رواية صديق طريقي الفصل الرابع 4 بقلم صابرينا
بقلق _ جميلة!!!!! انتي كنتي فين؟؟
= انا كنت
_ قولتلك خليكي فالعربيه!!
= Sorry يا زين
_ سوري اي افرض كان حصلك حاجه
= خلاص انا كويسة اهو
_ ادخلي يجميله
دخلت العربيه وبصتلي ببراءه = مالك هو انت زعلت
لسه هتكلم لقيت صوت نونوه
_ أية ده
= مانا نزلت اخد القطه دي.
_ ليه!!
= لقتها لوحدها اكيد تاهت زي
_ يعني نزلتي عشان كدا
هزت راسها بهدوء وانا بحاول اهدأ
= في أية انا كنت جمبك وراه العربيه
_ يا جميلة انتي متعرفيش حاجه هنا افرض توهتي مني هعمل أية ساعتها
= هتدور عليا
ضحكت غصب عني بسبب البساطه الي بتتكلم بيها
= او ممكن انا طلب من حد يساعدني واللقيك
ابتسمتي اختفت وحسيت بأحساس مريحنيش
_ جميلة مينفعش تطلبي مساعده من اي حد
ولا ينفع تدي لحد الأمان
= مش فاهمه
_ بصي مش كل الناس كويسة يعني
= عارفه
_ يبقي مينفعش تتكلمي مع اي حد صح ممكن ياذيكي
هزت راسها بتفهم = ايوا صح
_ يبقي أية تفضلي معايا ومتبعديش ابدا لحد ما اساعدك واطمن
ابتسمتلي= حاضر
روحنا انا وهي عشان تتصور وخلصت وكنا هنمشي
_ زين زين
يارب واحده زين كمان ومش همسك نفسي= ايوا يا جميلة
_ اتصور معايا
= اصل
_ يلا عشان خاطري عشان تبقي ذكره حلوة
رديت بمنتهي الاستسلام = حاضر
اتصورت جمبها صورتين وفرحت جدا وهي كمان فرحت اوي ولما سالتها مرضتش تقولي السبب
روحنا انا وهي البيت وكانت مرهقه جدا
_ انا عايزه انام مش قادره خالص
= الله انتي لحقتي يا جميلة
_ الي يشوف كدا يا داده يقول شقيتها
= ملكش دعوه يا ولا
_ تيته حبيبتي مش هتصدقي
= أية
_ جبت قطه صغننه جميلة ولونها orange
= هي فين
_ زين قالي هتروح للدكتور الاول عشان يكشف عليها وبعدين هتيجي تقعد معانا هي اكيد تايهه من مامتها زي
لقيت داده فاطمه بتضحك بصتلها برفعه حاجب _ بتضحكي افتكرتك هتعترضي
= ابدا جميلة براحتها
_ الله الله!!
_ يا بختك ياست جميلة مكنتش راضيه تخليني أجيب كلب
= كلب يا كلب؟؟؟
_ داده مش قدامها خلاص
قعدت تضحك وانا سرحان في ضحكتها..
_ انا جعانه جدا
= ياروحي غيري هدومك وليكي اكله حلوة عندي
بحماس _ أية أية
= مكرونه بشاميل
_ لحمه ولا فراخ!!!
= فراخ
لقتها قامت باست داده فاطمه بفرحه
_ جرا اية هو انا شفاف
= واد يا زين بطل لماضه
_ انتي عامله ليها مكرونه وهي ادتك بوسه وانا اي طيشا!
= عايز بوسه؟
_ لا يا جميلة عيب
ردت بضحك = كنت هديهاله عالهوا يا تيته
داده فاطمه قعدت تضحك وانا باصص لجميلة بتوعد
- ماشي متشكرين اطلعي غيري يختي
= لاء
بصتلها بعصبيه مصطنعه _ بنت عيب اسمعي الكلام
ردت عليا بأستهزاء= تؤ تؤ مش هسمع هتعمل أيه يعني
_ الله انتي بتعندي معايا ولا اي
هزت راسها وهي بتستفزني
_ انا بحذرك يا جميله
= مش بخاف هاهاهاها
قومت ولسه هجري أمسكها سرخت و جريت زي الصرصار على أوضتها وانا مبتسم والابتسامه رايحه لحد وداني
_________________
بعد يومين
_ يا عم
= ايوا ياباشا
_ بتقولي باشا ايوا دا إحنا بقينا جامدين خمني جبتلك أية
= شوكلاته
ضحكت _ مش اكل يا جميلة
= مش عارفه أية
خرجت بمنتهي السعاده ودخلت بالقطه اول ما شافتها ابتسمت بفرحه كبيره أوي
_ مش مصدقه دي بقت جميلة خالص وبقت نضيفه كدا خلاص هتقعد
= ايوا ياستي بقت بتاعتك رسمي
_ شكرا يا زين انت لطيف خالص
قلبي الصغير لا يحتمل.
= هتسميها اي بقي
_ مش عارفه أية رايك كوكي
= اهااا نسيت اقولك
_ أية!
= هو ولد مش بنت
_ بجد ؟
= اها
_ هسميه زوزو شبه زين حلو؟
= حلو زيك
بصتلي بصه طويلة وانا كنت مركز مع عينيها الي كل مره ببصلهم بيخطفوني من اول وجديد.!
- زين؟
= جميلة انا بحبك
= .......
البارت الرابع..
صديق طريقي♡
