 |
رواية عشق المراد الفصل الثالث بقلم ملك عبد المنعم#عشق_المراد #بقلم_ملك_عبدالمنعم بارت 3 عند ملك كانت صاحية طول الليل عماله تعيط و تفكر فى حياتها و لو فعلا اجوزت مراد زى ما باباها عايز هتبقى عايشه معاه ازاى و ازاى اصلا هتقدر تعيش معاه قطع عياطها خبيط على الباب ملك/ ادخل عبد الرحمن/ ممكن اكلم معاكى شويه ملك/ اتفضل يا بابا عبد الرحمن دخل و قعد جنبها عبد الرحمن/ انا عارف انك مش عايزه تجوزى مراد بس لو بتحبينى اجوزيه عشان ترضى ابوكى ملك/ يعنى ارمى نفسى فى النار عشان حضرتك تبقى راضى عليا عبد الرحمن/ نار نار اى يا ملك انتى هتبقى فى امان هتجوزيه عشان ابقى مطمن عليكى انا مش ضامن عمرى يا ملك ملك انا لازم اعترفلك انا عندى القلب و الدكاترة قالولى حالتك خطيرة و ابتدى يعيط عشان خاطري متخلنيش اتعب اكتر و وافقى عشان خاطري لغاية ما اروح اعمل العملية فى أمريكا و ارجع مصر تانى ملك/ طب و العمليه دى فاضل عليها قد اى عبدالرحمن/ ست اشهر ملك/ نعم عايزنى اعيش مع البنى ادم ده ست اشهر ده انا اموت فيها عبد الرحمن/ يا بنتى أهدى بس و بعدين لو مش عايزه تجوزيه خلاص بس هبقى غضبان عليكى العمر كله ملك/ خلاص يا بابا انا اسفه انا هعمل إلى انت عايزه بس ست اشهر بس عبد الرحمن/ ماشى هاتى حضن بقى ملك راحت حضنت باباها بس من جواها كانت مخنوقه اوى و مضايقه بس مقدمهاش غير كده مر ساعات و جه الوقت إلى المفروض يكتبو فى الكتاب و كتبو الكتاب و ملك كانت فى اوضتها و مش عايزه تكلم حد كان بالنسبه لها بيمضو على تصريح دفنتها 💔 تحت عند عمها و ابوها و مراد عبد الرحمن/ مهمتك دلوقتي يا مراد تاخد ملك و تبعدها عن هنا و عايزك توعدنى انك متسبهاش مهما حصل مراد/ أوعدك يا عمى عبد الرحمن/ و انا واثق من كده انا هطلع اناديها و تخدها و تمشى من هنا مش عايز ملك تفضل هنا تانى مش عايزها ترجع هنا اصلا مراد/ حاضر و عبد الرحمن طلع يناديها عبد الرحمن/ ملك ملك مسحت دموعها/ اى يا بابا عبد الرحمن/ جاهزة ملك / طب خلينا هنا معاك كام يوم عبد الرحمن/ ما عمك عادل هيبقى معايا و هيسافر معايا كمان متقلقيش عليا و خلى بالك من نفسك ملك/ هتوحشنى اوى يا بابا عبد الرحمن/ و انتى كمان هتوحشينى اوى خلى بالك من نفسك ملك / و انت كمان و ملك نزلت تحت و خدت شنطتها و باباها نزل معاها مراد/ يلا 🙂 ملك / ماشى هات الشنطه فى ايدك و مشت و سبته مراد نظر ل عبد الرحمن عبد الرحمن ضحك/ معلش عادل/ روح الحقها احسن تهرب مراد/ حاضر لما نشوف اخرتها و مشى لقاها وقفه قدام العربيه مراد / اركبى و ركبت و هو ركب الناحيه التانيه و فضلوا طول الطريق ساكتين و بعدين وصله قدام فيلا كبيرة و مراد نزل هو و ملك اول ما دخله مراد/اطلعى اوضتك غيرى هدومك و تعالى نكلم مع بعض شويه ملك/مفيش كلام بينى و بينك و خلينا بعيد عن بعض احسن لغاية ما الفترة دى تعدى على خير مراد/مش بحب اقول كلامي مرتين يا اما تيجى بسكات و نكلم بهدوء يا اما والله العظيم هخليكى تندمى على اليوم اللى شوفتينى فيه ملك خافت منه و طلعت غيرت هدومها و نزلت بس كانت لابسة بكم و طويل مراد/قعدى ملك قعدت مراد/مش محتاج طبعا اقولك أن انا مغصوب زيك بالضبط بس انتى دلوقتي مراتى اسمك جنب أسمى و المفروض تحافظى على الاسم ده ملك/ازاى يعنى مراد/يعنى لغاية ما نطلق و لا هتشوفى ادهم و لا تكلميه و مش هتسافرى البلد ملك/كل ده ليه يعنى مراد بزعيق /اللى اقوله يتنفذ و تسمعى كلامى و انتى ساكته انتى هنا عشان تقولى حاضر و نعم و بس و زى ما انتى قولتى خلى الفتره دى تخلص من غير مشاكل بدل ما تخلص و انتى كرهانى ملك/كرهاك انا بكرهك من دلوقتي لا مش من دلوقتي بكرهك من ساعة ما جيت الشركه و لما عرفت أنك أنت ابن عميي قرفت منك اكتر انت ازاى كده بجد انت بتنام على مخده زينا عندك ضمير اصلا انت إلى زيك معندهمش