Ads by Google X

رواية جحود اب الفصل الثاني عشر 12 بقلم ندي الجندي


 رواية جحود اب الفصل الثاني عشر 

جحود اب بقلم ندى الجندى

الفصل الثاني عشر

يوم السفر

قدام فيلا مروان

محمد يلا يا عم ساعه مستنين

مروان ساعه ايه دا انت لسه واصل 

يلا

محمد يلا ايه امشى يلا واحنا وراك

مروان لا احنا هانروح كلنا بعربيتى

محمد وليه ياعم كده مش كفايه مرحناش بطياره زى كل مره كمان كلنا فى عربيه واحده

اسيا ايوه فعلا انا اعترض بقلم ندى الجندى

مروان خشى جوه يا بت 

اسيا طيب

محمد احسن تستاهلى😂😂

مروان يلا

محمد نزله ايه يا عم مصر ليه 

مروان عشان ساره 

محمد مالها

مروان هتبقى مضايقه والمسافه طويله اهو تعد ترغى مع اسيا شويه 

محمد طيب ماشى بقلم ندى الجندى 

ومشيوا كلهم راحوا بيت ساره 

ساره نزلت 

اول ما محمد شافها 

محمد لا لا لا عندك حق تتمسك انك تساعدها ايه الجمال ده

مروان احترم نفسك 

ساره كانت لابسه بنطلون جينس وعليه بلوزه لونها ابيض والهوا بيطير شعرها اللى كانت سايباه وعيونها العسلى كانت بتلمع فى الشمس

ساره اعرفك ده محمد صاحبى ودى اسيا أخته

ساره اهلا تشرفت بيكم 

محمد وآسيا الشرف لينا 

وركب محمد جنب مروان 

وآسيا وساره ركبوا ورا 

وهما فى الطريق مروان مشغل اغانى ومبسوطين جدا

اسيا انت يا ياض ياللى عمال تاكل فى سندوتشاتى هات واحد 

محمد لا

اسيا بقولك ياض هات سندوتش بدل أما اطفحا*لك

محمد لمروان ياعم قولتلك مانجبش الوليه دى معانا شايف بتفضحنى ازاى قدام الأجانب

ساره ماكنتش قادره تبطل ضحك من اسلوبهم دا 

مروان ياعم ماتديها مش كفايه أنهم بتوعها

محمد خدى تتك الار*ف 

اسيا وواحد لساره

ساره لا شكرا انا مش جعانه 

اسيا لا بقولك ايه شغل الكسوف دا مينفعش 

هى صحيح اول مره نشوف بعض بس احنا خلاص بقينا اصدقاء يعنى تاخدى وتدى معانا كده فى الكلام 

ساره ضحكت حاضر 

محمد ايوه يا بنتى وافقى على كلامها لحسن تبلعك واحنا قاعدين

اسيا ايوه بالظبط كده 

اسيا بقولك ايه يا محمد شغلنا حاجه لويجز كده خلينا نفرفش

محمد بجد يعنى دا هيفرحك

اسيا جدا 

محمد لمروان حذارى تشغله 

اسيا دانت عيل ر*خم

انا هشغله على الموبايل حجى 

وحطت الهاند فرى

محمد احسن خليها تكتم شويه

بعد شويه 

اسيا بصوت عالى والسماعات فى ودنها 

يجى غيرى مش هايجى زى 

محمد شد الهاند فرى منها

اخرسى هو احنا طايقينك لما يجى زيك اكتمى 

اسيا بزعيق فى ايه يا عم الله ايوه مش هايجى زى

محمد دا من رحمه ربنا بينا الحمدلله

اسيا عيل فصيل 

ساره ومروان قاعدين يضحكوا عليهم

اسيا حقى يا ساره انا فى منى اتنين

ساره بضحك لا طبعا 

اسيا سمعت

محمد بتجاملك 

اسيا فشر انت إللى غيران 

اسيا بقولك ايه يا مارو انا زهقانه ماتجيب اسوء شويه 

محمد لو مستغنى عن عربيتك اديها تسوق

مروان لا مش مستغنى

اسيا صدقنى هاسوق براحه 

مروان تعالى انا اصلا تعبت

محمد ياعم خلينا نوصل بخير بلاش دى هتبيتنا  كلنا فى المستشفى مش هنتفسح 

اسيا لا هسوق براحه 

مروان نزل وآسيا ركبت مكانه 

اسيا لمحمد ارجع ياض ورا وهات ساره جنبى 

محمد احسن برده عشان الإصابات تبقى طفيفه 

رجع محمد قعد جنب مروان وساره قدام جنب اسيا 

ها جاهزين 

محمد لا 

اسيا ساقت وحرفيا العربيه كانت طايره من على الأرض

محمد يا نهار اسو*د يا شبابى اللى بيضيع 

يا حوستك السوده يا محمد 

مروان حسبى ياالله ونعم الوكيل فيكى 

يا بنتى هنتقلب 

اسيا نتقلب ايه يا عم الطريق فاضى وبعدين دا على سواقتك دى هنوصل العصر عايزين نلحق اليوم من أوله

