رواية طفلة الفهد الفصل الثلاثون
زينه وفهد نزلوا تحت وقعدوا في الكافتريا
_فهد !!
فهد قام وقال:تيم٠٠٠٠٠٠تيم حضن فهد وقال:وحشنى اوى ياض
_ وانت كمان فينك من زمان
_الظروف والله
_انت بتعمل اي هنا
_المدام
_اهلا وسهلا
زينه بابتسامه:اهلا
_بتعمل اي هنا
_عندي شغل وانت بتعمل اي هنا
_ده موضوع طويل اوى
_خلاص لينا قاعده سوا
_طبعاا عن اذنكم
_اتفضل٠٠٠٠٠٠فهد قعد وزينه قالت:انتوا تعرفوا
_ده كان اقرب شخص ليا من ايام الجامعه
_كان ودلوقتى
_اتخرجنا وكل واحد شاف حياته صحيح انتى تعرفي
_ده حبيب الين اللى كنت قاعده معها
_بجد٠٠٠٠وفجاه تليفون فهد رن ٠٠٠زينه بصت على التليفون والغضب عم عليها عالطول وقالت في سرها:ده حاضره عالطول انا بكر'ه البت ده اوى
_الووو
_اخبارك اي يا فهودتى وحشني اوى
_تمام انتى اي اخبارك وماما ومالك وبتول
_كلنا بخير صحيح هترجع امتى انت عارف ان القصر وحش اوى من غيرك
_ان شاء الله بعد العرض ما يتقدم
_ان شاء الله انت بتعمل اي دلوقتى
_قاعد انا وزينه في الكافتيريا
_طب حاول تبعد شويه عنها
_اي ؟؟
_ههه انا بهزر سلام وسلملى على زينه
فهد قفل التليفون وزينه كانت هتمو'ت وتعرف قالت اي
_هي كانت بتقولك اي
فهد حاول يعصب زينه وقال:وانتى واخده بالك ليه
_ولا واخده بالى ولا حاجه وبعدين انا مالى
_بس انا مش شايف كده خالص
_شايف اي
فهد بص في عيون زينه وقال:شايف واحده غيرانه
نبضات زينه ازدادت وقالت في سرها:معقول يكون عرف انى بحبه
زينه بتردد:لاءء لاءء
_زينه روحتى فين ؟
_معاك معاااك ٠٠٠٠٠فهد ابتسم على جنانها وقال:هروح اعمل مكالمه وراجع
زينه هزت راسها ونبضات قلبهاا كانت عاليه اوى
عند مالك وسمر ✨
مالك وصل سمر بالفعل عند اهلها ٠٠٠٠سمر بتحاول تفتح الباب ولكن الباب مش بيفتح
_استغفر الله العظيم يا رب
_انتى بتكلمينى
سمر بصت حواليها وقالت:اعتقد مفيش غيرنا انا وانت في العربيه ولا في حد معنا وانا مش واخده بالى
_في اي طيب
_افتح الباب يا خفيف
_الباب ٠٠٠الباب مفتوح على فكره
سمر حاولت تفتح الباب تانى لكن مفتحش وقالت:انت بتهزر صح
_ابعدي شويه يا بت وانتى ضعيفه اوى
_هههه طب افتحوا يا خفيف
مالك قرب من سمر وكان بيحاول يفتح الباب لكن مفتحش بردو ٠٠٠٠مالك كان مستغل قربه من سمر ومكنش راضي يفتح الباب
_كل ده عشان تفتح الباب
_اهدي يا بت ٠٠٠٠سمر خدت نفس عميق وفجاه زقت الباب برجلها وقالت:كفايه غش بقاا
_اي ده انتى قويه اوى ازاى فتحتى الباب وانا قفله بالمفتاح
_عمرك ما هتتغير ٠٠٠٠سمر نزلت ومالك:منال
_خير
_هتوحشينى!! قلب سمر كاد أن يخرج من مكانه وطلعت تجري عالطول
_يا بت المجنونه !!٠٠٠٠٠مالك شغل العربيه ومشي وسمر خبطت على الباب جامد اوى
_بسم الله الرحمن الرحيم مين
_انا يا ماما ٠٠٠٠٠ام سمر فتحت الباب وقالت:سمر انتى كويسه يا بنتى
سمر حضنت امها وقالت:ايوه يا ماما انتى اخبارك اي
_انا الحمدلله بس في حد عاقل يخبط على الباب كده
_معلش يا ماما امال فين بابا
إم سمر مسكت أيدها وقالت:فين زوجك
