روايه ما وراء النقاب الفصل السابع
-حاضر يلي علي الباب "وراحت ناحيه الباب وفتحت" يا نصبتي
-"نوح من وراها بخوف".. ايه يا ماما" بص ناحية الباب " مين دِ
-ايه يا جماعه انا مرام
-مرام مين
-مرام بنتك يا ماما هتخليني اخاف و اروح اقلعه
-"نوح مسك فيها".. تعالي راحه فين خشي جوه
-"و دخلها و قفل الباب ".. انتِ بتهزري بجد
-لا مش بهزار انا لبست الخمار زي ما انتم شايفين ما تتكلمي يا ماما
-" راحت ناحيتها".. يا قلب و روح ونن عيون امك مبارك ليكِ ربنا يجعلك صالحه دينا و اخره يا بنت بطني
-يارب يا حبيبتي
-"نوح راح ناحيتها و قعد قدمها".. بس قمر يا بت مبارك "وحضنها و بدموع" صدقني انا اكتر حد فرحان بيكِ
-ربنا يحفظكم ليا يارب
-يارب يا عيوني قومي غيري بقى علشان هتلاقيكِ تعبانه و علي ما اعمل الاكل و ابوكِ يجي
-ماشي
-"وقامت دخلت الاوضه و نوح و إسراء دخلوا المطبخ و بعدها بساعه ياسين جه و قعدوا يكلوا "
-بابا انا اخِتمرت
-"ساب المعلقة و بص ليها ".. ايه قولتِ ايه
-انا لبست الخِمار
-" قامت قدامها و بدموع".. ربنا يبارك فيكِ يا مرام عايزك تكون سبب دخولي الجنة
-ادعيلي انتَ بس
-حاضر يا عيوني حقيقي من احسن حاجه عملتها في حياتك
-الحمدلله الفضل لله ثم نوح ثم ايات
-ايات مين
-"مرام فضلت تحكي اللي حصل معاها ، في بيت تاني باين عليه الغني كان بنوتة قاعده جنب اخوها "
-خلي في علمك بقى حرام اللي بتعملوا دَ
-بتاعت قال الله و قال الرسول تركن علي جنب
-صدقنى هتندم يا فارس
-يا قلب فارس ملكيش دعوه ماشي
-ماشي و انا هروح اقول لبابا
-ايات الزمي حدودك يعني ايه هتروحي تقولي لبابا هخاف انا ولا هخاف
-ومتخافش لي يا حيلتها
-بابا انا
-"بسخرية".. ايوة بابا "وبص لآيات" فارس ضايقك
-ايوة ضايق بنت عندي في الكليه و بيفضل يكلم بنات و يخرج معاهم ولما اجي انصحوا يتريق عليا
-حلو يا استاذ فارس كلام اختك دَ قولي بقى اعمل معاك ايه
-"ببرود".. متعملش علشان بكل بساطه انا مش فاضي لكلامكم انا ورايا مشوار
-"سبهم وخرج و ابوه عيونه دمعت و ايات راحت لعنده"
-بابا حبيبى متزعلش منه هو عيل مش محترم
-مش محترم
-لا لا مش قصدي حاجه والله قصدي هو ڪدَ
-"الاب ابتسم".. ماشي ياستي بس كان نفسي يبقى شخص كويس بس للاسف معرفتش اربي حد غيرك
-باذن الله خير ادعيله بس ان ربنا يهدي
-ماشي ياستي قومي يلا شوفِ هتعملي ايه
-حاضر يا بابا يا سكر انتَ
-"عند مرام بعد ما حكت قعدت مع نوح في الاوضه شويه"
-بتبص ليا ڪدَ ليا
-فرحان بيكِ يا بت ايه اختي اخِتمرت يا ناس
-قلب اختك يا ولاه ربنا يحفظك
-يارب واياكِ قومي نامي يلا علشان كليتك
-حاضر في امان الله "وراحت عند الباب و وقفت" بقولك يا نوح انا عايزة اصلي قيام الليل بس مش بلحق غير الفجر
-قوليلي بتصلي امتي
-انا بحب اوي اصلي قبل الفجر وساعات مش بالحق
