Ads by Google X

رواية أحببت معذب قلبي الفصل الثالث

رواية أحببت معذب قلبي الفصل الثالث 

 انا نزلت جزء كمان بسرعة اهوت وياريت يبقى في تفاعل على الروايه وشكرا جدا على تعليقاتكم القمر دي بتشجعني جدا 

&&&&&&&&&&&&&&&&&&&&&&&&&

♥️استغفر الله العظيم واتوب إليه ♥️


_ الجزء الثالث

عدت الايام صعبة جدا على ليل وكل يوم تعيط ومقهوره لحد ما جه يوم الخطوبه

_ ليل لبست فستان يجنن عليها ولبست عليه خمار وكانت زي القمر وكانت قبلها قالت لخالتها انها تروح عند وعد وتلبس وتيجي هي ووعد على الخطوبة

&في فيلة كمال والد هايدي

_ دخلت ليل ووعد الحفلة واول ما دخلت كل العيون كانت عليها لانها شكلها كان يهبل وكانت أجمل من هايدي الي حطه كيلو مكياج على وشها😂

زين اول ما شافها انبهر ومكنش قادر يشيل عيونه من عليها بس اول ما شاف الناس بتبص عليها اتعصب ومبقاش طايق نفسه

وقام وشد ليل وراه وطلع بيها بره

ليل... سيب ايدي يا زين انت بتعمل ايه

زين... امشي معايا وانتي ساكته

ليل... لا يا زين مش همشي بقولك سبني فورا

زين وقف وبصلها واتكلم بعصبيه... ايه الي انتي لبساه ده وايه الي حطاه في وشك ده 






ليل... انت مالك وبعدين مال لبسي مهو حلو اهوت وكمان انا مش حاطه حاجه على وشي 

زين بغيره... مهو المشكله انه حلو وانتي اصلا حلوه بزياده

ليل انصدمت بس قلبها بقى يرقص من الفرحة... بتقول ايه

زين وفاق لنفسه... مبقولش ويلا روحي وغيري الفستان دا فورا

ليل بقت متعصبه منه انه بيتحكم فيها دايما... لا يا زين انا حرة وانت ملكش كلمه عليا روح شوف خطيبتك مهي لابسه زي الزفت اهوت

زين... مليش دعوه بيها انتي الي تخصيني وبس اي حد يولع

ليل هتموت من الفرحه وهي شايفه غيرته عليها بس مبينتش واتكلمت ببرود ... لا يا زين هي الي تخصك مش انا

وقامت شده اديها منه ودخلت الحفلة وبعدها هو دخل وراها وهو هيموت من الغيظ (والله احسن انا فرحانه فيك تستاهل 😒😒) 

♥️صلوا على النبي ❤️

&&&&&&&&&&

عند هايدي اول ما شافت زين خد ليل وخارج كانت هتموت من الغيظ والقهر ( احسن يا ام صرم 😒) 

هايدي لنفسها... البت دي شكلها مش هتجبها لبر وشكل زين بيحبها انا لازم اعمل حاجه واخلص منها بقى 

♥️لا حول ولا قوة الا بالله العلي العظيم ♥️

&&&&

زين دخل وراح عند هايدي ولقى هايدي متعصبة ومش طايقه نفسها عشان سبها ومشي 

هايدي،،،، زين روحت فين وليه قومت فجأه كده

زين وهو باصص على ليل الي راحت وقعدت جنت مامته... معلش يا هايدي كنت بكلم ليل في حاجه ضروري 

هايدي وهتموت من الغيظ بس اتكلمت بهدوء... تمام يا حبيبي انا بس كنت خايفه عليك 

زين ببرود... لا انا كويس مفيش حاجه 

هايدي... طب ايه مش هنلبس الدبل بقى 

زين... اه يلا 

زين بدا يلبس هايدي الشبكة وليل باصة عليهم ومش قادره تمسك نفسها سابت الحفلة وطلعت تجري وعد اول ما شافتها 

طلعت تجري وراها 

وعد... ليل استنى راحه فين لوحدك دلوقتي 

ليل بانهيار ... هروح في داهيه اه يا وعد مش قادره حاسه قلبي بيتقطع وانا شيفاه معاها 

وعد خدتها في حضنها... اهدي يا حبيتي يلا نروح 

وعد خدت ليل روحوا البيت عند ليل وبعدها وعدت سبيتها عشان تروح وراحت بيتها 

###############

❤️سبحان الله وبحمده سبحان الله العظيم ❤️


-في مكان اول مره نروحه 

"في بيت وعد"

وعد دخلت لقت ابوها قاعد بي"ضرب امها زي كل مره 

جريت عليه وزقته بعيد عن امها 

سامي (ابو وعد)... انتي بتزقيني يا بنت الكلب ونزل ض"رب فيها 

وعد فضلت تصرخ.. ابعد عني بقى حرام عليك انت ايه مش بتحس 

ابو وعد فضل يضرب فيهم وبعدها خد الفلوس من شنطة وعد وطلع بره الشقه وسابهم ومشي 

وعد حاولت تقوم عشان خاطر امها... ماما قومي معايا يلا يا حبيبتي 

وفاء (والدة وعد) مش قادره يا بنتي كسرلي جسمي ربنا يكسر ايديه يارب 

وعد... معلش يا ماما حاولي وبس

وعد قومت مامتها وغسلت ليها وشها ودخلتها تنام وبعدها دخلت اوضتها وفضلت تعيط 

وعد ببكاء... يارب ساعدني يارب انا تعبت منه يارب يارب اخلص منه بقى 

فضلت وعد تعيط لحد ما نامت 

&&&&&&&&&&&&&_&_____

#يتبع 

#الجزء_الثالث 

#رواية_احببت_معذب_قلبي

#بقلمي_sara_eldkony

الفصل الرابع من هنا 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-