 |
رواية زهرة الفهد الفصل الثالث عشر |
#رواية_زهرة_الفهد
الفصل الثالث عشر
للكاتبة جودى اسامة
فهد: بس حضرتك عايزين الجواز يبقى على الضيق كده وبعد الامتحانات يبقى نعمل الفرح عشان منتشتتش وانا كده كده جاهز مش ناقصنى حاجة عندى قصر بتاعنا فيه كل حاجه انا ناقصنى العروسة بس
امال: بس...ده فى الاخر رأى زهرة
زهرة: انا برضو كنت عايزه اقول كده
سليم: يبقا نقرأ الفاتحة
زهرة : حضرتك عايزة أتكلم فى موضوع كمان
سليم: اتفضلى يا بنتى
زهرة: انا عايزه أكمل تعليمى واشتغل كمان
سليم: ده بينك و بين فهد
فهد: انا موافق تكملى تعليمك بس تشتغلى ليه احنا مش محتاجين
زهرة: بس انا مش هشتغل عشان الفلوس انا هشتغل عشان أحقق حلمى
فهد: موافق
سليم وهو بيقوم: طيب مادام اتفقنا على كل حاجة يبقا نقوم بقى
امال: ليه خليكو قاعدين معانا شوية كمان
سليم: ان شاء الله القعدات الجاية كتير نسيبكوا بقى عشان الوقت اتأخر
امال: طيب مع السلامة
ومشيوا فى الطريق
عز: ايه رايك يحج فى البنت انا رأيى أنها جميلة وبنت ناس
سليم: وانا كمان شايف كده البنت مؤدبة ومحترمة
فهد كان سمعهم وهيطق بس مش قادر يقول حاجة
وصلوا البيت واتعشوا
وكل واحد راح على اوضته
________________________للكاتبة جودى اسامة
عند زهرة
امال: ايه رايك يا زهرة انا شايفة أن الراجل محترم وابن ناس واهله طيبين جدا
زهرة فى نفسها: هه محترم أه حقه محترم على الاخر كنتى تعالى شوفيه قبل ما تدخلوا
امال: زهرة...زهرة وهزتها
زهرة: هه كنتى بتقولى ايه يا ماما؟
امال: اديلى ساعتين بنده عليكى سرحانه فى ايه؟
زهرة بتوتر: هه ولا حاجه ولا حاجه يماما
امال: بقولك ايه رايك فى فهد؟
زهرة بخجل: عادى يا ماما
امال: انتى شوفتيه فين طيب ولا هو شافك فين؟
زهرة: فى الجامعة هو دكتور فى الجامعة
امال: اللهم صلى على النبى بسم الله ما شاء الله انا طول عمرى بقول انك بنت مرزقة
زهرة: ليه؟!
