رواية انت قدري الاجمل الفصل الثالث3 بقلم مارينا عبود

 رواية انت قدري الاجمل الفصل الثالث 

الجد عثمان؛يلاه يا اسيل يا بنتى 

اسيل كانت سرحانه وباصه على الباب وايان كان بيبصلها بحزن لانه عارف انها مستنيه فارس 

عثمان بصوت مرتفع نسبيا ؛اسييييل 

اسيل فاقت وبصتلهم بحزن وحست انه فارس خلاص مش هييجى 

قربت ومسكت القلم ومضت وتم الجواز 

الجد عثمان قام وحضن أيان وبعدين حضن اسيل؛انا عارف انك مضايقه من قرارى بس صدقينى هيجى يوم وتعرفى انه قرارى ده كان احسن قرار اخدته لحياتك ايان قدرك يا بنتى صدقينى هو راجل وبيحبك  وهيقدر يحافظ عليكى 

اسيل عيونها دمعت وحضنت جدها 

عمر بضحك؛مبروك يا صاحبى عقبالى بقااا وبص لرحمه وغمزلها 

رحمه وشها احمر من الخجل ونزلت رأسها 

أيان بضحك ؛متتلم يالااااا ولا اروح اقول لجدى

عمر بتوتر؛احم وعلى ايه الطيب احسن 

الجد عثمان؛رحمه خدى اسيل وطلعيها أوضه أيان علشان عاوز اتكلم مع أيان شويه

 

رحمه ؛حاضر يا جدى يلاه يا اسيل 

رحمه اخدت اسيل وطلعوا أوضه أيان

اسيل قعدت على السرير وفضلت تعيط 

رحمه بحزن؛مش قولتلك انه مش مش بيحبك يا اسيل بتعيطى ليه دلوقتى هاا ولله ما يستاهل دمعه منك 

اسيل بدموع؛لا لا اكيد ف حاجه غلط فارس بيحبنى يا رحمه اكيد ف حاجه حصلت خلته ميجيش 

رحمه بصدمه ؛اسيييييل فوقى يا حبيبتى انتى خلاص اتجوزتى ايااان حرام عليكى إللى بتعمليه ده 

اسيل بصراخ ؛بس انا مبحبوش يا رحمه مبحبوش انتى عارفه انى اتجوزته غصب عنى انتى ليه مش قادره تفهمى

رحمه بعصبية؛افهم ايه افهم انك بتحبى واحد بيضحك عليكى افهمى بقااا يا بنت عمى فارس مش بيحبك انتى قدرك ونصيبك اياان وخلاص دلوقتى بقيتى مراته ومينفعش تفكرى فى فارس مره تانى كفايه بقااا 

اسيل بدموع ؛بس بقااا ليه كله بيقول انه أيان قدرى انا مش بحب أيان ولا عمره هحبه انتوا ليه مش قادرين تفهمونى 

ايان كان واقف عند باب الاوضه وسامع كلامهم أيان قلبه وجعه وغصب عنه دموعه نزلت مسح دموعه بقوه ودخل 

اسيل اول ما شافته مسحت دموعها بسرعه

أيان؛احم رحمه جدى عاوزك تحت 

رحمه ؛حاضر بعد اذنكم يا عرسان تصبحوا عل خير 

رحمه طلعت وايان قفل الباب والتفت لقه اسيل قاعده على السرير وبتفرك فى ايديها وباين على ملامحها الخوف والتوتر بصلها بحزن ومدهاش اى اهتمام وراح عند الدولاب اخد هدوم ودخل الحمام بدل هدومه وطلع 

أيان؛ايه ناويه تنامى بالفستان ولا ايه 

اسيل بعصبيه؛اسمع يا ايان انا وانت عارفين اننا اتجبرنا على الجواز ده ف متحاولش تقرب منى فاهم احنا تلات شهور وهنطلق 

أيان بسخريه،ههههه وده مين بقااا إللى قلك انى هقرب منك انا اصلانا مش طايقك فى ريحى نفسك 

اسيل ؛خلاص بما اننا مجبورين يبقه هنتفق اتفاق 

ايان باستغراب؛اتفاق ايه 

اسيل ؛تطلقنى بعد تلات شهور

 

أيان ببرود؛اممم واشمعنا بعد تلات شهور 

اسيل ؛يعنى علشان كلام الناس وكده

 

ايان بخبث؛اممم هفكر  يلاه خشى غيرى فستانك ده 

اسيل اتعصبت ومسكت فستانها وجت تدخل وقفها صوت ايان؛جهزى نفسك علشان هتسافرى معايا امريكا بكره 

اسيل بعصبيه؛بس انا مش عاوزه اسافر انا هفضل هنا مع جدى لو حضرتك عاوز تسافر تقدر تتفضل 

ايان ببرود؛ههه هو انا مقولتلكيش 

اسيل بتصنع الصدمه؛لا ولله مقولتليش

أيان بسخريه؛مهو جدى إللى طلب منى اننا نسافر وكمان هو إللى حجزلنا 

اسيل بصدمه ؛انت كداب 

ايان؛وانا هكدب ليه مش مصدقانى تقدرى تنزلى تسألى جدى 

اسيل بغضب؛عااااااا  انا  بكر،،هكم وجت تمشى ايان مسك ايدها 

أيان ببرود؛الا مقولتليش فارس مجاش ليه

 

اسيل بصدمه ؛انت تعرف فارس منين 

ايان؛

 الفصل الرابع من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال