رواية قلوب حائره الفصل الثالث والثلاثون
...................\ ليه شيفانى بتعذب وتكذبي عليا عارفه انى هموت واشوفهم وبرضو مصعبتش عليكى ......
التف الجميع على صوته لتنصدم ولاء ظلت تتطلع عليه بعدم تصديق
رحاب بسعاده \ بابا .....
عبد اللطيف اقترب منه واحتضنه \ حمد الله على السلامه يابني
حسن نظر لولاء لا يصدق ان ابنته امام عيناه
ماذن ابتسم واقترب من ولاء ونظر لوالده \ ايه رايك فى المفجاءه
حسن بعين دامعه \ ايه ياولاء مش هتجري عليا زي مكنتي بتعملى زمان
ولاء ادمعت عيناها وركضت بسرعه اليه لتحتضنه باشتياق ليقول بين دموعه \ وحشتينى اوي ..وقال وهو يمسح دموعها ..انتى كبرتى مش هعرف اشيلك زي زمان
ضحكت وسط دموعها \ مش مهم كفايه اكون معاك
حسن \ اخيرا مش مصدق اخيرا بقيتو فى حضنى ........صمت قليلا ورفع عيناه يبحث عنها
وقال بتسائل \ فين نور عايز اشوفها
رحاب بحزن \ اصلها .....
حسن بخوف \ فى ايه نور فين
عبد اللطيف بقلق \ نور هتبقى كويسه ان شاء الله
حسن \ يعني ايه هتكون كويسه بنتى فين
ولاء بدموع \ نور فى المستشفى
حسن \ ليه مالها ....اتكلمو نور حصلها ايه
عبد اللطيف \ متقلقش عليها هتبقى كويسه
حسن \ انا عايز اشوفها ودوني ليها
ليلى \ انا الى غلطانه انا السبب
عبد اللطيف التفت لليلى \ انتى لسه هنا اتفضلى اطلعى بره انتى ملكيش مكان عندنا
ليلى \ سمحونى انا عارفه انى غلط بس اوعدكم مش هعمل كده تانى
حسن \ انا مستحيل اسمحك اطلعى بره البيت ده ومنشوفكيش هنا تانى واحمدي ربنا انى مسجنتكيش
ليلى نظرت لهم بحزن \ انا فعلا غلطت وطول حياتى خايفه لحسن السر يتكشف واكتشفت انى مستفدتش اي حاجه انا اسفه بتمنى انكم تسامحوني واتمنى لو شاديه عايشه علشان تسامحنى
حسن ابتعد خطوتان نظر لها بصدمه \ لو عايشه ....يعنى ايه انا مش فاهم هى شاديه ماتت
عبد اللطيف \ ايوه ياحسن شاديه اتوفت البقاء لله
.........
لمح رامز الطبيب فذهب اليه \ خير يادكتور فى حاجه
خالد \ دلوقتى انسب وقت انها تعمل العمليه
رامز \ حضرتك قولت بكره الصبح
خالد \ ده على اساس نكون قدرنا نجهزها للعمليه خوفا ليكون فى نزيف او اي حاجه بسبب الوقعه لكن كل حاجه تمام فميش وقت ناخرها كل دقيقه هتفرق معانا
رامز بقلق \ طيب صرحنى يادكتور فى اي خطر فى العمليه
خالد وضع يده على كتفه \ متقلقش خالص هى هتبقى كويسه ..اتصل بقى بالجماعه وعرفهم
ابتعد خالد ليمسك رامز بهاتفه وييقوم بالاتصال بحازم واستمع لرنين ثم اجاب
حازم بقلق \ خير يارامز
رامز \ نور هتدخل العمليات
حازم \ ليه هو فى حاجه حصلت
رامز \ لا بس الدكتور قال ان ده الوقت المناسب
حازم \ طيب احنا جايين فى الطريق
...............
