رواية اوتار القلب الفصل العشرون
*البارت ال ٢٠*
شهد اتصلت بنتاليا
نتاليا : ازيك يا شهد
شهد : مش بتردي بقالك كام يوم ليه
نتاليا : مكنتش عايزة اتكلم مع حد بس في ايه متعصبة ليه
شهد : في أن انت السبب في أن مراد يسيب البيت ويسافر ويسيبني وآخر حاجة سايبهالي رسالة ومحتواها يدل على أن انت السبب
نتاليا : ايه !!!!
شهد بسخرية : ايه فقدتي السمع !
نتاليا : طب هو راح فين
شهد : فهميني دلوقتي ايه اخر كلام حصل ما بينكوا
نتاليا حكت لها
شهد : ياريتني ما حاولت معاكوا واني اقربكوا من بعض انا السبب في كل اللي بيحصلي ده
نتاليا : ....
شهد : اقفلي ومش عايزة اعرفك تاني
نتاليا : اسمعيني طيب
شهد : لا سلام
وأغلقت المكالمة
نتاليا لنفسها : حتى شهد بعدت عني ! واخذت تبكي بحرقة
شهد اخذت تبكي بسبب سفر أخيها
قاطع بكائها
اتصال فارس
فارس : ازيك يا شهد اسف اني بقالي كتير مختفي بس كان عندي شوية مشاكل
شهد ببكاء : ولا يهمك
فارس بقلق : مالك في ايه
شهد : مراد
فارس : ماله
شهد : سافر وسابني
فارس : ايه !!!!
شهد : مراد سافر وسابني لوحدي
فارس : طب راح فين و ليه يسافر اصلا
شهد : كله بسبب نتاليا
فارس : رفضته بردو زي ما كنتي بتحكيلي ؟
شهد : اه وزعل وسافر عشان ميشوفهاش تاني .. طب انا ذنبي ايه في كل ده .. اديني قاعدة لوحدي مش عارفة اعمل ايه
فارس : حاسس اني عاجز اني مش عارف اعملك حاجة
شهد : متعملش حاجة
فارس : طب اقفلي كده وهكلمك تاني
شهد : تمام
واغلقوا المكالمة
فارس اتصل بزين وحكى له
فارس : عايزك تقول لاروى تروح تقعد معاها وتواسيها وكل شوية تروحلها كده وتطمن عليها ارجوك وتنزل معاها الجامعة
زين : حاضر
زين دق على باب غرفة اروى
اروى : ادخل
زين : عايزك في موضوع
اروى : نعم
زين حكى لها ما حدث
اروى : انا هروحلها دلوقتي
زين : استني هروح اغير هدومي واوصلك
اروى : لا هروح لوحدي
زين : ليه
اروى : كده انا حرة
زين : لسه زعلانة لحد دلوقتي ؟
اروى بسخرية : لا ازعل ليه
زين : انا غلطان انا اسف
اروى : ممكن تخرج عشان اعرف اغير هدومي
زين خرج من الغرفة وذهب لغرفته
وبدل ملابسه
واروى بدلت ملابسها
زين : يلا ؟
اروى : يلا فين انا هنزل لوحدي قُلت
زين بهدوء : يلا يا اروى
اروى ذهبت وهو خلفها
وبعدها اخبر فارس بأن اروى ستذهب لشهد
فارس اتصل بشهد
فارس : شهد ، اروى جايالك في الطريق
شهد : ليه
فارس : لما حكيتلها قالتلي انها رايحالك البيت
شهد : ليه بتحكيلها يا فارس بس
فارس : كان لازم حد من صحابك يعرف
شهد : تمام يا فارس سلام
واغلقوا المكالمة
زين اوصل اروى لبيت شهد
اروى نزلت من السيارة دون أي كلمة
زين : اجيلك امتى
اروى : هرجع لوحدي
زين : اجيلك امتى يا اروى
اروى : يييه .. لما اتصل بيك
زين : تمام
وذهب
وهي صعدت لبيت شهد
اروى دقت على باب الشقة
شهد فتحت الباب وحضنت اروى واخذت تبكي بحرقة
اروى : اهدي بس براحة
شهد : اتفضلي يا اروى ادخلي
ودخلوا
اروى : احكيلي بقا ايه اللي حصل
*فلاش باك*
من 4 أيام
شهد استيقظت من نومها وجهزت الفطار ودخلت غرفة مراد
شهد : مراد ، اصحى يلا عشان تفطر
- يلا يا مراد بقا دانت نومك رخم
وسحبت الغطاء من عليه
شهد : !!!!
