 |
رواية حبيبة ابوها الفصل الحادي عشر بقلم سلطان زماني |
#بقلم_الكاتب✍️🖋️ Mohamed Youssef Sultan
اتصلت بيه من غيظي وكنت متعصبه اوي قولتله ازاي تقولي
انسي الموضوع وياريت متفتحوش تاني وانت قايل كل
حاجه ل اختك
قالي ايه الي بتثوليه ده
قولتله زاي ما سمعت وياريت نبعد عن بعض لاني بجد
مبقتش مرتاحه ولا حابه اني اكمل ولو كملت هنخسر احنا
الاتنين
قالي اني استحالة أخته تقولي واني بوقعهم في بعض قالي
كمان أنه خايف علي شكله بس قدام الناس واني الكل
مستني يعرف ميعاد الفرح والدخله
قولتله عادي احنا لا اول ولا اخر ناس تنفصل وصدقني ده
اريح لينا احنا الاتنين
قالي ما انتي وخده علي كده وبنسبالك عادي إنما أنا عكسك
تماما ولعلمك أنا لو كنت اعرف حقيقتك دي مكنتش فكرت
اصلا اهوب من ناحية بيتكم مش اتقدملك
بس انااتخدعت فيكي وانتي ممثلة عظيمة
قولتله تعرف انك خلتني اندم اني حاولت ابررلك وافهمك
اني مظلومة وانك فاهم غلط
بص ياكريم أنا ميهمنيش أنت شايفني ازاي ولا هدافع عن
نفسي تاني ولا وانت حر افهم الي تفهمه بس أنا عندي اموت
نفسي والله ولا اني اعيش مع واحد ذيك
قالي واحد ذيك ..ياريتك تبقي في ربع أخلاقي وتربيتي
عارفه عيبك انك غلطان وبجحه بذمتك مش مكسوفه من
نفسك
محبتش ازودها وقولت خليني ذوق معاه لحد ما اخلص منه
بالادب وبعدها هنزل شغل في المصنع عند بابا وهكبر دماغي
من موضوع الجواز والرحالة ده وهقفل بابه نهائي
لقيته مصمم اننا نكمل وبيقولي أنه هيعرف يعدل ويحسن
مني فهمته اني مش باجي بالطريقة دي ومتربتش علي كده
واني عمري ما اتعصبت ع حاجه
وانا معملتش جريمة ولا قفشني معاه في اوضه نومه
اتعصب عليا وقالي انا لحد دلوقتي مش عايز اوصل
الموضوع لعمي وبحاول اتفاهم معاكي واحل الموضوع بيني
وبينك رغم انك غلطانه وانا معايا حق
صممت اني مش هكمل وقولتله اعتبرني اختك سكت وفهمت
من سكاته ده اني مشبهش أو مفيش وجه مقارنه
فضلت استحمله واستحمل تبويخه ليا وكلامه الي زاي السم
الي جديد ع وداني عمري ما حد كلمني كلمة متعجبنيش ولا
كنت مكسورة كده لحد ..قولتله برحتك لو هتفضل تهددني
انك هتعرف بابا قوله بس صدقني سوء عرفته أو معرفتوش
أنا لا يمكن هكمل معاك حتي لو فيها موتي
يتبع
