روايه قلوب حائره الفصل الثاني والعشرون
نور فتحت عيناها بتعب \ ولاء انتى فين .....
ابتسم واقترب منها \ كده تقلقينى عليكى
نور نهضت بسرعه \ انت بتعمل ايه هنا وفين ولاء ....وايه الاوضه ديه
اقترب منها وقالت بتنهيده \ ممكن بعد كده تخدي بالك من نفسك
ظلت تبحلق به باستغراب فاكمل بنفس الابتسامه \ نور انا بجد بحبك ولما شوفتك وانتى واقعه على الارض حاسيت ان اتخطفت خوفت اوي عليكي
نور \ انت بتقول ايه حب ايه الى بتتكلم عليه انا ولا اعرفك ولا انت تعرفنى يبقى حصل ازاى
رامز \ عارف ان فى اسئله كتير بتدور فى بالك بس الى عايزك تعرفيه ان انا عارف كل حاجه عنك
نور بخضه \ انت اكيد بتهزر
رامز اقترب منها وقال \ نور حسن عبد اللطيف 24 سنه اتخرجت من كلية هندسه بتقدير ممتاز ذكيه طموحه بتحاول تبين لكل الناس انها قويه رغم طيبيتها وحنيتها ......سكت شويه ...ثم قال \ تحبى اكمل
نور بخوف \ انت عايز ايه بالظبط
رامز بايتسامه \ انا مش عايز منك حاجه انا بس عايزك تحبينى زي مبحبك
نور بغضب \ تبقى بتحلم ولو فاكر انك بتهددنى فانا مبتهددش
رامز \ ممكن تهدي علشان نعرف نتكلم
نور \ انا مش عايزه اتكلم معاك
رامزوضع يده بجيبه وقال بثقه \ براحتك بس صدقينى يانور هيجي يوم و هتحبينى...وهتوافقي تتجوزينى كمان
نور بغيظ \ انت جايب الثقه ديه منين
رامز اقترب منها اكثر ونظر لها \ ديه مش ثقه ده شي هيحصل فعلا ...وغمز لها \ او يمكن بدء قلبك يدق
نور نهضت بسرعه وقالت بعصبيه \ اطلع بره ومش عايزه اشوف وشك تانى انت فاهم
رامز ضاحكا \ للاسف مش هينفع اصل انتى من بكره هتنزلى تشتغلى فى شركه جدك لا وايه تحت اشرافى ... .يعنى انتى مش هتغيبى عن عينى لحظه واحده
نور بعدم فهم \ يعنى ايه اشتغل عنده انا مش فاهمه حاجه
رامز \ حازم راح لعبد اللطيف بيه وقاله يشغلكم عنده وهو وافق
نوربقلق \ وهو اصلا يعرفنا منين علشان يقوله
رامز \ اختك قالتله انك متخرجه من كليه هندسه وهو قرر يساعدكم
نور بعصبيه \ انا بقى مش موافقه
رامز ضحك بسخريه \ اختك دلوقتى مع جدك بيتفقو على الشغل
نور بشك \ انت قولت احنا مين صح
رامز \ لا ..بس لو انتى عايزانى اقوله معنديش مشاكل (كذاب 😏)
نور \ اطلع بره
رامز بابتسامه \ انا موافق بس بشرط
نور بعصبيه \ اخرج بره احسنلك
رامز \ قولت مش خارج الا لو قولتيها بطريقه حلوه
نور بتريقه \ لا والله وده ازاى ان شاء الله
رامز ابتسم \ قولي ياحبيبى اخرج بره
نوربغيظ \ اتزفت اخرج بره
رامز بتافف \ مش خارج يانور
نور بعصبيه التقطت فازه واقتربت منه \ هتخرج والا افتحلك راسك
رامز بخبث \ ضرب الحبيب زي اكل الزبيب
نور بغيظ \ طيب خد بقى الزبيب
نور رمت الفازه ولكنها اصتدمت بالحائط لتنكسر
رامز \ اقسم بالله مجنونه بس بردو بحبك
................................
