روايه قدر قلبي الفصل السابع
=عموما انا جيت بردو عشان اعزمك علي خطوبتي انا وساره
-نعم !! يعني انا ضحيت برده فعل بابا لما يعرف اني سبت مروان و دلوقتي بتقولي بحب غيرك وهخطبها ؟! انت اكيد بتهزر يا دوروك
=عن اذنك هروح لخطيبتي و اقولها من بكرا راجع الشغل تاني
وسابها وهي مصدومه ومش مصدقه الي سمعته
*ف مكتب ساره *
~ ايه دا يا دوروك ازاي تدخل من غير متخبط !!
= تقبلي تتجوزيني ؟!
~ ايه !!
= تقبلي تتجوزيني ؟
ملامح ساره اتحولت من الغضب للفرح
~ ايوه !! بس ايه غير رأيك بالسرعه دي. ابوك قال انك رافض خطوبه فالوقت الحالي
= اكتشفت اني معجب بيكي
~ بجد !!
وحضنته
= هنجيلك انا وبابا ونتفق علي معاد الخطوبه مع باباكي بس لما يتحسن مروان
بفرحه~ تمام
وخرج من الاوضه و كان لسا خارج من باب الشركه بس ندي مسكته من دراعه جامد
انت اكيد بتهزر صح !! لا يمكن الحب الي فعيونك يكون كدب .. العيون مش بتكدب
= خليكي كدا فالوهم لغايه لما تروحي خطوبتي بنفسك .. سلام بقا
-استني !!
= نعم عايزه ايه تاني
-بص ف عيني و قول انك بتحب ساره
اتنهد و بعدها بص ف عينها
= انا بحب ساره
فلتت ايده وهي بتعيط و هو مشي وسابها و كان بيتمشي فالشارع وهو حزين جداا و قلبه بيتقطع بس مينفعش يبني سعادته علي حساب اخوه … اكيد مش هيسيب اخوه يقضي حياته فالمستشفي بس عشان هو يتجوز الي حاببها
اما ندي ف لما خلصت الشغل اتصلت بمروان و طبعا الاب رد عليها
-مروان ف انهي مستشفي يا عمي
> مستشفي الامير
-تمام
وقفلت المكالمه و راحتله المستشفي
-ينفع اتكلم مع مروان يا عمي ؟
> هو ف الاوضه و مش راضي يكلم اي حد ولا حتي ياكل
دخلت الاوضه
وبصت عليه … مروان اتحول لمروان غير الي هي تعرفه .. خس جدا و وشه بقا شاحب وباين عليه التعب
-مروان … ينفع نرجع ؟
لاول مره من سعت مسابته يبان عليه الفرح و الابتسامه و يتكلم
ب ابتسامه ممزوج بالعياط ~ بتتكلمي بجد ؟!
-ايوه
~ يعني بتحبيني ؟
-اه
قام من عالسرير وحضنها جامد
دوروك وقتها كان وصل المستشفي و باباه قاله ان ندي جت لمروان و دخل الاوضه و شافهم
بعدها مروان جري علي دوروك الي كان واقف فالاوضه من غير حركه
~ شفت يا دوروك !! ندي بتحبيني و عايزه نرجع !! انا مش مصدق نفسي بجد فرحان اوي
ب ابتسامه مزيفه = الف مبروك يا مروان ..
اما ندي فكانت مراقبه رده فعل دوروك
-هنستناك تيجي فرحنا يا دوروك .. هيكون قبل فرحك متقلقش
= كويس .. عن اذنكم
و خرج من الاوضه و ابتسم للاب و بعدها راح القصر عشان كان محتاج يقعد وحده
و بعدها ندي اخدت مروان و راحو اتعشو برا و بدأ يرجع لطبيعته بس الفرق انه رجع مروان جديد .. مروان طيب و بيخاف علي زعل ندي اوي و مستعد يعمل اي حاجه عشان يراضيها
~عجبك الاكل ؟
-اه جميل
~بصي يا ندي اوعدك مش هزعلك من النهارده .. اعتبريني مروان جديد غير الي تعرفيه وانا واثق انك هتحبي مروان الجديد اكتر من القديم
-هتسبني اشتغل بعد الجواز ؟
~ايوه وانسي كل الي قلته قبل كدا
هنا بان علي ملامح ندي الراحه
~وانتي كمان الي هتحددي معاد كتب الكتاب
-مش شايف لسا بدري علي كتب الكتاب يا مروان ؟ انا قولتلك قبل كدا اني لسا مش مستعده للخطوه دي
~اسف افتكرتك لما قولتي لدوروك هنعزمك علي فرحنا كان قصدك انه هيكون قريب
-لا عادي كان قصدي لما نعمله بعدين يعني
~مش مشكله انا مستعد استناكي العمر كله
و خلصو العشا و وصلها بيتها و بعدها راح لبيته
اول لما دخل القصر راح لاوضه دوروك
~دوروك … انا اسف لكل الي عملته فيك قبل كدا و الكلام الي قولتهولك كمان
ومد ايده
~ ينفع نبقي اخوات ؟ ينفع تديني فرصه ؟
دوروك فرح لما سمع كلام مروان .. اخيرا هيبقا عنده اخ بجد
حط ايده ف ايد مروان و حضنه
= اهلا برجوعك لبيتك يا اخويااا
~ اه صح بابا قالي انك هتخطب ساره ف الف مبروووك
= الله يبارك فيك
~ هتعمل الخطوبه امتي
= بما انك اتحسنت ف انا وبابا هنروح بكرا لباباها ونتفق عالمعاد و طبعا انتي هتيجي معانا
~ دا كدا كدا
*اليوم الي بعدو*
دوروك حلم انه حضر فرح مروان وندي و كان بيصرخ فالحلم و منهار و صحي من النوم وهو عرقان جامد
= لا كدا مش هينفع … لازم ابعد عنها خالص و متكلمش معاها حتي ..
