روايه قلوب حائره الفصل السادس
وقفت سياره الاجره امام منزل فنزلو سويا من السياره وهم ممسكين بحقيبتهم فقالت نور للسواق \ هو ده المكان
السواق \ ايوه هو نفس العنوان الى قولتيلى عليه
ولاء تنهدت وامسكت بالحقيبه ويبدو عليها التوتر واقتربو من المنزل ودقت نور على الباب بعد قليل فتحت فتاه فى العشرينات وقالت \ ايوه عايزين مين
بتوتر \ هو مش ده بيت مدام ليلى ولاء
اجابتها بابتسامه \ ايوه هو ده بيتها انا بنتها
نور \هي موجوده
قالت \ لا الصراحه هى فى الشغل
ولاء \طيب معلش ممكن تقوليلنا هى بتشتغل فين
فكرت الفتاه قليلا وقالت \ هى بتشتغل فى القصر
ولاء بعدم فهم \ قصر ايه معلش مش فهمه
ابتسمت الفتاه وقالت \ قصر هو شبه بيت كبير بس فخم حتى احفاد التهامي كلهم حلوين وكيوت شبه الى بيطلعو فى التلفزيون....
ولاء اطلقت ضحكه على تلك الفتاه فقالت نور بشك \مين التهامي
قالت الفتاه \ بقى فى حد ميعرفش عبد اللطيف التهامي راجل اعمال ده غني اوي اوي
ولاء ابتلعت ريقها ونظرة لنور فقالت نور \انتي بتقولى اسمه ايه
الفتاه وهى تنظر لهم بقلق \ عبد اللطيف التهامي
ولاء بصدمه \ رجل ا عمال وقصر سمعتى الى انا سمعته
نور بشك /سمعه بس غريبه انا مش فاهمه هو ايه الى بيحصل بالظبط
ولاء \ نور انا مش مطمنه حاسه اننا داخلين على مصيبه كبيره
اقتربت نور من الفتاه وقالت \ ممكن اعرف مين هما اولاد عبد اللطيف
البنت بعدم فهم \ ليه
نور \ ابدا بس عايزه اعرف
الفتاه بتذكر \ الى اعرفهم هو حسن بيه وهيام هانم
ولاء صدمت وقال / مستحيل
التفتت نور الى الفتاه \ طيب بقولك هاتى رقم مامتك
الفتاه \ هتصل بيها انا بس اقولها مين
ولاء نظرت لنور بقلق وهمست \ اكيد مش هو اكيد فى حاجه غلط
نور \ هو انا واثقه كل حاجه بتقول كده
الفتاه تنظر لهم بعدم فهم واعادت السوال \ اقولها مين
نور بسخريه \ قوليلها نور حسن عبد اللطيف
الفتاه فارغت فاهها من الصدمه \ اننتى بنت حسن بيه مش معقول
ولاء \ هتكلميها ولا هنكلمها احنا
اتت من خلفهم \ تكلمو مين في ايه يارودي
رودي \ الحقى ياماما البنت ديه بتقول انها بنت حسن بيه
التفتت تنظر لهما وقالت بعدم تصديق \ نور ولاء مش معقول
نور وولاء نظرو لبعض بعدم فهم
ليلى \ ياه يابنات انتم كبرتم امال شاديه فين مجتش معاكم ليه ديه وحشتني اوي
بدموع \ الله يرحمها اتوفت وسبتنا ومبقاش لينا حد ولاء
ليلى بصدمة \شاديه ماتت امتى حصل الكلام ده
نور بحزن \ من يومين تقريبا
ليلى بحزن \ ان لله وان اليه راجعون لاحول ولا قوة الا بالله تعالو جوه ياحبايبى و احكولى كنتو عايشين ازاى ومع مين
دلفو الى الداخل وحكو لها كل شيء
ليلى بحزن \ ياه يابنات انتو تعبتو كتير وخالكم ده واحد واطى
نور \ الحمد الله على كل حال
ليلى \ انتو خلصتو دراسه ولا لسه
/ خلصنا ولاء
ليلى \ كنتو فى ايه
نور \ انا كلية هندسه و ولاء فنون جميله
ليلى بفخر \ بسم الله ماشاء الله والله ووفيتى بوعدك ياشادية
نور بعدم فهم \ وعد ايه
ليلي \ وعدت جدك بانكم تتعلمو احلى علام وهتبقو بشمهندسين قد الدنيا
نور بتفكير \ صحيح احكلنا عن ابونا وعن علاقته بماما وعرفو بعض ازاى لاني حاسه انى فى حاجات كتير منعرفهاش
ليلى بتوتر \ مش وقته خالص ارتاحو الاول وبعديها هنتكلم فى كل حاجه
نور \ بس احنا عايزين .............(قاطعة كلامها) ولاء
كل شي بوقته احنا مش مستعجلين ولاء /
ليلى \ طيب ادخلو ارتاحو انتو اكيد تعبتو من مشوار السفر وبليل نبقى نكمل كلامنا
ليلى \ رودي دخليهم الاوضه
رودي \ حاضر ياماما
..............................................