- مراااد
ولفت على كل الغرف لكن لا فائدة كأنه فص ملح وذاب
دخلت غرفته مرة أخرى وجدت ورقة
محتوى الرسالة " انا اسف يا شهد بس كان لازم ابعد عن هنا كذا يوم لأن طول ما انا قاعد هنا هتجرح اكتر انا مسافر كام يوم وراجع تاني بس اديني وقتي .. اسف تاني "
فتحتها وقرأت ما بداخلها واخذت تبكي بحرقة واخذت
تحاول أن تتواصل معه لكن لا فائدة واتصلت على نتاليا عدة مرات لكن لا فائدة أيضا
*باك*
شهد : مش عارفة ازاي يسيبني كده .. كان خَدني معاه طيب مكانش المفروض يسيبني لوحدي كده
اروى : وكمان خطوبتك فاضلها اسبوع هتعملي ايه
شهد : مش عارفة
اروى : طب اهدي وكل حاجة تتحل
شهد : حتى مش عارفة اتواصل معاه ولا واتساب ولا ماسنچر ولا اي حاجة كأنه فص ملح وذاب يا اروى
اروى نظرت لها بحزن : طب بقولك ايه تعالي نعمل حاجة نشربها
شهد : لا مليش نفس
اروى : اخلصي يا شهد والله هزعل
شهد مسحت دموعها : يلا
ذهبوا للمطبخ وشربوا قهوة
اروى : فكي بقا
شهد : فكيت اهو بس اتمنى يرجع بسرعة
اروى : إن شاء الله يا حبيبتي
وبعد فترة اروى اتصلت بزين ورجعت لبيتها
زين فتح باب الشقة : اتفضلي
اروى دخلت
- Happy birthday to you .. Happy birthday to you .. Happy birthday to Rory .. Happy birthday to you
لينا : اتفضلي هديتك يا اجمل مهندسة في الدنيا
اروى عانقتها : شكرا يا ليلو
زياد : اتفضلي هديتك ياللي مغلباني
اروى عانقته : احلى زوز في الدنيا
زين : مش ناوية تاخدي هديتك مني ؟
اروى نظرت لزين بحزن : ....
زياد : هو اللي عمل كل ده يا اروى .. متزعليش منه
زين تقدم نحوها : ياريت تقبليها مني
اروى ابتسمت واخذت الهدية : شكرا
زين : شكرا !! .. طب افتحي الهدية كده
اروى فتحت الهدية ووجدت خاتم الماظ
اروى نظرت لزين بدهشة : هزار بقا وكده صح ؟
زين بضحك : ملامح الدهشة عليكي تحفة
اروى : زين ، ده بجد ؟
زين : اه بجد
اروى : ده نفس الشكل اللي كان نفسي فيه
زين : عيب عليكي
اروى : الله .. بجد شكله حلو اوي
زين : مليش حضن زيهم ؟
اروى : دانت ليك مليون حضن مش حضن واحد بس
زين فتح يديه لتعانقه
اروى ذهبت نحوه وعانقته بفرحة
زين بهمس : لسه زعلانة ؟
اروى بهمس : سيكا كده بس بعد ما يمشوا هنتعاتب
زين بهمس : وانا جاهز لاي حاجة تقوليها
زياد : ما خلاص راعوا أن في ناس مش متجوزة هنا
زين : انت مالك يا اخي مراتي ملكش دعوة دانت رخم
لينا : خلاااص يلا نقطع التورتة لان شكلها مُغري جدا
اروى وزين بضحك : يلا
وقطعوا التورتة واحتفلوا
وبعد وقت طويل زياد ولينا رجعوا لبيتهم
زين : اتفضلي عاتبيني
اروى : افهم ليه قولت جملة أن " مرض اختي جه ع دماغك " ؟ جه على دماغك في ايه معلش ؟
زين : انت مكنتيش ملاحظة انك بتبعدي عني بسببها
اروى : اختي وتعبانة وجالها فقدان ذاكرة مؤقت وانت بتقول ببعد او بقرب بجد والله !
