٠
 |
| رواية حكاية روح الفصل الثالث |
ديما : انا حصل معايا موقف تحرش !!
-انا اول مره يحصل معايا كدا ، الموقف مش قادره اتخطاه ، خوفي من الناس ، وثقتي ف الناس راحت ..
الدكتور مراد : طب ودا حصل ازاي؟؟
ديما صوت عياطها زاد وتنفسها بقي بطئ مش قادره تتنفس من كتر العياط ارتعبتت اول م افتكرت اللي حصل بس كان لازم تحكي حتي لو مش هترتاح كلياً بس هتكون خففت عن نفسها شويه بدأت تهدي ف نفسها وبدأت تتكلم ..
ديما : الجو كان بيمطر وصوت الرعد كان زايد كنت ماشيه جمب الحيط فجأه الدنيا ضلمت وقتها كنت لوحدي ف الطريق ومع ذلك مخوفتش كملت لحد م لقيت شخص ورايا كنت مطمنه أن في حد ف نفس الطريق رغم أن كنت معرفوش وإلا حتي شوفت شكله وإلا ملامحه بس كنت مطمنه و مكنتش اعرف ان أقل م يقال عنه انه وحش لا يمكن يكون عنده انسانيه وانسان زاينا عنده قلب ، فجأه لقيته بيقرب مني وبيحاول يلمسني كنت اول مره أتعرض لحاجه زاي كدا مكنش عندي حركه سريعه غير أن أجري وانا مرعوبه وبعيط رغم أن هوا جري ورايا فضلت اجري لحد م دخلت ف شارع فيه ناس بس كنت خايفه منهم كلهم معنديش ثقه فيهم خايفه من كل اللي ف الطريق كنت مرعوبه وحاسه أن ممكن اي حد فيهم
يعمل فيا اي حاجه ف اي وقت ، رجعت البيت دخلت اوضتي صوت عياطي زاد كرهت نفسي حاسه ان مخدتش حقي وانا فعلا مخدتش حقي كنت مرعوبه وكل م افتكر الموقف جسمي يرتجف واعيط اكتر فضلت ع الحال دا لحد م نمت وياريتني نمت كويس قومت مخضوضه شوفت كوابيس قعدت علي سريري وحاضنه نفسي وبعيط بحاول اطلع الموقف من دماغي مش قادره .....
الدكتور مراد : طب اهدي ي ديما خدي اشربي مايه هتهديكي ...
ديما خدت كوبايه المايه وهيا بترتجف من الخوف وشربت ورجعت كملت كلامها..
ديما : انا معنديش خالص اي فكرة هكمل حياتي ازاي وبأي طريقة ، انا تقريباً استهلكت كل محاولة أن انسي وفالأخر خسرت ، الخساره بتلاحقني باستمرار..تعبت ومبقتش قادره بقيت حاسه ان عايشه ف دوامه الحزن ومش عارفه اطلع منها وكل دا بسبب بني ادم قذر ....
الدكتور مراد : ديما الموقف اللي حصل معاكي بيحصل مع بنات كتيررر جدااا ، وهوا الموقف صعب وصعب علي اي بنت فعلا ،بس زاي م الموقف دا أثر عليكي وعلي حياتك ونفسيتك بالسلب هوا علمك حاجه انتي دلوقتي تقدري تتعاملي مع الموقف دا لو حصلك تاني ، انتي متعرفيش حكمه ربنا فين ف اللي حصلك ، وعايزك تحاولي تشغلي نفسك بأي حاجه عشان تعرفي تطلعي من اللي انتي فيه دا ، مستنيكي تيجي الجلسه الجايه وتقوليلي انا بقيت كويسه ولو حتي واحد ف الميه ودلوقتي هكتبلك علي نوع دواء منوم عشان تعرفي تنامي كويس .
ديما : تمام ي دكتور ، شكرا لحضرتك ..
الدكتور مراد : العفو ، وانا تحت امرك ...
ديما خرجت من عند الدكتور حست براحه نوعا ما بعد ما اتكلمت بس لسه الموقف ف ذاكرتها مش قادره تنساه بس كان عندها امل واحد ف الميه أنها تقدر تنساه او تتخطاه بس .....
ديما بعد م خرجت من عند الدكتور راحت تقف ع البحر وهيا واقفه لقيت ....
ي تري لقيت اي او شافت مين ؟.
