رواية انتي ملاكي الفصل الثاني
مرحله جديده فى حياة ادم وملك لا تخلو من عناد ملك وغيرة ادم
تسللت خيوط الشمس الذهبيه عبر نافذه الغرفه .....تململت ملك في الفراش وفتحت عينيها الزرقاء ببطء فوجدت ساره تصرخ بها
ساره بصراخ /يلا ياكسلانه هنتاخر
ملك وهى تضع الوساده على راسها / ساره اطلعى من نفوخى عايزه انام
ساره تقدمت منها بغضب وسحبت الوساده / ملك انجزى هنتاخر بقالى ساعه بصحى فيكى
ملك ازالت الغطاء عنها وقالت وهى تتثاوب\ انا قومت خلاص روحى انتى وانا جايه وراكى
ساره \ طيب يلا بسرعه "رمت عليها الوساده وخرجت من الغرفه "
دخلت ملك الحمام غسلت وجهها وخرجت ارتدت ملابسها بسرعه و ونظرت لنفسها فى المرأه وامسكت الفرشاه ومررت الفرشاه خلال شعرها ثم ابتسمت برضا وفتحت الباب ونزلت على الدرج رات والدتها وجدها وساره ملتفون حاولين السفره فذهبت قبلت جدها و والدتها
ملك بابتسامه / صباح الفل ياجدو ياحبيبى
ابراهيم بابتسامه \ صباح الفل يانور عينى
جلست ملك لتفطر
ساره / يلا انتى لسه هتفطرى
الجد/ سبيها تفطر وبعدين روحو "نظر لملك " خدتى العلاج"
ملك \ايوه , يلا انا اكلت الحمد الله يلا يا ساره
ليلى / استنو ادم هيوصلكم انا مش عارفه هو اتاخر ليه
نزل شاب وسيم من على الدرج كان يبدو انيقا
قال بابتسامه جذابه/ صباح الخير
التفت الجميع ليرو ادم
ملك بنظرة اعجاب / واو يا ادم ايه الشياكه ديه
ادم غامزا / حلو مش كده
ملك ضاحكه /يا عم متتغرش اوى كده
ادم ابتسم ولكن نظر لها ليرى شعرها المنسدل على ظهرها ويعطيها جمالا فتحول ادم غاضبا
ادم امسك يدها بقوه \ ايه ده انتى هتروحى الجامعه كده
ملك وهى تحول ابعاد يده \ وفيها ايه انا لبسى محترم
ادم \ وشعرك ياهانم
ملك وهى تحسس على شعرها \ ماله هو عجبنى كده
ادم بحده \ ملك بلاش تعصبينى يلا اطلعى لمى شعرك بسرعه وقسما بالله لو لقيتك مسيباه مش هيحصلك طيب
ملك \ وانت مالك انا عجبنى شعرى كده
ادم نظر لها نظره اخافتها فقالت \ قول حاجه يا جدو
ابراهيم \ ملك ادم كل يوم يقولك متسيبيش شعرك لكن انتى بتعندى فاسمعى الكلام
ادم \ يلا هعد لخمسه لو متطلعتيش تلمى شعرك انا هقصهولك فاهمه
ملك دبت على الارض بطفوليه \ انت غلس يا ادم
ادم \ واحد.. اثنين ..
