روايه قلوب حائرة الفصل العشرون
ايهاب خرج من غرفته ونزل الى الاسفل ليلمح هيام فاقترب منها وعندما لمحته كادت ترحل ولكن امسك يدها
ايهاب بحزن \ انتى زعلانه مني
هيام بسخريه \ ليه هو انت عملت حاجه ضيقتني
ايهاب بضيق \ والله ياماما انا مكنش قصدي اضايقك
ابتعدت عنه وقالت \ هو انا مش قولت مش عايز اسمع الكلمه ديه تانى
ايهاب \ بس ديه مش كلمه ده وصف
هيام اغمضت عيناها بحزن وقالت \ بس انا مش امك انا عمتك وبس
ايهاب دمعت عيناه فقال بحزن \ بس انتى وعدتيها انك مش هتسبيني انتى كده بتخلفى بوعدك
هيام / ...............
ايهاب مسح دموعه \ انا عارف انى غلط بس انا متعود انك تسامحينى
هيام \ انا تعبت من تصرفاتك
ايهاب \ انا اسف بس والله غصب عني انا مخنوق وعندي مشاكل
هيام \ انا كنت مستنيه منك تجيلى تقولى ايه مشكلتك
ايهاب \ اصل ...........(لمح رحاب اتيه من بعيد فصمت ).
رحاب اقتربت منهم \ ايه مالك ياعمتو
هيام بتنهيده \ ولا حاجه ياحبيبتى ............ انا طالعه اوضتى
ابتعدت هيام فقالت رحاب بضيق \ انت زعلتها تانى
ايهاب \ ليه بتقولى كده
لوت بوذها \ هو فى حد بيزعلها هنا غيرك
ايهاب \ للدرجادي
اردفت رحاب بزعل \ الصراحه انا كمان زعلانه منك ومكنتش هكلمك
ايهاب اقترب منها وقال بخجل \ انا عارف انى زعقتلك وقولت كلام يضايق انا مكنش قصدي
رحاب بسخريه\ ولا يهمك عادي هى جت عليك
ايهاب بعدم فهم \ تقصدي ايه
رحاب بحزن \ متخدش فى بالك
لمح ايهاب الحزن من عنيها فتنهد وقال \ اعمل ايه علشان تسامحينى
رحاب ابتسمت \ ده بجد
ايهاب هز راسه بايجاب وقال \ الى انتي عايزاه
لمعت عيناها بسعاده وقالت \ اي حاجه اي حاجه
ايهاب \ اي حاجه تطلبيها هنفذها
اقتربت منه وهمست \ عايزه اروح الملاهي
ايهاب ضاحكا \ ملاهي ...........ههههه
بوذت وقالت \ انت بتتريق عليا
توقف عن الضحك وقال \ مقصدش والله بس طلبك غريب
رحاب \ ما انت عارف ان كل واحد فى البيت ده مشغول بنفسه وانا عمري محد فكر فيا وبقالي كتير مخرجتش اتفسح
ايهاب بتنهيده \ده لان كل واحد فى البيت ده عنده مشاكله الخاصه بيه
رحاب بزعل \ ده غير بابا الى مفكرش يتصل يطمنا عليه كاننا مش ولاده
ايهاب \ الصراحه بباكي عنده حق تخيلى انه ميعرفش مكان ولاده
رحاب \ انا مقولتش حاجه بس يهتم بينا مش يسبنا من غير ميقول هو فين
ايهاب \ معلش يا رحاب هو معزور بردو
رحاب بقلق\ الممهم مقولتليش موافق توديني الملاهي
ايهاب ابتسم \ موافق طبعا انتى طلباتك اوامر
رحاب بحماس \ خلاص يبقي النهارده .....لا دلوقتى
ايهاب \ وانا موافق
رحاب بتفكير \ بس جدو مش هيوافق
ايهاب \ ولو خليته يوافق
رحاب بسعاده \ بجد بس ازاى
ايهاب \ ليه طريقتى
رحاب ابتسمت \ خلاص ماشي وانا اطلع اجهز نفسي
..............