______________
"عند رُوح "
لو سمحتي عايزه تعمل تحاليل كامله ليا ..
الممرضه : طب اتفضلي معايا ي فندم ..
دخلت معاها وبعمل كل دا وانا لسه مش مرتاحه وإلا حاسه بأمان ..
"بعد مرور بعض من الوقت "
الممرضه : تقدري تيجي تاخديهم بكرا ..
رُوح : تمام ..
خرجت من عندها ورجعت ع البيت ..
فاطمه مامت رُوح : عملتي اي ي رُوح ف الشغل ؟؟
رُوح : يعني ماشي الحال اتقبلت ف الشغل ..
فاطمه : ومالك كدا ،هوا الشغل مش عاجبك ؟
رُوح : مش عارفه ي ماما حاسه ان في حاجه غريبه ، علي كل حال اهو هروح و اجرب .
.
فاطمه : طب بقولك اي بقي عايزه اكلمك ف موضوع ؟
رُوح : خير ي ماما في اي ..
فاطمه : انتي متقدملك عريس !
رُوح : نعم انتي بتقولي اي ي ماما ..؟
فاطمه : اي ي بنتي ، بقولك جايلك عريس ، وبعدين دي الحاجه الوحيده اللي هطلعكي من اللي انتي فيه .
رُوح: طب نتكلم بعدين ي ماما انا دلوقتي عايزه ارتاح ..
فاطمه : ماشي بس توعديني تفكري ف الموضوع ..
رُوح : تمام ..
قومت من قدام ماما وانا حاسه بحساس خنقه رهيب ، ازاي هقدر اكون مع حد تاني غيره ، مش هقدر قلبي رافض ، رافض يبقي مع حد غيره أو حتي يحب غيره ..
قعدت افكر ف اللي كان بينا وقد اي كنا مبسوطين ف حياتنا ..
Flash back
- شيلي رجلك ي رُوح من ضهري الجو تلج ..
- لا ، انا مرتاحه كدا وبعدين انت مش قادر تستحملني ..
- استحملك انتي مش استحمل البرد الي ف رجلك ..
قامت رُوح وسابته ومشيت من غير اي رد ..
- هتفضلي زعلانه مني ؟
بصت الجمب التاني ومردتش ..
- طب انتي دلوقتي ليه زعلانه ؟ يعني اخليكي تحطي رجلك ف ضهري وهيا تلچ و ابرد انا عادي ي رُوح ، اهون عليكي ..
- اه يهون ...
- بقي كدا طيب ماشي انا هقوم انام ..
- طب ممكن تاخدني ف حضنك ..
- لا ..
- وانا بستأذن ليه اصلا م الحضن بتاعي وملكي ، وكمان كمان يعني علي مقاسي ..
- طب تعالي ي لمضه ، بحبك ...
- وانا بحبك قد البحر وسمكاته ..
baaak
فوقت من ذكراياتي وكنت بعيط وكان في سؤال بيتردد ف بالي دايما ، ازاي قد يشك فيا بعد الحب دا كله ويشك ف قلب متمناش غيره ؟
"وعدي اليوم بدون احداث تذكر "
" تاني يوم الصبح "
قومت بدري صليت وفطرت وماما كانت لسه مصحيتش سبتلها مسج ان انا نازله ونزلت اجيب التحاليل ، وبعدين ارجع اروح الشركه ...
"ف المستشفي "
عايزه تحاليل بأسم *****
الممرضه :اه اتفضلي ..
رُوح : ممكن ادخل لدكتور يشوفهم لو فيه حاجه ؟
الممرضه : التحاليل ؟؟؟
يتبع ي تري التحاليل هتطلع فيها حاجه ، وإلا هتبقي كويسه وهتسافر ؟؟
________________
"عند أركان "
زين : ي ابني ي زفتتتت
اركان : عايز اي ؟
زين : هوا انا كل م اجي اكلمك الاقيك بتفكر ف حاجه ومش واخد بالك من اي حاجه حواليك ..
أركان : انا عايز اذلها واخليها تتمني الموت ؟
ي تري يقصد مين ؟؟
يتبع
وللحديث بقية
#البارت_التالت
#حكايه_رُوح
#بقلم_ندي_ياسر
عايزه رأيكم وتفاعل جامد عشان اكملها 🥺♥️♥️
