رواية قلوب حائرة الفصل التاسع والثلاثون
حسن \ معنديش بنات للجواز ...............
رامز بصدمه \ ليه ايه الى حصل
حسن \ انا مش عايزهم يبعدو عني ابدا انا مصدقت لقتهم
ولاء احتضنت حسن \ وانا مستحيل ابعد عنك يابابا
نور \ هنبقى معاك دايما
حسن \ قولولى انتم موافقين عليهم
نور نظرت لرامز بابتسامه \ ايوه يابابا انا موافقه ..........
حسن ابتسم ووجه نظره لولاء \ وانتى رايك ايه
ولاء بابتسامة خجل\ الى تشوفه يابابا
حسن \ طيب انا موافق بس بشرط بناتى ميبعدوش عنى يعني رامز كمان هيعيش معانا فى الببيت
رامز \ لا طبعا مينفعش
حسن \ انا مش مستعد ابعدهم عني
رامز \ ياعمو انا مش همنعها عنك
حسن \ انا عايزها تفضل قدام عنيا زي ولاء ورحاب الاثنين هيتجوزو فى البيت
رامز \ ياعمو افهمني حازم وايهاب ولاد عمامهم انما انا لا
حسن \ يابنى انت زي حازم وايهاب بالنسبه لينا
رامز بتفكير \ بس خايف عبد اللطيف بيه ميوفقش
حسن ضاحكا \ يابنى ده زي جدك المفروض تقوله ياجدو
رامز \ انا مش عارف
نور نظرت له \ رامز وافق اننا نتجوز فى البيت مع بابا وكمان ساعتها هتشوف اختك علطول
رامز بتنهيده \ ماشي انا موافق
حسن احتضن بناته وقال \ وانا كمان موافق تتجوزو
حازم بسعاده \ يلا بينا نكتب الكتاب
حسن بسخريه \ هو انت يابنى دايما مستعجل
حازم \ بنتك السبب بخاف لتغير رايها
................
هند \ انا مبسوطه اوي ياماذن
ماذن \ يارب ديما تكوني مبسوطه
هند \ انا عندي ليك مفجاءه
ماذن \ مفجاءة ايه
هند بابتسامه \ مش دلوقتى لما نروح
ماذن \ لا قولى دلوقتى انا عايز اعرف
هند ضاحكه \ لما نروح هقولك
ماذن \ هزعل منك لو مقولتيش
هند ابتسمت \ وانا ميردينيش زعلك
ماذن بفضول \ قولى بقى يلا
اقتربت منه وهمست له قائله \ انا حامل
ماذن نظر لها بعدم تصديق \ انتى بتتكلمى جد
هند ضحكت على رد فعله \ النهارده اتاكدت من ده
ماذن بصوت عالى نسبيا \ يعنى انا هبقى اب
هند وضعت يدها على فمه \ وطي صوتك
قال بهدوء عكس الى بداخله \احلى خبر واحلى مفجاءه من احلى زوجه
......
ايهاب \ على فكره انا كلمت باباكي علشان نكتب الكتاب علطول
رحاب \ بسرعه كده
ايهاب \ اوعى تقولى انك رجعتى فى كلامك
رحاب بتوتر \ لا بس اتخضيت انا كنت فاكره هنتخطب الاول
ايهاب اقترب منها \ الخطوبه ديه لو انا معرفكيش
رحاب \ انت فجاتني الصراحه
ايهاب همس لها \ لسه فى مفجاءات كتير هتحصل
رحاب \ مفجاءات ايه تانى
ايهاب \ النهارده خطوبه وبكره انا وانتى هننزل نجيب فستان الفرح والبدله وبعد بكره هنكتب كتابنا وهنتجوز..وجدو هيجهز البيت للحفله الكبيره ده غير انى قررت اشتغل مع جدو لانك هتبقى مسئوله منى بعد كده
ابتسمت بخجل \ انت مستعجل كده ليه
ايهاب بحب \ انا من زمان وانا بحبك كنت بس مستني لما اتاكد من حبك ليا ودلوقتى انا عارف انك بتحبينى يبقى خلاص مش هتبعدي عني تانى
.........