ايهاب دلف الى المنزل بصحبة رحاب ليلمح ماذن ويبدو عليه الغضب
ماذن اقترب منهم بغضب وامسك يد رحاب \ كنتي فين انطقى
رحاب بخوف \ انا خرجت مع ايهاب
ماذن ترك يدها واقترب من ايهاب \ انت ازاى متقوليش انك خارج معاها
ايهاب \ استأذنت جدو وهو وافق
ماذن بعصبيه \ بس انا اخوها يامحترم يعني قبل اي حد تيجي تقولى
ايهاب بهدوء \ ايه الى حصل لكل ده
رحاب \ انا معملتش حاجه انا كنت عايزه اخرج وملقتش حد يخرجنى
ماذن \ تستنيني تخدي راي انا هنا مكان بابا يعنى اي حاجه ترجعيلى الاول ولا انتى متربتيش
ايهاب بعصبيه \ متلم نفسك ياماذن ليه كل الكلام الى ملهوش لازمه ده فيها ايه لما تخرج معايا انا ابن عمها
ماذن \ فيها ان ليها اهل المفروض ترجعلهم تاخد رايهم
رحاب بدموع \ كلكو انانيين تخرجو وتتفسحو وانا محدش سال فيا محبوسه فى البيت وهو انا مليش نفس اخرج
اتت هيام مسرعه \ فى ايه بتزعقو ليه
ايهاب \ ياماما انا معملتش حاجه لقيت رحاب زعلانه ومضايقه قررت افسحها شويه
هيام \ خدت راي جدك قبل اما تخرجو
ايهاب \ حصل وهو وافق
هيام \ يبقى خلاص مفيش مشكله
ماذن \ ياعمتو ميصحش تخرج من غير اذننا
هيام \ اذن جدك هو الاهم رحاب مسئوله من جدها
رحاب ركضت على هيام واحتضنتها
ماذن \ بس مكنش ينفع تخرج معاه
ايهاب ابتسم بثقه \ وهو مينفعش واحده تخرج مع خطيبها
رحاب التفتت له فابتسم \ايوه انا بحب رحاب وعايز اتجوزها وقولت لجدو وعلشان كده وافق لانه عايزني افاتحها فى الموضوع واعرف ردها
هيام نظرت له بسعاده \ فعلا ايهاب كلمني من فتره بس الظروف الى حصلت وغياب حسن فقررنا ناجل الموضوع
ايهاب تقدم من رحاب \ انا بحبك تقبلى تتجوزينى
رحاب نظرت له بصدمه فابتعدت عنه وركضت على الدرج (السلم ) لتصعد غرفتها وتغلق الباب بقوه
شيماء \ مالك يارحاب بتعيطي ليه
رحاب بدموع \ مش عايزه اتجوز
شيماء \ ومين قال انك هتتجوزي
رحاب احتضنت شيماء وقالت \ ايهاب عايز يتجوزني
شيماء ابعدتها وقالت باستغرب \\ وانتى مش عايزه تتجوزيه ليه
رحاب بدموع \ انا مش هتجوز خالص ياماما
شيماء بعصبيه \ يعني ايه الكلام ده
رحاب مسحت دموعها \ يعنى مش موافقه وعلشان خاطري متفتحوش موضوع الجواز ده تانى
شيماء \ فى ايه رحاب انتي ليه مش عايزه تتجوزي
رحاب \انا اهم حاجه عندي اخلص كليتى
شيماء \ وايهاب مش هيمنعك انك تكملى دراستك
رحاب بصراخ \ انا مش عايزه اتجوز ايه هتغصبوني
شيماء بعصبيه \ يبقى فى حد تانى فى حياتي انطقى مين
رحاب بحزن \ انا مش عايزه اتجوز علشان مبقاش نسخه منك ياماما
شيماء بصدمه \ نسخه منى فى ايه
رحاب ببكاء \ فى انك صبره ومستحمله علشان ولادك اما جوزك فهو مش معترف بيكي اصلا انك مراته دايما اشوفكم وانتو ببتخانقو بسمعك وانتى بتعيطي وتقوليله انا مراتك زيها بالظبط رد عليكي وقالك انه عمره مهيحب غيرها
شيماء بحزن \ انا مستحمله علشان بحبه
رحاب \ وايه مقابل الحب ده ....ولا حاجه
شيماء اقتربت منها ومسدت على شعرها بحنان \ حبيبتى ديه كانت ظرو ف ابوكي اتحط فيها وجدك هو الي غصبه اما ايهاب فهو هيحافظ عليكى ويهتم بسعادتك
رحاب \ انا مش عايزه اتجوز ممكن يكون جدو غصبه زي معمل فى بابا و ماذن ....انا مش عايزه اتجوز سيبونى على راحتى
..............................