و راح هو للاب و مروان لبيت ساره الي كانت فرحانه جداا و اتفقو علي معاد الخطوبه بعد يومين
و اليومين عدو بسرعه جدا .. مروان كان كل ٥ ساعات يشتريلها دبدوب و ورد ويبعته لندي وهي كان عاجبها الاهتمام دا و بتقنع نفسها انها خلاص هتتجوز مروان و هو الي يستحقها .. عالاقل هو الي بيحبها مش دوروك
*يوم خطوبه ساره و دوروك*
ندي لبست فستان سيمبل و عملت شعرها ديل حصان و حطت ميكب تقيل كالعاده عشان تداري اثار الضرب الي لسا مختفتش
و مروان جه اخدها من بيتها عشان يروحو الخطوبه مع بعض
لما وصلو القاعه كانو ساره و دوروك فالقاعه و وصلو قبلهم
راحو ناحيتهم و باركولهم و بعدها قعدو عالكرسي
~ عجبتك القاعه ؟ لو عجبتك ممكن نعمل خطوبتنا فيها
-نشوف غيرها احسن يا مروان ..
~ تماام هنشوف الاحلي منها و الي تعجبك متقلقيش
و مسكت ايده بلطف
-شكرا انك دايما بتحاول تسعدني و بتهتم بيا و برأيي .. انا بجد سعيده بتغييرك دا
اما هو ف فرح جدا من كلامها
~ مش متخيله كلامك دا اسعدني اد ايه .. اوعدك افرح اكتر من كدا كمان
بعدها اشتغلت الاغنيه بتاعت الرقص السلو
€ يلا يا دوروك نرقص شويه
= لا مش عايز ارقص دلوقتي ..
€ بس دي خطوبتها يا دوروك !!
= مش هينفع امسك ايدك حتي غير بعد الجواز ف مش هينفع
€ بس عادي لو مسكت ايدي !! احنا مخطوبين علي فكرا ! متبقاش قفل كدا
= ساره لو سمحتي احترمي رغبتي
€ اوف حاضر
بس مروان وندي كان بينهم كلام اخر
~تيجي نرقص ؟
-ماشي
و قامو رقصو و دوروك ملاحقهم بنظراته و خصوصا مركز علي ايد مروان الي علي وسطها و كمان علي مروان وهو بيهمسلها ف ودانها وهي بتضحك
قام بسرعه من مكانه وهو متعصب و غيران
-هروح الحمام يا مروان هظبط بس الميكب و اجي
~ تمام يا روحي متتأخري
و دوروك استغل فرصه ان ندي رايحه الحمام عشان يكلمها
= عن اذنك يا ساره هروح الحمام
ساره استغربت من كلامه بس هزت راسها بمعني ماشي
دخل حمام البنات
-انت بتعمل ايه !! دا حمام بنات علي فكره
= بترقصي ليه معاه كأنكم متجوزين ؟! مش مكسوفه من نفسك !!
-ويا تري انت بتقول الكلام دا عشان خايف اروح النار ولا عشان غيران ؟!
= غيران ايه ونيله ايه
وكسر زجاج المرايه ب كف ايده
-لا واضح اوي انك مش غيران . طب عن اذنك عشان اتأخرت علي خطيبي حبيبي
مسكها من دراعها قبل لما تمشي
و الكم بتاع الفستان اترفع و شاف الكدمه الي علي دراعها
= ايه الكدمه دي !!!
-ها لا دي خبطه
= مش باين كأنها خبطه يا ندي!!
سحبت ايدها
-انت مالك !! هل انت خطيبي مثلا ؟! روح شوف خطيبتك احسن
وكانت هتمشي بس مسكها من دراعها تاني
رفع الكم لفوق شويه لغايه الكوع وشاف كدمات تاني
= ايه كل دا !! خبطه بردو ؟!
يتبع