زين : انا اسف حقك عليا .. انا قُلتها وانا متعصب سامحيني
اروى : مسامحاك بس بجد كنت متضايقة من الجملة دي جدا
زين عانقها : انا اسف تاني
أروى أشارت بالايجابية
زين : يلا هتنامي ؟
اروى أشارت بالايجابية
زين : يلا بينا .. وعلى اوضتنا مش اوضة الاطفال هه
اروى ابتسمت : لا مانت خلاص صالحتني ف هرجع اوضتي تاني ولا كأن حاجة حصلت
زين بضحك : يلا بينا
وذهبوا لغرفتهم وناموا
____________________________
لا حول ولا قوة إلا بالله العلي العظيم ♥️
مر 6 ايام
فارس : اعمل ايه يا زين .. المفروض خطوبتي انا وشهد بكرة .. بس اخوها لسه مرجعش
زين : انا واثق أنه هييجي والخطوبة هتتم إن شاء الله
فارس : اتمنى
مراد فتح باب الشقة
شهد في غرفتها : مراد !!
وخرجت من غرفتها وجدت مراد
مراد فتح يديه لتعانقه
لكن شهد تجاهلته ودخلت غرفتها مرة أخرى
مراد لنفسه : عمرها ما هتسامحني على اللي عملته ده
مراد دق على باب غرفتها
شهد : مش هفتخ
مراد : عشان خاطري
شهد : زي مانا مليش خاطر عندك واكملت ببكاء : وسيبتني ومشيت .. يبقى ملكش خاطر عندي انت كمان وملكش دعوة بيا
مراد : انا رجعت ع طول عشانك وعشان خطوبتك بكرة
شهد : والله ! كويس انك فاكر أن خطوبتي بكرة اصلا
مراد : افتحي بقا
شهد : مش هفتح .. مش عايزة اشوفك
مراد : انا اسف
شهد : امشي يا مراد بقا .. و اه ، خطوبتي بكرة مش هتحضرها .. كأنك لسه مسافر بالظبط وملكش دعوة بأي حاجة بتحصل في حياتي
مراد حزن من كلامها ودخل غرفته
فارس اتصل بشهد
فارس : ها طمنيني في حاجة جديدة حصلت ؟
شهد ببكاء : اه
فارس : ايه اللي حصل وبتعيطي ليه ؟
شهد : مراد رجع
فارس : طب بتعيطي ليه
شهد : اتخانقت معاه وقولتله ... وحكت له ما حدث
فارس ضرب رأسه بيده : ليه قولتيله كده يا شهد
شهد : عشان هو سابني في اكتر وقت كنت محتاجاه فيه وهو بكل برود سافر وسابني لوحدي
فارس : انا هكلمه
شهد : لا يا فارس
فارس : ليه
شهد : كده وانا هعتبر أن مراد مات
فارس بصدمة : ايه اللي بتقوليه ده
شهد : زي ما بقولك والخطوبة هتتم بكرة من غيره
فارس : اهدي بس دلوقتي وفكري في اللي انت قولتيه هتكتشفي أن اللي قولتيه ده كله غلط
شهد : هتشوف ايه اللي هيحصل .. سلام يا فارس
فارس : سلام .. واتمنى تهدي
واغلقوا المكالمة
فارس اتصل بزين وأخبره بما حدث
زين : اتصل بمراد وافهم منه هو عمل كده ليه
فارس : تمام .. سلام
فارس اتصل بمراد
مراد : ازيك يا فارس
فارس : الحمدلله .. ازيك انت يا مراد
مراد : الحمدلله
فارس : فينك مختفي ليه
مراد : حصل شوية مشاكل وسافرت كام يوم
فارس : شهد زعلانة منك اوي يا مراد
مراد بحزن : عارف
فارس : وساكت ؟
مراد : مفيش في أيدي حاجة اعملها
فارس : حاول تصالحها بأي شكل .. انا لسه مكلمها وكانت منهارة .. ممكن تعمل في نفسها حاجة
مراد : انا هروحلها تاني .. روح انت دلوقتي يا فارس
فارس : تمام
واغلقوا المكالمة
مراد ذهب لغرفة شهد ودق على الباب
شهد : قُلت مش هفتح
مراد : اسمعيني ولو لمرة واحدة
شهد : لا
مراد نزل
وبعد فترة رجع مرة أخرى
مراد : طب انا جايبلك حاجة هتحبيها
شهد : مش عايزة حاجة منك
مراد : خلاص هسميه انا اسم تاتي غير بندق
شهد : بندق !