ساره كانت فرحانه جدا بسواقه وتهور اسيا 

ومطلعه رأسها من الشباك والهوا بيطير شعرها 

ساره فى نفسها يااااااااه انا فرحانه اوى اد ايه الحياه حلوه بس انا اللى مكنتش حاسه عمرى فى حياتى ماخرجت وروحت فى حته زى دى ولا عمرى حسيت بمغامره زى دى انا بجد فرحانه فرحانه اوى

اسيا لساره حقى يا ساره انا بسوق وحش 

ساره لا انا بجد فرحانه اوى اوى

محمد بكومديا طب كويس اهو نبقى اتبسطنا قبل ما نموت 

وبصوت مضحك والان سنموت بعد قليل

اسيا فضلت تضحك عليه هيا وساره 

واخيرا وصلوا 

كلهم نزلوا من العربيه 

وكان الشاليه بتاع مروان قدام البحر بالظبط

ساره انبهرت بالمنظر وااااااو اول مره اشوف بحر الميه بتاعته صافيه وجميله بالشكل دا تحفه

اسيا يلا نغير بسرعه عشان ننزل

محمد انتى يا بنتى متهدتش احنا هنموت وننام 

اسيا لا انا عايزه انزل البحر 

مروان خلاص احنا هنخش ناكل ونغير وبعدين ننزل 

اسيا ماشى يلا 

بالفعل دخلوا كلهم طلعوا غيروا 

اسيا خدت اكياس اللى هما جيبانها معاهم 

اسيا انا هعملكوا احلى اسباجتى 

دخلت اسيا وساره المطبخ 

ومحمد ومروان قعدوا بره يتفرجوا على التليفزيون

مروان شوفت ازاى انت وآسيا عرفتوا تبسطوها وتضحكوها 

محمد فعلا انا لما حكيت لآسيا صعبت عليها أوى وقالتلى انا هفرفشهالك

اسيا وساره فى المطبخ






اسيا انتى بتعرفى تتطبخى يا ساره 

ساره اه بعرف 

طيب انا هاعمل اسباجتى

ساره انا هاعمل جنبها بانيه وسمبوسه 

اسيا تمام 

وبدأوا يعملوا بعد اما خلصوا رصوا الاطباق على السفره وقعدوا كلهم ياكلوا 

محمد اول مره تعملى بانيه عدل 

اسيا لم نفسك ياض انا اكلى كله قمر بس ساره هى اللى عامله البانيه

محمد عشان كده حلو بجد طعمه جميل اوى

ساره شكرا 

اسيا وهى اللى عامله السمبوسه

محمد امال انتى كنتى بتعملى ايه بتتفرجى عليها وهى بتعمل

اسيا انا اللى عملت المكرونه يا خفيف 

مروان بجد الاكل جميل اوى تسلم اديكوا 

وبعد اما خلصوا اكل 

طلعوا غيروا 

اسيا هيا بنا يا رفاق إلى البحر هجوو و و م 

وطلعوا يجروا كلهم

نزلوا كلهم البحر 

ساره كانت فرحانه جدا جدا 

اسيا ايه ده انت بتعرفى تعومى

مروان بصلها ورفع حاجبه عشان كانت قايله مش عايزه اروح اصلا مش بعرف اعوم 

ساره بإحراج فهمت نظرته وافتكرت لما قالت مش بتعرف تعوم عشان تتهرب أنها ماتجيش 

ساره مش اوى يعنى على قدى كده 

محمد كل ده ومش اوى 

دى اللى بتعوم عوم كلابى دى قرفانا كل شويه انا سباحه ماهره وشاور على اسيا😂😂

اسيا لم نفسك يلا نعمل سباق يا ساره 

وقف مروان ومحمد يشوفوا مين اللى هيكسب 

محمد يلا استعد انطلق






عامت ساره بسرعه وكانت هى الاسرع ووصلت قبل اسيا وهما راجعين برده ساره سبقتها 

محمد صفر والان أعلن نتيجه المسابقه 

بأت المحاوله بالفشل لآسيا لتحتل ساره الفوز 

اسيا طيب يلا انا وانت وانا اللى هاسبق

وبدأ اسيا ومحمد يعوموا واسيا هى اللى كسبت 

