رواية ألجوس الالم الجزء الثاني الفصل التاسع9بقلم سمية عامر

....#part 9

دخلت هدى و هي بتعيط و كريم بيحركها بالكرسي المتحرك 

هيلين بقلق : ايه اللي حصل و ازاي تخرجي من المستشفى كده 

هدى بكل عصبيه : اخو جوزك بيخوني 

بص مالك عليها بقرف : و مال جوزها دلوقتي مهو مروان جوزك ما تقوليلها جوزي بيخونني الله 

هدى : انتو صنف واحد 

هيلين : طب عرفتي ازاي أنه بيخونك 

عيطت و حضنت اختها : جاتلي المستشفى تقولي أنه كان بيروح عندها و ال ايه مروان مدمن 

مالك بشك : بنت طويلة و مليانه شويه و شعرها قصير 

هدى : اه هي شوفتي حتى جوزك عارفها 

هيلين بغيرة : و انت عرفتها منين يا حبيبي 

مالك : احم احم ... دي بنت عمنا مجدي سلوى 

هدى : بنت عمكم دي انا معرفهاش ازاي يعني و انا اصلا طول عمري في بيتكم 

مالك : أصل كان في مشاكل بين عمي و بابا و مكانش في علاقات بيننا بس هي سلوى كده بتحبنا من بدري و ...

قربت هيلين عليه و عينيها بتطلع شرار : بتحب مين ؟!..

هدى وهي بتشعللها اكتر : بيقولك بتحبنا يعني هو و اخوه يا هيلين اتصرفي بقى 

ضحك كريم و قعد حط رجل على رجل : انا امي مخلفتش بنات خلفت دكوره عايزكم تظبطوهم بقى عشان مبحبش العيله دي 

مسك مالك ايد هيلين : بحبك انتي و بس 

هيلين وهي بتبعد أيده : و البت العجله دي ايه ؟

مالك : بصوا بقى من الاخر مروان كان بيروح يشرب عندها حش"يش لان اختك كانت مهملاه ده اولا ثانيا بقى سلوى اصلا مخطوبة بس بتحب مروان و كانت بتستقبله عشان يتجوزها أو حتى يعمل معاها علاقه 

انهارت هدى و فضلت تعيط : و يروح عندها ليه و مين قالك أنه محصلش بينهم حاجه 

راح مالك عند هدى و قعد قدامها : لان اللي بيحب يا هدى مش بيخون و مروان بيحبك من زمان وانتي عارفة ده بس انتي جرحتي رجولته بعلاقتك مع المرحوم 

نزلت هدى رأسها في الأرض : كنت غبيه مقدرتش حبه ليا 

نزلت سيده من فوق و اتصدمت نت منظرهم عيالها كلهم عندها 

بصت هدى على امها : ماما انتي هنا 

كريم : اه يا بنتي م انا اللي وصلتها لبيت اختي 

بصله مالك بغيظ : بيت اختك فعلا تسلم يا ابن .....

كريم : ابن ايه ها ؟؟

- يا ابن عماد بيه 

نزلت سيده لبنتها و حضنتها : مالك يا حبيبتي بتعيطي ليه مين زعلك 

هدى بحزن : مروان بيخو"نني يا ماما 

سيده : مروان بيحبك 

هدى : لا ده بيخو"نني مع بنت عمه

سيده بحزن : عمك احمد عمره ما خانني 

عيطت سيده و هدى في نفس الوقت 

هدى : طب انتي بتعيطي ليه دلوقتي مهو مخانكيش يا ماما 

سيده وهي بتشهق من العياط : اصلي انا اللي قولتله يطلقني 

هدى : لا جدعة يا ماما جدعة 

فضلت سيده و هدى يتكلموا و راحت هيلين على اوضتها و قعدت تعيط 

طلع مالك وراها

خبط الباب و قام كريم يفتح كان مروان واقف و معاه احمد و سلوى .....

 فتح مالك الباب و دخل اتصدم من عياطها و مكانش يعرف أن في حد تاني جه تحت قفل الباب عليهم 

_ هيلين مالك انتي بتعيطي ليه 

- انت ليه مقولتليش عن سلوى دي كنت مستني ايه بقى 

_ انا مليش دعوة على فكرة ده مروان و عمري ما ادخلها بيتي أو ادخل عندها 

- مش عارفة بس حساك خاين أو هرموناتي ضر"بت مش عارفة ،المهم اني عايزة اعيط جامد 

ضحك و خدها في حضنه : عيطي في حضني عادي غير كده لا 

ضحكت شويه : هما هينامو فين طيب 

مالك بحده : لا بقولك ايه البيت كبير بس اوضتنا بتاعتنا لوحدنا ها ..

ضحكت هيلين و حطت ايديها على شعره : انت ممكن تنام مع كريم وانا هنام مع ماما و هدى 

اتصدم مالك و قام وقف : كريم ؟؟ 

هيلين : اه أصله كده هينام على الكنبه يا حبيبي 

مالك بغيظ : ما ينام انشاله حتى ينام في الحمام انا مالي انا وانتي مبننامش برا الاوضه دي و بننام لوحدنا ده شهر عسل يا عسل انت يا ابيض 

ضحكت هيلين : طب تعالى ننزلهم قبل ما يطلعولنا 

فتحوا الباب و نزلوا لقى هدى ماسكه سلوى من شعرها و موقعاها في الأرض و بتضر"بها 

بص مالك لهيلين بنظرة اطفال  وهو عايز يعيط : كده هنام مع كريم فعلا ........