شهد ركضت نحو الباب
شهد : سيب القط أمام الباب وامشي
مراد : حاضر ووضع القط أمام الباب وتحرك خطوتين ليوهمها أنه ذهب
فتحت شهد الباب بفرحة ووجدت بوكس وبه قط صغير
شهد مسحت دموعها : الله
وكادت أن تدخل الغرفة وتغلق الباب لكن مراد دخل ورائها رغما عنها
شهد : يييه امشي بقا
مراد : يالهوي .. شوفي عينك عاملة ازاي .. وخطوبتك بكرة
شهد : ملكش دعوة بيا
مراد : لا ليا .. ممكن تبطلي عياط وتسمعيني للآخر
شهد : عارفة كل حاجة مش محتاجة اسمعك
مراد : بقول اسمعيني
شهد : بس عشان بندق نايم
مراد بضحك : سميتيه بندق بردو !
شهد : ليك نِفس تضحك
مراد : اسمعيني يا رخمة
شهد بزهق : هاا
مراد : بصي ، انا مكنتش عايز ابعد عنك .. انا بس اضطريت اسافر وابعد عشان كنت عايز افصل من الزهق اللي انا فيه وانا هنا .. وكمان بسبب صاحبتك اللي الله يسامحها بقا هي اللي كانت هتخليني ادخل في مرحلة اكتئاب وانا سافرت أسبوع بس
شهد : الاسبوع ده حاجة سهلة بالنسبالك ؟
مراد : انا اسف يا شهد
شهد : فاكر لما قولتلي لما بندق مات انك عمرك ما هتزعلني .. اديك زعلتني مش بس يوم لا ده اسبوع كامل .. والله بجد حرام عليك اللي انت عملته فيا ده .. الحاجة الوحيدة اللي ممكن تخليني اسامحك انك عوضتني عن فراق بندق اللي هو كان كل حياتي .. بجد وحشني اوي وشكرا على القط ده
مراد عانقها بحنان : انا اسف .. مكنتش اعرف ان هيحصل كل ده لما اسافر والله اسف
شهد : طب كنت خدني معاك حتى
مراد : كنت عايز افصل واقعد لوحدي كام يوم كده
شهد : يعني أنا عبء عليك ؟
مراد : والله ما اقصد بس ....
شهد : كفاية كلام لو سمحت وروح اوضتك يلا
مراد : مسامحاني
شهد : لحد ما اه مسامحاك بس عمر ما علاقتنا هترجع زي الاول لانك اذيتني كتير اوي
مراد : هعوضك على كل حاجة اذيتك فيها
شهد : إن شاء الله .. تصبح على خير
مراد : وانت من أهله
وذهب لغرفته ونام
وشهد بعدما تأملت جمال القط نامت
____________________________
لا اله إلا الله ♥️
باليوم التالي
اروى اتصلت بمريم وهدى وريم
اروى : احنا لازم نروح نساعدها
ريم : أيوة فعلا انا هجهز اهو من دلوقتي ويلا نروح سوا
هدى : وانا كمان هقوم اهو
مريم : وانا كمان يلا بينا
واغلقوا المكالمة وجهزوا
وذهبوا لبيت شهد
شهد بفرحة : والله نورتوا البيت
اروى وهدى ومريم وريم : بنورك يا اجمل شهد
وساعدوها وجهزت شهد وكانت مثل القمر
اروى ومريم وهدى وريم : زي القمر ما شاء الله
شهد بفرحة : شكرا انكوا جيتوا تساعدوني
مراد سمع صوتهم وفرحتهم ودق على الباب : ممكن ادخل ؟
اختفت الابتسامة من على وجه شهد ونظرت لهم
اروى بهمس : هفتحله
شهد بضيق أشارت بالايجابية
مراد دخل : بسم الله ما شاء الله قمر .. اختي قمر
شهد بابتسامة مصطنعة : شكرا
مراد عانقها : اجمل عروسة شافتها عيني
شهد ابتسمت مرة أخرى نفس الابتسامة المصطنعة
مراد : انا رايح استقبل الضيوف
وحس بزعلها وخرج بحزن
مراد لنفسه : مش عارف اعمل ايه اخليها تحبني زي الاول تاني ومتزعلش مني .. يارب قدرني واقدر افرحها
وبعدها الكل وصل للقاعة
وبعد قليل
الخطوبة بدأت
واحتفلوا ولبسوا الدبل
فارس بهمس : شُفتي مش قولتلك أن لما تهدي وتفكري كل حاجة هتتحل ؟ .. و ادي اهو مراد قاعد قدامنا وبيدمع من الفرحة
شهد نظرت لمراد وجدته يدمع
مراد عندما وجد شهد تنظر له مسح دموعه بسرعة
ونظرت لفارس مرة أخرى وابتسمت
فارس : خلي الابتسامة دي على وشك ع طول
شهد ابتسمت مرة أخرى : شكرا بجد
فارس بضحك : الاه انا عملت حاجة ؟
شهد ضحكت
وفي نصف الخطوبة
- ازيك يا مراد
مراد : أنتِ !!