بعدها محمد ومروان 

ومروان هو اللى كسب 

بعد كده اسيا ومروان مروان هو اللى كسب برده 

محمد وهو بيقلد معلقين الكوره اووووه يا ولد يا لعيب مروان مروان الاسيوطى يتقدم وببراعه ويربح يربح 

والان المواجهه الحاسمه المواجهه الحاسمه بين هذا المروان وسباحتنا ساره لنرى من سيفوز 

يا ترى من سيفوز 

وقفت ساره ومروان على مسافه واستعدوا 

وبعدين انطلقوا هما اللى اتنين بنفس السرعه 

محمد ايه ده الاتنين فى نفس السرعه 

طب نشوف وهما راجعين مين اللى هيكسب 

وصلوا مع بعض

محمد ايه دا معقول تعادل محدش كسب 

لا احنا عايزين نتيجه حاسمه روحوا تانى 

وقفوا يا خدوا نفسهم شويه وبعدين بدأو رجعوا برده مع بعض محدش تقدم على التانى 

محمد بزهول ايه ده معقول ده عمرها ماحصلت ايه يا مارو ماذا حدث لك يا رجل

مروان حاجه غريبه فعلا 






اسيا واى الغريب فى كده 

محمد عشان مروان كان بطل فى السباحه 

مروان اه بس فعلا ساره بتعرف تعوم كويس جدا وبسرعه

محمد واخيرا لقينا حد ينافس مروان الاسيوطى طلعوا من الميه 

وقعدوا كلهم على الرمل يشوفوا منظر الغروب مكانش فى حد موجود غيرهم لأن الشاليه والمنطقة دى كلها ملك لمروان الاسيوطى

مروان يلا يا جماعه نخش نغير عشان نخرج

دخلوا كلهم لبسوا ونزلوا راحو اماكن كتير جدا واتمشوا كتير اوى 

اسيا ساره اقفى أما اصورك 

اتصورت وبعدين خدت صوره هيا وآسيا

روحوا وكلهم طلعوا يناموا

تانى يوم صحيوا كلهم على صوت عالى ورزع على الابواب 

اسيا يا رفاق اصحوا يلا نلحق اليوم من أوله 

محمد يا بت انتى مش هاتعقلى بقى

اسيا لا يلا

نزلوا فطروا وطلعوا قعدوا يلعبوا كوره وفرحوا جدا 

وبعدين طلعوا غيروا ونزلوا يتفسحوا

راحوا زارو محميات وشافو طيور وحيوانات نادره ساره عمرها ما شافت الحجات دى كانت مبهوره جدا 

واتغدوا بره وفضلوا لحد باليل وبعد كده روحوا 

تالت يوم 

اسيا بزعيق اصحوا اصحوا 

مروان ياعم دانت كان عندك حق هو كل يوم كده نصحى مفزوعين

محمد عشان تبقى تصدقنى يا بنتى الساعه ٨لسه بدرى

اسيا يلا مافيش وقت انا حجزت diving

يلا عشان نروح






لبسوا كلهم ورحوا 

طلعوا كلهم على اليخت 

وكلهم عملوا diving

ساره شافت الأسماك الملونه والشعاب المرجانيه بجد كانت حاجه تحفه وقضوا اليوم وبعد كده روحوا 

تانى يوم محمد يا قوم اصحوا 

مروان فعلا الهبل دا وراثه فى العيله عندكم

محمد ايوه اشمعنا هى مره من نفسى😂😂

يلا عشان رايحين سفارى 

راحوا كلهم واتفسحوا فى الصحرا وكان اليوم ممتع 

وكان معاهم ناس كتير فى الرحله 

باليل كل اللى فى الرحله ولعوا نار وقعدوا يغنوا ويسقفوا وكان الجو جميل 

وقرروا يباتو فى الخيم اللى هما عملوها 

ساره وآسيا مع بعض 

ومحمد ومروان مع بعض 

بعد شويه اسيا صرخت اااااااااه محمد الحقنى

الفصل الثالث عشر من هنا


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-