 |
| رواية أحببت معذب قلبي الفصل السابع |
_الجزء السابع
🍃استغفر الله العظيم واتوب إليه
- في الجامعه
ليل ووعد قاعدين بيتكلموا ووعد حكتلها كل الي حصل وحكاية العريس
وعد بدموع... اه يا ليل انا تعبانه اوي وخايفة ومش عارفه اعمل ايه انا تعبت بجد انا مستحيل اتجوز الراجل ده
ليل... متخافيش يا حبيبتي مش هتتجوزيه هنشوف حل ونطفشه ان شاء الله
وعد... ازاي يا ليل ابويا خلاص اتفق مع الراجل ان كتب الكتاب بعد اسبوعين
ليل... لا هنتصرف متقلقيش،، انا عندي خبر حلو ليكي واكيد هيساعدك في الموضوع ده
وعد.... اي هو الحقيني بيه
ليل... انا كلمت زين عشان تشتغلي معانا في الشركة وهو وافق فانتي كده تقدري تعتمدي على نفسك وتاخدي امك وتمشي من بيت ابوكي ده
وعد... اسيبه ازاي بس يا ليل امي اكيد مش هترضي تمشي،، وكمان حتى لو هربت هيلاقني وكمان هقعد فين انا وامي يا ليل مقدرش دا صعب اوي
ليل... لا هتقدرى وانا هساعدك وهتعيشي انتي ومامتك في شقة ابويا وامي القديمة وابوكي اصلا ميعرفنيش ولا يعرف عنك حاجه ومش هيقدر يلاقيكي...وان شاء الله هنقدر نقنع مامتك انا وانتي...
وعد... بجد يا ليل انا مش عارفه اقولك ايه انتي أغلى حد عندي وصاحبتي الوحيده ربنا يديمك ليا يا قلبي
ليل... ويديمك ليا يا حبيبتي... يلا قومي نروح عندكم البيت ونحاول نقنع مامتك بالموضوع
وعد... يلا بينا
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
♥️صلوا على نبينا وحبيبنا محمد ❤️
"في فيلة زين "
-زين صحي الصبح اتوضي وصلي ولبس عشان يروح لادم المطار... وهو معدي من قدام أوضة ليل وقف يفكر يدخل يتكلم معاها ولا لا وقرر يدخل يكلمها
-زين بيخبط على أوضة بس مفيش رد.. فتح زين الباب بس ملقاش ليل جوه فعرف انها راحت الجامعه... فنزل تحت عشان يفطر
زين بيبوس ايد مامته... صباح النور يا أمي
مامت زين... صباح النور يا حبيبي اقعد افطر يلا
زين... انا هاكل اي حاجه وانا رايح عشان رايح اجيب ادم من المطار
مامت زين بفرحة... بجد ادم راجع اخيرا الواد ده رضي يرجع دا وحشني جدا
زين... اه الحمد لله يا أمي ادعيله يرضى يفضل هنا على طول
مامت زين... يارب يا حبيبي
زين... اسيبك انا بقى يا أمي واروح ليه المطار
مامت زين... ربنا معاكم يا حبيبي
🌺🌺🌺🌺🌺🌺🌺🌺🌺🌺🌺🌺🌺🌺
♥️سبحان الله وبحمده سبحان الله العظيم ❤️
زين خرج وركب عربيته... وهو في الطريق لقى تلفونه بيرن ب هايدي
زين... الو يا هايدي خير
هايدي... الو يا زبن اخبارك يا حبيبي عامل ايه وحشتني
زين بزهق... بخير يا هايدي انتي عامله ايه
هايدي بدلع... الحمد لله يا قلبي،، بقولك ما تيجي نخرج شوية نفسي اشوفك
زين... معلش يا هايدي بس انا مش فاضي ورايا شغل كتير
هايدي... ليه بس يا حبيبي عشان خاطري نفسي اشوفك اوي يا زين
زين... ما خلاص قولت مش فاضي،، لما أفضى هبقي اكلمك يلا سلام
قفل زين ورمى الموبايل جنبه من العصبية
زين لنفسه... انا غبي اني فكرت اخطبك عشان انسى ليل لازم اخلص من الخطوبة دي بقي...