_مالك مشي ٠٠٠٠٠٠٠مسكتها من ودنها وقالت:عمر عقلك ده ما هيكبر ابدااا ازاى تنزلى من العربيه من غير ما تقولى لزوجك اتفضل او حتى يجى يسلم عليا
_اهدي يا ماما والله نسيت وبعدين ده شخص رخم
_اي ؟؟
سمر بابتسامه:لا ولا حاجه مقولتيش بابا فين
_في الشغل فطرتى؟
_والله جعانه اوى الحقينى بالاكل
_اقعدي يختى اقعدي والله ما عندك عقل خالص
_انا داخله اوضتى وتجيبي الاكل على هناك
_طيب يا ام لسان ٠٠٠٠٠سمر دخلت اوضتها واترمت على السرير وخدت نفس عميق وفجاه فكرت في مالك وقالت:اي ده انا حاسه ان فيا حاجه ناقصنى طول ما انا بعيده عنه
سمر قامت وبتردد:مستحيل ده يحصل مستحيل وفجاه تليفونها رن
سمر فتحت التليفون من غير ما تشوف الاسم وقالت:الووو
_عامله اي
سمر بصت في التليفون وقالت:انا دلوقتى عرفت ليه بقيت مجنونه
_ليه
_بسببك عشان انت شخص مجنون وتافه و
_ووحشتينى
نبضات سمر ازدادت وقالت بدون واعى:فعلااا
مالك بص في التليفون وقال:منال معايا
سمر فاقت لنفسها وقالت:عايز اي
_ولا اي كنت بطمن بس
_واطمنت !!
_لا هطمن لما اخدك في حضنى
سمر قفلت التليفون في وشه وقالت:واحد حيو'ان
_يا بت ال اي ؟
في قصر الكيلانى ✨
_يااااا تصدقي القصر كان وحشنى اوى يا ماما
_انتى محسسانى أننا كنا مسافرين
_تصدقي فكرتينى بفهد
_فهد والله كنت ناسيه خالص رني عليا يا بتول
_حاااضر ٠٠٠٠٠٠بتول رنت على فهد بالفعل ولكن تليفونه كان مشغول
_في اي
_مشغول شكلو بيكلم حد
_طب رني على زينه
_حااضر ٠٠٠٠٠بتول رنت على زينه ولكن تليفون زينه كان عند الين
_ده تليفون زينه ٠٠٠٠٠الين قامت وخبطت على اوضه زينه وفجاه الباب انفتح
_زينه ٠٠٠٠الين دخلت ولقت العمال بينضفوا في الاوضه
_اكيداا نزلوا تحت ٠٠٠٠٠
_اي ردت
_لا يا ماما بس في جرس يمكن بتعمل حاجه
_والله قلقت اوى
الين نزلت تحت وبالفعل لقت زينه
_زينه
_الين ٠٠٠٠٠الين:تليفونك وكان في حد بيرن
_نسيتوا شكرا اوي
_العفو عن اذنك
_انتى رايحه فين
_على اوضتى
_طب ما تخليكى قاعده معايا وبعدين فهد مش عارفه بيكلم مين
الين قعدت وقالت:طب شوفي مين اللى كان بيرن عليكى
_ده بتول ٠٠٠٠٠٠٠زينه رنت عليها
_زينه بترن يا ماما
_طب افتحى ٠٠٠٠٠بتول فتحت التليفون وقالت:وحشتينى اوى يا زينو اخبارك اي
_الحمدلله يا بتول والله انتى اللى وحشانى وماما زينب كماان
_هاتى اكلمها
_خدي يا زينه ماما معاكى والا ممكن تقت'لنى
زينه ابتسمت وقالت:اخبارك اي يا ماما
_الحمدلله يا قلب امك انتى اخبارك اي وفهد أخباره اي
_كلنا بخير يا ماما
_بقا كده يا زينه تسافروا وتنسوا ترنوا عليا
_كفايه محن بقا خليهم يعيشوا شويه بدون خوفك ده
_اسكتى انتى يا ام لسان
_طيب
_خدي بالك من نفسك يا زينه الا صحيح فهد فين برن عليا تليفونه مشغول
_مش عارفه قال إنه هيعمل مكالمه لما يرجع هقوله يا ماما يلا عايزه حاجه
_عايزه سلامتك خدي بالك من نفسك
_حاضر ٠٠٠٠٠سلااام
زينه قفلت التليفون والين كانت حاطه أيدها على خدها
_في اي
_انتى حلوه اوى يا زينه انا مشفتش جمال كده صغيره اوى حتى ايدك صغيره زي الاطفال
_ده بقا تريقه ولا اي
_مش قصدي بس انتى زي الطفله بالضبط ٠٠٠٠زينه زعلت عالطول وقالت:انا مش طفله انا عندي ١٦
