روايه قلوب حائره كامله جميع الفصول بقلم نورا سمير

دلف الى مكتبه ناكسا راسه غارق وسط افكاره رمي بجسده على الاريكه التقط المحفظه ونظر الى تلك الصوره وهو شارد حزين ابتسم بحزن ففرت دمعه حزينه من عيناه غصبا عنه فقلبه لم يعد يتحمل فاغمض عيناه  ليغرق فى ذكرياته التى يتمنى الا يفيق منها  

ليري تلك الطفله التى تركض نحوه بسعاده واحتضنت قدميه قحملها بسعاده \ الشقيه الصغيره عامله ايه 

لوت بوذها وقالت بطفوله \ فين الثيكولاته انت نسيت تانى 

قال ضاحكا \ ازاى انسى جيبتلك انتى ونور علبة شيكولاته كبيره اوي 

ابتسمت ولاء وقبلت وجنتيه وقالت بسعاده \ انا بحبك اوي يابابا  

ابتسم \ وانا بموت فيكى يالولو 

التفت يبحث عن طفلته الصغيره فقال \ هى نور فين 

قالت \ نور مش هتكلمك تانى وهى مخمثاك 

ضحك وقال وهو يقلدها / مخمثاني ليه 

همست باذنه \ انت مش تيجى كل يوم وهى زحلانه اوي 

انزل الطفله وقال هامسا \ طيب هى فين 

ابتسمت \ هى استخبت هناك تحت التلبيزه 

حسن ابتسم وهمس لها \ طيب تعالى ورايا 

اقترب حسن من الطاوله ونزل بقدميه ليراها وهى تعطيه ظهرها فابتسم وقام بحركه مفجاءه حملها بسرعه وظل يضحك  

نور \ نزلنى نزلنى

ضحك حسن ووضعها على كتفه فلوت بوزها وقالت \ يابابا نزلنى 

حسن \ زحلانه ليه يابطه 

نور ببراءه \ انت مش تحبنى 

 حسن بحنان \ انا مقدرش محبكيش يانونو ياصغنن انت ده انتى روحى 

ضحكت الطفله بسعاده \ بجد يابابا 

حسن بحنان \ طبعا ياروح قلب بابا من جوه  

ولاء وهى تلوي بوذها \ اشمعنه هى شيلنى انا كمان  

ابتسم وقال \ بس كده حاضر يلا هوابا 

 وقام بحملها هى الاخري فتمسكت به هى الاخري فظلو يصرخون ويضحكون ويلعبون سويا

فاق من شروده على صوت رنين الهاتف فتنهد بحزن  والتقط الهاتف ورد ببرود \ خير 

...\ الحق ياحسن  حازم بيكسر كل حاجه قدامه والدنيا والعه  

قال حسن بتنهيده \طيب انا جاي  

>>>>>

فى قصر رجل اعمال عبد اللطيف كان هناك شخص يقوم يتكسير كل ما يراه امامه كان كالثور الهائج الجميع ينظرون اليه منهم من خائف منه ومنه من خائف عليه اقترب منه رجل كبير بالعمر وقال بصوت جهورى

عبد اللطيف \ حازم  ايه الى انت بتعمله ده انت اتجننت

التفت حازم اليه ونظر له نظرات ذات معني وقال بغضب \ بجد انت مش عارف انا بعمل ايه وليه  

هيام بقلق \ اهدي ياحازم علشان خاطري 

عبد اللطيف بصرامه \ يهدي ليه يعني عملتله ايه علشان يتعصب بالشكل ده

حازم  \ انت من نحيه عملت فعملت كتير اوي وانا ساكت لانك المفروض جدي وواجب عليا اطيعك لكن لحد الانسانه الى حبتها تقف 

ضحك عبد اللطيف بسخهريه \ فهمت ....هي لحقت تقولك لا برافو عليها عامله فيها الملاك وهى فى الاصل شيطان  

