رواية جحود اب الفصل العاشر
جحود اب بقلم ندى الجندى
الفصل العاشر
مروان أنا محضرلك مفاجاه هتعجبك اوى
ساره ايه هى
أما اجى هقولهالك
فلاش باك
مروان رايح المقابر يزور والده ووالدته
سمع حد بيعيط جامد اوى
رقيه سامحيني يا صابرين انا ضيعت ساره ضيعت الامانه
مروان وهو بيبص على القبر ايه دا مش دا اللى كانت ساره واقفه هنا قدامه
مروان دخل
مروان سلام عليكم
رقيه وعليكم السلام
مروان هو حضرتك قولتى ساره حضرتك تقربى لبنت الست دى وشاور على قبر صابرين
رقيه بلهفه ايوه انا خالتها
هو حضرتك تعرف ساره
مروان ايوه
رقيه بفرحه بجد هى فين
مروان هى قاعده عندى
رقيه طب ممكن تودينى ليها
مروان هو حضرتك فعلا خالتها
رقيه والله ايوه
مروان بانفعال وازاى تسيبيها ازاى تبات فى الشارع وانتى موجوده
رقيه صدقنى الموضوع مش زى مانت متصور
ارجوك ودينى ليها
تمام يلا
مروان جاله تليفون
ايه طب انا جاى حالا
رقيه ارجوك هو انت مش هتودينى
معلش انا مستعجل جدا دا رقمى رنى عليا وانا هوديكى لما افضى
تمام اخدت رقيه الرقم وروحت
نهايه الفلاش باك
رقيه جنب مروان فى العربيه
بجد وحشانى اوى نفسى اشوفها
انا مش عارفه اشكرك ازاي يا أستاذ مروان انك حافظت على ساره
لا شكر ولا حاجه انا اللى بجد اسف انى كلمتك بإسلوب وحش فى المقابر انا اسف انا مكنتش اعرف ظروفك
رقيه لا ولا يهمك اى حد فى مكانك كان هيفكر كده
تحت العماره اللى فى ساره
طلعوا خبط مروان اول ما ساره فتحت شافت خالتها جرت على حضنها مروان دخل وقفل الباب
ساره خالتو وحشتينى اوى اوى يا خالتو عامله ايه
رقيه ببكاء انتى اللى عامله ايه يا قلبى وحشانى وحشانى
انا اسفه اسفه يا حبيبتي أنى سيبتك اوعدك يا ساره فى اقرب فرصه هاجى اخدك انا اشتغلت وقريب اوى هأجر شقه ونعيش انا وانتى يا حبيبتي سامحيني يا قلبى أنى سيبتك
ساره مسمحاكى يا خالتو انا عارفه أنه مش بإيدك
رقيه قريب أوى قريب أوى يا قلبى هاخدك
ساره بفرحه بجد يا خالتو
رقيه ايوه يا نن عين خالتك
مروان سمع كده اتضايق بس مش عارف ليه
قعدوا يتكلموا شويه
رقيه أستاذ مروان قالى انك بتكملى دراستك
ساره ايوه يا خالتو
رقيه مش عايزاكى تخافى يا حبيبتي ولا اى حاجه تأثر عليكى وعلى مذاكرتك
عايزك كده تقفى وتواجهى بقلب جامد عشان تحققى حلمك وافتكرى كمان أنه كان حلم صابرين الله يرحمها
عايزه المره الجايه أن شاء الله نروح نزورها وانتى الدكتوره ساره
ومتقلقيش يا حبيبتي انا فى ضهرك دائما
ساره ربنا يخليكي ليا يا خالتو
اوعدك انى هبقى الدكتوره ساره أن شاء الله
رقيه قلعت من رقبتها سلسله فضه على شكل مصحف ولبستها لساره
كل أما تحسى انى بعيد عنك افتكرينى بدى يا حبيبتي كأنى معاكى
انا همشى دلوقتى يا حبيبتي بس اوعدك خلال شهر بالضبط هانكون سوا
ساره لا يا خالتو ماتمشيش اقعدى معايا شويه
رقيه معلشى يا حبيبتي عشان حسن بيزعقلى لما بنزل انا نازله من وراه عايزه اروح قبل ما يرجع من الشغل
لسه بتفتح الباب وهاتمشى
ساره خالتو
ايوه يا ساره
ساره بدموع هو بابا مسألش عليا
رقيه راحت حضنت ساره
احنا معدش لينا غير بعض يا حبيبتي انسيه خالص هو ميستاهلش يبقى عنده بنت زيك
ركزى فى مذاكرتك يا ساره افتكرى دايما أن دى حاجه هتفرح صابرين
حاضر اوعدك يا خالتو هذاكر كويس
مروان نزل وصل رقيه
رقيه انا متشكره اوى لحضرتك مهما قلت مش هوافيك حقك
اوعدك شهر بالكتير عما أدبر أمورى وهاخدها وانا واثقه أن الامانه عندك بخير
مروان شكرا على ثقه حضرتك واوعدك انا اد الامانه متقلقيش خالص