الين حطت أيدها على ايد زينه وقالت: انا مقصدش حاجه
زينه قعدت تضحك وقالت:وانا بهزر
_يخربيتك انا فكرتك بتتكلمى بجد
_على فكره انا شوفت تيم
_تيم
_ايوه ده طلع صديق فهد من ايام الجامعه
_طب كويس اهو كده نقدر نقعد مع بعض
_فعلاااا
_طالما الين معاكى انا رايح مشوار كده وهرجع عالطول
_هتتاخر
_وانتى خايفه ليه وبعدين الين معاكى
_طب خد بالك من نفسك
_زينه انتى محسسانى انى عيل صغير
_انا غلطانه
فهد ابتسم وقال:حاضر يا زينه عن اذنكم
_والله الشاب دمه خفيف اوى ليه بتقولى أنه عصبي
_مش دايما ساعات بيبقا لطيف كده وساعات بيبقا عصبي اوى وممكن يتحول الى انسان مجنون
_مش للدرجه ده يعنى
_فوق ما تتصوري كمااان٠٠٠٠٠٠٠الين وزينه قعدوا يتكلموا مع بعض ويضحكوا
_الوووو
_في اي ؟
_في بنت قاعده مع الين يا كبير
_مين البنت ده
_معرفش انا اول مره اشوفها قاعده مع الين
حسن بخبث:بقولك اي انا غيرت الخطه
_اممم
_طلع الين من الخطه خالص وحط البنت اللى معها مكانها
_يعنى انت عايزنى انفذ الخطه على تيم والبت اللى قاعده مع الين
_بالظبط وبكده الين هترجعلى زي الكل'به
_بس ده لبسه دبله في أيدها الشمال يعنى متجوزه
_مش مهم متجوزه ولا مطلقه المهم تنفذ اللى قولتلك عليا
_طب بكره طيب
_موافق !!
_سلام ٠٠٠٠٠قفل التليفون وبص على زينه وقال:بس ده صغيره اوى بس إنما اي جامده
في المساء ✨
زينه كانت قاعده في اوضتها ومنتظره فهد اللى اتاخر اوى وقالت:يا تري قافل تليفونه ليه انا خايفه عليا اوى
زينه بصت على النتيجه وقالت:ازاى انسي عيد ميلاد سمر الحمدلله انى افتكرت أن عيد ميلادها بكره ولا كانت زعلت اوى
زينه مسكت التليفون ورنت على سمر
_زينه وحشانى اوى يا بت ال اي
_والله انتى اكتر اخبارك اي
_انا كويسه انتى اخبارك اي
_انا تمام اوى المهم كل سنه وانتى طيبه
_ليه ؟
زينه قعدت تضحك وقالت:بقا انا قولت أنها هتزعل اوى لو نسيت عيد ميلادها وهي نفسها ناسيه
_بس عيد ميلادي لسه بكره يا زينه
_طب واي يعنى عيد ميلادك لسه بكره على الأقل قولتلك كل سنه وانتى طيبه
_ليه مش هترني عليا بكره
_مش عارفه ساعات الشبكه بتكون ضعيفه اوى
_اه ٠٠٠
_بت يا سمر انا عايزه اقولك حاجه
_خير
_ما تتعدلى يا بت واتكلمى حلو
_اي يا زينه٠٠٠٠٠٠عايزه تقولى اي يا قلبي حلو كده
_مجنونه عقلياً المهم انا وفهد
_اممم
_قربنا من بعض
سمر ضمت حواجبها وقالت:انتى بتتكلمى جد
_اه
_ينهاااار اسو'د ده لو شيري عرفت ممكن تمو'ت فيها
_نفسي ارجع يا بت يا سمر واقولها عشان اخليها تبعد عن فهد بقاا
_زينه انا هقفل ماما بتنادي
_تمااام ٠٠٠٠٠سلام
سمر قفلت التليفون طلعت لقت مالك برا
_يلااا
_هروح اغير هدومي واطلع
مالك كان مستغربها اوى وقال في سره:انا فكرت أنها هتزعل وتقول لسه بدري
_اخبارك اي يا ابنى
_الحمدلله يا عمى
بعد شويه سمر طلعت ومالك قام وقال:يلاا عن اذنكم
_طب نتعشا سوا طيب مستعجل كده ليه
_لا يا عمى انا هاخد منال
_منال مين
_احم اقصد سمر ونتعشا سوا في المطعم
_خلاص يا ابنى خدوا بالكم من نفسكم
