روايه قلوب حائرة الفصل الحادي عشر
ولاء بعند \ بس ده مش اي حد يانور وانتى عارفه ده اخو ............................(نور بسرعه وضعت يدها على فم ولاء وقالت بعصبيه \ مفيش فايده فيكي لسانك مبيسكتش ابدا
عزه تقف وهى لاتفهم شيء
نور بتنهيده ازالت يدها من على فمها وقالت \خلاص....انا هاجى معاكي علشان خاطرك انتى بس
ولاء ضاحكه \ ايوه بقا ديه شكلها هتحلو
عزه بعدم فهم \ انتو بتفكرو فى ايه انتو الاثنين انا مش فاهمه حاجه ايه الالغاز ديه
ولاء\ ولا اي حاجه متقلقيش "وامسكت يد نور وابتعدو عنها
بعد قليل من الوقت نزلت هند على الدرج وبيدها حقيبة سفر
هيام \ انتى رايحه فين ياهند
هند \ هروح عند بابا انا مش هقدر اقعد هنا دقيقه واحده
عبد اللطيف \ براحتك اكيد انا يهمنى انك تكونى مبسوطه
ماذن بغضب \ هند اطلعى فوق بلاش تععصبينى
هند \ لا ياماذن انت ملكش انك تتكلم اصلا
شيماء / يابنتى اهدي بس وكل حاجه هتتحل
هند / لا يا طنط مفيش حاجه هتتحل علشان كده انا لازم امشي
ماذن اقترب منها \ هند بلاش عناد اطلعى فوق
هند بتحدي \ ابعد من قدامى انا مش هقعد فى البيت ده تانى انا اتهنت هنا كتير كفايه بقا انا مش جاريه عندك
ماذن امسك يدها بقوه \ هند اعقلى وبلاش جنان
هند بغضب \ ابعد ايدك ديه لو هتتكلم يبقى بااحترام ولانى اشك انك بتحترم حد اساسا
محمد بغضب / ماذن ده مش اسلوب لو هتتكلم يبقي براحه سيب ايديها
ماذن ترك ايديها / انت مش شايف بتتكلم ازاى
هيام / اهدو شويه مش كده نتفاهم براحه
رحاب \ هند اهدى بس وقولى انتى عايزه ايه واحنا هنعملوهلك
هند \ الى انا عايزاه هو انى امشى من هنا ومشوفش البنى ادم ده تانى وياريت يطلقنى بهدوء
اتت نور و ولاء ونظرو لبعض وابتسمو فقالت ولاء ضاحكه \ ربنا يقدرنا على فعل الخير
ماذن بحزن \ ياه للدرجادي انتى مش طيقانى
هند بدموع \ ايوه لانك خليت حياتى جحيم انا مش علشان قاعده وصبره يبقى ضعف منى انا قاعده عشان بحبك وبحترمك بس انت مش مقدر ده فخلاص يروح كل واحد لحاله ونفضها سيره
ماذن بهدوء\هند ممكن تطلعى فوق ونتفاهم سوي ارجوكى
هند \ ممكن اعرف انت مش عايزنى امشى ليه هو مش انت مش بتحبنى يعنى المفروض تكون فرحان
ماذن \ مين قال انى مش بحب................توتر وقال بتنهيده \ ارجوكي متمشيش.
ابتسمت بسعاده.
شيماء \ هند احنا كلنا بنحبك وبنعتبرك واحده مننا وانا بالاخص بعتبرك بنتي
هند \ وانا والله العظيم بس انا مش هستحمل اهانات انا عايزه اعيش زي كل الى متجوزين مع شخص يحترمنى ويقدرنى ويحبنى ويخاف انه يجرحنى لكن مازن معملش اى حاجه من دول وكل الى بيعملوه انه بيجرحنى اكيد مش هترضى ان بنتك زى مبتقولى تتجرح وتتهان
هيام \ سامحيه اوعدك انه مش هيعمل كده تانى صح يامازن
ماذن نظر لها وقال \ انا بجد مقصدش انى اجرحك
هند بدموع \ توعدنى انك مش هتجرحنى تانى وانك هتحافظ عليا
ماذن \ اوعدك
محمد بابتسامه امسك الحقيبه \ يبقى خلاص اطلع الشنطه فوق
هند بابتسامه/ اكيد
.............