فى مكتب عبد اللطيف
عبد اللطيف بابتسامه \ كده اتفقنا
ولاء بقلق \ بس نور لو عرفت هتزعقلى
عبد اللطيف \متقلقيش
ولاء \ يعنى دلوقتي احنا ملناش دعوه بالمطبخ
عبد اللطيف \ من بكره ان شاء الله انتى ونور هتستلمو شغلكم فى الشركه
ولاء بتفكير \ هو حازم الى قال لحضرتك
عبد اللطيف \ مظبوط
ولاء بتنهيده \ طيب مورجانا
عبد اللطيف نهض من على كرسيه واقترب منها وجلس امامها \ متقلقيش انا اتصرفت خلاص
ولاء نظرت له بقلق \ هو انت بتعمل معانا كده ليه
عبد اللطيف بتفكير \ لاني معجب بيكم قدرتو تتعلمو وتنجحو وتعتمدو على نفسكم مثال جيد للانسان المجتهد وانا قررت اساعدكم
ولاء ابتسمت \هو كلام مش مقنع بس انا هعمل نفسي مصدقاه 😆😆
ابتسم عبد اللطيف \ يلا روحي اوضتك علشان ترتاحي وتقدري تصحي الصبح
..........
..............
ايهاب بضيق \ عجبك الى انت عملته ده
ماذن \ يابنى راعي انى اخوها لازم اقلق عليها
ايهاب \ لوسمحت ياماذن خف عليها شويه بلاش تتعصب عليها
ماذن \ للدرجادي بتحبها
ايهاب بحب \ انا يابنى بحبها من واحنا صغيرين ولما كبرنا حبي ليها زاد مقلش
ماذن \ بس هى مش هتوافق تتجوزك
ايهاب \ عارف بس مش هيأس هحاول تانى وثالت لحد متوافق وتعرف انى بجد بحبها
...........دلفت ندي ومحمد وهم يضحكون
محمد \ ازيكم يابشررر
ايهاب \ ايه كنتو فين
ندي بسعاده \ كنا عند الدكتور بس قولنا نروح نشتري حاجات لنونو
ايهاب ابتسم \ عايز اشوف فرجينى
ندي بتعب \ لا طبعا مش دلوقتى انا محتاجه ارتاح شويه
ايهاب \ صحيح مبروووك عارف انها متاخره
ندي بابتسامه \ الله يبارك فيك
محمد \ بقولك ايه متبصيش على العيال دو انا عايز ابنى يطلع قمر
ماذن بسخريه \ لو طلع قمر هيبقى لمامته اما لو غير كده فاعرف انه طلع شبهك ...
ايهاب ضاحكا \ ايوه صح عندك حق
محمد اتغاظ \ اخرص يلا انت وهو
..................
ليلى \ انتى كنتي فين
مورجانا \ بقولك ايه المرادي جت سليمه انا مش ضامنه المره الجايه هيحصل ايه
ليلى \ قصدك ايه هما مطردوش
مورجانا بسخريه \ لاياحبيبتى فلتو زي كل مره وانا الى كنت هتطرد
ليلى بقلق \ لازم يمشو مش هستني اكثر من كده
مورجانا \ الى انتى متعرفهوش انهم سابو شغل المطبخ
ليلى \ ازاى وليه متتكلمى يامورجانا
مورجانا \ عبد اللطيف بيه قرر يشغلهم فى الشركه عنده لما عرف انهم متعلمين ومتخرجين من كليات
ليلى بخوف \ ليه هو عرف حاجه
مورجانه \ حاجه زي ايه
ليلى \ انتى مسمعتهوش بيقول اي حاجه
مورجانا \لا مسمعتش ...سكتت قليلا ثم قالت..... ايوه ايوه سمعته وهو بيقول لرامز انه يبعت ناس يدورو على احفاده
ليلى ابتسمت \ يبقى لسه معرفش حاجه
مورجانا \ متفهمينى ايه الموضوع عرف ومعرفش ايه
ليلى \ لازم نتصرف ونبعد البنات دول من هنا باي طريقه
مورجانا \انا عندي فكره
ليلى \ فكرة ايه
مورجانا تذكرت كلام عبد اللطيف فقالت\ هنحاول نخلى عبد اللطيف بيه يشك ان فى واحده فيهم على علاقه مع حازم
ليلى \ لا مش هينفع ممكن ميصدقش
مورجانا \ ماحنا هنخليه يصدق لما يشوفهم مع بعض
ليلى بتفكير \هي فكره بس لازم يتخططلها كويس اوي
مورجانا \ المهم هيكون مين فيهم نور ولا ولاء
ليلى \ ولاء طيبه زياده عن اللزوم وممكن بسهوله تبلع الطعم اما نور فهي مستحيل تفكر فى حاجه زي كده
يتبع....