_حااضر عن اذنكم
_خدي بالك من نفسك يا سمر وابقي رنى عليا
_حاضر
سمر ومالك طلعوا وركبوا العربيه ومشوا
_انتى عارفه القصر كان وحش اوى من غيرك
سمر ابتسمت ابتسامه تحمل العصبيه وقالت:خفيف
_بت وربنا اقطعلك لسانك ده هو انا في نظرك عيل صغير عشان كل شويه تقولى خفيف
_خلاص يا عم اهدااا مش هتكلم خالص
_عم انا حاسس انى بكلم واحد صاحبي
سمر بتريقه:انا حاسس انى بكلم واحد صاحبي
_بقا كده يا منال بتتريقي على زوجك
_انت شخص تافه اوى وبعدين اي منال ده قولتلك مليون مره اسمى سمر
مالك بص ليها وقال:طب احلفى انك مبتكونيش فرحانه لما بقولك منال
_ببقا متنرفزه اوى مش فرحانه
_طب والله اسم منال لايق عليكى اوى
_هههه ظريف اوى
عند زينه ✨
زينه قلقت اوى على فهد خصوصاً الساعه بقت ١١ وفهد لسه مرجعش
زينه رنت على فهد ولكن تليفونه غير متاح بردو
زينه غمضت عينها وقالت: يا ربي انا قلقانه اوى يا ربي احفظوا والنبي
زينه فتحت عينها ولقت فهد في وشها
زينه حضنت فهد عالطول وقالت:انا كنت قلقانه عليك اوى وانت ولا على بالك
_اهدي يا زينه انا بخير
_طب قولى كنت فين
_مش لازم تعرفي٠٠٠٠٠فهد كان رايح الحمام ولكن زينه مسكت ايدو وقالت:انت دايما كده تخوفنى عليك ولما أسألك كنت فين تقولى مش مهم تعرفي
فهد شال ايد زينه وقال:اه مش مهم تعرفي
فهد طلع هدوم من الدولاب ودخل الحمام وزينه كانت متنرفزه اوى وقالت:بقا كده يا ابن الكيلانى ماشي انا هعرف بطريقتى كنت فين
بعد شويه فهد طلع وزينه كانت قاعده على الكنبه وبصه عليا فهد وهو مبتسم قال:انتى عامله زي المخابرات السريه على فكره
زينه قامت وقالت:فهد بجد كنت فين
_ليه
_اصلا تليفونك كان مقفول وانا خفت عليك اوى
_كنت في شغل يا زينه
_كداب ٠٠٠٠اقصد العرض لسه بكره وانت مكنتش في شغل
_طب كنت فين طالما مش مصدقه
_كنت مع شيري صح
فهد ضمه حواجبه وقال:شيري والإمارات انتى مجنونه يا بت ولا انتى اللى كده وبعدين تعالى هنا اشمعنا شيري يعنى
_لا ولا حاجه تصبح على خير
فهد مسك ايد زينه وشدها ليا وشال خصلة شعر جات على عينها وقال:طفلتى العنيده زعلت
_اه عشان مش بتقولى الحقيقه
_ولو قولتلك الحقيقه هتعملي اي
_مش هعمل حاجه
فهد زق زينه وقال:تبقا تسكتي بقااا
زينه مسكت ايد فهد وقالت:عشان خاطري
_مالكيش خاطر عندي
زينه حوطت فهد بايدها وقالت:انا شايفه أن في حد هنا بيقلدني
_احساس وحش صح
_جدااااا ٠٠٠٠٠٠٠٠فهد ابتسم وقال:بصي يا ستى انا
_امممم
_اهدي انا بتكلم اهووو
_طب اخلص انا همو'ت لو معرفتش
_متقوليش الكلمه ده تانى فاهمه ٠٠٠٠زينه هزت راسها وقالت:قول بقا
_انا ٠٠٠٠٠انا
_يا عم اخلص كل ده عشان تقول
_انا بحبك يا زينه
زينه اغمى عليها عالطول وفهد كان في حاله صدمه:😳😳
عند مالك وسمر ✨
مالك شد الكرسي وقال:اتفضلى سمر قعدت وقالت:بلاش تعمل كده عشان مش هتتغير ابدااا من نظري
_مش مهم وانا مش عايز اغير صورتى من نظرك أبدا عشان لو اتغيرت ممكن تبعدي عنى للأبد
_انت تقصد اي
_ولا حاجه انا اللى هطلب الاكل المره ده عشان بخاف من طلباتك اوى
سمر قعدت تضحك
_تطلبوا اي ؟
