رواية رغم اختلافي الفصل الرابع
البارت الرابع💜
المجهول و ابتسامته البلهاء المفارقتش وشه:
طبعا لو حلفت لكم اني كنت بتفرج على الفيلا عشان اشتريها مش هتصدقوني صح؟
لم يجب احد
المجهول: اجري يا مجديييييي
فضل يجري بسرعه رهيبه و كلهم اختفوا الا واحد
المجهول: حرام عليك يا كابتن نفسي اتقطع
الامن مردش عليه و قرب منه عشان يهجم عليه بس المجهول ضر*به( و اتض*رب برضو) بس كان احسن منه و تقريبا الامن فقد الوعي
المجهول قال نفسه: يا سلاااام عليا انا بهدلت التو*ر ده
لف المجهول لقى نفسك خبط في حاجه بص لفوق و
المجهول: الله اكبر عمو الحيطه عايزني
دخل عليهم ضر*ب الاتنين جامد(و اتض*رب جامد برضو)
المجهول لنفسه: هيييييه ضر*بت تو*ر و اتنين حيطه
و كمل جري لغاية ما اتأكد ان محدش وراه و شال الماسك العلى وشه و غير هدومه و رماها في الباسكت و استني جوا كتير لغاية ما خرج كذا واحد قبله و خرج هو كمان
~~~~~~~~~~~~~~~~~~~~~~~~~~~~~~~~~~~~~~~~~~~
في بيت هند و يوسف
هند: يا اهل الدااااااااار افيقووووووووا
يوسف: في اييييه يا بت انت
هند: انهارده في حفله في الجامعه
حسن(والدهم) : كل ده عشان حفله ؟.. يا عب*يطه عايزين ننام
هند: ده بدل ما تفرح لبنتك
سميره: هيفرح لها على ايه يا حسره
هند: شكرا يا امومه
يوسف: بت بقولك ايه روحي شوفي هتلبسي ايه و متقرفيناش و انا هبقى اوصلك
هند طلعت تجري: يلاهوي انا معرفش هلبس ايه
يوسف دخل غرفته و طلع فستان لونه موف و دخل لها
يوسف: هتلبسي ده
هند: ده ايه بس
يوسف: الفستان ده
هند: الله ده حلو اوي يا يوسف
يوسف: عدي الجمايل
هند: تشكر يا ذوق ... برا بقى عشان البس
يوسف ضحك و خرج
خلصت هند و وصلوا الحفله و دخلت هند لصحابها
هند: ايه ده كله كل الناس دول هيتكرموا في الحفله
ساره: شوفتي انا مش عارفه هيعملوا ايه بالعدد ده
~~~~~~~~~~~~~~~~~~~~~~~~~~~~~~~~~~~~~~~~~~~~
يوسف كان قاعد في العربيه عمال يفكر في ريم, مستغرب شخصيتها قويه محترمه و قليلة الذوق في نفس الوقت, دمها خفيف و ثقيل برضو و مستغرب برودها ولا كأنها اترفدت من المدرسه .. مكنش عارف بيفكر فيها ليه و قرر قرار متسرع .....
~~~~~~~~~~~~~~~~~~~~~~~~~~~~~~~~~~~~~~~~~~~
في الحفله
كان المدير واقف و مسك المايك و قال
المدير: بشكركم كلكم على حضوركم و متشرف بيكم جدا.... الحمدلله ان المتفوقين عندنا كتير و كلكم شرفتونا .... لكن في ناس بالاخص لازم نشكرهم واحد واحد ...و واحده واحده..... هما الطلاب الاشتركوا في المسابقة .... في •••••• الطالب•••••
فضل يقول اسماء الطلاب و كليتهم لكن هند و ساره مشتركوش في حاجه
~~~~~~~~~~~~~~~~~~~~~~~~~~~~~~~~~~~~~~~~~~~~~~
في بيت ريم
ريم: شيمووووو
شيماء: خييير
ريم: عايزة اخد رأيك في حوار
شيماء: اشطا يا برنس هجيب كوبايتين شاي و احكيلي على رواقه
ريم: اشطااا
عملت شيماء الشاي و طلعوا البلاكونه
ريم: بصي يا ستي الكابتن في الكاراتيه بتقولي اروح تصفيات منتخب
شيماء: غيرتي رأيك يعني...مش كنت بتقولي انك بتلعبيهم هوايه و بس؟
ابتسمت ريم بحزن شديد : الكلام ده قبل ما اترفد
شيماء: ولا يهمك يا حبيبتي ... ربنا ستر و مخرجتيش ب فضيحه ولا حاجه
ريم لما افتكرت الكلام البيتقال عليها: الحمدلله ... انا تعبانه هخش انام و نبقى نكمل كلامنا بكره
شيماء: براحتك يا بنتي
دخلت ريم الغرفه و قفلت الباب عليها بالمفتاح
ريم لنفسها بكسره: عملت فيهم ايه؟ ابنهم زبا*له و مش متربي و وقفته عند حده قبل ما ياذي البنت يقوموا عاملين فيا كدة؟ ياريتها جات على الرفد ... بس دول دمروا سمعتي في الجامعه.... حسبي الله و نعم الوكيل.... بس مش ريم مختار اليحصل فيها كده و تسكت و انتم ما شاء الله مليانين مصايب ....
تعبت من التفكير و نامت
~~~~~~~~~~~~~~~~~~~~~~~~~~~~~~~~~~~~~~~~~~~~
في الحفله تاني
ساره: شكلهم هيحتفلوا بالدخلوا المسابقة بس
هند: يا سوادك يا قرمط يعني لما قولت هاخد حق البنت الموضوع يبوظ
ساره: معلش يا هند احنا برضو هنحاول نتصرف
هند: يوسف هيزعل اوي
ساره: لا ان شاء الله الموضوع يتحل
خلصت الحفله و طلعت هند ليوسف الكان ليه سرحان في ريم
هند: الواخد عقلك
يوسف: عملتي ايه
هند: للاسف الموضوع فشل
يوسف: ليه؟
هند: حكت له ما حدث
يوسف بحزن: مش مشكله ... المهم ايه القمر ده يا بت
هند: الحقووووني بيعكسني
يوسف: ايه الاوفر ده.... انا كنت بجاملك بس
هند: ولله؟... كذاب ده انا قمر
يوسف: تبا لتواضعك
ضحكوا و روحه البيت
~~~~~~~~~~~~~~~~~~~~~~~~~~~~~~~~~~~~~~~~~~~~
في بيت ريم:
الموبايل بتاعها رن
ريم: الو
المتصل:••••••••••••
ريم: تمام يا فندم
