رواية أحببتها ولكن الفصل السادس عشر 16 بقلم بيسو وليد
سامح وحمزه وغاده فى صوت واحد:خيا*اااااااااااااانه
فزع ليل وروز من صرا*خهم المفاجئ ودخل حمزه وسامح وغاده وجلسوا معهم وكان الصمت سيد المكان
ليل:خير
سامح:كل خير يا خويا كل خير
غاده ببراءه:أحنا ولله لا كنا بنتصنت ولا اى حاجه
حمزه:أحنا معديين وبالصدفه سمعنا سيمبا فى الحوار
سامح:نسكت!
غاده:قولنا ولله ابداً لازم ندخل
حمزه:عشان نسمع قصه سيمبا منك
سامح:فلو سمحت عيدها تانى
ليل:أنتوا مطبخينها مع بعض مش كدا
حمزه:الله أكبر هو كدا بالظبط
غاده:أصل بما أنك كبيرنا وبتنصحنا فبنلجئ ليك
سامح:ولا نتصرف من دماغنا وترجع تزعقلنا فى الأخر
حمزه:وتقعد طول الوقت مش طايق تبص فى خلقتنا وكل ما تشوفنا تتعصب علينا وتشتم فينا
ليل بخفوت:منكوا لله فضحتونى قدامها
غاده:بتقول حاجه يا ليل
ليل:لا بدعيلكوا
جاء داوود وجلس معهم هو الأخر
ليل:وانتَ جاى ليه انتَ كمان هتسمع قصه سيمبا زيهم
داوود بضحك:لو الكل موافق يبقى خلصانه نسمع منك يا كبير
ليل بضحك:ولله ما عارف انتَ ظابط ازاى
حمزه بمشاكسه:ظابط! ظابط ايه انا أشك أنه بياع فريسكا
سامح بضحك وسخريه:ويفضل ماشى ياض يا حمزه وماسك البترينه الصغيره دى وهو لابس شورت للركبه والشبشب ابو صابع وتيشرت وطقيه اللى هى تحسها شبه الشمسيه دى ونضاره الشمس ويمشى يقول فريسكا فريسكا فريسكاااااااا
حمزه بضحك:التخيل لوحدوا يق*تل أومال فى الحقيقه يبقى ايه...لا شوف الشياكه بقى وفى الأخر يدمر المنظر كلوا بشبشب ابو صابع يا شيخ تباً لشياكتك
داوود بتكشيره:أنتوا كدا عسل يعنى
حمزه:أسمها روشين
داوود:مش هتفرق
حمزه:لا تفرق
داوود:متفرقش
حمزه بعناد:ما قولنا تفرق
داوود:هقوم أد*بك بالحزا*م بلاش انتَ معايا
حمزه بأستفزاز:يا ختى بطه يخربيتك عسل
ليل:نفسى أعرف أنتوا مبطقوش بعض ليه
حمزه:يا عم دا ظابط وبارد ورخم مش بيضحك زينا
ليل بتعجب:داوود!
غاده:دا أستاذ فى الضحك بس هو مبيطقش
ليل:طب تعالوا ننزل الجنينه وأعملوا اللى أنتوا عاوزينوا
حمزه بخفوت وخبث:ايوه دا انا هولعها النهارده
بالصعيد
غفران:يا حمدان....حمدان
اتى حمدان أبنه على صوته
حمدان:ايوه يا بوى
غفران:بجولك ايه يا حمدان أمك هتتصل دلوجتى بعمتك صفيه عشان تقنعها أنها تيجى تجعد إهنه هى وعيالها وعشان ليل يغير جو لأنه بجى عاجز زى ما انتَ عارف عاوزك تتصل بيه تقنعه ييجى يجعد معانا فتره يغير من حالته لأن انتَ أكيد عارف ليل وأنه دماغه ناشفه ومبيسمعش من حد غيرك فاهمنى
حمدان بتفهم:طبعاً يا بوى فاهم حضرتك من عنيا
بالخارج كانت حسيبة تهاتف صفيه كى تجعلها تأتى الى الصعيد
حسيبة:الو ايوه يا صفيه عامله ايه يا خيتى
صفيه:الحمد لله يا حسيبة انتِ عامله ايه وغفران أخويا عامل ايه
حسيبة:الحمد لله نحمدو ونشكر فضلوا...بجولك ايه يا صفيه ما تيجى ياخيتى تجعدى إهنه معانا شوى
صفيه برفض:مينفعش يا حسيبة
حسيبة:ليه...أكده تكسفينى جدام غفران
صفيه:معلش يا حسيبة بس انا فعلاً مش هينفع اجى
حسيبة:وايه اللى مانعك عاد
صفيه:ليل ابنى شغلوا كلوا هنا وانتِ عارفه ليل مبيرضاش ييجى وغير كدا مشكله فهمى لسه متقفلتش وليل الله أعلم ناوى على ايه...وغير كدا عندنا ضيفه هنا ومش هينفع نيجى ونسيبها وداوود لسه راجع من يومين
حسيبة:لاع متجلجيش حمدان هيكلمه يقنعه هو هما شباب وفاهمين بعض ومش مشكله يا خيتى الضيفه تيجى وتنورنا انا هطردها يعنى
صفيه بتردد:بس يا حسيبة
حسيبة بمقاطعه:متجلجيش خلى الموضوع دا على حمدان