خرج الى الحديقه ليراها تقف بعيد تشاهد الازهار بانبهار فاقترب منها وقال بابتسامه \ عجبوكي
ولاء بابتسامه \ شكلهم حلو اوي
حازم \ زي رسوماتك
التفتت \ رسومات ايه
حازم \الى شوفتها فى الاسكتش....بجد كانت حلوه اوي
ابتسمت \ عجبتك
حازم\ اكيد بس انتى اتعلمتى رسم ازاى
ولاء/ انا من وانا صغيره بحب الرسم وعلشان كده دخلت كلية فنون جميله
حازم بصدمة / انتى بتقولى ايه بجد الكلام ده
ولاء \ مالك مستغرب ليه امال لو عرفت ان اختى متخرجه من كليه هندسه هتعمل ايه
حازم / طيب ايه الى جبركم تشتغلو هنا انتو متعلمين وتقدرو تشتغلو فى اي شركه
ولاء بحزن / احيانا الانسان بيعمل حاجات غصب عنه
حازم لمس الحزن الى بصوتها فقال \ انتى حكايتك ايه
ولاء بتوتر \ ولا حكايه ولا روايه الظروف هى الى بتحكم
حازم ممازحا / امممم علشان كده سرقتى اسكتش الرسم
ولاء بغضب /انا مش حرمية انا استعرته بس
حازم ضاحكا / طيب طيب براحه فى ايه
ولاء باستغراب / انت غريب اوي
حازم \ليه يعني
ولاء \ الي يشوفك وانت متعصب ميشوفكش وانت بتضحك تحس انك شخصين فى بعض
حازم \ الصراحه انا كنت مضايق منك تصرفاتك تنقط اي حد ..وكمان انا اول مره حد ميخافش منى ويتجرء ويتحداني
ولاء بمزاح \ اخاف منك ليه هو انت عفريت
حازم \ هو انتى بتخافى من العفاريت
ولاء \ من نحيه بخاف فانا ولله الحمد بخاف من كل حاجه
حازم \ ايه رايك نفتح صفحة جديده ونتعرف باسلوب احسن
ولاء \ معنديش مشكله انت الى كنت مستقصدني
حازم بسخريه \ نعم ياختى هستقصدك انتي ليه ان شاء الله
ولاء بضيق \ شوفت انت بتتكلم ازاى
حازم \ بقولك ايه لو اتكلمتثى باسلوب كويس هتكلم باسلوب كويس
حازم \ عموما انا اسمي حازم
ولاء بابتسامه \ وانا ولاء
ولاء بتوتر \ بص بقى بما اننا بقينا ثمنه على عسل فانا عايزه اطلب طلب
حازم رفع حاجبه \ طلب ايه
ولاء بقلق \ هو ممكن اخد الاسكتش
حازم ضاحكا \ كل القلق ده علشان الاسكتش ده انتى مصيبه
ولاء بغيظ \ على فكره انت رخم
حازم بتافف \ يابنتى راعي انى ابقى صاحب البيت الى انتى بتشتغلى فيه واحترمينى
ولاء بعصبيه \ ونسيت اقولك انك متكبر ومغرور
كادت ترحل فامسك يدها \ انا مش عايز اتععصب عليكى فلمي الدور واتزفتى اقفى انا مخلصتش كلامي
ولاء ازالت يده وقالت بصوت عالى \ لو مسكت ايدي تانى مش هيحصلك طيب
حازم بعصبيه \ صوتك ميعلاش عليا انتى فاهمه
ولاء خافت من صوته وقالت بخوف \ انا اسفه والله مش قصدي
حازم بسخريه \ واضح ان الصوت العالى بيجيب نتيجه معاكي
ولاء اتغاظت وقالت \ هو كل ده علشان الاسكتش مش عايزاه خلاص
حازم كتم ضحكته \ والله العظيم مجنونه
ولاء \يوووه متخلصنى بقى وقولى هتدينى الاسكتش ولا لا
حازم \ مانتى لو كنتى صبرتى كنت هقولك انى جبتلك اسكتش كبيرعلشان ترسمي فيه براحتك
ولاء بسعاده \ بجد ده عشاني انا ....