حازم \ انا بردو عايز افهم هو ليه موفقش على كتب الكتاب
ولاء \ لسه مش جاهزين هو انت عايزنا نحضر كتب الكتاب كده
رامز \ هو مشي علطول من غير ميقول حاجه ليه محددناش حتى الجواز امتى ولا الخطوبه ....هو اساسا راح فين
نور اشارت عليه وقالت \ هناك اهو بس ايه ده هو بيعمل ايه
.............حسن التقط المايك وقال \ طبعا احنا مبسوطين بوجودكم معانا النهارده كتب كتاب اختى وامي وكل حاجه بالنسبالى ومش لوحدي هي بالنسبالنا كلنا ومش بس كده انا عايز اعرفكم على بناتى الى اخيرا بقو فى حضنى
صفقو الجميع فقال \ نور ولاء تعالو هنا
نور نظرت لولاء بابتسامه وامسكت يدها وذهبو لوالدهم
نوراحتضنته \ انا بحبك اوي يابابا
ولاء بين دموعها \ وانا كمان بحبك اوي
حسن بابتسامه قال \ دول بناتى الاثنين اخوات رحاب وماذن
ماذن بابتسامه بصوت عالى \ احلى اخوات
هيام نهضت واقتربت منهم \ واخيرا بقو وسطنا والعيله اكتملت بوجودهم
حسن \ وعايز اعلن اعلان تانى النهارده خطوبة بناتى الثلاثه على حازم ورامز و ايهاب وبتمنالهم من كل قلبى انهم يفضلو سعداء للابد
حازم \ هو ايه الى بيحصل ده
رامز ضاحكا \ ده بجد انا مش مصدق
ايهاب اقترب منهم ومد يده بعلبتين قطيفه \ ايه رايكم فى المفجاءه
حازم بعدم تصديق \ اوعى تقولى ان ديه الدبل
ايهاب \ افتح وشوف بنفسك
حازم امسك بعلبته وفتحها ليلمح دبلتين فذهب الى حسن وقال \ بس انا مش عايز خطوبه انا عايز اتجوزهاا
حسن \ متستعجلش على رزقك فرحكم كمان يومين مع رحاب وايهاب
ولاء بسعاده \ يعنى هتدبس هتدبس
حازم اقترب منها وقال بحب \ وانا عايز اتدبس لانها هتبقى احلى تدبيسه
رامز اقترب من نور وفتح العلبه والتقط الدبله وامسك يدها ووضعها باصبعها \ انا بحبك يانور وبتمنى انى اقدر اعوضك عن كل الى مريتى بيه
نور وهى تنظر لتلك الدبله المحاوطه اصبعها وقالت بسعاده \ وانا كمان بحبك يا رامز
رامز بفرحه \ واخيرا ابو الهول نطق انا مش مصدق انى سمعتها اخيرا
هيام بسعاده \ انا مبسوطه جدا علشانكم
حازم احتضنها \ ربنا يخليكى لينا
خالد اقترب وقال \ يلا ياهيام
هيام ابتعدت عن حازم \ يلا على فين
خالد \ علشان نحضر لشهر العسل بس ايه هفجائك
هيام \ شهر انت عايزنى ابعد عنهم شهر
عبد اللطيف \ شهر عسل ايه ..انت فاكر انك هتاخدها منا
خالد \ اكيد مش اتجوزنا
عبد اللطيف \ لا ياحبيبي ده كتب كتاب بس هيام محتاجه تجهز نفسها
خالد \ لا بقى كده كتير انا مصدقت اتجوزها
ايهاب \ ايوه جدو عنده حق احنا فرحنا كمان يومين عايز تقولى ان ماما مش هتحضر فرحي
خالد \ طيب موافق مش هنسافر لكن هيام تفضل معايا انا جوزها
حازم \ معلش يادوك احنا عايزين امنا معانا يعنى مين هينقيلى البدله بتاعتى
خالد ابتسم \ ولاد اخوكي بيحبوكي اوي
اقترب محمد \ طبعا بنحبها ديه امنا الى ملناش غيرها هي بالنسبالنا كل حاجه واياك تفكر تبعدها عنا
عبد اللطيف بامر \ انتهي النقاش خالد تقدر تيجي تشوفها فاي وقت لكن بنتى مش هسلمهالك الا لما حازم وايهاب يتجوزو لانهم دلوقتى محتجينها اكثر بكثير