حازم بصوت عالى  \ مسمحلكش تتكلم عنها بالشكل ده فاهم ولا لا 

اقترب منه عبد اللطيف  وقام بصفعه على وجهه وقال بصوت غاضب \ صوتك ميعلاش عليا متنساش انا جدك ولازم تحترمنى 

وضح حازم يده مكان الصفعه وقال \ بلاش بس تقول جدي الجد بيحب احفاده مش زيك انانى مبتفكرش غير فى نفسك 

عبد اللطيف \  وانا بحبكم وعلشان كده مش هسمحلكم تدمرو حياتكم  يعنى لما القيك ماشي غلط لازم انقذك وافوقك

حازم بغضب \ علشان تنقذني تروح تخلى البنت الى بحبها تسبنى  (ثم قال بصراخ ) قولتلها ايه علشان تبعد عني

عبد اللطيف \ الى انت بتحبها ممكن تبيعك لو لقت اغنى منك صدقنى دي مش بتحبك  

حازم بعدم تصديق \ انت كذاب هى مستحيل تعمل كده انت الى هددتها

عبد اللطيف \ يعنى مصدقها ومش مصدقنى ماهى لو بتحبك زي مبتقول مكنتش وفقت تتجوز غيرك 

حازم \ اصل ده اسلوبك الى مش عجبك تخلص منه بطريقتك مش مهم احنا عايزين ايه 

هيام بحده \ حازم جدك عنده حق فى كل كلمه  والبت ديه كانت طمعانه مش اكتر

حازم \ بلاش انتى يا امي لوسمحتى اكيد حكالك عنها وحش

هيام \  فعلا بس كنت مستنيه انك تقولى ولا انا اخر حد يعرف

حازم \ اقولك ايه اقولك انها هتتجوز غيري وان عبد اللطيف بيه  معجبتهوش فقرر يطفشها علشان مستواها مش من مستوايا مش كده

عبد اللطيف \ اعمل الى انت عايزه  تصدق متصدقش انت  حر

حازم بسخريه \ حر فين ده مين ده الى حر ده انا مش عارف حتى اختار البنت الى هكمل حياتى معاها كل حاجه لازم تكون على مزاجك وطظ فيا

عبد اللطيف  \ ديه غلطتى انى خايف عليك

حازم بغضب \ انا مش عيل صغير سيبنى اختار ولو طلع غلط يبقى اتحمل نتيجة خطئي لكن بلاش تتدخل فى حياتى بالاسلوب ده

التفت عبد اللطيف  لهيام  وقال بغضب \  شوفتى تربيتك شكلك معرفتيش تربيه بس معنديش مانع اربيه انا

حازم بضيق \ لا عرفت ونجحت بتفوق العيب مش فيا العيب فيك انت ,نفسي لو لمره واحده تعملنا على اننا بنادمين مش عبيد لسيادتك 

هيام بحزم \ عيب كده ياحازم اتكلم  باسلوب احسن من كده

حازم /وهو مش عيب يتصرف معايا كده انا كبرت ومن حقي اقرر الى انا عايزه ديه حياتى انا وانا حر فيها 

هيام/ حازم اتفضل اطلع اوضتك ولما تهدي نبقى نتكلم

… حازم \ بس ,,,,

هيام بامر \ قولت اطلع اوضتك حالا 

رحل حازم  بغضب من امامهم  وصعد الى الاعلى  ودلف الى غرفته ورزع الباب خلفه بقوه

اما بالاسفل

اقتربت هيام من والدها \ بابا متزعلش انت عارف حازم عصبى جداا ومش عارف بيقول ايه

عبد اللطيف \ انا خايف عليه البنت بتلعب عليه بس هو غبى

قال شاب بسخريه / مش كل الناس زيك يا عبد اللطيف بيه 

عبد اللطيف بتافف \ يووو انا مش ناقصك انت التانى

اقترب حسن من ابنه وربت على كتفه \ معلش ياماذن اطلع دلوقتى وشوف حازم

نظر ماذن لجده بغضب \ انت شايف الناس كلها طمعانه فيك بس ياتري على ايه على الفلوس طظ فى الفلوس المهم انى اكون راضى ومبسوط بس بسببك محدش مبسوط ده انت لو بصيط فى وشوش الى حواليك هتلاقى الحزن مالى عيونهم انت هتتحاسب علينا وانا مش مسمحك  

