روايه قلوب حائره الفصل التاسع والعشرون
حازم بحزن \ انا مكنش قصدي انا بس البنت ....
قطعته هيام بغضب \ البنت الى انت بتتكلم عنها ديه تبقى بنت عمك حسن يعنى اخت ماذن فهمت ياغ..بى....
حازم بصدمه تراجع للخلف لايصدق مايسمعه \ انتى بتقولى ايه
هيام \ الى انت سمعته ولاء ونور يبقو ولاد حسن الى بيدور عليهم
حازم ارتمي على الاريكه والصدمه باديه على قسمات وجهه وضع راسه بين يديه \مستحيل ...
هيام بزعل \انا مش مصدقه انك تعمل كده وتسمح للى يسوي وميسواش يتكلمو عليها (تقصد فريده )
......................
فى غرفة ولاء ونور
رحاب نظرت لولاء النائمه باحضان نور فقالت \ ولاء بتحبك اوي
ابتسمت \ انا وهي ملناش غير بعض
رحاب بحزن \ تصدقى انى بحسدك ان ليكي اخت وبتحبك اوي
نور بشك \ هو انتى ليه دافعتىى عنها وقلقتى عليها
ابتسمت رحاب \ انتى عايزه الحقيقه
نور \ اكيد ....
رحاب بتوتر \ لاني ....عرفت انكم....تبقو اخواتي
نور \ انا كنت حاسه بكده
رحاب \ ممكن تعتبرينى زي ولاء
نور ابتسمت \ انتى فعلا زيها
رحاب ابتسمت بسعاده \ انتى عارفه انا فرحانه ليه
نور بتسائل \ ليه
رحاب \ لان اخيرا هيكون عندي اخوات
نور باستغراب \ انتى عندك ماذن هو اخوكي بردو
رحاب بتنهيده \ ماذن عمره مفهمني هو راجل اهتماماته غير اهتماماتى انما انتو بنتين هتقدرو تفهموني وهننبسط قوي مع بعض
ابتسمت نور \ انتى طيبه اوي يارحاب
رحاب اقتربت منها واحتضنتها \ وانتى حنينه اوي يانور
.........
حازم تنهد بضيق \ خلاص كفايه انا بجد مش قادر اصدق انا ازاى عملت كده
استمعو لخبط على الباب وبعدها دلف رامز
رامز موجه نظره لحازم\ ايه الى انت عملته ده انت اتجننت
حازم نهض واقترب منه بغضب \ يعني انت كمان عارف
رامز بسخريه \ طبعا عارف اذا كان انا الى جايبهم
حازم \ انت ازاى متقوليش حاجه زي ديه
رامز \ مكنش ينفع حد يعرف وده كان اتفاقى مع جدك بس دلوقتى بسببك قولت لهند وطبعا هتقول لندي وندي هتقول لمحمد ومحمد هينشرها فى المصري اليوم وكل سنه وانتو طيبين مبقاش فى سر
حازم \ هو انتو كنتو مخبين ليه
عبد اللطيف \ بعدين مش دلوقتى
حازم \ انا غلط فيها اوي انا مش قادر اصدق انى قولتلها كل الكلام ده
رامز \ علشان طول عمرك متسرع وبسببك انت البنت منهاره
هيام بحزن \ انت جرحتها اوي
استمعو لدق على الباب
عبد اللطيف \ادخل
مورجانا فتحت الباب ودلفت بسرعه
عبد اللطيف \فى ايه يامورجانا
مورجانا بقلق \ موضوع مهم بخصوص ليلى
عبد اللطيف \ قولى ايه الى حصل
مورجانا \ من شويه سمعت ليلي بتتكلم فى التليفون وبتقول انا عارفه نور وولاء فين
عبد اللطيف \ متعرفيش كانت بتكلم مين
مورجانا بتذكر \ على ما اعتقد انها كانت بتقوله ياعماد
رامز بقلق \ عماد
حازم \ مين ده
رامز \ ماهو عماد ده يبقى ابن خالهم
مورجانا \ايوه وكمان قالتله الحق ولاء لحسن هتتجوز
حازم \ تتجوز ايه التخارف ديه
رامز بخوف \ وقالتله العنوان
مورجانه \ ايوه يا سعادة البيه