ايهاب بسعاده \ الله عليك ياجدو
اقتربت منه هيام وقالت بابتسامه \ اوعى تكون زعلان منهم
خالد \ بالعكس انا اكتشفت انى كنت غلطان وانك انتى صح
هيام بعدم فهم \ تقصد ايه
خالد امسك يدها \ ضحيتى بحبنا علشانهم وانا كنت فاكر انهم هينسو ده او هيعاملوكي على انك عمتهم لكن الى شوفته انهم شايفينك ام انتى بالنسبالهم كل حاجه بجد انا حبيتك اكثر بكثير من الاول وانا كان عندي حق ان عمري مهلاقى زيك ابدا انا بجد بحبك ياهيام وبحب حبهم ليكى ومش غيران بالعكس انا فخور بيكي انك قدرتى تكبريهم وتربيهم لوحدك وقدرتى ونجحتى فى ده
هيام دمعت عيناها \ايه الكلام الكبير ده انا معملتش غير الى كان المفروض اعمله هما ولاد اخويا ويتامي كان لازم اكون امهم وابوهم وهما ادونى كتير كفايه كلمة ماما الى بسمعها منهم يمكن مش ولادي بس هما حتة من قلبى
خالد \ انا موافق انك تبقى معاهم بس يوم الفرح انتى ليا وهنسافر شهر عسل وهعوضك عن كل حاجه
هيام ابتسمت \ وانا موافقه
...............................................
حسن اقترب من شيماء \ ايه واقفه كده ليه
شيماء \لا ابدا بس مبسوطه كلنا اتجمعنا من تانى والكل بقي فرحان
حسن امسك يدها \ وانتى ياشيماء فرحانه
شيماء \ اكيد فرحانه على فرحكم
حسن هز راسه \لا ياشيماء انا عايزك تبقى فرحانه وتنسي كل حاجه
شيماء ابعدت نظرها عنه \ الحمد الله على كل شيء
حسن بتنهيده \ انا اسف على كل حاجه بجد مكنش قصدي اجرحك انا كنت هموت علشان ولادي ولما رجعو ارتحت وحسيت انى اتصرفت معاكي تصرف وحش
شيماء \ انت مقولتش حاجه غلط هى كانت مراتك وكنت بتحبها وعمرك مهتحب غيرها ديه حقيقه انت قولتها انت مكذبتش
حسن بضيق \ انا فعلا بحبها لكن بحبك انتى كمان انتى مراتى وام ولادي
شيماء بدموع \ بلاش تكذب انت عمرك محبتني وانت عندك حق انت اتجوزت غصب انت ملكش ذنب الذنب كان ذنب ابويا بس خلاص مفيش وقت نندم فيه بقى عندنا ولاد ولما رحاب تتجوز انا مش هعيش هنا تانى انا كنت عايشه علشان الولاد لكن هما كبرو وفاهمين ان جوازنا ده كان اكبر غلطه
انتهت الحفله وعاد الجميع الى المنزل
...........................................
هيام \ انت لازم تعمل حاجه متسيبهاش تمشي
حسن بضيق \ اتصرف ازاى دلوقتى انا قولتلها انى بحبها وهى مش مصدقه
هيام \ لانها عارفه انك عمرك محبيت غير شاديه وانت قولتلها الكلام ده اكثر من مره
حسن \ عارف انى بحب شاديه وعمر مالحب ده هيقل حتى بعد وفاتها بس فى نفس الوقت شيماء انا بحترمها ومش عايز الولاد يكرهوني
هيام \ يبقى حاول تحبها شيماء استحملت كتير وانت قسيت عليها كتير
حسن \ طيب ممكن تقوليلى على حل
هيام \ بص هقولك شيماء طيبه وكمان بتحبك يعنى لو حاولت تفجاها او تعمل اي حاجه تحسسها انك مهتم بيها وانك عايزها معاك صدقنى ساعتها هتغير رايها
يتبع.....
جاري كتابه الفصل الجديد من الروايه حصريه لعالم سيكرهوم اترك تعليق ليصلك البارت فور نزوله او حاول زيارتنا الليله
شكرا لزيارتكم لنا .