هيام بغضب \ ماذن اسمع كلام ابوك واطلع فوق 

ابتعد ماذن ليردف حسن \ ماذن مغلطش كل كلامه مظبوط مين فينا سعيد هنا  

عبد اللطيف / انا عايز اعرف انت كنت فين بقالك يومين مختفى 

حسن بسخريه / فى الدنيا متقلقش عليا انا لسه عايش 

عبد اللطيف / طبعا حضرتك مش حاسس بالى بيحصل فى البيت وطول الوقت مش موجود 

حسن / وانا مالى بالى بيحصل مش انت بتتحكم فى كل الموجودين بتجوز الى على مزاجك وتطلق الى على مزاجك واحنا المطلوب منا ولا نحس ولانعترض مش كده

عبد اللطيف / كلكم شيفني شيطان وكل ده علشان خايف عليكم بامنلكم مستقبلكم

هيام / احنا دلوقتى عايزين نتكلم فى موضوع حازم لو سمحتم

حسن / سيبوه يعمل الى عايزه ديه حياته هو الى هيعيشها  

لينظر له \ انت عايزه يعمل زيك مش كفايه الى حصل

حسن بنبرة غاضبه / وانا عملت ايه اتجوزت اكثر انسانه حبتنى ومقابل حبها سبتها ومش لوحدها ........صمت قليلا تم اردف بدموع  \ لا كمان سبت عيالى وكله بسببك انت 

عبد اللطيف / انا معملتش حاجه هى ....

قطعه حسن واكمل بغضب / انت الى خوفتها خليتها افتكرت انك هتاخد البنات منها فهربت ومن يومها انا مشوفنهمش انت السبب فى كل حاجه انت السبب   

شيماء بحزن \ حسن لو سمحت

حسن بحده \ انا مش بقول حاجه غلط انا بتكلم عن مراتى الى بحبها وهفضل احبها لحد اما اموت  

انسابت الدموع على وجنتي شيماء فركضت سريعا الى غرفتها فلقد اهانها بذالك الاعتراف فزوجها يعترف بحبه لاخري

هيام / هي ذنبها ايه ياحسن بس علشان تعمل معاها كده

حسن نظر لها وقال  بدموع \ وانا ياهيام ذنبي ايه علشان اتحرم من ولادي ذنبي ايه انهم يكرهونى ويفتكرو انى بعتهم قولولى انا ذنبي ايه 

نظر  عبد اللطيف لشيماء التى غادرت الغرفة بهدوء وقال\ايه الى انت عملته ده .....هي الى هربت وخلاص بقي انساهم   انت دلوقتى متجوز واحده محترمه وعندك عيال  المفروض تبوس ايدك وش وظهر

نظر له بصدمه\ انت ازاى اب وشايف ابنك قد ايه بيتعذب وبردو مش فارق معاك غير نفسك ربنا يسامحك ياشيخ

..............,

فى غرفة حازم

فتح الباب ليدلفو ثلاث شباب

ايهاب \ ايه الى حصل يا حازم  من امتى بتكلم جدو كده اه تصرفاته بقت لا تتطاق بس نعمل ايه جدنا ولازم نحترمه 

محمد \ اسمعنى ياحازم  خد جدك على قد عقله بلاش تزعق وتتعصب جدك ممكن فى ثانيه يطردك من الشركه ومن البيت  خليك تحت طوعه هتكسب انا اخوك الكبير وخايف عليك

