 |
| رواية عمر جديد الفصل الثالث |
البارت الثالث(عمر جديد).
بعتذر جدا على التأخير بس الامتحانات عملاها معايا بقا وكدا..
روقت الشقه ودخلت اخد شاور على السريع وطلعت لبست الاسدال عشان اصلي ولما خلصت لقيت حد داخل من باب الشقه حسيت انه اسر فقومت اشوفه كان فين لقيته ماسك ورقه في ايدة ومبتسم..
بصتله باستغراب وقولت: اي دا؟
اسر بابتسامه وفرحه باينه في عيونه: ورقه طلا'قك.
انا بصدمه خلتني مش عارفه انا بقول ايه: ايه ورقه ايه طلا'قي بجد ورقه طلا'قي ا انت عملت ايه ولا عملت كدا ازاي ولا ايه انا مش فاهمه حاجه.
ضحك عليا اسر وانا مش عارفه اتكلم كدا ورد عليا بحنان وهو بيمسك ايدي وبيقعدني على الكنبه وبيقعد جنبي بس سحبتها منه على طول بصلي وقال: اهدي كدا بس ومتتوتريش انا روحت لمحمد واديته العل'قه التمام عشان بعد كدا يبقى يفكر قبل ميعمل اي حاجه تاني وجبت ورقه طلا'قك منه متخافيش هو مش هيقدر يعملك حاجه تاني صدقيني انتي في حمايتي ومش هسيبك.
رديت عليه وانا الخوف والقلق بدا يطلع من قلبي شويه بس كنت مكسوفه وانا بقوله: ط طب بص الشقه اللي قصادكم دي سمعت الصبح صاحب الشقه بيقول ان الناس اللي كانت فيها مشيت وانه عايز يأجرها هو ممكن تأجرهالي عشان مينفعش اقعد هنا وانت قاعد وانا والله هنزل اشوفلي اي شغلانه كويسه وهبقى اديك الفلوس اللي هتدفعها مقدم وهبقى ادفع انا الايجار بعد كدا.
حسيته اتعصب شويه بس حاول يتحكم في عصبيته وقال: ايه الكلام اللي بتقوليه دا يريهام اولا مفيش بينا حاجه اسمها فلوس اصلا ولا انا ادفعلك فلوس وانتي ترجعيهالي تاني.... ثانياا بقا مفيش شغل ليكي شوفي انتي محتاجه ايه وانا هجبهولك...... ثالثا ودا الاهم مفيش حاجه اسمها تسكني لوحدك في الشقه دي واحنا منضمنش حد هنا برضوا انتي لو مش عايزة تقعدي هنا عشان انا موجود خلاص انا اللي همشي وهروح الشقه دي او اي شقه تانيه وانتي اقعدي مع ماما لكن مفيش الكلام دا ولا انك تروحي تقعدي في مكان لوحدك
وبعدين يعني انا كنت هعمل كدا من غير متقولي اصلا كنت هدور على شقه واروحها وكويس انا قولتيلي على الشقه دي هي اصلا شقه صغيرة مش كبيرة ودا الحلو اللي فيها.....
رديت عليه تاني وانا بقوله: ط طب م انا مش عايزة ابقى عب'ئ على حد.
بصلته لقيته متعصب جامد ورد عليا: ادخلي نامي يربهام عشان متعصبش عليكي ومعملش حاجه متعجبكيش قومي نامي..
بصتله وانا قايمه وقولتله: حاضر قايمه اهو متزوقش طااه يعم
قومت دخلت الاوضه بتاعتي وقفلت الباب عليا فضلت افكر لغايه م النوم غلبني ونمت على طول..
صباح تاني يوم......
صحيت على دوشه وصوت برا والصوت عالي جدا قومت ودخلت الحمام اللي في الاوضه واتوضيت ولبست الاسدال وصليت بعد مخلصت صلاه طلعت وانا لابسه الاسدال لقيت خالتي قاعدة على الكنبه وكام شاب كدا من المنطقه ومعاهم اسر بيطلعوا السرير والدولاب والكومود وكل حاجه في اةضه اسر وطالعين بيها.....
شاورتلي خالتي اني اروح اقعد جنبها يعني روحت وقعدت جنبها وقولتلها: هو في ايه يخالتوا؟..
ردت عليا بحنان: دا اسر الصبح لقيته داخلي وبيقولي انه اجر الشقه اللي قصادنا دي عشان يقعد فيها عشان ميصحش تبقى انتي وهو في مكان واحد كدا وانتوا كبرتوا وميصحش يعني...
#يتبع...
عارفه ان نهايه البارت كان ممكن تكون حاجه تانيه بس مش قادرة اكتب تاني و ولا مركزة اصلا عشان تعبانه ف ادعولي كدا وهفصل كام يوم كدا لغايه م الامتحانات تخلص وهبقى اكمله....
#بقلمي...
#نهى_عامر
بدل ماتدور وتبحث علي الروايات خليها علي تليفونك وحمل تطبيقنا