ملك ركضت على السلم ودلفت الى غرفتها لمت شعرها وقالت \ والله لهوريك يا ادم
نزلت ملك نظر لها ادم وامسك وجنتيها \ ايوه كده احبك لما تسمعى الكلام
ملك نظرت له بغضب ورحلت من امامه فابتسم ادم
ملك وساره صعدو الى السياره
ادم صعد الى السياره وقال \هو انا السواق بتعكو حد يجى يقعد قدام
ساره \ انا مبحبش اقعد قدام
ادم \ خلاص تعالى انتى ياملك
ملك \ وانا مش طيقاك
ادم \ ملك تعالى قدام والا هنزل اشيلك غصب عنك
ملك كادت تصرخ به ولكن نظرت لها ساره وقال \ بلاش تعندى هيشيلك هيشيلك زى كل مرة
ملك نظرت لها ثم تنهدت ونزلت وجلست بجانبه اما هو ابتسم وهو يراها غاضبه وقاد السياره
ابراهيم / انا نفسى يوم يعدى من غير المناقره ديه
ليلى ضاحكه \ مستحيل ياعمى دول عاملين زى القط والفار
فى الجامعه نزلت ساره وملك من السياره
ادم / هفوت عليكم بعد اما تخلصو
ملك / بلاش تتعب نفسك
ادم بابتسامه / انا عارف انه تعب طول ما انتى فيها
ملك بضيق / ابعد ياشاطر من هنا
ادم ممسدا على شعره / ماشى ياستى يلا سلام "عمز لها ورحل"
ادم انطلق الى عمله
...:صباح الخير على المتاخرين دايما
ملك / ازيك يا شذى اخبارك ايه
(شذى صديقة ملك وساره قصيرة القامه عيناها رمادتيان وشعرها الاسود)
شذى / كويسه انتو اتأخرتو ليه المحاضره بدات
ملك ببضيق / اهو اتاخرنا بسبب ادم عجبك كده يا ساره
ساره ضاحكه /حرام عليكى ياشيخه ده بدل متشكريه
ملك بغضب / صحيح ما انتى اخته
ظلت ساره وشذى يضحكون على ملك التى كادت تنفجر من الغيظ
دخلو اللى المحاضره
كانت ساره منشغله بالبحث عن شخص وعندما رأته ينظر لها ابتسمت له وهو ايضا ابتسم لها وقال بهمس \ وحشتينى
لتراهم ملك فادارت وجه ساره \ ركزى فى المحاضره
فى شركة ابراهيم
دخل ادم الشركه فوقف الجميع احتراما له ليحييه, ادم صعد الى مكتبه قابلته السكرتيره
جنا / صباح الخير ادم بيه
ادم بجديه / اطلبلى قهوه ودخليهالى و قولى لكريم يجيب ورق المناقصه ويجى
جنا / امرك ادم بيه
ادم جلس على مكتبه ويبتسم على منظر ملك فى الصباح فجاءه دخل عليه كريم
كريم بابتسامه / اهلا ادم بيه مش معقول معجزه
ادم ضاحكا / لا والله ليه ان شاء الله
كريم / اصلها غريبه انك تيجى بدرى كده
ادم مبتسما / كنت بوصل ساره وملك الجامعه
كريم ضاحكا / اها انا كده فهمت "ثم قال بخبث " صحيح ملك عامله ايه اصلها وحشتنى اوى بنت الذينه بس يابخت الى هيتجوزها جمال واخلاق
تطاير الغضب من عين ادم من تلك الكلمه فنهض من مكتبه واقترب من كريم
كريم بخوف \ انا بهزر والله
ادم \ كريم انت عارف ملك خط احمر ومش هقبل ان اى حد يتكلم عنها او يفكر حتى يبصلها فاهم
كريم \ يابنى مصيرها تتجوز وجوزها هيبعدها عنكم وهيبقى هو كل حاجه فى حياتها لكن .....