مازن بضيق \ كل واحد بيفكر فى نفسه انت عمرك مهتحس بالى حازم  فيه

محمد \ مازن انت كمان مش عجبنى ايه  الى حصل

ماذن \ انت عارف ايه الى حصل كويس

محمد بضيق \ هند ذنبها ايه  انا عمرى مشوفتك بتقولها كلمه عدله حرام عليك والله دية بنت ممتازه ده غير كده بتحبك رغم معملتك الزبالة

مازن بغضب \ لو كنت انا الى اخترتها كنت هكون مبسوط معاها لكنى مجبر جدك بيتحكم فينا بيعاملنا كاننا عرايس فى ايده وانا مش هسامحة اابدا

محمد بغضب \ انت بتظلمها معاك بالشكل ده وهيجى يوم هتزهق وتسيبك

ايهاب بسخريه  \ محمد انت مش فاهم حاجه خالص , انت عايش فى البلالا

محمد بضيق \ متلم نفسك يابنى انت ده انا اخوك الكبير

اكمل ايهاب كلامه بسخريه\ هو انا غلط مش ديه الحقيقه وبلاش حوار انا اخوك الكبير لانك كبير علي الفاضي

حازم \ فعلا ايهاب عنده حق انت  عايش مع نفسك مبتفكرش الى حوليك حاسين بايه  هتطلع نسخه من جدك

محمد بعصبيه \ دلوقتى بقيت انا الغلطان

حازم \ انا مقولتش كده انا بس بقلك انك على استعداد انك تخسر اخواتك مقابل جدك

محمد \ انتو شايفنى كده

ماذن \ خلاص بقي هما ميقصدوش

ايهاب  \ لا نقصد

ماذن \ ايهاب اهدي شويه بلاش جنان احنا جايين نهدي مش نولع

فجاءه استمعو لدق على الباب فقالت ندى من الخارج  \ ممكن ندخل

ابتسم محمد لتلك الفتاه ذات عيون عسليه والحجاب الذي يزيدها جمالا قال بحب  \ اكيد تعالو " ندى زوجته"

اقتربت ندي من حازم وقالت \ حازم كان لازم تحترم جدك مينفعش تتكلم معاه بالاسلوب ده حتى لو هو الى غلطان

محمد بفخر\ الله يكملك بعقلك  هو ده الكلام

رحاب \ فعلا مكنش ينفع تصرخ فى وش جدو بالشكل ده انت عارف هو بيحبك وخايف عليك يعنى انت ملقتش غيرها من قلة البنات متبص قدامك اكيد هتلاقى الى يحبك ويخاف عليك

نظر لها ايهاب واردف بضيق  \ شي مش بايده مش يمكن مفيش قدامه غيرها

رحاب بغيط \ اسكت انت ملكش دعوه

هند بحزن\ بالعكس ده رد فعل طبيعى الحب ده مش بايدينا ليه يحاسبو على انه حب واحده اقل منه تصدقى كنت بتمنى انى اكون فقيره اكيد مكنش حصلي كل ده.. والتفتت لماذن ونظرت له لتراه ينظر لها  فالتقت عيناه بعيناها ولكنها اشاحت نظرها عنه وحاولت تمالك نفسها كي لا تبكي

مازن بحزن \ انتى شايفه كده يعنى

هند بسخريه \ انا الصرحه مش شايفه غير كده

مسح حازم  على وجهه بضيق \ لو سمحتو اخرجو وسيبونى لوحدي

خرج الجميع وتبقى ايهاب ورحاب

اقتربت رحاب منه وقالت \ بلاش تزعل عليها هى متستهلش صدقنى اكيد ربنا عاينلك حاجه احلى