عبد اللطيف \ مش هيقدر يعمل حاجه
رامز \ اصلك متعرفش عماد ده مستعد يعمل اي حاجه علشان يتجوز ولاء
حازم بغضب \ انت بتقول ايه
هيام \ وخالهم ده ايه ازاى يسيب ابنه كده
رامز بسخريه \ ماهو ابوهم ده مبيعرفش يجي على حد غير على نور وولاء انا عرفت بالصدفه انه دايما كان بيمد ايده عليهم
هيام بحزن \ ده انسان معندوش قلب
حازم بعدم فهم \ امال هما جم على هنا ازاى
رامز \ هما هربو لان خالهم كان هيجبرها تتجوزه
حازم \ يعني هي مش بتحبه
رامز \ لا مش بتحبه ولا بطيقه ودايما كانت بتخاف منه نظراته ليها كانت مش حلوه
حازم بعصبيه \ يبقى خليه يجى وانا قسما بالله مهرحمه
هيام بقلق \ لا انا بدات اقلق
عبد اللطيف \ كده ليلى جابت اخرها معايا
حازم \ وهي هتعمل كده ليه
رامز \ لانها عارفه ان وجودهم هنا معناه ان المستخبي هيبان
هيام \ احنا لازم نتصرف
عبد اللطيف \ احنا لازم نحطهم تحت عنينا
.....................
بداية يوم جديد ومفجاءات جديده فى غرفة نور وولاؤ كانت نور تتطلع فى ولاء باستغراب
ولاء وقفه امام المراءه تهندم شعرها وتدندن فقالت نور \ غريبه انا كنت فاكره انك مش هتروحي الشركه
ولاء \و ليه مروحش
نور \ بعد الى حصل امبارح كنت فاكره انك هتقعدي زعلانه
ولاء بمكر \ واضيع على نفسي فرصه اغيظه فيها ابقى عبيطه
نور بشك \ ناويه على ايه فهمينى
ولاء ضاحكه \ هلعبه هخليه يطق من جنابه وهخليه يطلع دخان من بقه هههههههه
نور \ انتى لسه بتحبيه
ولاء \ معرفش بس كل الى اعرفه انى هعمل فيه زي معمل فيا
نور بضيق \ بس ديه مش حرب
ولاء بخبث \ لا متقلقيش انا هلعبه بس بطريقه مختلفه
نور \ ربنا يهديكي وتعقلى
ولاء نظرت فى المراءه وقامت بسحب (التوكه ) من شعرها الناعم لينسدل بحريه على ظهرها ابتسمت وقال \ انا جاهزه
نور \ انتى اكيد اتجننتي هتروحي الشركه مسيبه شعرك
ولاء \ فكره حلوه مش كده
نور ضاحكه \ اقسم بالله انتى مصيبه
ولاء التقطت الحقيبه \ يلا بينا
نور \ هنشوف اخرتها معاكي ايه
نور وولاء خرجو من الغرفه ليلمحو عبد اللطيف فاقتربو منه \ احنا جاهزين
حازم لمح ولاء فاقترب منها \ ده ايه ده ان شاء الله
ولاء \ يلا يانور نستني بره علشان الجو هنا حر
ايهاب اتي من بعيد وعندما لمح ولاء صفر صفارة اعجاب \ ايه ده القمر بيطلع بالنهار
حازم شده من ياقة قميصه \ اتلم احسنلك
ايهاب ابعد يده وقال \ لا بجد ياولاء انتى النهارده حلوه اوي
ولاء ابتسمت بخجل \ شكرا
حازم نظر لهم بغضب \ مش يلا ولا ايه
عبد اللطيف ابتسم بمكر \ مالك ياحازم مضايق من حاجه
حازم يشتعل غضبا ولا يعلم السبب ولكن كل ما يعلمه انها حقا جميله
حازم بتوتر \ ياريت ترفعي شعرك ده
ابتسمت ولاء بانتصار فقد نجحت خطتها فقالت ببرود \ وانت مالك انت انا حره
نور نظرة لها بعدم تصديق فقالت لنفسها \ اتغيرتي اوي ياولاء
حازم بحده \ انتى رايحه شركه مش رايحه كبار.....قطع كلامه بسبب نظرات جده فقال بضيق \ يلا انا مستني بره
.......
