رواية قلوب حائرة الفصل السادس والثلاثون
لياتى من خلفها ويقول \ هيام انتى بتعملى ايه
لتلتفت اليه لتنظر له فقالت \ خالد
لتنهض الفتاه وتركض اليه وتحتضن قدماه \ بابا .......
هيام\ بابا ....هي ديه بنتك
خالد \ ايوه هيام بنتي
هيام \ انت سمتها هيام
خالد ابتسم \ ايوه علشان تفكرنى بيكى
هيام توترت وقالت بصوت مهزوز \ ربنا يخليهالك
خالد نظر لابنته \ حبيبتى روحي اقعدي فى المكتب علشان هكلم طنط شويه
ابتسم الفتاه وقالت \ حاضر يابابا
رحلت الصغيره بعيده عنهم
هيام \ عايز تكلمنى فى ايه
خالد \ هيام انا عارف انك بتحبيني
هيام بتنهيده \تانى ياخالد ارجوك كفايه
خالد \ لا ياهيام مش كفايه لان انا وانتى معشناش حياتنا
هيام \ ليه انت اتجوزت وخلفت
خالد بسخريه \ انتى ليه متصوره اني حبيت واحده واتجوزتها
هيام \ مش ديه الحقيقه
خالد هز راسه بنفى \ لا ياهيام انا مريت بظروف صعبه اتبهدلت علشان اعرف اقف على رجلي وهى وقفت جمبي لكن اقسملك انى عمري محبيت غيرك
هيام بدموع \انا تعبت بجد انت ليه رجعت انا كنت بحاول انسي
خالد بحزن\ هيام انا محتاجك جمبي وبنتى محتاجه لام وعمري فى حياتى مهلاقى زيك ارجوكي بلاش نضيع عمرنا على شيء ممكن نرجع نندم عليه انا بحبك بجد ونفسي تكوني مراتى وام لبنتى انا هسيبك تفكري
رحل خالد من امامها لتستند هي على اقرب حائط واغمضت عيناها بحزن
.........
نور \ عامله ايه
ولاء امسكت يدها \ طول ما انتى كويسه انا هبقى كويسه
نور بنظرات شك \ ايه حكاية سي حازم الى مروحه معاه جديده ديه
ولاء بتوتر \ انتى عرفتى ازاى
نور \ رامز قالى انك روحتى معاه
ولاء \ يابنتى انا امبارح حصل فيلم هندي انما ايه حاجه عجب
نور \ ليه حصل ايه
ولاء بسخريه \ عماد قال ايه كان خاطفنى بس مقولكيش الافلام الاجنبى نفعت معايا
نور اعتدلت ونظرت لها بقلق \ خطفك
ولاء \ متقلقيش انا قدامك اهو
نور بعصبيه \ايه الى حصل
ولاء بقلق \ نور براحه طيب متتعصبيش انا هحكيلك
نور بضيق \ احكي
ولاء \ خدرنى ورمانى فى العربييه وفى الطريق فوقت روحت ايه بقا لفيت الحبل على رقبته وخليته يوقف العربيه وحازم وماذن كانو ورانا مش عارفه شافونى امتى ومقولكيش عماد اكل حتة علقه انما ايه وقبضو عليه وانتهينا منه
نور \ يعنى رامز كذب عليا وقالي انك كويسه
ولاء ابتسمت \ لانه بيحبك ومش عايز يضايقك
نور حاولت تغير الموضوع \ لا بس انتى جبتى الجراءه ديه منين ده انتى كنتى بتغرقى فى شبر مايه
ولاء \ ماشي يانور بتغيري الموضوع
نور بحب \ انا عارفه انه بيحبنى ....واحتمال اكون بحبه
ولاء لوت بوذها \تصدقى انتى مفتريه
نور بسرحان \ رامز شخص غريب يجبرك انك تحبيه بخفة دمة وصراحته و...