قلب ميعرفوش حاجه من دى اصلا ميعرفوش غير البار و الشرب و البنات مش هو ده إلى بتعمله مراد استغرب من جراتها و أنها واضح عارفه حجات كتير ملك سابته و طلعت اوضتها و مراد خرج بره الفيلا راح يقابل يوسف فى البار زى كل يوم يوسف/ احكيلى يا عم اى إلى حصل فى السفريه مراد/ ده حصل حجات متصدقش يوسف/ حصل اى شوقتنى احكى مراد/ ملك يوسف/ مالها يا عم مراد/ ملك طلعت بنت عمى يوسف / لا ثانيه بس و احكيلى من الاول خالص مراد/******* يوسف/ اى الصدفه دى يعنى البنت الى كانت جايه تشتغل عندك طلعت بنت عمك الى هو اصلا ليه أسهم كتير فى كل الشركات و كمان ابوها يخليك تجوزها مراد/ شوفت الصدفه بس باين عليها مش سهلة حاسس انها عارفه حاجه يوسف/ عارفه اى مراد/ معرفش بس قالت كلام أنى بسكر و بتاع بنات هى عرفت كل ده منين دى اصلا مكنتش تعرف انى ابن عمها و مشتغلتش معايا غير يوم واحد يوسف/ ما يمكن تكون سمعت حد من الموظفين مراد/ يمكن بس قفل على الموضوع مش ناقصه هى يوسف ضحك/ حاضر و فضلو يسكرو و مراد روح الفيلا و طلع اوضة ملك بص عليها لقاها نايمه راح نام على الكنبه فى الصباح ملك صحت بدرى عشان كليتها اول ما صحت شفتها نايم على الكنبه راحت نحيته و فضلت تصحى فيه لغاية ما صحى ملك / انت بتعمل ايه هنا مراد/ انتى شايفه اى ملك/شايفه انك واحد قليل الادب انت اصلا ازاى تدخل الاوضه و انا نايمه مراد قام وقف قصادها مراد/ انتى ناسيه انك مراتى و لا اى ملك/على الورق و بس لاكن لغايه ما الفتره دى تعدى انت فى اوضه و انا فى اوضه مراد/و لو قولت لا ملك/ والله انا مش باخد رايك انا بقول إلى هيحصل مراد/طيب بصى انا هنام هنا و انتى كمان هتنامى هنا و لسانك ده تلميه شويه و صوتك ميعلاش عليا تانى مش عشان سكتلك مره هسكتلك على طول انتى لسه مشوفتيش اذيتى بلاش اخليكى تشوفيها ملك/انت قولت اللى عندك و انا قولت إلى عندى و مش انت إلى هتعلمنى اكلم ازاى و انا و انت مش هنام فى اوضة واحده و انا حرة نفسى انت مش هتقولى اعمل اى و معملش اى مراد مسكها من دراعها / قولتلك صوتك ميعلاش و كلامى يتنفذ مش عايزك تشوفى اذيتى ملك بوجع/اوعى ايدك مراد سابها/خلصى و البسى عشان اوصلك الكلية ملك/لا انا هروح لوحدى مراد /حياتك زمان غير حياتك دلوقتي و انا مش بقول كلامى مرتين و سابها و راح اوضة تانيه يلبس و ملك ملقتش قدامها غير أنها تسمع كلامه و خدت شاور و لبست و بعدين نزلت ملك/ انا جاهزة مراد/ شاطره طلعتى بتسمعى الكلام ملك مردتش عليه و هو طلع و هى طلعت وراه و ركبو العربية ملك تليفونها رن ملك شافت الاسم اتوترت بس حاولت متبينش حاجه و مردتش و التليفون رن تانى و ملك مكنتش بترد مراد/ما تردى ملك/ لا ده رقم معرفوش مراد/ ردى يمكن حد تعرفيه ملك/لا مش مهم مراد سكت بس كان شاكك أن فى حاجة و بعد شويه وصلو عند الكليه مراد / هتخلصى محضراتك امتى ملك / لسه مش عارفه الجدول لما ادخل هبقى اشوفه مراد/ لما تخلصى تكلمينى ابعتلك السواق يوصلك البيت ملك/ لا انا عايزه ارجع الشغل مراد/ مينفعش ملك/ و ده ليه بقى مراد/ عشان مينفعش و خلاص انتى تسمعى الكلام هبعتلك السواق هيوصلك الفيلا و نبقى نشوف موضوع الشغل ده بعدين ملك نزلت من العربيه و دخلت الكلية نور اول ما شافت ملك جريت عليها و حضنه بعض نور/وحشتينى اوى ملك / و انتى كمان والله قوليلى بقى الكليه عامله اى و أخبار المحاضرات اى نور/ الحمدلله كل حاجه كويسه انتى مختفية فين بقالك يومين و برن عليكى مش بتردى ملك/اليومين دول حصل فيهم حواديت و لا حواديت الف ليلة و ليلة نور ضحكت/حصل اى ملك/لا دى عايزة قاعده و احنا دلوقتي عندنا محاضرة بعد المحاضرة نقعد انا و انتى فى الكافيتريا و احكيلك كل حاجه نور /ماشى يلا عشان نلحق المحاضرة ملك/يلا كااااات نكمل البارت الجاى ♥️ #عشق_المراد #بقلم_ملك_عبدالمنعم |