-طب تعالي اقولك
-"راحت ناحيته".. ها قول
-"بابتسامة".. بصِ اول حاجه تصلي ركعتين بعد العشاء بنية قيام الليل طبعاً وبعدها نامي بدري و خلي في نيتك انك هتقوي تصلي القيام و الفجر و قولي الدعاء دَ "اللهم اجعلنِ ممن اصطفيتهم لصلاة الفجر " ولو صحيتِ قبل الفجر يبقى تصلي القيام تاني و لو مش صحيتي يبقى انتِ صليتي القيام و هتصلي الفجر
-"برخامه".. دماغك دِ ايه اللهم مبارك مش بحسد يعني. "وقامت باست جبهته" جزاك الله خيرا يا احسن اخ في العالم
-"وطلعت تجرى على اوضتها و الكل نام"
-نوح اصحي يا نوح يا غيبوبة بيه
-ايه يا مرام في ايه
-بابا بيقولك اصحي عشان نصلي الفجر جماعة
-حاضر يا مرام حاضر
-قووووم
-ما قولت حاضر
-"باضحك".. رخم
-"ياسين قام بيهم الصلاه و بعدها الكل بدا يجهز نفسه عشان خارجين "
-في امان الله يا حبيبتي
-في حفظ الله يا ياسين خلي بالك من نفسك
-حاضر يا ستي "ومشي"
-مرام هو انتِ انهارده عليكِ كام محاضرة
-5
-طب هتخرجي امتي
-على الساعه 2 ونص
-طب تمام ابقى خليكِ وانا هاجي اخدك ماشي
-ماشي احنا ماشين يا ماما
-في حفظ الله يا حبيبتي
-"الكل مشي و إسراء شغلت قران علشان تبدا تروق الشقة "
-ايات
-ايه دَ اخِتمرتي
-ايوة الحمدلله لما مشيتِ امبارح انا فضلت اتكلم مع المعلمه و هي لبستني الخِمار
-يالله دَ نعمل فرح بقى "وحضنتها" مُبارك يا ذات الخمار مُبارك هعيط والله
-تسلمِ حقيقي
-لا بقولك ايه تعالى معايا
-رايحه فين بس
-بس يا بت تعالي
-"و راحت المسجد وجمعت بنات وعرفتهم اني لبست الخِمار امبارح بس عايزة تعمل حاجة صغيره علشان تفرحني البنات بدأت تلف حوليا و انا استغربت وبدوا يغنوا"
يا لــؤلـــؤاً قد صــان عفتها الخمار بين السفور و بينكِ حُجب الفخَــار يا لــؤلـــؤاً زاد العفــــــاف بريقها وهدى الكتاب يظلها ظل المحـــار أنتِ كمثــل البدر يبرق نــــوره رغــم السحائــب دونـه مثل الستــار أنتِ كمثــــل النجــــم في لمعانــــه رغـــم الظلام ِ يلفه لف الســـــــوار ظنــوا الحيــاة ثقــــــافــة ًغـربـيــة ًوبـأنّ فـي تقليــدها عـِـز الديـــــــار أولــم يــروا أنّ الضيــاع يسوقهــم نحـو الهلاك يذيقهم كـأس الدمـــــار
-"فضلوا يغنوا و ايات جت في النص وجابت خِمار تاني و لبستو ليا تاني والكل بدا يقرب مني يحضني ويقولي مُبارك وبعدها قعدنا مع بعض شويه "
-حقيقي آيات فرحت جدا شكرا ليكِ انتِ و البنات
-لا احنا مش بنحب شكرا دِ صح يا بنات الاسلام
-صح يا ست ايات احنا اخوات يا مرام وعنينا ليكِ يا مزه
"قعدنا نضحك شويه و كل قام مشي وانا وآيات مشينا مع بعض"
-انا انهاردة اخوي هَيجي ياخذني انهاردة
-بجد وانا كمان
-طب خلاص افضلي واقفة معايا على ما يجوا
-"قطع كلامهم دخول اخ منهم".. يلا يا مرام
-"بصدمة".. فارس
-"نوح من وراهم ".. مرام انتِ بتعملي ايه
يتبع..
