 |
رواية اجبرني عشقه الفصل الثاني |
اجبرني عشقه
يوسف قدام عربيته المتواضعة : اتفضلى اركبى
سلوى بذهول ليوسف : ايه هركب علبة الكبريت ديه
يوسف : انا هدعهالك المرة ديه لكن تتكلمى معايا بأدب يا بت انتى
سلوى : بت لا بقولك ايه انا و انت عارفين ان الجوازة ديه تمت غصبا عنى و انت تلاقيك وافقت علشان عايز قرشين فمتعملش عليا الحركات ديه
يوسف قرب منها و سلوى كانت خايفة من جواها بس بتحاول تخبى
سلوى : انت بتقرب كده ليه احنا فى الشارع
يوسف مسك شنطتها حطها فى العربية و فتح الباب ليها
يوسف بجدية : ادخلى العربية يلا
سلوى فتحت الباب الورا و جت تقعد
يوسف : انا مش سواق اهلك المفروض تقعدى جنبى
سلوى بدون ولا كلمة قعدت جنبه و وصل بيها لبيته فى مكان بسيط فى العشوائيات و سلوى بقت بتبص من العربية على الشارع و السوق و الناس و هى هتعيط
يوسف بص على لبسها : القرف ده ميتلبس تانى انت ازاى وقفة كده ايه يا ربى ده باين الواحد وقع فى الجوازة ديه
سلوى : انت تطول تتجوز واحدة زيى اصلا
يوسف باستهزاء: زيك معلش كده قوليلى فشلة فى درستك و سكا*رية و بتلعبى قما*ر الصراحة نسب يشرف اوى
سلوى : و ايه اللى جبرك ما نفضها سيرة
يوسف: ديه أوامر جدى
سلوى : جدك اللى سيبك عايش هنا و بالحالة ديه انا ممكن لو طلقتنى و رجعتنى للبيت اديك مبلغ كويس تعرف تبدأ بيه حياتك
يوسف : هو انتى فكرانى واحد من اللى زيك و بتلعبى معاه فى البار انا راجل و الراجل اللى يكسب من عرق جبينه مش من فلوس حرمه
سلوى : حرمه
يوسف : واحدة ست يعنى و طلع يوسف مع سلوى الشقة
سلوى دخلت و هى بتبص للبيت و انها ازاى هتعيش هنا
يوسف: اتفضلى افرجك على البيت يا عروسة
سلوى : هو ده المكان اللى هنعيش فيه
يوسف ببرود : ايوة
سلوى : انا استحالة ابات هنا
يوسف: ما هو انتى اللى هتروقى البيت هو البيت مكركب شوية بس علشان مكنش فيه واحدة ست تنوره
سلوى : انت عايزنى انا اروق
يوسف : ايوة و تطخبى كمان ايه مش مراتى
سلوى : انا استحالة اعمل كده
يوسف : انا راجع تانى الشغل و هرجع بعد ساعتين تكونى تطخبى الغدا و روقتى الشقة و اكمل بوقاحة ولا اقولك بلاش شغل النهاردة ده احنا عرسان جداد برده و مينفعش عروسة قمر زيك تروق و تطبخ
سلوى : عرسان ايه انا و انت عرفين ان الجوازة ديه مؤقتة
يوسف: خلاص يبقى باختيارك يا ينزل الشغل و تعملى اللى امرتك بيه يا اما اقعد و نتمم جوازنا يا قمر
سلوى و هى بدمع : خلاص هروق و اطبخ و امرى لله بس انا مش بعرف اطبخ اصلا
يوسف : مش مهم انا هستحمل لحد ما تتعلمى
يوسف نزل الشغل و قفل الباب عليها من بره و رجع بليل خالص