فى الشركه
حازم خرج من مكتبه ليلمح ذياد يتحدث مع ولاء ويضحكون غضب وذهب اليهم وقال لذياد \انت ايه الى جابك مش وراك شغل
ذياد بخبث\ جاي علشان اشوف لولو
حازم بغضب \ لم نفسك ياذياد
ذياد \ وانت مالك انت ايه الى معصبك
ولاء \ هو جاي يشوفنى فيها ايه
ذياد \ اهي صاحبة الشان قالت رايها امشي بقى انت رخم قوي
حازم لكمه بعنف \ غور من قدامي ياذياد
ذياد وقع على الارض وقال بهمس \ الله يخربيتك يارامز انا الى غلطان اني سمعت كلامك
حازم اشار له بحده \ تبعد عنها والا مش هيحصلك طيب
ولاء \ ده شيء ميخصكش ديه حياتى انا انا حره فيها
حازم \ وانا بقى كلمتى هى الى تتسمع فاهمه
ولاء \ بقولك ايه احترم نفسك واتكلم عدل
فريده \ انتى بتعملى ايه هنا
ولاء بضيق \ بشتغل هكون بعمل ايه
فريده بعصبيه \ بعد الى عرفوه عنك سيبينك تشتغلى هنا
ولاء \ وانتى مالك انتى
فريده \ انتى بنت معندكيش كرامه
حازم بصوت عالى \ فريده اتكلمي معاها عدل
ولاء لتغيظها\ شكرا يا حزومي
حازم نظر لها بابعدم تصديق \ حزومي
ولاء بخجل \ بدلعك فيها ايه
فريده اتغاظت وقالت بغضب \ يقى كده ياحازم طيب انا ماشيه
كادت تبتعد ولكن اوقفها حازم \ استنى تعالى عايزك فى موضوع
فريده \ انا مش هكلمك تانى
حازم \ معلش تعالى معايا
........
نور دلفت الى مكتب رامز وقالت بابتسامه \ صباح الخير
رامز بانشغال \ فى حاجه يانور
نور بضيق \ لا ولا حاجه
رامز \ طيب
نور \ انت مش فاضي
رامز لم يرفع عيناه من الورق الذي امامه \ مشغول شويه لو فى حاجه مهمه اكتبيه وانا لما اخلص هشوفها
نور \ لا متخدش فى بالك عن اذنك
رامز \ صحيح فى مشروع جديد عايزك تشوفيه ضروري
نور \ حاضر فى اي حاجه تانى
رفع نظره لها وقال \ انتى كويسه
نور \ ايوه يافندم كويسه
اعاد نظره للورق وقال \طيب روحي شوفى شغلك
نور اتعصبت \ هو انت بتعاملنى كده ليه
رامز باستغراب \بعاملك ازاى
نور \ بتعاملنى وكانى موظفه عندك
رامز \ ديه الحقيقه مش انتى شغاله هنا
نور بزعل \ طيب زي ما انت عايز
خرجت نور من عنده وهى تشعر بضيق بسبب تجاهله لها
............
موظفه \ ولاء فى واحد تحت عايز يشوفك
ولاء باستغراب \ واحد مين
الموظفه مش عرفه والله
ولاء بتفكير \ طيب انا هنزل اشوفه
ولاء خرجت من الشركه ولكنها انصدمت بشخص وضع يده على فمها وقال بحده \ انتى فاكره انك هتهربى مني
................
يتبع.....