فى الليل ايهاب عاد الى المنزل يتثاوب فارتمى على الاريكه لتاتى من الخلف \ من امتى انت بتيجى متاخر كده
ايهاب بضيق \ انا مش طايق اقعد فى البيت فسيبونى براحتى
هيام \انت ليه بتعمل كده فهمنى
ايهاب بتافف \ ارجوكي ياماما سيبينى على راحتى
هيام \ اتغيرت اوي يا ايهاب
ايهاب بسخريه \ انتى الى اتغيرتى بقي كل اهتمامك بسي حازم
هيام بغضب \انت اتجننت انت بتغير من اخوك
ايهاب بحزن \ ايوه بغير منه لانه اخد مني كل حاجه
هيام \ اخوك ده اكثر واحد بيحبك ويهمه سعادتك
ايهاب \ كلام وخلاص
هيام \ خلاص بقى مفيش حد بيحبك
ايهاب بضيق \ للاسف انا مش شايف غير كده
هيام بحزن \وانا يا ايهاب
ايهاب بغضب \انتى اولهم .......(.اردف بحزن ) مشكلتك انك مبتحوليش تفهمي ايه الى مضيقني
هيام ببحزن \ مش يمكن انت الى مش قادر تفهم وتعرف انى عملت المستحيل علشان اربيكم واكبركم وابقى بدل امكم محدش سال نفسه ولو مره انا ليه متجوزتش لحد دلوقتى
ايهاب \ علشان جدو كان رافض ده الى قولتيه
هيام بصوت عالى \ كذبت عليكم بس الحقيقه لانكم كنتم محتاجني وانا مكنش ينفع اسيبكم ومقابل كل ده تتطلعو عليا عصبيتكم وتحسسونى انى ام فاشله رغم كل الى بعمله علشانكم بس الصراحه انا استاهل لان ديما بقول حاضر عمري مزعقت ولا مديت ايدي عليكم بس خلاص كفايه كده (مسحت دموعها ) انا من النهارده مليش دعوه بيك ولا باخواتك
اتى من خلفها \ فى ايه ياماما انتى بتزعقى ليه
هيام بحده \ مش عايزه اسمع الكلمه ديه تانى فاهمين
محمد بقلق \ ايه الى حصل بس
هيام تجاهلته ورحلت مسرعه من امامهم
محمد نظر لايهاب الواقف مصدوم \ نيلت ايه تانى
ايهاب \ ممكن تسبنى فى حالى انا مش ناقصك
محمد بغضب امسكه من تلبيب قميصه \ ايهاب انا سكتلك كتير بس قسم بالله لو مقولتلى ايه الى حصل لهمد ايدي عليك
ايهاب ابعد يده بغضب \ بس بقى خلاص انا مخنوق لواحدي مش ناقصك
عبد اللطيف نزل على السلم وقال بحده \ انتو بتعملو ايه لحد دلوقتى يلا كله يطلع اوضته
محمد \ اصل ياجدو ايهاب ...
عبد اللطيف بامر \ حالا مشوفش وش حد فيكم هنا
ايهاب \ ابتعد عن محمد وصعد لغرفته
......فى منزل ليلى .
ليلى خرجت من غرفتها لمحت غرفة نور وولاء مضاءه فدقت على الباب ودلفت وقالت بابتسامه\ معرفتوش تنامو ولا ايه
نور \ الصراحه مش جايلنا نوم فى حاجات كتير مش فاهمنها
ولاء/ افتكرت زمان لما كان بابا بيجلنا كل سنه مره لما فكرت حسيت ان فى حاجه غريبه فى حياتنا ايه الى يخلى امنا تاخدنا وتبعد وتقول انه مات
نور \ فعلا غريبه هو عمل ايه علشان امى تكذب علينا وتقول انه مات اصل انا عارفه امي متعملش كده غير لو فى حاجه كبيره حصلت
تنهدت ليلى \ انا عارفه ان حياتكم ملخبطه وان فى حاجات كتير نفسكم تعرفوها بس صدقونى ساعات الحقيقه بتيقى صعبه
نور نهضت من مكانها \ واحنا قدها بس لازم نعرف اصلنا ايه وليه ابونا رمانا وسابنا وليه خالنا بيكره امنا وبيكرهنا وللاسف محدش راض يقول السبب
ليلى \ اسمعوني كويس اول حاجه لازم تعرفوها ازاى ابوكم قابل امكم
ليلى بتوتر / انا و والدتكم كنا بنشتغل فى قصر عبد اللطيف بيه كنا خدامي..ن....
ولاء قطعتها وقالت بعصبيه \ مستحيل ايه الى انتى بتقوليه ده
يتبع....
