رواية حب عائد الفصل الاول
- يوسف انت زعلان مني ؟
يوسف بهدوء : هزعل منك ليه يـ فريده !
فريده بدموع : علشان اتجوزتني غصب عنك ..انا اسفه .
قرب منها ومسك ايديها وقال وهو بيسمح دموعها : فريده انا اللي قولتلك نتجوز محدش أجبرني
.
بعدت ايده وهي بتقول بصوت مخنوق من العياط : متكدبش عليا انا سمعتك انت ومامتك وانت بتقولها انك مش عايز تتجوزني وهي اللي أصرت عليك وخلتك توافق .
يوسف بصلها واتكلم بزهق : يعني عايزه اي دلوقت يـ فريده ؟ ما انتي عارفه اني مكنتش عايز اتجوز فعلا بس امي ضغطت عليا فعلا وانتي اهلك ضغطوا عليكي بس هنعمل ايه خلاص الموضوع خلص واتجوزنا .
اتكلمت فريده بصوت عالي : الموضوع مخلصش انت ازاي بتتكلم كده كإنه عادي ! انت عارف يعني ايه جواز ولا واخد الموضوع لعبه وسط حياتك التافهه دي .
مسك ايديها جامد واتكلم بغضب : قسما بالله يـ فريده صوتك ده لو عِلي تاني هتشوفي تصرف مش هيعجبك ، اما تيجي تتكلمي معايا تتكلمي بـ احترام مش علشان بتعامل كويس معاكي هتنسي نفسك انتي اكتر واحده عارفه لو قلبت ممكن اعمل ايه .
بصت في عينه واتكلمت بدموع : انا فعلا عارفه ، بس تفتكر انت ممكن تعمل ايه اكتر من اللي عملته يـ يوسف ! .
ساب ايديها وهو بيبصلها بحزن ، قرب منها ورفع ايده يمسح دموعها بس هي بعدت ايده بقوه وقامت وقفت بعيد عنه واتكلمت بوجع : مش عارفه نهايه الجوازه دي ايه ولا نهايه علاقتنا هتكون عامله ازاي بس كل اللي اعرفه اني عمري ما هسامحك علي وجع قلبي ... ، بصتله ودموعها مغرقه وشها : زمان ودلوقتي يـ يوسف .
سابته ودخلت الاوضه وقفلت الباب وقعدت تعيط وهو فضل باصص لاثرها بحزن وعينه دمعت مسح وشه وقام دخل اوضه تانيه وقفل علي نفسه ..
فريده قعدت تعيط وهي بتكلم نفسها : كنت اقرب شخص ليا يـ يوسف ليه تعمل فيا كده ، ليه وجعتني بـ الشكل ده وانا مكنتش ليا غيرك .
فضلت تتكلم لحد ما نامت مكانها وهي بتعيط ..
فتحت عينيها الصبح علي خبط باب الشقه قامت خرجت من اوضتها لقت سيف رايح في اتجاه الباب بصلها و كمل طريقه اول ما فتح الباب شاف شاب وبنت واقفين الشاب زق سيف ودخل بسرعه وقف قصاد فريده وهو بيقولها : فريده انتي كويسه !.
ردت فريده وهي بتبص علي سيف اللي واقف رافع حاجبه وباصصلها : انا كويسه يـ عمر متقلقش.
عمر وهو بيبص لـ عينيها الوارمه من اثر العياط : لا انتي مش كويسه يـ فريده ، بصي لو مش مرتاحه قوليلي يـ حبيبتي وانا هاخدك تقعدي معانا.
سيف واقف يبصلهم بزهول وبعدين استوعب اللي بيحصل وفاجأه قرب منهم و زق فريده بعيد عنه و مسك عمر من هدومه وضربه بوكس وقعه علي الارض وفريده بتصرخ وهي بتبعده عنه ....