🌺🌺🌺🌺🌺🌺🌺🌺🌺🌸🌸🌸🌸🌸🌸🌸
❤️لا حول ولا قوة الا بالله العلي العظيم ❤️
"عند هايدي"
لما زين قفل في وشها
هايدي... ماشي يا زين بقى تقفل في وشي انا.. انا هعرفك مين هي هايدي انت وغلزفته ليل بتاعتك
هايدي مسكت التلفون واتصلت بشخص
هايدي... الو انت مش قولت ان احنا هنخلص منه قريب انا زهقت وهو بيعاملني وحش ومش طايقني
الشخص... لسه مش دلوقتي وبعدين ما انا قولتلك حاولي تلعبي عليه وتوقعيه في شباكك
هايدي... هو اصلا مديني فرصه اعمل حاجه، كله من الزفته بنت خالته دي ليل،، شكله بيحبها
الشخص... لازم تحاولي تخلصي منها،،
هايدي بشر... فعلا انا لازم اتصرف
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
♥️ لا اله إلا انت سبحانك اني كنت من الظالمين ❤️
"في المطار"
زين واقف مستني ادم يطلع،، لحد ما شافه جاي من بعيد
زين وبياخد ادم بالحضن... ادم حمدل على السلامة يا صاحبي وحشتني والله
ادم... الله يسلمك يا زين، انت كمان وحشتني اوي،،
زين.... لو وحشتك كنت نزلت تشوفني يا صاحبي
ادم... انت عارف يا زين مكنتش اقدر
زين... يلا يا آدم نروح وبعدين لينا قاعده يا صاحبي نتكلم براحتنا
زين خد ادم عشان يوصله بيته
🌺🌺🌺🌺🌺🌺🌺🌺🌺🌺🌺🌺🌺🌺🌺
"في بيت وعد"
- ليل راحت مع وعد عشان يقنعوا مامتها انهم يهربوا ويسيبوا البيت ده
وعد... ماما يا ماما انتي فين
مامت وعد... انا في المطبخ يا حبيبتي
وعد... شوفي يا ماما مين جيه معايا ليل جت
مامت وعد وبتبوس ليل... حبيبتي يا ليل نورتي يا بنتي ايه الجمال ده كله ما شاء الله
ليل... تسلميلي يا طنط،، دا حضرتك الي قمر
مامت وعد... خدي ليل يا وعد،، عقبال ما اعمل ليكم حاجه تشربوها
ليل... مفيش داعي يا طنط متعبيش نفسك،،، وكمان احنا عاوزين حضرتك في موضوع
مامت وعد باستغراب... تمام يا حبيبتي روحي بس مع وعد وجايه وراكم
- وعد خدت ليل لاوضتها
وعد بتوتر... انا خايفة اوي يا ليل،،، ماما اكيد مش هتوافق
ليل... متخافيش يا حبيبتي، ان شاء الله هتوافق،، هو صحيح باباكي بيجي امتى
وعد... لادا بيجي على الفجر مش هيجي دلوقتي خالص متقلقيش
ليل... طب كويس،
- دخلت مامت وعد الاوضه وحطت العصير قدامهم
مامت وعد... اتفضلي يا ليل يا بنتي اشربي العصير يارب يعجبك
ليل... اكيد هيعجبني يا طنط تسلم ايدك
مامت وعد... تسلمي يا حبيبتي
ليل... بصي يا طنط وعد حكتلي كل حاجه وحكايه العريس وكل الي حصل
مامت وعد بحزن. والله يا بنتي غصب عني مش عارفه اعمل حاجه ولا اساعد بنتي
ليل....لا يا طنط تقدري وانا هساعدكم وعندي الحل ان شاء الله
مامت وعد... اي هو يا بنتي
ليل... تهربوا يا طنط وتسيبوا البيت ده
مامت وعد بخضة... نهرب ونروح فين يا بنتي والناس تقول ايه علينا،، وهنصرف على نفسنا منين
وعد... يعني يا ماما الناس دي نفعتنا بحاجه وهو كل يوم بي"ضربنا ويهي"نا ،، عشان خاطري يا ماما وافقي
ليل... يا طنط متخافيش،، وعد هتيجي تشتغل في الشركه عند زين ابن خالتي، وكمان هتعيشوا في شقة والدي ووالدتي القديمه الله يرحمهم
