 |
| رواية مروضة الرجال الفصل الرابع والثلاثون |
البارت (34) بقلم سلطان زماني
ولدت وعبده فضل معايا مسبنيش لحظة كل حاجه كان
بيعملهالي دلع السنين شفته معاه طبعا ام عبده بتاخد الواد
تتطعمه ولو عيط ولا كح تقلب الدنيا عليا وقولتلها ما انتي
ليكي خلق اهو للعيال امال عند ابني وقفتي الدنيا ليه علي رجل
قالتلي ده من صلب ابني حبيب سته ده وفضلت قاعده
تهشك فيه وتلاعبه
كلمت طارق اطمنت عليه وقالي أنه طلقته أتنازلت وأنه
بيروح يشوف عياله كل اسبوع واحدا منه 40000الف جنيه
علشان تتنازل وتتصالح قولتله مش مهم كله لعيالك طلب
يشوفني وب احترام وفي مكان عام قدام الدنيا كلها
قولتله انت فين وانا فين قالي ما انا عرفت كل حاجه يا دينا خلاص مبروك ما جالك
قولتله ايييي عرفت ايه
قالي أنه في مره شافني وانا كنت بعمل متابعة عند الدكتوره
وكان معايا عبده وطلع سأل الممرضه الي في العيادة وقالتله
اني ده جوزي
قولتله انت كويس بخير أنا قولت اطمن عليك سلام
قالي قبل ما تقفلي فيه ايه احسن مني يادينا أنا مجرم
وبلطجي ورد سجون وده ظالم ومرتشي وماشاء الله سمعته
سبقاه والبلد كلها عارفه العز الي هو فيه ده من ايه
قولتله انت بقا مش ناوي تفرحني بيك كده
قالي قريب خالص باذن الله
قولتله امتي ومين ياواد احكيلي
قالي ..دي وحده بنت ناس غلابة كلمت ابوها ولسه بيفكرو وبيسالو
قولتله الف مليون مبروك يارب افرح بيك هزعل لو معزمتنيش ع الفرح
قالي لا ما أنا قولت ل ابوها اني مش بتاع افراح ولا كلام من ده
قولتله. متبقاش قفل بقا هتخسر اي يعني لنا تاجرىها فستان
وتعملها حتي زفه حلوه وتتصورو صور للذكرة فرحها علشان
ربنا يفرحك ياطارق
قالي الي فيه الخير يقدمه ربنا وقفلنا وبيتكلم بكسره ووجع
فضلت ادعيله اني ربنا يتمم ليه بخير ويوفقه
ابني مكنش كمل لسه سنتين وواحد من زمايل عبده في
الشغل وقع ومتصور صوت وصوره وممسوك بفلوس الرشوه
بالتاجر الي معه واعترفوا علي الكل عبده خدني ونزلنا
القاهرة خدنا شقة هناك واول مره في اشوف بالضعف والجبن
ده وكنت كل ما اعوز افهم ولا اطمن يقولي خير لسه مكلمهم
وقالولي خير واني هرجع الشغل قريب وهنرج البلد متقلقيش
أنا بس الي بنزل اشتري الحاجات من تحت ولو الباب خبط
ولا الجرز رن كان يموت من الرعب ويروح يستخبي ويقولي
افتحي انتي عشت أيام معه سوده كان بقعد معايا ويقولي أنه
مش حمل عيشة السجن ولا اكل السجن وأنه مش واخد ع
البهدلة واني ناس كتير هتفرح وتشمت فيه قولتله ليه
متشفش محامي كبير ياخد مبلغ محترم ويخرجك منها
قالي العمارة قولتله عمارة اي دي قالي أنه كان واخد حتة
ارض وبناها عمارة ولو اتحفظو ع املاكي هيخدوها عايز
اكتبهالك لا لقدر الله يحصل حاجه قولتله أن شاء الله مش
هيحصل حاجه بعدها بيومين كتبلي العمارة ب اسمي وفضل
يحلفني أنه مسبوش واقف جنبه ومتخلاش عنه قولتله تعالي
نروح لمحامي يضمن انك اول ما تخرج من المشكلة دي ع
خير كل حاجه ترجع زاي ما كانت ولو عايزني امضيلك ع اي
ورق أو وصلات اعملك كده قالي لا ليه كل ده انا محتاج بس
انك تطمنيني وقعد يشتم ويلعن في صاحبه الي بلغ عنهم ده
..يتبع ..ياريت بقا كل الناس الي بتتفاعل وبتحب القصص بتاعتي يعقلو علشان بعمل جرد وبحظر كل الأصنام 🔥
