رواية نبضات قلب الفصل الثالث 3 بقلم مادونا عماد
البارت الثاني من رواية نبضات قلب ❤
انجي بعصبية
= هتقولها ولا اقولك انا تمام هقول انا بصي يا حياة ابوكي اتنصب علية في المانيا وهو دلوقتي فلس والمطاعم اللي هناك اتقفلت وحتي المطعم اللي هنا كان مقفول فترة طويلة ولسة هيبدأ من جديد واتا بصراحة مش هستحمل العيشة الفقر دي وطلعت علي غرفتها وبعدها طلعت ماسة هي أيضا غرفتها بهدوء
حياة وهي بتواسي سليم
= كل حاجة هتتحل متقلقش يا بابا
سليم حضنها وابتسم
= انشاء الله
~~~~~~~~~~~~~~~~~~~~~~~~~~~~~~~
مادمت انت باقي ليذهب كل شي ❤
~~~~~~~~~~~~~~~~~~~~~~~~~~~~~~~
في قصر الشافعي صباحا
الكل يتناول الفطار
جواد وهو بيقف
= الحمدالله انا هروح اقابل صحابي عشان عاملين احتفال بعودتي
سناء بأبتسامة
= ماشي
ميرال تليفونها رن قفلتة بتوتر
= وانا كمان صاحبتي بترن عليا هروح اشوفها
سناء بأبتسامة
= روحي يا حبيبتي
يامن بمرح كعادتة
= وانا ياست الحبايب هروح المعهد وعايز 300 جنة
سناء بحدة
= يا يامن انت بتصرف كتير في اليوم مينفعش كدة
يامن بطفولة
= عشان خاطري ياماما
سناء بقلة حيلة
= خد اهو
يامن وهو خارج
= حبيبتي انتي يا ماما ...
لكن اوقفة وجود جدتة كريمة امامة
= اذيك يا يامن
يامن بمرح وهو بيحضنها
= وحشتيني يا قمر
جدتة كريمة بحب
= يلا يا بكاش رايح المعهد ؟
يامن بحزن مصطنع
= ايوة يا كوكي بس ماما مش راضية تديني فلوس ينفع اروح من غير مايكون معايا فلوس
كريمة بود وحب
= لا يا روحي خد 700 اهو
( يابن الحرامية يعني اخد من امة 300 ومن جدتة 700 يعني 1000 في اليوم 😂🙆♀️ )
سناء من وراهم
= نعممم انت لسة واخد مني يا كداب
يامن بخوف وهو يجري
= انا اتأخرت يلا باي
سناء وهي بتسلم علي حماتها
= اتفضلي يا ماما
كريمة
= انا عرفت من ميرال ان جواد هيجي امبارح بس معرفتش اشوفة فخلصت شغل وجيت اقعد معاكم
سناء
= هو دلوقتي خرج مع صحابة لما يرجع اقعدي معاه براحتك
~~~~~~~~~~~~~~~~~~~~~~~~~~~~~~~
في المعهد
يامن بمرح
= حد عندة حاجة بعد المعهد
جوري
= لا معنديش
باسم صديقهم
= ولا انا
نور بمرح
= ولا انا يبقي نطلع علي شقة الواد ياسر نسهر فيها
يامن بمرح
= اشطا
~~~~~~~~~~~~~~~~~~~~~~~~~~~
في مكان بعيد تجلس ميرال في عربية مع شاب ( علي )
علي بزهق
= اسمعي كلامي بس ماما عايزة تشوفك وهتحبيها
ميرال بحب
= ياحبيبي انا فاهمة بس مش معني اني بقابلك من ورا عائلتي يبقي اجي معاك البيت
علي بخبث
= شكلك مش بتحبيني يا ميرو
ميرال بسرعة
= لا طبعا بحبك اوي
علي بخبث
= طب هاتي بوسه
ميرال وهي بتضربة علي كتفه بخفة
= اتلمممم ويلا وديني مطعم عشان جعانة
علي وهو بيشيل العربية
= يلا ياختي
~~~~~~~~~~~~~~~~~~~~~~~~~~~~~
في منزل مراد
حيث تعلو صوت الاغاني وكل شلة واقفين مع بعض وبيضحكوا
ماسة بسعادة
= بقالنا كتير اوي متجمعناش كدة
ريناد وهي تنظر لمراد بعتاب
= عندك حق
جواد بهزار
= انا رجعت وهتزهقوا من التجمع دا
مراد بضحك
= ايوة يا خويا رجعت بقرفك
ماسة بحماس
= بسسسس يلا نقطع التورتة
بدأو بتقطع التورتة بسعادة ومرح
تليفون جواد رن كتير بس هو مش سامعة من أصوات الاغاني
~~~~~~~~~~~~~~~~~~~~~~~~~~~~~~~
أليس ظلما ان احبك واحترق وانت لا تشعر بي 💔
~~~~~~~~~~~~~~~~~~~~~~~~~~~~~~~
في قصر الشافعي مساء
تجلس سناء وهي تشرب القهوة
وبجانبها كريمة تجلس بقلق
= انا بتصل علي جواد كتير ومش بيرد وميرال اتأخرت وكمان يامن
سناء بهدوء
= متقلقيش يا ماما هي دي حياتنا واكيد جواد مش سامع التليفون من الدوشة حولة وبعدين هو ممكن يبات عند مراد زي زمان اخب كل سهرة كان بيبات عندة وميرال اكيد هتيجي دلوقتي ويامن كمان
ميرال كانت داخلة وسمعتهم
= يووووه هي تيتا جت امتي
اتنفست نفس طويل وبعدين دخلت
سناء
= اهي ميرال جت
كريمة
= اتأخرت لية يا ميرال
ميرال بمرح
= كنت مع صحبتي بس انتي وحشتيني اوي
كريمة بحب
= وانتي كنان يا ميرو
ميرال
= طب انا هطلع انام بقا تصبحوا على خير
سناء بأبتسامة
= وأنتي من أهل الخير
كريمة بتفكير لنفسها
= العيلة دي محتاجة قواعد كريمة الشافعي
~~~~~~~~~~~~~~~~~~~~~~~~~~~~~~
قولولي رأيكم بصراحة وتوقعاتكم للي جاي ❤
لمتابعة باقي الرواية زوروا قناتنا على التليجرام من هنا
