رواية حكايه فارس الفصل الرابع 4 بقلم سلمي محمد
#حكايه فارس
البارت الرابع
رجع فارس البيت واتصدم لما شاف ملاك قاعده على الارض وبتعيط جرى عليها
فارس: ملاك انتى كويسه يحببتى بتعيطى ليه ايه اللى حصل وكنتى فين
ملاك مردتش بس اترمت فى حضنه وقعدت تعيط اكتر وفارس عاجز مش عارف يشيلها يدخلها جوا
فارس بحزن انه مش قادر يشيلها:ملاك قومى ندخل جوا ونتكلم يحببتى اهدى وتعالى ندخل جوا
هزت راسها ودخلت معاه وقعدت على الكنبه وهو قعد جمبها
فارس بغضب: ممكن افهم بقى انتى كنتى فين انا مش ميت مره قولت متخرجيش انا كنت هموت من الخوف عليكى ليه تعملى فيا كدا يملاك حرام عليكى
بقلمى:Salma Mohamed
ملاك زادت فى العياط بتمسك فى هدومه وتترعش
فارس ندم انه زعقلها بس هو كان خايف عليها
فارس: اهدى يملاكى انا اسف انى زعقت خلاص اهدى انا بس كنت خايف عليكى متتصوريش احساسى كان ايه لما رجعت ملقتكيش حسيت ان روحى راحت منى انتى كنتى فين
ملاك بتهتهه من اثر العياط: انا ثوفت ماما ومثيت وراها وناديت عليها كتير بث هى مثيت ومرديتث عليا
فارس بصدمه:ملاك ماما مش هترجع انتى ليه مش قادره تفهمى انها خلاص مشيت عمرها ما هتيجى هنا انسيها يحببتى هى خلاص مبقتش موجوده
ملاك بزعيق وعياط: لا لا لا متقولث كدا ماما بتحب ملاك وهترجعلها تانى متقولث انها مث هترجع😭😭😭
فارس: خلاص اهدى اهدى انا اسف خلاص هى هترجع بس اهدى وونبى يملاك متكرريش اللى عملتى دا تانى انا كنت هموت من الخوف عليكى
ملاك هزت راسها وكانت عارفه انها غلطت لما خرجت من غير ما تقول لفارس
بقلمى:Salma Mohamed
فارس بمرح مصطنع:طب ايه بقى يست موكا انا عاوز احتفل انهاردا ان انا لقيت شغل وهبدأ من بكرا وكمان انا جعان انتى مش جعانه ولا ايه
ملاك وهى بتمسح دموعها: اه جعانه يلا نأكل
قام فارس وسحب ايدها وقال طب يلا تعالى نجهز الاكل وقفوا يضحكوا وهما بيجهزوا الاكل وبعدين اكلوا وملاك نامت وفارس قعد يفكر
فارس لنفسه: الماضى بيطاردنا ليه تانى ملاك مش هتقتنع ان ماما مش هترجع تانى وانا مقدش اقنعها ولا اقولها ان ماما ماتت خلاص ومش هترجع بس ياترى هى ازاى شافتها ليه الزمن بيعمل فينا كدا هو انا مينفعش افرح ابدا يارب ساعدنى وقوينى
وقام نام علشان يبدأ بكرا الشغل مع اسر وهو فيه حاجه جوا مخلياه خايف من الشغل دا بس معندوش حل تانى
ياترى ازاى ملاك شافت مامتها وهى ميته وايه اللى هيحصل وملاك هتعرف ان مامتها ميته ولا لا وفارس ليه حق يخاف من اسر والشغل معاه ولا لا
تفاعل كتير علشان انزل اللى بعده بسرعه لو لقيت تفاعل حلو هنزل واحد تانى باليل✨
#يتبع
#عاشقه الكتب
#Salma Mohamed