حازم بغضب  \  انا قولت سيبونى لوحدي

ايهاب بسخريه \ يلا ياحنينه قدامي

رحاب بغيظ \ انت مش شايف انك بتدخل فى الى ملكش فيه

اطبق ايهاب على يدها وقال بحده \ لا وحياتك ليا فيه ده اخويا انتى الى ملكيش فيه لانه بس ابن عمك فلمى الدور شويه بلاش تلزيق بالشكل ده عيب مينفعش ايه معندكيش كرامه 

نظرت له رحاب وعيناها تدمع فمسحتها وقالت \انت شايفني كده للدرجادي انا وحشه ... شكرا يا ايهاب  

رحلت من امامه بسرعه فتنهد بضيق وقال لنفسه\ عمرك ماهتفهمي غبيه طول عمرك

نهض حازم من على السرير بعصبيه وقال \ هو انت مبتسمعش مش قولت اطلع بره

ايهاب بغضب \ اسمعها مني بصراحه من ساعة معرفت البنت ديه وانت حياتك كلها اتلغبطت واضح انى مليش حظ فى اخواتى الله يرحمك يا امي لو كانت موجوده كانت اتقهرت من الى بيحصل

حازم بصدمه \انت بتقول ايه 

ايهاب بحزن \ بقول الحقيقه انت اتغيرت وبقيت نسخه من اخوك محدش بقى بيسال انا عايش ولا ميت حتى , محدش بقي حاسس بيا كلكم بعاد عنى ولاول مره احس انى فعلا يتيم

وضع حازم يده على كتف ايهاب وقال بحزن / ايه الى حصل لكل ده صدقني انا جنبك 

ازال ايهاب يده وقال بسخريه / بجد جنبى ........ الواضح ان كلكم جنبى وانا مش حاسس 

ذهب ايهاب من امامه وهو كان واقف مصدوم من كلامه  

ذهب الجميع من غرفة حازم  اما هو فظل يفكر فى كلام ايهاب لاول مره يري اخيه بتلك الحاله مر وقت طويل حتى غلبه النوم 

..........

..........

حازم ومحمد وايهاب اخوات والدهم اخو حسن وهيام  

ماذن ورحاب اولاد حسن

ندي زوجة محمد 

هند زوجة ماذن .

......

ماما ماما ماما 

فتحت شاديه عيناها لتري ابنتها توقظها وفزعت عندما راتها تبكي فقالت بقلق \ ايه الى حصل بتعيطي ليه 

ولاء وهى تبكي \ ..........

انتفضت شاديه من على السرير واحتضنت ابنتها \ مالك ياولاء فى ايه

ولاء وهى تشاور على  الباب \ نور ........

شاديه بقلق \ مالها نور 

ولاء ببكاء \ خالو ..... 

فجاءه استمعت لصراخ ابنتها فى الخارج فركضت مسرعه نحو الخارخ لتصدم مما يحدث فابنتها تصفع وتضرب امام عيناها فركضت كالوحش عليهم وابعدت ابنتها عنه وقالت بغضب \ قولتلك مليون مره متمدش ايدك على بنت من بناتي  

سليمان \ البت ديه لازم تتربى وانا هربيها  

صرخت شاديه به قائله \ انا بناتي متربين احسن تربيه 

احتضنت نور امها ومتشبثه بملابسها بخوف  فالتفتت اليها ونظرت رات انفها ينزف ووجها محمر من الصفعات  فدمعت عيناها

شاديه \ حرام عليك ياسليمان ديه لسه طفله تقوم تضربها كده عملت ايه علشان كل ده  

سليمان \ بنتك اتاخرت فى الدرس ساعه اساليها كانت فين  

شاديه \ كانت مطرح مكانت انت مالك بيها 

سليمان بحده \ انا خالها وليا حق اعرف كل خطوه بتخطيها ونبهت كذا مره ممنوع الخروج من باب البيت الا باذني 