ام وعد بتفكير... تمام يا بنتي انا موافقة، انا اعمل اي حاجه عشان انقذ بنتي من الي هي فيه ده
َوعد وبتحضن مامتها... تسلميلي يا ماما ربنا يديمك ليا يا حبيبتي
ليل... بتبص عليهم بحزن ونفسها كانت تبقى امها عايشة عشان تحضنها كده وتكلمها، حتي زين بيكرها ومش عاوزها
ليل... يلا لموا هدموكم عشان تمشوا معايا دلوقتي
- وعد ومامتها قاموا لموا هدموهم ومشيوا مع ليل، وليل وصلتهم الشقة وروحت على الفيلة
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
♥️ لا اله الا الله محمد رسول الله ❤️
" عند بيت ادم"
زين وصل ادم بيته
ادم وبيرن جرس بيتهم
مامت ادم... حاضر جايه اهوت وفتحت الباب لقت ادم في وشها
مامت ادم بفرحه وعياط... ادم حبيبي انت قدامي فعلا وحشتني اوي يا بني
ادم وبيبوس ايد مامته ويحضنها..... حضرتك الي وحشتني اوي يا أمي
مامت ادم... ليه مش قولتلي انك جاي النهاردة
ادم... كنت حابب اعملها مفاجأه ليكي يا أمي
مامت ادم... احلى مفاجأه يا حبيبي الحمد لله اني شوفتك
ادم... وحشني حضنك اوي يا أمي
مامت ادم.. خلاص يا آدم مش هتسبني تاني يا بني خلاص
ادم... بعدين يا أمي نتكلم في الموضوع ده، عاوز انام في حضنك زي زمان دلوقتي
نام ادم في حضن امه
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
♥️ اللهم انك عفو كريم تحب العفو فاعفو عنا ❤️
" في فيلة زين "
-وصل زين الفيلة لقى ليل هي كمان دخله
- ليل شافت زين ولكنها سابته ومشيت عشان تدخل البيت
زين نزل بسرعة من العربيه ومسكها يوقفها
زين... اقفي يا ليل عاوز اتكلم معاكي
ليل... مبقاش بينا كلام يا ابيه زين
زين باستغراب ... ابيه؟
ليل... اه حضرتك مستغرب ليه، انت اخويا الكبير والي مربيني عشان كده لازم اقولك ابيه ولا ايه
زين... اخوكي يا ليل، لا انا مش اخوكي ولا عمري هكون اخوكي
ليل وبتبص في عيون زين... امال انت ايه يا زين، رد عليا وفهمني
زين وبيبص في عيونها ويقرب منها... بعدين هتعرفي يا ليلي، بس اعرفي انك اغلى شخص عندي واني عمري ما حبيت حد زيك، انا اموت لو حصلك حاجه
ليل بوجع.. انت عاوز مني ايه يا زين، انا تعبت ليه بتعمل فيا كده، بتديني امل وبعده تاخده مني سبني بقى في حالي
زين وبيمسح دموعها الي نزلت... دموعك دي عندي غالية اوي يا ليلي، اوعك تعيطي تاني، هتفهمي بس استنى يا حبيبتي
ليل... فهمني دلوقتي،،، ليه بعدين يا زين
زين... مقدرش يا ليل احكيلك دلوقتي
ليل وبعدته عنها... لما تبقى تقدر ابقى ساعتها كلمني يا زين
وسابته ودخلت البيت
"يا قلبي الا يكفيك كل هذا الوجع... عشقت من جفاك... كفاك عشقا... كفاك نبضا... كفاك حبا.... 💔"
🌺🌺🌺🌺🌺🌺🌺🌺🌺🌺🌺🌺🌺🌺🌺
" اسفة جدا على التأخير بس انا بجد عندي امتحانات ادعولي كتير معاكم.. وشكرا على التفاعل وكل الناس القمر الي حبت رواياتي تسلمولي"
🌺 دمتم في حفظ الله ورعايته 🌺
#يتبع
#الجزء_السابع
#رواية_احببت_معذب_قلبي
#بقلمي_sara_eldkony
بدل ماتدور وتبحث علي الروايات خليها علي تليفونك وحمل تطبيقنا
