رواية خدعة حب الفصل السادس
مازن: طب وهيحصل إيه يعني لما اقولك اني بحبك ونفسي اقعد معاكي في قعده البيت الرايقه
كارما: طب انت بتحب الشاي بالنعناع
مازن: لأ
كارما: خلاص يبقا مينفعش تقولي ان فيه قعده بيت رايقه منغير شاي بنعناع
مازن بضحك: يا سلام علي الإقناع والكلام اللي ملهوش علاقه ببعضه
كارما بهزار: انا محدش يتوقعني
حاولت اخرج من السؤال بشياكه وغيرت الكلام بس الاحلي أنه كان بيجاريني في الكلام عادي ولا اضايق ولا قفش مثلا
_______________________________
رضوي: انت فين يا كريم
كريم: قاعد مع صحابي
رضوي: كنت عاوزه أسألك هتلبس إيه بعد بكره في قرايه الفاتحه علشان نطقم مع بعض وكده
كريم: لسه مختارتش والله
بس هبقا اقولك بليل
رضوي: تمام.... عاوزه بقا احكيلك عن.....
كريم: طيب بصي يا حبيبتي لما اروح هكلمك علشان في واحد صحبي تعبان وعنده هبوط وكده...سلام
إسلام صاحبه بضحك: اطلبلي عصير بقا علشان عندي هبوط وكده
كريم بهزار: استغلالي اووي
_______________________________
حسيت أن شخصيتي اتغيرت شويه في الشهر ده وبقيت اتعامل مع ناس كتير.... واتكلم واسأل علي زمايلي في المستشفى رغم إني الاول كنت مكتفيه ب كريم وفاطمه بس
مازن: تيجي اعزمك علي ايس كريم!!!
كارما: في البرد ده
مازن: هنشرب بعده حمص الشام
كارما بضحك: إذا كان كده ماشي
مازن: عارفه لما احمد حلمي قال ل ياسمين عبد العزيز في الفيلم انتي عندك 4 ضحكات
كارما: اه لما كانو بيتمشو بليل
مازن: انتي كمان عندك ابتسامه وضحكه مختلفه لكل موقف
كارما: اي ده بجد!!!!!
مازن: اه والله
كارما: طب انا هطلع جدعه مش هقولك قلدهم
بس قولي مواقفهم
مازن: ابتسامه المجامله، دي لما كنتي متعصبه يوم سوء التفاهم اللي حصل ل اسيل
وابتسامه الكسوف، والتالته لما بتفرحي بحاجة بتحبيها و......
# اتفضل الأيس كريم... اي خدمه تانيه!
مازن: لا شكرآ
كارما: كمل بقا
مازن بضحك: لأ خلاص هو قطع حبل افكاري... تعالي بكرا بقا يكون رجع تاني
كارما بتريقه: مشوفتش احلي من حظي
مازن: عموماً انا بحب كل تصرفاتك وافكارك المختلفه
كارما: وساعات بتكون افكار مجنونه
مازن: بس برضو بتكون حلوه
بحاول مشغلش تفكيري في كل كلامه بس بكون مبسوطه بوجوده وبعمل كل إللي انا عاوزه ومش بكون خايفه يفهمني غلط
______________________________
كريم: عامله ايه ياحبيبتي
رضوي: الحمدلله
كريم: مالك؟
رضوي: مفيش
كريم: لأ فيكي حاجه
رضوي: لأ مفيش، تصبح على خير
كريم: وانتي من اهل الخير
( اوبااا سلم على الشهدا اللي معاك بقا)
رضوي: إيه ده انت هتنام بجد!!!
يعني مش مهتم تعرف مالي؟؟
كريم: سألتك كذا مره وانتي قولتي مفيش
ف يمكن تكوني مرهقه وعاوزه تنامي
رضوي: لا مش مرهقه ولا عاوزه انام
كريم: طب فيه ايه...انا زعلتك طيب؟؟
رضوي: لأ
كريم: طب ما تقولي يابنتي مالك انا هعرف لوحدي ازاي؟؟
رضوي: فيه حاجات تتحس ومتتقالش
كريم: لا والله!!!
طب لما هي مبتتقالش انا هعرفها ازاي؟
رضوي: حسها بقا
كريم: يا حبيبتي انتي مفيش زيك في الإحساس والفهم
لكن انا....انا مش هعرف احسها لوحدي والله
رضوي: اصل انا محتاره في موضوع كده وكمان مضايقه من اهلي في البيت
كريم: شوفتي بقا الوضوح حلو ازاي
كده بقا هنعرف نحل المشكله
رضوي: طب اسمع بقا للآخر
كريم لنفسه: اه ياحوستي السواد يانا ياما
انا عارف إني مش هنام في الليله الحلوه دي
________________________________
حالت اسيل بدءت تتحسن رغم انها بتتقدم خطوطين وترجع خطوه بس مش مهم
المهم هنا أنها بتحاول تقوم تاني
كارما: صباح النشاط
اسيل: تعالي شوفي الرسمه دي بسرعه
عينها كانت فرحانه وانا دخلت بسرعه ك دليل اني مهتمه اشوف هي رسمت ايه
كانت الرسمه عباره عن بنت واقفه قدام البحر والالوان غامقه شويه
كارما: حلووه اوي وهاديه ومريحه للعين
اسيل: بجد عجبتك
كارما: جداً جداً...وياريت لو تسمحيلي اخدها ذكره
أسيل بفرحه: مواقفه طبعآ
كارما بصوت واطي: تيجي نرقص!!!
أسيل بإستغراب: هنا!!!!
وبعدين انا مش بعرف ارقص
كارما: بصي احنا هنرقص زومبا
هي حلوه اوي وليها فديوهات كتيييره
أسيل: طب وريني كده
كارما: يلا قومي وشيلي الكرسي ده كده
وهنشغلها علي اغنيه مش موسيقي
أسيل: يلا نجرب
فرحت انها حبت تجرب والرياضه عموماً بتخرج الطاقه السلبيه وتعدل المود
وشغلت الفديو وبدءت ارقص معاها كمان وهي اندمجت اووي
باب الاوضه خبط ف قفلت الفديو
كارما: ادخل
كريم: انا سمعت صوت اغاني ف استغربت
كارما: كُنا بنعمل شويه رياضه
كريم: اممم، بس كنتي خليتها تعمل تمارين رياضيه في الجنينه افضل
كارما: المهم اننا عملنا رياضه مش مهم بقا عملنها إزاي
مازن كان معدي ف دخل
مازن: صباح الخير... عامله إيه انهارده يا اسيل
أسيل بإبتسامة: الحمدلله يا دكتور
كريم بسخريه: كانو فاتحينها ديسكو من شويه
مازن: طب حلو والله
اكيد دي فكره كارما
كارما بإبتسامة: اه فعلا
مازن: ك العاده فكره جميله ومختلفه يا كارما
كريم بنرفزه: تعالي ورايا علي المكتب يا كارما
استغربت حدته في الكلام بس سكت وروحت المكتب
كريم بهدوء: انا عاوز اقولك حاجه مهمه
كارما: قول
كريم: اسمعيني للاخر ومتفهمنيش غلط
كارما: حاضر
كريم:..................
كارما بصدمه: نعم!!!!!
بدل ماتدور وتبحث علي الروايات خليها علي تليفونك وحمل تطبيقنا