رامز واقف قلقان وفجاءه لمح حسن من بعيد فذهب اليه \ انت رجعت امتى
حسن \ فين نورانا عايز اشوف بنتى
رامز \ فى العمليات
ولا بخوف \ يارب استر انا خايفه اوي
هيام بقلق \ ان شاء الله هتقوم بالسلامه
..................................مرت ساعه كانو منتظرين امام غرفة العمليات بفارغ الصبر
وفجاءه لمحو حركه غير طبيعبه
ولاء بقلق \ هو فى ايه
رامز ذهب واوقق الممرضه \ لو سمحتى هو فى ايه
الممرضه \ للاسف الحاله حرجه اوي محتاجين نقل دم بسرعه ...........
رامز بخوف \ ليه حصل ايه
الممرضه \ حصلها نزيف
حسن بخوف \ هي نفس فصيلة دمي ارجوكي بسرعه
الممرضه \ تعالى معايا
مر وقت حتى خرج خالد من غرفة العمليات فركضت هيام اليه \ ايه الى حصل ياخالد ارجوك طمني
خالد بابتسامه \ متقلقيش العمليه نجحت وهى دلوقتى فى العنايه
حسن نظر له \ شكرا ياخالد
خالد نظر له وقال \ العفو على ايه ياحسن ده واجبي
حازم نظر للطبيب بشك واقترب من ايهاب \ انت تعرف الراجل ده
ايهاب \ لا اول مره اشوفه
حازم \ انا بقي شوفته كان واقف مع ماما قبل كده وواضح ان عمو كمان عرفه
ايهاب \ لحسن يكون هو ......
حازم \ هو مين
ايهاب \ اتاكد الاول
عبد اللطيف من خلفهم \ هو الى انت تقصده
ايهاب التفت اليه \هو ده الى كان خاطب ماما
حازم \ خاطبها
عبد اللطيف \ ورجع من فتره وجيه طلبها تانى بس هي رفضت علشانكم
ايهاب بحزن \ بس المرادي لا هى لازم تعيش زي كل الناس
حازم ابتسم بمكر \ يبقى اتفقنا
ايهاب بصله وابتسم \ اتفقنا
فجاءه حازم لمح فريده فتافف بضيق وذهب اليها \ نعم ايه الى جابك
فريده \ انت بتعاملى كده ليه
حازم \ فريده انا بجد مش نقصك فياريت تمشي
فريده \ انا عارفه انك زعلان بس انا كنت خايفه على نفسي
حازم اقترب منها وهمس \ ياريت تمشي من هنا بدل ما اقل منك قدام كل الناس
ولاء اقتربت منهم \ فى ايه وانتى ايه الى جابك هنا اتفضل امشي
حازم التفت لها \ هو ده الى انا بقوله
ولاء بضيق \ فعلا
فريده \ انا اسفه ياولاء بس مكنش قصدي
حازم \ خلاص يافريده
فريده \ حازم انا بحبك
ولاء بغضب \ حبك بورص
حازم ابتسم واقترب منها \ ايه بتغيري عليا ولا ايه
ولاء نظرت له بتوتر \ ليه انا مش فارق معايا
حازم \ بس انا فارق معايا
ولاء نظرت له لتراه ينظر لها بنظرات جعلتها تخجل
حازم امسك يد ولاء و نظر لفريده وقال \ انا كنت فاكر انى بحبك بس لما شوفت ولاء وشوفت عصبيتها وجنانها سرقت عقلى وقلبى للاسف مبقاش ليكى مكان فى حياتى
.....................
فتحت عيناها تظرت حولها لمحت اجهزه استغربت وفجاءه شعرت بيد ممسكه بيدها فرفعت نظرها لتراه امامها ظلت تنظر له لمده
ابتسم بين دموع \ مش فاكرانى يانور قلبي...........
نور اغمضت عيناها وفتحتها مره اخري بعدم تصديق \ انت.....
يتبع....
جاري كتابه الفصل الجديد من الروايه حصريه لعالم سيكرهوم اترك تعليق ليصلك البارت فور نزوله او حاول زيارتنا الليله
شكرا لزيارتكم لنا .