.............................
فى مكتب عبد اللطيف
عبد اللطيف \ رامز لازم تشوفلى حل نور وولاء لازم يسيبو شغل المطبخ باي طريقه
رامز \ قولهم انك عايزهم يتشغلو عندك فى الشركه
عبد اللطيف \ بس لازم سبب مقنع نور زكيه جدا وهتكشفنى
رامز \انت ممكن تقولها انى قولتلك انها مهندسه وانك حبيت انك تشغلها
عبد اللطيف بسخريه \ يا ذكي انا لو قلتلها كده هتعرف انك قولتلى هما يبقو مين
رامز بضيق \ طيب هنعمل ايه دلوقتى
عبد اللطيف بضيق \ لازم يكون فى حل انا مش هستحمل اشوفهم كدا
استمعو لدق على الباب
عبد اللطيف \ ادخل
حازم \ واضح ان فيه اجتماع هام
عبد اللطيف \ في حاجه ياحازم انا مش فاضي
حازم بتسائل \ ليه هو فى حاجه حصلت
رامز \ بنتكلم فى خصوص الشغل
حازم ابتسم وجلس امام رامز \ انا كنت عايز اعرف لو محتاجين موظفين
رامز ضاحكا \ اوعى يكون ايهاب عقل وقرر يشتغل
عبد اللطيف بسخريه \ ايهاب يعقل ده شيء مستحيل
حازم بضيق \ ايهاب عاقل جدا وعارف هو عايز ايه بس مش هو
عبد اللطيف \ امال مين
حازم \ الصراحه بالصدفه عرفت ان البنتين الجداد متعلمين وواحده فيهم مهندسه وكنت بفكر اننا نشغلهم فى الشركه واهو نكسب فيهم ثواب
قطعه عبد اللطيف بلهفه \ قصدك مين
حازم بقلق \ نور وولاء
رامز بابتسامه \الله عليك يازوما انت حليت لينا اكبر مشكله
............
ليلى \ نفذي دلوقتى حالا ده انسب وقت
مورجانا بقلق \ بس انا هجيب المفتاح منين .
ليلى اخرجته من جيبها \ اتفضلى المفتاح اهو
مورجانا بصدمه\ انتى جبتيه منين
ليلى \ من اوضة هيام هانم
مورجانه بخوف \ انا بدات اخاف منك ياليلى
ليلى \ طول ما انتى ماشيه لصلحى يبقى متخافيش
مورجانا \ ربنا يستر
......
فى غرفة الخدم
مورجانا \ نور هيام هانم عايزاكى تطلعيلها
نور بعدم فهم \ ايه السبب هو فى حاجه
مورجانه بخبث \ وانا ايش عرفنى انا عبد المامور
ولاء بضيق \ هى لسه تعبانه مش هتقدر تطلع انا هاجي معاكي
مورجانه \ براحتك
ولاء اقتربت من نور \ ارتاحى انتى شويه وانا هطلع اشوف فى ايه
نور \ متقلقيش عليا انا بقيت كويسه
مورجانه بتافف \ ياريت ننجز
ولاء خرجت من المطبخ وخلفها مورجانه وصعدو الدرج تفجاءه ولاء بالغرفه الى بابها قديم مفتوحه
ولاء \ايه ده احنا رايحين فين
مورجانه \ هيام هانم مستنياكى جوه
ولاء بقلق \ انتى واثقه انها جوه
مورجانه \ هى قالتلى كده ادخلى يلا علشان متستناش اكتر من كده
ولاء بتنهيده \ طيب طيب امري لله
فجاءه ايد وضعت على كتف ولاء فالتفتت لتلمح نور \ انتى ايه الى قومك من السرير
نور نظرت لمورجانا بشك \ استنيى انا هدخل معاكي
دلفت ولاء ونور لتلك الغرفه لكن مورجانه اغلقت الباب خلفهما بسرعه واغلقته بالمفتاح
ولاء بخوف \ مورجانه افتحي الباب
نور بسخريه \ كنت عارفه انك هتعملى كده