<<<<<<<<<فلاش باك
صعدت هيام الى الاعلى لتذهب لغرفنها ولكن لمحت نور وولاء فاقتربت منهم وقالت \ بتعملو ايه هنا
ولاء \ احنا بقالنا ساعه بندور على حضرتك
هيام \ ليه ايه الى حصل
نور \ احنا قولنا نيجي لحضرتك تلحقى المشكله ديه
هيام بقلق \ مشكلة ايه
ولاء \ هند مرات ماذن بيه بتلم شنطها واحتمال تسيب البيت
هيام بصدمه \وانتو عرفتو ازاى
نور \ سمعناها بتكلم حد وبتطلب منه يجي ياخدها وانها هتمشي وتسيب البيت
ولاء \ وواضح انها مصممه علي رايها كانت عمالة تعيط
هيام استندت على الحائط وقالت بحزن \ ياما قولتله بلاش يقسي عليها وهو مسمعش الكلام
ولاء بقلق \ حضرتك كويسه
هيام \ انا لازم امنعها من انها تسيب البيت
ولاء ابتسمت \ هو انا عندي فكره
نور بتمثيل \ ولاء بلاش تدخلي فى الى ملكيش فيه
هيام \ لا سبيها تقول الى عايزاه
نور \ اصل سمعنا ان ممنوع حد يدخل فى اي حاجه تخص العيله
هيام ابتسمت \ بس انتو لا
نور وولاء صدمو تماما فقالت ولاء بقلق \ اشمعني
هيام \ هتصدقونى لو قولتلكم انى معرفش ليه
هيام \يمكن لاني حاسه اني اعرفكم من زمان
نور بنوتر \ بس حضرتك ديه اول مره نشوفك فيها
هيام ابتسمت \ مجرد شعور ان قلبى ارتحلكم
ولاء ابتسمت وقالت بسعاده \ وحنا كمان من ساعة مشوفناكي ارتحنالك جدا
هيام ابتسم ولكن لمحت نور راتها شارده ويبدو انها ليست مرتاحه من كلام ولاء وهيام
هيام اصتنعت الجديه / المهم ايه الفكره الى بتقولى عليها
ولاء ابتسمت وقالت انا شايفه اننا نخليا تلم شنطتها وتمش بس كده وكده مش بجد
هيام بعدم فهم \ ازاى وليه
ولاء \ علشان لو ماذن بيه بيحبها اكيد هيحاول يمنعها وساعتها ممكن يتفهمو وتتحل المشكله
هيام باعجاب \ فكره حلوه جدا انا لازم اروح الحقها واقولها على الفكره ديه
..هيام ابتعدت عنهم مسرعه الى غرفه هند
كانت هند جالسه على السرير تبكى ولكن فجاءه استمعت لصوت دق على الباب
فنهضت ومسحت دموعها وفتحت الباب لتجد امامها هيام فقالت \ اتفضلى
هيام \ بقى كده ياهند عايزه تمشي من غير حتى مترجعيلى
هند باستغراب\ انا فعلا كنت بفكر بس ............
هيام بغضب \ يعني بعد اما ماذن بدء يتعلق بيكي ويحبك تنسحبي
هند بضيق \ حضرتك بتقولى كده علشان مش عايزانى امشي
هيام \ والله العظيم بيحبك هو بس بيعند مع جده
هند \انتى متاكده
هيام \ ايوه متاكده هو بنفسه قالى ولما روحتى عند اهلك كان هيتجنن وكان عايز يجيبك
هند بسعاده\ يعنى هو بيحبنى انا مش قادره اصدق اخيرا
هيام \ بس انتى لازم تنزلى دلوقتى بشنطتك بس كده وكده
هند باستغراب \ليه
هيام \ لانه لما يحس انك ممكن تبعدي عنه هيتجنن وهيعمل المستحيل علشان متمشيش اسمعي كلامي وانتى هتشوفى ايه الى ممكن يحصل
فى الوقت الحالى ................................
ماذن اخذ هند وصعدو لغرفتهم.......
ماذن \ انتى كنتى هتسبينى مش انتى بتقولى انك بتحبينى
هند \ انا بحبك بس مش هقدر اعيش حياتى مع واحد مش بيحبنى انا عايزه افرح اتبسط "امسكت يده " انا نفسى افضل معاك طول عمرى ونكون سعداء
ماذن بضيق\ مكنش بايدى انا لازم اعرفه انه غلط لازم ادفعه ثمن الى بيعمله معايا
هند / بس ده جدك عيب انك تقول كده ومهما كان فهو خايف عليك وشايف مصلحتك
ماذن \ مش عارف
هند ابتسمت بخجل\ مش عايز تقولى حاجه
ماذن ابتسم واقترب منها امسك يدها وقال بحب \ انا بحبك جدا يا هند مش عارف ازاى بس الى اعرفة انى عايزك دايما قدامي متسبنيش ابدا
فى الليل
فى الليل نور و ولاء كانو بغرفه بها عديد من السراير وكانت ولاء ترسم على احدى الاوراق ولكنها توقفت فجاءه عندما استمعت لصوت بالخارج فتسلل الخوف بداخلها اقتربت من شقيقتها وقالت \ نوراصحى
نور بقلق \ فى ايه يا ولاء انتى كويسه
ولاء بخوف \ انا خايفه
نور بنعاس \ من ايه بس
ولاء\ فى صوت انا خايفه لحسن يكون حرامي
نور بتافف \ متقلقيش احنا فى قصر مش فى الشارع
ولاء\ خلاص نامى انا غلطانه
نور وضعت راسها على الوساده لتكمل نومها
ولاء استمعت للصوت مره اخري فتاففت \انا هروح اشوف فى ايه علشان اتاكد ان مفيش حاجه
ووضعت شال على كتفها وفتحت الباب لكن عادت واغلقته بتردد \ طيب لو طلع حرامي هعمل ايه
ولاء لنفسها \ زى مانور قالت مستحيل يدخل حرامي هنا
وفتحت الباب مره اخري وخرجت من غرفتها ببطء وتحركت بهدوء ظلت تنظر حولها \ايه الضلمه ديه اوف انا هرجع الاوضه تانى التفتت لتعود لغرفتها لكن اصتدمت في جسد ارتعبت وكادت تصرخ ولكن هناك من وضع يده على فمها
ولكنها فقدت وعيها اثر الخضه فاسندها بسرعه وحملها ووضعها على الاريكه وذهب ليفتح النور وعاد اليها مره اخري واقترب منها
حازم \ مين ديه ( رفع شعرها من على وجهها ) ظل يحدق بها باستغراب \ انتى طلعتيلى منين
راها تفتح عيناها ببطء كان يتأمل وجهها البريء وفجاءو راته ففتحت فمها وكادت تصرخ فوضع يده على فمها وقال \ ششش وطي صوتك
ولاء بغضب عضت ايده ليبتعد عنها فقالت بصراخ / حرامي...............😱😱
............يتبع .....