ربنا يصلح حالك يا ابنى
مع السلامه
مروان مع السلامه
ساره اتصلت على مروان
ساره انا بجد مش عارفه اشكرك على ايه ولا ايه دى احلى مفاجأه فى حياتى
مروان تشكرينى لما تنفذى كلام خالتك وحلم مامتك وتبقى فعلا الدكتوره ساره
ساره أن شاء الله مع السلامه
مع السلامه يا ساره
مروان طلع على شركته
والايام عدت مروان كل يوم فى الشركه بيشتغل
ساره طول الشهر مش بتسيب الكتاب من لديها
قررت تركن كل حاجه وماتفكرش فى اى حاجه لحد ما توصل للى هى عايزاه طول الوقت بتذاكر
وكل يوم بتكلم خالتها وده بيشجعها ويدعمها اكتر واكتر
لحد اول يوم فى الامتحانات
مروان كل يوم كان بيوصل ساره الامتحانات ويستناها لما تخلص ويروحها
اخر يوم فى الامتحانات
ساره لمروان ياااااه مش مصدقه اخيرا خلصت
الواحد ماكنش مصدق بس خايفه اوى اوى من النتيجه
مروان طالما عملتى اللى عليكى متخافيش من اى حاجه ربنا مش بيضيع تبع حد ابدا
وعشان النهارده اخر يوم هافسحك فسحه محصلتش
ساره بجد
ايوه
وصل ساره لبيتها
اطلعبى البسى وانا هاروح البس انا كمان واعدى عليكى
ساره هو احنا هانروح فين
مروان مفاجأه ومشى على فيلته خد شاور وغير هدومه
ولبس بنطلون جينس وتيشرت اسود كده موضح عضلاته وسرح شعره ونزل
خرج من الفيلا لقى محمد فى وشه
مروان انت بتعمل ايه هنا
محمد ايه ياعم مخنوق شويه جاى اعد معاك
مروان لا انا خارج
محمد طب كويس انا فعلا محتاج اغير جو
يلا بينا ورايح يركب عربيه مروان
مروان خد هنا يلا هو ايه اللى محتاج اغير جو انا مالى انا بقولك خارج
محمد وفيها ايه يا مارو لما اجى معاك بقولك صاحبك ومخنوق يا جدع
مروان ومخنوق من ايه يا اخويا دانت كنت فالمانيا الشهر اللى فات
محمد ومالك يا عم بتقولها كده كأنى كنت بتفسح مش كنت ماسك فرع الشركه هناك يعنى هنا شغل وهناك شغل مروحتش فى حته
مروان يا سلام يعنى ماصيعتلكش شويه مع مز*ز المانيا
محمد ياعم هو انا لحقت دا انت يا مفترى
سايبنى غرقان فى الشغل هناك وكل أما اجى اروح الأقى الوا*طى اللى هناك اللى انت معينه مدير الفرع دا يقولى عندنا مشاكل عندنا مشاكل وصفقات متأخره لازم حضرتك تحلها دا انا سعات كنت ببات فى الشركه من كتر الشغل
مروان تصدق صعبت عليا
محمد بجد يعنى هتاخدنى معاك
مروان لا
محمد ليه يا عم الرخاميه دى
مروان عشان انا خارج مع ساره
محمد يا سلام ومن امتى وهى بتخرج معاك
مروان النهارده كان اخر يوم ليها فى الامتحانات وعاوز افرحها
محمد طب ماتفرحنى انا كمان والله العظيم انا يتيم برده
مروان يتيم ايه يا ب"غل انت
محمد الله يسامحك يا عم وهاتروحو فين بقا
مروان هواديها الملاهى
محمد بجد ونبى اجى معاكو ومش هاعمل صوت نفسى اركب القطر
مروان عارف لو مامشيتش من هنا دلوقتى حالا انا هتغابى عليك
خلاص يا عم دا انت رخم
بتقول ايه يالا سمعنى
محمد لا دانا بقول يا عنى لو جيت هبقى رخم فعلا
اه بحسب
محمد ومروان الاسيوطى بقى رجل الأعمال العالمى لما حد يشوفه فى الملاهى بيتمرجح هيقولوا عليه ايه
مروان ودى تفوتنى برده انا حاجز الملاهى كلها
محمد وه 😲😲
مروان أنت لسه هتستغرب ورايح يركب العربيه
محمد طب استنى يا عم انا مش قادر ارجع تانى هات المفتاح اعد شويه مع ماكس
مروان ليه هتروح مشى
محمد يا عم خلص ياعم
مروان حدفله المفتاح ومشى
نزلت ساره وركبت ومروان مشى
بعد شويه وقفوا قدام مدينه ملاهى كبيره جدا
ساره نزلت بفرحه واو مش معقول
ساره دخلت لقاتها فاضيه
ساره هى قافله ولا ايه