مورجانه من خلف الباب \ دلوقتى الكل هيعرف انكم حرميه واخلص منكم ....( فاكره انها جابت الديب من ديله 🤣🤣)
ولاء بخوف \ نور هنعمل ايه
ولاء رات نور تبحلق فى شيء فالتفت
التفتت ولاء لتنصدم بكمية الصور المعلقه على الحائظ اقتربت من احدي الصور لتبتسم بحزن فكانت تلك الصوره لوالدتها
دمعت عيناها\ نور شايفه الى انا شايفاه
نور بذهول \ ديه كلها صورنا واحنا صغيرين
ولاء بدموع \ شكلنا ظلمناه ...طلع بيحبنا
نور \ لو فعلا بيحبنا يبقى ليه يبعنا ويسيبنا نتهان ونضرب ليه يسيبنا نشحت
ولاء \انا بقى واثقه انه بيحبنا ...اقتربت منها \ نور انسي كل حاجه خلينا نعيش كفايه هموم
نور اتعصبت \ واضح انك نسيتى امك الى كانت مرميه بالمستشفى ومكنش معانا فلوس العمليه ....ولا عماد الى كان عايز يتجوزك غصب عنك ... نسيتى خالك الى كان بيمد ايده علينا نسيتى نظراته لامي كانها اجرمت انها خلفتنا.. ولا عماد الى قال على امك انها راحت اتجوزت فى السر من وراهم وجابتلهم العار لو انتى نسيتى فانا عمري مهنسي هو السبب فى كل ده
ولاء ادمعت عيناها وقالت بصراخ \ انا مش عايزه اعيش فى الماضي انا عايزه يكون ليا سند مش عايزه حد يكسرنى تانى ويستضعفنى عايزه يكون عندي اهل يخافو علينا يحمونا انا عايزه اعيش زي اي بنت فى سني مش عايزه اعيش طول حياتى خايفه ومقهوره ومتوقعه ان اي حد يئذينى هو انا مش من حقي اعيش زي الناس
نور اقتربت منها ومسحت دموعها \ صدقينى انا كمان نفسي انسي كل حاجه بس مش قادره.... ولاء انتى يمكن شايفانى قويه بس انا اضعف مما تتخيلى لو انتى خايفه فاانا خايفه اكثر منك انا ببقى قويه علشان احميكي علشان مش هسامح نفسي لو حصلك حاجه انا هربت علشانك مش علشانى انا لوقعدت مش هيحصلى حاجه عادي يعنى انه يضربنى انا اتعودت بس انتى كنتى هتتجوزي انسان حقير هيدمرلك كل حياتك
ولاء احتضنتها \انا عارفه والله بس ده ابونا عارفه يعني ايه
نور اتعصبت جامد وابعدتها عنها \ لا مش عارفه لاني مشوفتهوش مش فاكره حتي ملامحه وكل الى فكراه انه ظلمنا ورمانا وكاننا منسواش حاجه احنا فى نظر الجميع ولاد الخدامه .....وانا مستحيل اسامحه فاهمه
ولاء احتضنت اختها \ خلاص يانور اهدي
ولاء شعرت بشقيقتها وهى ترتعش فابتعدت ونظرت لها لتنصدم \ نور مناخيرك بتنزف
نور وضعت يدها لتشعر بشي بسيل من انفها فنظرت ليدها لتري دماء
ولاء بخوف \ نور انتى كويسه
تنظر لشقيقتها بخوف فذهبت الى الباب لتدق بعنف \ حد يلحقنا ....ابوس ايديكم خرجونا من هنا
نور فجاءه حست بدوخه فمسكت دماغها وحاسه ان الدنيا بتلف بيها
ولاء اتخضت \ نور ردي عليا فى ايه ....نور متقلقنيش عليكى ( فجاءه نور وقعت على الارض) لتصرخ ولاء بخوف \ نووووور
...................
يتبع.....