صفيه بأستسلام:ماشى يا حسيبة مع السلامه
أغلقت صفيه مع حسيبة وهى تفكر بحديثها وأن لو سافر ليل حالته النفسيه تتحسن فهى تعرفه جيداً خرجت الى الحديقه عندما سمعت صوتهم العالى
حمزه:أقولك نكته يا داوود
داوود بتكشيره:لا شكراً
حمزه:يبقى هقول...بص يا سيدى مره واحد ميكانيكى راح حفله تنكريه لبس وش سلندر هههههه تن ترارارا تن تن
نهض داوود وأمسك حمزه بغضب ضر*به بالحز*ام ووقع حمزه وهو يحاول تهدئته
داوود بضيق:الخليل كوميدى تانى هااااا كام مره أقولك بلاش تقول حاجه ليه قدامى هااا كام مره
حمزه بضحك:ااااهههه....ليه دا بيمو*تنى من الضحك
داوود:يموتك انتَ مش انا متقولش حاجه تانى عشان هزعلك
ليل:ما تلاعبه مصارعه أحسن ايه رأيك؟
داوود:تصدق فكره...جيت فى ملعبى يا حمزه الكلب
حمزه بخوف وصر*اخ:لااا ابوس أيدك والنبى حد يلحقنى
سامح:أحسن تستاهل
حمزه:بدل ما تلحقنى يا فقر انتَ
سامح:ولا اعرفك...بحب أشوفك بتتل*طش من اى حد
بهاء من وراءه:ولما أخليه يحب يشوفك وانتَ بتت*لطش
سامح بصدمه ومرح:يوجعه مربربه
بهاء:خاف على نفسك بقى
سامح بخوف:ابو الجدعنه كلها ولله بحبك
بهاء:ايوه كدا أتعدل
سامح ببكاء مصطنع:حاضر ولله
ذهب بهاء الى ليل ورحب به قاطعه صر*اخ حمزه المضحك التفت كى يرى ماذا يحدث صُدم من المنظر
بهاء بصدمه:يا ولاد المجنو*نه
حمزه بأستنجاد:الحقنى والنبى يا بهاء هيمو*تنى
بهاء:أكيد ضايقته زى كل مره مش كدا
سامح:أحسن تستاهل عشان تستظرف عدل بعد كدا
حمزه:وربنا لو مسكتك لشلف*طك
بهاء بغمزه:ما بلاش انتَ بتتش*لفط دلوقتى
بعد دقائق تركه داوود وهو يلهث وحمزه يتأ*لم بطريقه مضحكه
ليل بضحك:أنتوا تطلعوا على مسرح مصر وتعملوا كدا هتبقوا تريند على طول
بهاء:على رأيك وانا فى أول كرسى عشان اتفرج براحتى
حمزه:أخرس ياض انتَ وهو
جاء داوود كى يذهب إليه مره اخرى حمزه ركض وأختبأ وراء سامح
سامح:أوعا يا عم انتَ انا مالى
كان داوود أقترب منهم كثيراً ولم يفصل بينهم سوى سنتيمترات
حمزه:سموحه مش انتَ أخويا وتؤامى
سامح بقلق:ايوه عاوز ايه يعنى؟
حمزه:وعارف أنك بتحبنى ومش هترضى أنك تشوفنى بتضر*ب
سامح بتوتر:أيوه
حمزه:يبقى قابل بقى
دفعهُ حمزه بقوه تجاه داوود وركض سريعاً الى الداخل و*قع سامح وداوود على الأرض أثر دفعه حمزه والجميع ضحك بقوه على ذلك المنظر
ليل بضحك:احلى تغفيله دى ولا ايه
غاده بضحك ودموع:ولله ما قادره انا أتفاجئت من اللى حصل
كانت روز تضحك عليهم وليل كان شارد بضحكتها أفاقه من شروده تأ*وه داوود وسامح
داوود بند*ب وو*جع:ااهه يانى ااهه عليا وعلى ايامى السوده اه
سامح:انا مش قادر
داوود:مش قادر ايه انا اللي خدت الضر*به
حمزه من الأعلى:انا خدت الضر*به بجد ترارارا انا خدت الضر*به بجد
ضحك ليل على حمزه ومشاكسته فى داوود
داوود بغيظ:حد يشيله من قدامى وربنا همو*ته....انا ايه اللى خلانى نزلت مصر...كنت قاعد هناك معزز مكرم جيت هنا اتكس*حت ااااهه
سامح:بس بقى هتفضل تند*ب كدا زى الست كتير أخرس
داوود:وربنا هقوم أرز*عك بالكرسى عشان تحس أسكت
سامح:يا عم أقعد انتَ فيك حيل تقوم وانتَ اصلاً عمال تقهقه جنبى جتك نيله وظابط وعضلات وعاملى فيها جون سينا وانتَ اصلاَ من خبطه بتج*عر جنبى
غاده بضحك:بس بقى ولله همو*ت مش قادره
روز بضحك:انا عمرى ما شوفت ضحك كدا بجد
ليل:أخس عليكوا بجد أخس
سامح:عينى يا ليلي يااااا ليلي
ليل:باااااس انتَ هتقلبلى موال يا صا*يع
سامح بضحك:شوف يا داوود قريبين من بعض ازاى ليل وليلي
داوود:ولا انتَ وقعت على دماغك ولا ايه!