ولاء قطعتها \ وتقولى احتمال ده انتى واقعه لشوشتك
نور \ بس بردو مقولتيش ايه حكايتك مع حازم
ولاء بابتسامه \ بيحبنى وعايز يتجوزني
نور \ يا سلام ونسيتى الى عامله فيكى
ولاء \ لو شفتى حازم كان قلقان ازاى عليا لا وقال لماذن انه بيحبنى
نور \ ربنا يهديه
دخلت سميره والده رامز \ ازيك عامله ايه
نور \ حضرتك والدة رامز
سميره بابتسامه \ ايوه انا كنت جايه اشكرك رامز قالى انك انتى الى طلبتى منه كده
نور \ انا فعلا طلبت ده بس رامز محدش يقدر يجبره على حاجه
سميره \ بس كفايه انك فكرتيه بيا ....وعلى فكره هو بيحبك قوي صدقينى رامز طيب جدا ولما يحب بيحب بجد
ولاء ضاحكه \ متقلقيش ياطنط هو العالم كله عارف انه بيحبها حتى هى نفسها مش كده يانور
نور بضيق \ اطلعى بره ياولاء انتى بتتكلمى من غير متشوفى انتى بتقولى ايه
سميره ضاحكه \ لا بالعكس ديه عسوله خالص
ولاء بابتسامه \ والله انتى الى زي العسل
سميره \ انا لو كان عندي ولد تانى كنت جوزتهولك
حازم دلف هو ورامز
ولاء بمكر \ شوفت يا رامز مامتك عايزه تجوزنى لاخوك
رامز \ طيب خير وبركه
حازم بغيظ \ لا والله تتجوزي مين هو انا مش مالى عينك
ولاء \ لا انت عصبى انا عايزه واحد فرفوش
حازم \ تصدقى انتى زي القطط بتاكل وتنكر هو انا مش لسه قايلك بحبك هى شغلانه
نور نظرة له \ لا والله هو ده بيحصل كده عينى عينك مش محترمنى
رامز كتم ضحكته \ والانيل انى مليش اخوات صبيان اصلا
حازم نظر لها باستغراب \ ايه ده صحيح انت ملكش اخوات غير هند
حازم وجه نظره لها وقال بضيق \ بقى بتلعبى عليا انا يازقرده ماشي انا هردهالك
ولاء \ كده يارامز كشفت السر طيب مش هقولك نور قالت عليك ايه من شويه
نور بخجل \ولاء قسما بالله لو قولتى هزعل
رمز بثقه \ مش محتاج اعرف
نور \ ليه ان شاء الله
رامز غامز لها \ لان عنيكي فضحاكي
نور ابعدت عينيها عنه وقالت بخجل \ بس بقى يارامز
دلف عبد اللطيف وحسن
عبد اللطيف \ صوتكم عالى كده ليه
حسن اقترب من نور وقبل راسها \ ها يا حبيبتى عامله ايه النهارده
نور \ انا بخير الحمد الله
ولاء \ متعرفوش هتخرج امتى
حسن بابتسامه \سالت الدكتور وقالى انها بقت كويسه وكتبلها على خروج
رامز \ هتخرج النهارده
حسن \ان شاء الله
عبد اللطيف \هنعمل حفله كبيره علشان نعرف الناس عليكم
نور بتفكير \ بس فى مشوار عايزه اعمله الاول
ولاء نظرت لنور\متقوليش انك عايزه تروحى اسكندريه
نور \ لازم اروح واعرفه اننا مش محتاجينه واخليه يبعد عنا
حسن \ تقصدي خالك
نور هزت راسها بايجاب \ ايوه يابابا
رامز \انا مع نور فى الى بتقوله بس لازم نكون معاكي
ولاء \لانه ممكن يمد ايده علينا
حسن بضيق \ هو بيضربكم
نور بحزن \ هو مبيعرفش يعمل حاجه غير كده
حسن بغضب \ يبقى نروح لان ليا كلام معاه
................
خرجت نور من المستشفى مع حسن وولاء وحازم ورامز وتوجهو الى الاسكندريه كان القلق بادي على وجه نور وولاء
..............
كان جالس على الاريكه ممسك بهاتفه ولمحها قادمه اليه فترك الهاتف \ خير فى ايه
رحاب \ايه يا ايهاب انت صدقت ولا ايه اوعى تكون زعلت منى بجد
ايهاب نهض واقترب منها \ لو زعلت هتصلحينى
رحاب بضيق \تزعل ليه ديه كانت تمثليه واحنا كنا متفقين
ايها بصلها \ لو زعلت هتعملى ايه
رحاب بخجل \ هصلحك لاني مش عايزاك تزعل منى بس...