نور بدموع \ احنا كنا بنجيب حاجات من السوق 

عماد\ انتى كذابه انتى وولاء كنتو واقفين مع ولاد انا شوفتكم بعينى 

شاديه فهمت الامر \ انا كده فهمت المحروس ابنك جيه وقالك وانت صدقت

سليمان \ عماد مش كذاب بناتك هما الى كذابين طلعنلك وانا مش هسمح بده ابدا   

شاديه \انا بقى عايزاهم يطلعولى بس انت ملكش دعوه واياك ايدك تتمد عليهم تاني فاهم 

سليمان \ اسمعيها مني بناتك هيقعدو  فى البيت ومش هيشوفو الشارع تانى ومفيش تعليم انا مش ناقص وجع دماغ 

مسحت نور دموعها وقالت بغضب \ انت مش عايزنا نتعلم علشان احنا نجحنا وابنك سقط

عماد بغضب \ شايف يابابا بتغلط فيا ازاي  

سليمان بحده \ اخرصي ياقليلة الربايه انا هخليكي ازاى تعرفى تتكلمي تاني 

اقترب سليمان منها وكاد يصفعها لكنها مسكت يده وقالت بغضب \ البت مغلطتش فى حاجه كل كلمه قالتها صح واسمعها منى ياسليمان بناتي هيكملو تعليمهم غصب عنك وعن الى يتشددلك 

سليمان \ نبقى نشوف مين فينا كلامه هيمشي .

.......... فاقت شاديه من ذكرياتها على دخول الممرضه فمسحت دموعها واصطنعت الابتسام 

المرضه بقلق \ انتى كويسه

شاديه \انا قلقانه اوي على البنات 

الممرضه \ ليه بس الى انا اعرفه انهم مع خالهم 

شاديه بسخريه \ هي ديه المشكله  

الممرضه /ليه بس 

شاديه بحزن \ انتى متعرفيش بيعاملهم ازاى 

الممرضه بضيق \ عارفه شوفته لما كان هنا وكان بيكلمهم بطريقه وحشه الصراحه محبتش ادخل  

شاديه \ انا عايزه اشوفهم ضروري 

الممرضه \ بس انتى عارفه ممنوع الزياره 

شاديه \ انا مش ضامنه هعمل العمليه ولا لا 

الممرضه \ الى اعرفه ان بناتك بيجمعو الفلوس وهتعمليها قريب ان شاء الله 

شاديه \ مش ضامنه هعيش لبكره ولا لا ارجوكي كلميهم وخليهم يجو (سرحت قليلا ثم اردفت ) لازم يعرفو كل حاجه 

................................. 

فتحت الباب وظلت تتامله بحزن فشعر بوجودها فاقتربت منه 

جلست هيام على ركبتيها امامه \ حسن 

حسن بهدوء \ فى ايه 

هيام \ كنت عارفه انى هلاقيك هنا 

رفع نظره لها \ عايز صورهم تفضل قدامى 

هيام \ هتفضل عامل فى نفسك كده 

حسن \ انا حاسس بالذنب هى عمرها مهاتسمحنى

هيام \ انا اعرفها كويس وهى اكيد لما تعرف انه مش ذنبك هتسامح 

حسن \ ده لو رجعت 

هيام \ انا عندي احساس كبير انهم هيرجعو 

حسن  \ تفتكري بعد كل السنين ديه هترجع 

هيام \اكيد ربنا كبير وقادر يجمعك بولادك 

حسن \ وحشوني اوي تفتكري بقو عاملين ازاي وياتري هيسمحوني ولا هيكرهوني 

هيام \ هيحبوك وهيسامحوك لما يعرفو انك ملكش ذنب صدقني هيرجعو

حسن \ لو رجعو مش هسيبهم ابدا هفضل معاهم بس يرجعو 

هيام ابتسمت \ متقلقش هيرجعو وهتجوزهم كمان صدقني ربنا كريم 

حسن \ ...........يارب

يتبع....

           الفصل الثاني من هنا