتر*فص وتقوله نزلني أنا مش ممكن اعيش معاك تاني
مارد ركب عربيته وفضل يفكر هيتصرف ازاي وليه كل المشاكل بتظهر مرة واحدة فضل يلف وماحسش بنفسه لحد ما الساعة عدت ١٢ و نص بالليل وفجأة جاله اتصال من جميلة
رد بقلق كأنه حاسس ان الاتصال دا مش طبيعي ، وقبل ما يقول الو سمع جميلة بتعيط وتقوله
_ مارد روز مش قاعدة في اوضتها ، تعالي بسرعة
لف مارد عربيته بجنون وقال من بين أسنانه: اللي كنت خايف منه حصل ماشي يا ماركو الكل" ب
وصل البيت في وقت قياسي اول ما وصل لقي أنجل منهارة م العياط وجريت عليه وقالت
_ بنتي
مسكتها الشغالة عشان تهديها قامت بعدت ايدها وقالت
_ ابعدي عني
قرب مارد ناحيتها وقال بهدوء عكس النار اللي جواه
_ اهدي
كانت شهقاتها بتزيد وقالت
_ بنتي مش لاقيها يا مراد
مسكها من كتافها وقال بحنية
_ هالقيها والله ما تقلقيش
هزت رأسها وقالت بهستريا
_ لا لا بنتي مش قاعدة في سريرها
حضنها وقال
_ اوعدك إنها بكرة هتكون في سريرها
بعدت عنه وصرخت بهستريا
_ عايزة بنتيييي
حضنها وهي كانت خلاص فقدت كل قوتها وتماسكها وكانت هتقع ع الأرض نزلوا وهو حاضنها وقال
_ إهدي يا أنجل
قالت وهي بالعافية بتاخد نفسها : بنتي يا مارد
وفجأة فونه رن رقم برايفت مسكه بسرعة ورد : مين ؟
_ عجبتك المفاجأة خبيبي
مارد ............. يتبع
****************
الفصل الثالث الجزء الثاني من هنا
بدل ماتدور وتبحث علي الروايات خليها علي تليفونك وحمل تطبيقنا