قطعها ايهاب وقال بابتسامه \ ده الى انا عايز اسمعه .....المهم قوليلى عمو عمل ايه لما مشيت
رحاب \بص ياسيدي بابا وعدني انه هيتغير
ايهاب ارتمي على الاريكه \ يعنى الخطه نجحت
رحاب \بجد انت عبقري خطتك اقنعت بابا بس بردو زعلانه منك علشان بتقول عليا مريضه
ايهاب ضاحكا \هو ده الى اقنعه بس المهم انا عملتلك الى اتفقنا عليه دلوقتى ندخل فى الى بعده
رحاب \تقصد عمتو
ايهاب \ ايه ممكن يخلى ماما توافق على دكتور خالد
رحاب \ ايه رايك نعزمه على الغدي
ايهاب \ ممكن بس بردو مش كافي لازم نعمل حاجه تقنع ماما
رحاب بتفكير \ انا شايفه انك تاخد اخواتك وتكلموها وتقنعوها
ايهاب \ بس محمد لسه مرجعش من السفر
رحاب \ يبقى بابا هو الى يقنعها اخوها وعارف ازاى ياثر عليها
ايهاب \ طيب خلاص هعرف عمو
رحاب \ طيب
رحاب كادت تبتعد ولكن اوقفها \رحاب انتى بتحبينى
رحاب التفتت له وقالت له بخجل \ايوه
لتركض من امامه ليضحك \ اقسم بالله طفله
................
وقفت هى واختها امام المنزل والقلق والخوف مسيطر عليهم ولكن هناك يد وضعت على كتفها فالتفتت لتلمح والدها فاطمئنت
ولاء دقت على الباب باصابع مرتعشه
لياتي الصوت \ حاضر جايه يلى بتخبط
فتحيه فتحت الباب لتشهق \ نور ولاء انتو ايه الى رجعكم
التفتت خلفها بخوف \ امشو بسرعه لو شافكم هيموتكم
نور قالت \ متقلقيش
فتحيه \اسمعو الكلام لو شافكم مش بعيد يمد ايده عليكم
ولاء \متقلقيش احنا عارفين بنعمل ايه
دلفت نور وولاء ليتطلعو بالبيت ويتذكرو والدتهم فتنهدت ولاء \ هو فين
سليمان خرج\ انتو ايه الى رجعكم
نور \ جاين نقولك ابعد عنا وانسانا زي بالظبط منسناك
سليمان بحده \ انتو فاكرين انى هرحمكم بقى بتهربو منى يا ولاد ......
ولاء بصوت عالى \ لما تكلمنا تتكلم باحترام احنا خلاص مبقناش نخاف منك
سليمان بسخريه \ مش معقول بقالك صوت يطلع ويعلى بس متقلقيش هربيكى من جديد
نور بضيق \انت انسان مريض بتحب تتحكم فى كل الى حواليك
سليمان بغضب \ انا بحب احافظ على شرفى واربيكم علشان متعملوش زي امكم
نور بصراخ \ امى اشرف منك واياك تجيب سيريتها على لسانك القذر ده
ليصرخ بحده \ نور صوتك ميعلاش ولا تكوني وحشك ضربي
ليدلف هو ورامز وحازم وقال بصوت عالى \ انت ازاى تتكلم معاهم كده
سليمان \ انتو مين
رامز \انت ازاى كده دول ولاد اختك
ولاء \ايه سكت ليه
نور باستهزاء \خاف علشان جبان ماهو مفيش راجل يمد ايده على بنت الا لو جبان
سليمان اشتعل غضبا فاقترب من نور وقال بصوت عالى \ لمى لسانك علشان ممدش ايدي عليكى قدام اغراب
حسن \ انت ازاى كده بجد تعاملهم بالاسلوب ده وانت المفروض انك خالهم
نور \ مريض زي ابنه ماهو طبيعى لما ابن يشوف ابوه بيعاملنا كده هيعمل زيه هيبقى عايز يتحكم فينا بس خلاص ابنك راح ابنك اتقبض عليه
اقترب منها ورفع يده ليصفعها ولكنه امسك يده \ معاش ولا كان الى يمد ايده على بنت من بناتى .........
يتبع...
جاري كتابه الفصل الجديد من الروايه حصريه لعالم سيكرهوم اترك تعليق ليصلك البارت فور نزوله او حاول زيارتنا الليله
شكرا لزيارتكم لنا .