مروان لا انا حاجزها كلها مخصوص عشانك
يلا استمتعى
ساره ركبت كل الالعاب وكانت فرحانه وبتتنطط فى كل حته بقلم ندى الجندى
مروان ركب معاها بعض الالعاب وكان قاعد يصورها فى كل مكان تروحه لاول مره يشوفها وهى بتضحك اول مره يحس أنها فرحانه
مروان كان فرحان اوى عشان قدر يبسطها
وهما مرواحين مروان نزل جاب لساره ايس كريم
ساره انا بجد فرحانه اوى اوى
انا متشكره جدا انت اجدع حد انا قابلته فى حياتى
مروان تأكدى انى هتعمل اى حاجه ممكن تسعدك يا ساره
ساره اتكسفت وبصت قدامها
مروان وصلها وهى نازله
مروان تصبحى على خير
ساره وانت من اهله
وطلعت كلمت خالتها وحكتلها على تفاصيل يومها خالتو انا فرحانه اوى اوى
رقيه ربنا يسعدك كمان وكمان يا حبيبتي
انا لقيت الشقه خلاص بس هيا فيها سكان اسبوعين كده يا حبيبتي وهيمشوا واحنا هننقل مكانهم
ساره بجد يا خالتو
رقيه بجد يا نور عينى
بعد اسبوعين
خلاص يا حج امتى هستلم الشقه
بكره أن شاء الله أدتله رقيه العربون وايجار الشهر وكتبت العقد
تمام مع السلامه
سلام يا ست الكل
دخلت رقيه الشقه لقت اللى بيجبها من شعر*ها
حسن هو خلاص معدش ليكى راجل ولا ايه
من ساعه ما نزلتى تشتغلى وانتى كل يوم تنزلى وترجعى وقت مانتى عايزه كده كأنها زر*يبه
رقيه ما هى زر*يبه فعلا طول مانت قاعد فيها
حسن وهو بيل*طش فيها بالاقلا*م الله الله من امتى النغمه الجديده دى ايه الشغل قوى قلبك ولا ايه لا فوقى دا انا ارميكى فى الشارع من بكره
رقيه ومين قالك أنى هستنى لما ترمينى
قالت وبقها بينز*ف د*م من ضر*به طلقنى
حسن أتصدم دى عمرها ما قالتها ماهما عمل فيها
رقيه ايه سكت ليه فاكرنى عشان ماليش ضهر هافضل متحمله قرفك وا*هانتك ليا طول العمر
لا دا ربنا ميرضاش بالظلم ابدا وانا مش هاستحملك اكتر من كده
حسن شد على شعر*ها اكتر وفضل يضر*ب فيها ايه لاقيتى غيرى اللى هايعوضك ولا ايه
رقيه اخر*س قط*ع لسا*نك انا مش قذ*ره ذيك
كده طب مش مطلق وشوفى بقى هاتعملى ايه
مانت مش راج*ل لما تعلم كده
بقا انا مش را*جل يا زبا*له انا هوريكى وفضل يضر*ب فيها واح رماها فى الاوضه وخرج
رقيه اتخبطت فى سن السرير ورأسها نز*فت
بعد اما حسن خرج
احمد كان قاعد فى اوضته خايف وهو سامع صوتهم بيتخانقو لما عرف أن أبوه خرج جرى على أمه لقى وشها كله دم
احمد طفل فى تانيه ابتدائي مش عارف يتصرف ازاى قعد يعيط
ماما ماما اصحى خلاص بابا مشى اصحى يا ماما نمشى من هنا بسرعه قبل ما يرجع تانى قومى يا ماما
بس رقيه مش بترد احمد قعد فتره جنبها مش عارف يعمل ايه وبعدين
احمد فتح الباب وراح خبط على جارتهم اللى قدامهم
فتحتله مالك يا احمد بتعيط ليه يا حبيبى
احمد بعياط بابا ضر*ب ماما وهى متعو*ره جوه ومش بترد عليا بقلم ندى الجندى
منى جريت على شقه رقيه لقت وشها متفرق د*م و راسها بتنز*ف وجس*مها وهدو*مها متقط*عين وواضح عليها آثا*ر الضر*ب منى صرخت ونادت على جوزها يا صلاح
صلاح جه جرى
منى اطلب الإسعاف بسرعه
صلاح طلب الإسعاف واول ما وصلت
منى احمد حبيبى متخافش ماما متعو*ره واحنا هانروح المستشفى ونيجى على طول خش اعد مع زياد وياسر على ما نيجى لا يا طنط انا عايز اروح مع ماما
لا يا حبيبي احنا هانيجى بسرعه مش هنتأخر دخل احمد ومنى وجوزها طلعوا على المستشفى
دخلت رقيه اوضه العمليات بقلم ندى الجندى
بعد ساعتين خرج الدكتور
جرى عليه منى وصلاح خير يا دكتور
الدكتور للاسف٠٠٠٠٠٠٠٠٠٠٠٠
بدل ماتدور وتبحث علي الروايات خليها علي تليفونك وحمل تطبيقنا