سامح بضحك:همو*ت مش قادر من كتر الضحك
بهاء:الواد أتهبل...يلا الحمد لله الف مبروك يا ليل أول أخ أهطل ليك
ليل:ربنا يشفيهم ولله
سامح بضحك:انا بتق*طع من جوايا ونسيت طعم الفرحه
داوود:بتتق*طع وبتضحك فى نفس الوقت لا بجد شابوه
بهاء:ولا انتَ ليك خال أهطل!
سامح بضحك وجع*ير:بهاااااااااء
بهاء:بااااااس جمو*سه ايدا
نهضت روز وهى تضحك بقوه وتوازنها يخ*تل
روز بضحك:انا هدخل عشان لو فضلت قاعده كدا همو*ت منكوا
سامح بضحك أشد:البت دى شاربه حاجه هى بتتطو*ح كدا ليه
ليل بقلق:واد يا سامح انتَ كويس يالا
سامح:بهاء
بهاء:نعم
سامح:إشفيك
بهاء:ايه؟
سامح بضحك:العب باليه...ربنا يشفيك
بهاء:انا أبتديت أخاف الواد دا الو*قعه أثرت عليه
ليل:أو تقل فى الأكل حبتين!
غاده بضحك:عن أذنكوا انا مش قادره بجد
سامح وما زال يضحك:يا غدغد غداغيدووووووو
ليل:قوم ياض انتَ واهدى
سامح:أشلون حالك وأحوالك
أمسك ليل زجاجه المياه وسكبها عليه مره واحده
ليل:فوووووق
سامح بشهقه:يخربيتك فى حد يعمل كدا
ليل:حضرتك فاتحها ضحك ومش ساكت
سامح:ايدا بجد؟
داوود:انتَ لو مص*طول مش هتضحك كدا
نهض سامح وعدل ثيابه وجلس
سامح:حصل خير
ظلوا يتحدثون قليلاً حتى وجد ليل هاتفه يرن وكان حمدان ابن خاله
ليل:ايوه يا حمدان
حمدان:أهلاً أهلاً بالحبايب
ليل بأبتسامه:عامل ايه يا حمدان وحشتنى
حمدان:ولله وانتَ كمان يا خوى
ليل:طمنى عليكوا كلكوا كويسين
حمدان:كلنا زين المهم انتَ صحتك عامله ايه
ليل:زى الفل الحمد لله
حمدان:ما تييجى يا عم تغير جو وبالمره تجعد معانا الشباب هنا بيسألوا عليك
ليل:مش هينفع يا حمدان
حمدان:وليه مينفعش نخلوه ينفع عاد
ليل بأبتسامه:مش بقولك وحشتنى...هاجى ازاى وانا كدا وكمان عندنا ضيفه وداوود هنا مش هينفع
حمدان:امى جالتلى...عادى يا ليل تنورونا ولله
ليل:مش هينفع بجد
حمدان:لا هينفع متجلجش ايه مش عاوز تشوفنى ولا ايه
ليل:نفسى ولله
حمدان:خلاص تعالى وبالمره تغير جو وتهدى شويه من اللى كنت فيه
ليل بأستسلام:حاضر يا حمدان اللى تشوفوا
حمدان بفرحه:ماشى يود عمى هتيجى ميته؟
ليل:هكون على قلبك من بكرا
حمدان:تنورنى يا غالى
ليل:تسلملى...أشوفك على خير باى
أغلق ليل معه وهو سعيد أنه سيراه قطع حديثهم وقال
ليل:جهزى الشنط يا ماما وأجهزوا عشان هنروح الصعيد بكرا
صفيه:حد ضغط عليك عشان توافق يا ليل؟
ليل بأبتسامه:لا يا امى انا اللى عاوز أغير جو
صفيه:ماشى يا ابنى
تحدثوا قليلاً وبعدها ذهب بهاء ونهض داوود كى يجهز حقيبته ذهبت روز وجلست معه
روز بتعجب:هو فى ايه هما بيحضروا ايه!
ليل:شنطهم وانتِ كمان حضرى شنطتك
روز بتعجب:ليه!
ليل:عشان هنروح الصعيد بكرا
روز:.........
#أحببتها_ولكن
#بيسو_وليد