نتاليا : اه انا .. ممكن اتكلم معاك شوية ؟
مراد تجاهل كلامها ونظر لشهد مرة أخرى التي ترقص مع خطيبها بفرحة
نتاليا : انا بكلمك يا مراد
مراد : ابعدي عني بقا
نتاليا : لا مش هبعد
مراد : عايزة ايه اخلصي قولي
نتاليا : عايزة اتكلم معاك
مراد : وانا مش هتكلم معاكي يا نتاليا خلصنا ؟
نتاليا : لو سمحت اديني فرصة
مراد سحب نتاليا وخرجوا من القاعة
مراد : اديكي فرصة ؟ .. انا اللي اديكي فرصة ؟ .. انا اللي كنت بموت قدامك وانت قاعدة تكسري في قلبي وتكسريه اكتر وعايزاني اديكي فرصة ! .. انا اللي كنت بتمنى انك تديني فرصة وتدي نفسك فرصة قبل ما تديهالي .. وبعدين عايزاني اديكي فرصة ؟ .. ده بعينك .. مش عايز اشوف وشك تاني يا نتاليا وابعدي عننا لو سمحتي
نتاليا نظرت له بحزن : انا اسفه
مراد : اسفه على ايه ولا ايه ولا ايه بقا ما خلاص .. وبعدين لحظة هي شهد عزمتك ؟
نتاليا أشارت بالسلبية
مراد : حد عزمك عامةً
نتاليا أشارت بالسلبية
مراد : اومال جاية ليه
نتاليا : جاية عشان خطوبة صاحبة عمري النهاردة مهما حصل ايه لازم احضر
مراد : مشوفتش حد عايز يهزق نفسه بالطريقة دي بجد
نتاليا : ....
مراد : امشي يا نتاليا بقا
نتاليا ذهبت بحزن
مراد دخل القاعة مرة أخرى
شهد نظرت له بتعجب
مراد ابتسم لها وبعدها دخل ورقص معها هي وفارس
وبعد قليل جاء مازن
اروى لمحته
اروى : الحقي يا لينا مين جه
لينا نظرت ع الباب وجدت مازن
لينا : يالهوي هعمل ايه ده كل الناس اللي اعرفها من سنتين امامي
اروى : لو قرب مننا هنبقى نعمل أي حاجة أمامه وخلاص
لينا أشارت بالايجابية
اروى : جاي جاي
لينا : تعالي نروح الحمام ولا اقولك تعالي نخرج برا القاعة خالص
اروى ولينا خرجوا من القاعة
اروى : هتعملي ايه
لينا : مش عارفة والله
اروى : كده كل حاجة هتبوظ
لينا : ازاي مقولتيش أنه جاي
اروى : نسيت أنه جاي اصلا
لينا : ياربييي .. هعمل ايه
اروى : ما هو احنا لازم نمثل عليه ونعمل نفس اللي عملناه المرة اللي فاتت
لينا : ازاي
اروى : تعالي لنا ينزل الاكل وبعدها لما تشربي البيبسي قومي واعملي نفسك هتقعي أمامه وشوفي هيعمل ايه زي الموقف اللي حصل في فرحي
لينا : صح انت صح
ودخلوا القاعة مرة أخرى
لمحهم مازن
مازن لنفسه بحزن : نفسي اقوم واعملك اي حاجة تفكرك
وبعدها نزل الاكل كالمعتاد ومسكت لينا البيبسي
ووقفت وكانت خارجة من القاعة وكادت أن تقع لكن مازن امسك بها
مازن : مش كفاية تمثيل لحد كده ؟
لينا بصدمة : ....
بدل ماتدور وتبحث علي الروايات خليها علي تليفونك وحمل تطبيقنا