مالك طلب الاكل وسمر حطت أيدها على خدها وكانت مبتسمه
مالك انتبه ليها وقال:منال انتى كويسه
سمر:________
مالك شاور ليها وسمر فاقت عالطول وقالت:في اي
_صباحك ورد سرحانه في اي
سمر من غير تفكير:فيك
مالك بابتسامه:اي
_احم اقصد بضحك على جنانك
مالك رفع حاجب وقال:نعم
_متخدش في بالك
الجرسون حط الاكل على السفره وبدأوا ياكلوا
_على فكره الاكل الحار احلى بكتير
_علي فكره انا قعدت طول الليل في الحمام ٠٠٠٠سمر انكسفت وبصت تحت وقعدت تضحك
مالك حط ايدو على خدوا ومنبهر بضحكتها اللى تخطف الانظار
وفجاه واحده جرت وحضنت مالك من ورا
مالك ادير عالطول والبنت كانت لبسه لابس استغفر الله العظيم
سمر بصت لمالك ورفعت حاجب وقالت:استلم
_مين ده يا ملاكى
_انتى اللى كلمتى النهارده الصبح صح ٠٠٠٠مالك ضغط على سنانه وقال:انتى بتقولى اي يا منال انا مكلمتش حد النهارده خالص
_ايوه يا مالك انا رنيت عليك وواحد زي صوتك بالضبط رد عليا وقالى الرقم غلط
_لا يا حبيبتي الرقم كان صح بس مالك بيه كان مشغول
_بقا كده يا مالك تقولى كده
_معلش والله كنت مشغول اوى زي ما هى قالت
_كنت مشغول في اي بقا
مالك شد سمر من أيدها وحط ايدو على وسطها وقال:كنت مشغول مع مراتى اكيدا فهمتي انا اقصد اي
سمر بصت لمالك وفتحت بوقها وكانت في حاله صدمه
_مراتك انت بتقول اي
_ايوه ممكن تمشي بقااا
البت مشت وقلبها كان مكسور اوى وسمر ضر'بت مالك في بطنه وقالت:بقا مشغول يا قليل الادب
_كنتى عايزنى اقول اي يعنى مفيش إلا الحل ده وبعدين انتى زعلانه ليه انا عارف انك غيرانه
_اغار على واحد زيك مستحيل
مالك عدل الجاكيت وقال بغرور:اه طبعاا هو انا قليل انا كل البنات معجبه بياا
_هههه على اي
_طب والله غيرانه مالك قرب من سمر وقال:شمم رايحه غيره
سمر زقت مالك
وقالت:انا عايزه امشي يا خفيف
_ما لسه بدري
_بدري من عمرك أمشي ياااض
مالك حط ايدو على شعر وقال:يااض فين الانوثه يا بت
سمر مسكت الشنطه وقالت:أمشي ورايا
مالك مسك أيدها وقال:نعم يا روح امك ما تنعدلى يا بت
_اوعى كده وانت شخص مختل عقليا
مالك وسمر طلعوا وركبوا العربيه ومشوا
في قصر الانصاري ✨
محمود رجع من الشغل وأمه مسكت أيدوا عالطول
_في اي يا ماما
_عايزاك في موضوع
_ماما انا تعبان اوى ومش قادر
_مش هاخد من وقتك كتير
محمود قعد وأمه قعدت جنبه وقال:خير يا ماما اي هو الموضوع اللى عايزانى فيااا في الوقت ده
_اي رايك في بتول
_مالها
_اي رايك فيها ؟
_حلوه يا ماما ليه
والده محمود مسكت ايدو وقالت:يعنى اقول مبروك صح
محمود ضمه حواجبه وقال:مبروك على اي
_انت مش لسه قايل أن بتول حلوه يبقا على بركه الله
_ماما انا مش فاهم انتى بتقولى اي ممكن توضحيلى والنبي
_انا عايزه اجوزك بتول اي رايك
_اي ؟
_في اي يا ماما انا عايزه انام
_بتول انا عايزه اخد رايك في حاجه
_اي يا ماما
_اي رايك في محمود
_ليه
_اي رايك فيا الاول
_شاب كويس غير كده شهم وبيحب العدل واي بنت تتمنى
_يعنى توافقي تتجوزي
بتول رفعت حاجب وقالت:اي
بدل ماتدور وتبحث علي الروايات خليها علي تليفونك وحمل تطبيقنا