امال: يعنى عشان هتجوزى واحد يريحك ومحترم ودكتور عايزه ايه تانى؟
زهرة : عايزه انام يا ماما عايزة انام
امال: يلا يا حببتى نامى لحسن وراكى 4 ايام فل
زهرة: ايه؟
امال بخبث: يعنى كده تنزلى الكوافير تروحى تعملى حمام مغربى كده يعنى اكمنك عروسة
زهرة: ايه؟ روحي نامى يا ماما روحي نامى الله يخليكى ده انا الجبته لنفسى ايه يا ربى ده
زهرة نامت بصعوبة بعد ما فكرت فى اليوم ده قد ايه كان يوم طويل وفيه أحداث كتير
________________________للكاتبة جودى اسامة
فى الصباح
فهد صحى دخل الحمام اخد شاور
وطلع وهو لابس بدلته وكان شكله قمر😘
سليم: جهزوا نفسكوا احنا هنمشى بليل
فهد: تمام
فهد زهق من القعدة فى البيت حب يطلع يتمشى شوية
______________________للكاتبة جودى اسامة
عند زهرة
امال: قومى قومى يا بنتى
زهرة: فى ايه يا ماما سبينى 5 دقايق بس
امال: اديلك 5 ساعات بتقولى 5 دقايق فى عروسة تصحى الضهر
زهرة: يا دى أم العروسة العروسة العروسة كل شوية العروسة فى ايه بقى ده انا لو عروسة المولد مش هيبقى كده
امال: بطلى لماضة وقومى عشان تفطرى
زهرة: حاضر اهو وقامت خدت دش و لبست درس بيبى بلو وطرحه بيضة وكانت شكلها جميل جدا
وطلعت
زهرة: صباح الخير
هند و سلمى: صباح النور
امال: يلا بقا الاكل هيبرد
وبدأو يكلوا
خلصوا
زهرة: ماما انا خارجه
امال: رايحة فين؟
زهرة:هتمشى شوية عايزه اشم هوا
امال: ماشى يا بنتى بس متتأخريش
زهرة: حاضر
ومشيت قعدت تتمشى
طلعوا عليها 4 شباب
1: ايه الوحش ده
2: حقه دى صاروووووخ
3: متيجى يا مزة
4: ايوه تعالى معانا وإحنا هنظبتك
زهرة: لا ده كده كتير مش كل اجازة هى اقتلى 10 ده انتو جيتوا لقداكم
واحد منهم مسك ايدها راحت لوتها وكسر.تهالوا
والتانى جى يضربها بالقلم......
________________________للكاتبة جودى اسامة
فهد كان ماشى تحت انظار وهمسات البنات عليه
وهو مش فى بالو بنت كانت ماشية فى الطريق
معاها مناديل
البنت: مناديل يا بيه؟
فهد نزل لمستواها
فهد مد ايده ليها بفلوس
البنت: انا مش شحاتة يا بيه
فهد: بس انا مقولتش عليكى شحاته
البنت: ما انت مديتلى ايدك بفلوس
فهد: عادى انا بديكى فلوس عشان انت جميلة وشطورة يعنى مش علشان شحاتة
البنت: بس امى جالتلى مخدش فلوس من حد من غير مقابل
فهد: طب انا هشترى منك المناديل كلها
البنت: اذا كان كده ماشى
واعطتو المناديل كلها وهو اعطاها فلوس زيادة
البنت: بس ده زيادة
فهد: عادى ده ليكى مش انتى بتشوفى أن فى ناس بتاخد بقشيش اعتبريه بقشيش
البنت: ماشى
وكانت هتمشى
فهد: استنى هنا انتى مقولتليش اسمك ايه؟
البنت: اسمى ندى يا بيه
فهد: وانا اسمى فهد
البنت: الله اسمك حلو قوى طب يلا سلام لحسن انا اتاخرت اوى
فهد: ماشى يا ست ندى
________________________للكاتبة جودى اسامة
والتانى جى يضربها بالقلم راح واحد مسك ايده وقعد يضرب فيهم لحد ما جريوا
اياد: انتى كويسة يا زهرة
زهرة: أه تمام ازيك يا اياد؟
اياد: الحمدلله وحشتيني
وفى اللحظة دى فهد شاف زهرة واقفة مع اياد وسمعوا وهو بيقولها وحشتيني
فهد: بتقول لمراتى وحشتينى يا ابن****** طب انا هربيك ونزل فيه وهاتك يا ضرب ( انهردة يوم الضرب العالمى😂)
زهرة: سيبوا يا فهد سيبوا وبتحاول تشيل اياد من بين أيدين فهد
فهد بغضب وعنيه احمرت ووجه لا يبشر بالخير:..................يتبع
فهد هيعمل ايه فى زهرة؟
فهد فكر فى ايه؟
فهد هيكمل جوازهم؟
من اياد ده ( يكونش اياد نصار😂😂)؟
منزلتش البارت فى الليل عشان كان فى ناس قليلين باليل الظاهر أن فى ناس بتنام بدرى عشان المدارس😂😂