كريم لم يكمل كلامه بسبب لكمه من قبضة ادم ادت الى سقوطه من على الكرسى ليمسك ادم كريم من ياقة قميصه \ كريم ملك ليا وانا مش هسمح لاى مخلوق انه يخدها منى وعلشان منخسرش بعض بلاش تجيب اسمها على لسانك مفهوم
كريم وهو يحسس على وجه \ حرام عليك يا ادم ايدك مرزبه
ادم نهض وجلس على مكتبه وقال بهدوء \ علشان تحرم
كريم \ بس تصدق مكنتش اعرف انك بتحبها اوى كده
ادم بتنهيده \ للاسف ملك بتعاملنى على انى اخوها مش اكتر
فتح الباب لتدلف جنا \ اتفضل القهوه يا فندم
كريم بابتسامه \ طيب فين قهوتى
جنا بخجل \ حضرتك مقولتليش "ثم رفعت نظرها لكريم لتنصدم \ انت ايه الى عمل فيك كده انت كويس
كريم غامزا\ ايه خايفه عليا
جنا توترت وتوردت وجنتايها وقالت \احم عن اذنكم
كريم بحب \ طب والله عسل
خرجت جنا ووضعت يدها على قلبها وابتسمت
فى الجامعه
بعد انتهاء المحاضرات جلسو بالكافتريا
كان هناك شباب يجلسون مع بعض فقام شاب وجلس مع البنات
......./ صباح الخير يا حلوين
ساره /نعم فى حاجه
حسام/ مالك ياعم زعلان ليه ومركب الوش الخشب
ساره بضيق : ايه ده انت بتكلم واحد صاحبك
حسام: فيه ايه مالك
ساره بغضب/ ممكن اعرف سيادتك كنت فين اليومين الى فاتو
حسام / معلش اصل كنت مشغول فى توضيب الشقه
ساره / طيب هتخلص امتى
حسام بابتسامه / يعنى ان شاء الله بعد الامتحانات هتكون خلصت ونتجوز بقا
ملك ضاحكه/ ايه يابنى مسروع على الجواز ليه
حسام بضيق/ اسكتى انتى انا بقالى 3 سنين خاطب وطالع عين الى خلفونى فى الشقه وجدك كل شويه يأجل الفرح
ساره ضاحكه/ معلش يا حبيبى
حسام غامزا / ايوه بقا والنعمه عسل
ساره / لم نفسك يا حسام احنا فى الجامعه
اقترب شخص من حسام
عمرو /ازيك ياحسام
حسام / عاش من شافك كنت فين
ابتسمت شذى وظلت تنظر له وهو نظر لها وابتسم بحب
ثم اكمل بحزن
عمرو /مفيش كان عندى مشاكل عموما انا مسافر
نهضت شذى بحزن وابتعدت عنهم لينظر لها بحزن
حسام قام من مكانه / هتسافر ليه
عمرو وهو مزال ينظر لها وهى ترحل / انا هسافر لوالدى هو تعبان شويه
حسام / لا الف سلامه عليه ان شاء الله خير
عمرو بابتسامه \ ازيك ياملك اخبارك ايه
ملك \ الحمد الله ايه مختفى ليه
عمرو \ ظروف بقا والدى مريض ولازم اسافرله هتوحشينى على فكره
ملك نظرت له باستغراب ولكن لمحت عينه الصادقه فقالت \ وانت كمان
عمرو \ اكيد هشوفك تانى
ملك بابتسامه\ ان شاء الله
حسام لنفسه \ ينهار اسود عمروو وملك ده لو ادم عرف هيجيب اجله
هناك شاب اتجه نحية ملك فقامت ملك لتتحدث معه
لينتهز عمرو الفرصه وركض خلف شذى \ شذى استنى
شذى مسحت دموعها والتفت له \ نعم ياعمرو
عمرو \شذى انا اسف بس لازم اسافر اوعدك انى هرجع علطول
شذى \ طيب انت بتقولى الكلام ده ليه
عمرو اقترب منها \ شذى انا بحبك وعايز اعرف اذا كنتى بتبدلينى نفس الشعور ولا لا
شذى ظلت صامته لا تعلم ماذا تقول فالتفتت لتكمل طريقها
فقال عمرو بحزن \ سلام ياشذى
شذى التفتت له وقالت \ هستناك ياعمرووو
عمرو نظر لها بحب \ هعتبر ده رد على سوالى
شذى ابتسمت ولكن لمحت شخص تعرفه ونظرت الى ملك راتها تقف مع شاب فركضت لها بسرعه وقالت
شذى بقلق\ ليلتك سوده يا ملك
ياترى شذى شافت مين وايه الى هيحصل ؟؟؟؟
يتبع.....
بدل ماتدور وتبحث علي الروايات خليها علي تليفونك وحمل تطبيقنا
